ශ්රීමද්වාල්මීකීය රාමායණේ බාලකාංඩම් ।
අථ චතුර්විංශස්සර්ගඃ ।
තතඃ ප්රභාතේ විමලේ කෘතාහ්නිකමරිංදමෞ ।
විශ්වාමිත්රං පුරස්කෘත්ය නද්යාස්තීරමුපාගතෞ ॥ 1 ॥
තේ ච සර්වේ මහාත්මානෝ මුනයස්සංශ්රිතව්රතාඃ ।
උපස්ථාප්ය ශුභාං නාවං විශ්වාමිත්රමථාබ්රුවන් ॥ 2 ॥
ආරෝහතු භවාන්නාවං රාජපුත්රපුරස්කෘතඃ ।
අරිෂ්ටං ගච්ඡ පංථානං මා භූත්කාලවිපර්යයඃ ॥ 3 ॥
විශ්වාමිත්රස්තථේත්යුක්තවා තානෘෂීනභිපූජ්ය ච ।
තතාර සහිතස්තාභ්යාං සරිතං සාගරංගමාම් ॥ 4 ॥
තතශ්ශුශ්රාව වෛ ශබ්දමතිසංරංභවර්ධිතම් ।
මධ්යමාගම්ය තෝයස්ය සහ රාමඃකනීයසා ॥ 5 ॥
අථ රාමස්සරින්මධ්යේ පප්රච්ඡ මුනිපුංගවම් ।
වාරිණෝ භිද්යමානස්ය කිමයං තුමුලෝ ධ්වනිඃ ॥ 6 ॥
රාඝවස්ය වචශ්ශ්රුත්වා කෞතූහලසමන්විතඃ ।
කථයාමාස ධර්මාත්මා තස්ය ශබ්දස්ය නිශ්චයම් ॥ 7 ॥
කෛලාසපර්වතේ රාම මනසා නිර්මිතං සරඃ ।
බ්රහ්මණා නරශාර්දූල තේනේදං මානසං සරඃ ॥ 8 ॥
තස්මාත්සුස්රාව සරසස්සායෝධ්යාමුපගූහතේ ।
සර ප්රවෘත්තා සරයූඃ පුණ්යා බ්රහ්මසරශ්ච්යුතා ॥ 9 ॥
තස්යායමතුලශ්ශබ්දෝ ජාහ්නවීමභිවර්තතේ ।
වාරිසංක්ෂෝභජෝ රාම ප්රණාමං නියතඃකුරු ॥ 10 ॥
තාභ්යාං තු තාවුභෞ කෘත්වා ප්රණාමමතිධාර්මිකෞ ।
තීරං දක්ෂිණමාසාද්ය ජග්මතුර්ලඝුවික්රමෞ ॥ 11 ॥
ස වනං ඝෝරසංකාශං දෘෂ්ට්වා නෘපවරාත්මජඃ ।
අවිප්රහතමෛක්ෂ්වාකඃ පප්රච්ඡ මුනිපුංගවම් ॥ 12 ॥
අහෝ වනමිදං දුර්ගං ඣිල්ලිකාගණනාදිතම් ।
භෛරවෛශ්ශපදෛඃ පූර්ණං ශකුංතෛර්දාරුණාරුතෛඃ ॥ 13 ॥
නානාප්රකාරෛශ්ශකුනෛ ර්වාශ්යද්භිර්භෛරවස්වනෛඃ ।
සිංහව්යාඝ්රවරාහෛශ්ච වාරණෛශ්චෝපශෝභිතම් ॥ 14 ॥
ධවාශ්වකර්ණකකුභෛර්බිල්වතිංදුකපාටලෛඃ ।
සංකීර්ණං බදරීභිශ්ච කින්න්වේතද්දාරුණං වනම් ॥ 15 ॥
තමුවාච මහාතේජා විශ්වාමිත්රෝ මහාමුනිඃ ।
ශ්රූයතාං වත්ස කාකුත්ස්ථ යස්යෛතද්දාරුණං වනම් ॥ 16 ॥
