শ্রীমদ্বাল্মীকীয় রামাযণে বালকাংডম্ ।
অথ চত্বারিংশস্সর্গঃ ।
. দেবতানাং বচশ্শ্রুত্বা ভগবান্বৈ পিতামহঃ ।
প্রত্য়ুবাচ সুসংত্রস্তান্কৃতাংতবলমোহিতান্ ॥ 1 ॥
যস্য়েয়ং বসুধা কৃত্স্না বাসুদেবস্য় ধীমতঃ ।
কাপিলং রূপমাস্থায় ধারযত্যনিশং ধরাম্ ॥ 2 ॥
তস্য় কোপাগ্নিনা দগ্ধা ভবিষ্য়ংতি নৃপাত্মজাঃ ।
পৃথিব্য়াশ্চাপি নির্ভেদোঽদৃষ্ট এব সনাতনঃ ॥ 3 ॥
সগরস্য় চ পুত্রাণাং বিনাশোঽদীর্ঘজীবিনাম্ ।
পিতামহবচশ্শ্রুত্বা ত্রযস্ত্রিংশদরিংদম ॥ 4 ॥
দেবাঃ পরমসংহৃষ্টাঃ পুনর্জগ্মুর্যথাগতম্ ।
সগরস্য় চ পুত্রাণাং প্রাদুরাসীন্মহাত্মনাম্ ॥ 5 ॥
পৃথিব্য়াং ভিদ্যমানায়াং নির্ঘাতসমনিস্বনঃ ।
ততো ভিত্বা মহীং সর্বে কৃত্বা চাভিপ্রদক্ষিণম্ ॥ 6 ॥
সহিতা স্সগরাস্সর্বে পিতরং বাক্যমব্রুবন্ ।
0 পরিক্রাংতা মহী সর্বা সত্ত্ববংতশ্চ সূদিতাঃ ॥ 7 ॥
দেবদানবরক্ষাংসি পিশাচোরগকিন্নরাঃ ।
ন চ পশ্য়ামহেঽশ্বং তমশ্বহর্তারমেব চ ॥ 8 ॥
কিং করিষ্য়াম ভদ্রং তে বুদ্ধিরত্র বিচার্যতাম্ ।
তেষাং তদ্বচনং শ্রুত্বা পুত্রাণাং রাজসত্তমঃ ॥ 9 ॥
সমন্য়ুরব্রবীদ্বাক্য়ং সগরো রঘুনংদন ।
ভূয়ঃ খনত ভদ্রং বো নির্ভিদ্য় বসুধাতলম্ ॥ 10 ॥
অশ্বহর্তারমাসাদ্য় কৃতার্থাশ্চ নিবর্তথ ।
পিতুর্বচনমাসাদ্য় সগরস্য় মহাত্মনঃ ॥ 11 ॥
ষষ্টিঃ পুত্রসহস্রাণি রসাতলমভিদ্রবন্ ।
খন্যমানে ততস্তস্মিন্ দদৃশুঃ পর্বতোপমম্ ॥ 12 ॥
দিশাগজং বিরূপাক্ষং ধারয়ংতং মহীতলম্ ।
সপর্বতবনাং কৃত্স্নাং পৃথিবীং রঘুনংদন ॥ 13 ॥
শিরসা ধারয়ামাস বিরূপাক্ষো মহাগজঃ ।
যদা পর্বণি কাকুত্স্থ বিশ্রমার্থং