ඒතෞ ජනපදෞ ස්ඵීතෞ පූර්වමාස්තාං නරෝත්තම ।
මලදාශ්ච කරූශාශ්ච දේවනිර්මාණනිර්මිතෞ ॥ 17 ॥
පුරා වෘත්රවධේ රාම මලේන සමභිප්ලුතම් ।
ක්ෂුධා චෛව සහස්රාක්ෂං බ්රහ්මහත්යා සමාවිශත් ॥ 18 ॥
තමිංද්රං ස්නාපයන් දේවා ඍෂයශ්ච තපෝධනාඃ ।
කලශෛස්ස්නාපයාමාසුර්මලං චාස්ය ප්රමෝචයන් ॥ 19 ॥
ඉහ භූම්යාං මලං දත්වා දත්වා කාරූශමේව ච ।
ශරීරජං මහේංද්රස්ය තතෝ හර්ෂං ප්රපේදිරේ ॥ 20 ॥
නිර්මලෝ නිෂ්කරූශශ්ච ශුචිරිංංද්රෝ යදාභවත් ।
දදෞ දේශස්ය සුප්රීතෝ වරං ප්රභුරනුත්තමම් ॥ 21 ॥
ඉමෞ ජනපදෞ ස්ඵීතෞ ඛ්යාතිං ලෝකේ ගමිෂ්යතඃ ।
මලදාශ්ච කරූශාශ්ච මමාංගමලධාරිණෞ ॥ 22 ॥
සාධු සාධ්විති තං දේවාඃ පාකශාසනමබ්රුවන් ।
දේශස්ය පූජාං තාං දෘෂ්ට්වා කෘතාං ශක්රේණ ධීමතා ॥ 23 ॥
ඒතෞ ජනපදෞ ස්ඵීතෞ දීර්ඝකාලමරිංදම ।
මලදාශ්ච කරූශාශ්ච මුදිතෞ ධනධාන්යතඃ ॥ 24 ॥
කස්යචිත්ත්වථ කාලස්ය යක්ෂී වෛ කාමරූපිණී ।
බලං නාගසහස්රස්ය ධාරයංතී තදා හ්යභූත් ॥ 25 ॥
තාටකා නාම භද්රං තේ භාර්යා සුංදස්ය ධීමතඃ ।
2 මාරීචෝ රාක්ෂසඃ පුත්රෝ යස්යාශ්ශක්රපරාක්රමඃ ॥ 26 ॥
වෘත්තබාහුර්මහාවීර්යෝ විපුලාස්ය තනුර්මහාන් ।
රාක්ෂසෝ භෛරවාකාරෝ නිත්යං ත්රාසයතේ ප්රජාඃ ॥ 27 ॥
ඉමෞ ජනපදෞ නිත්යං විනාශයති රාඝව ।
මලදාංශ්ච කරූශාංශ්ච තාටකා දුෂ්ටචාරිණී ॥ 28 ॥
සේයං පංථානමාවෘත්ය වසත්යධ්යර්ධයෝජනේ ।
අත ඒව න ගංතව්යං තාටකායා වනං යතඃ ॥ 29 ॥
ස්වබාහුබලමාශ්රිත්ය ජහීමාං දුෂ්ටචාරිණීම් ।
මන්නියෝගාදිමං දේශං කුරු නිෂ්කංටකං පුනඃ ॥ 30 ॥
න හි කශ්චිදිමං දේශං ශක්නෝත්යාගංතුමීදෘශම් ।
යක්ෂිණ්යා ඝෝරයා රාම උත්සාදිතමසහ්යයා ॥ 31 ॥
ඒතත්තේ සර්වමාඛ්යාතං යථෛතද්දාරුණං වනම් ।
යක්ෂ්යා චෝත්සාදිතං සර්වමද්යාපි න නිවර්තතේ ॥ 32 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ චතුර්විංශස්සර්ගඃ ॥
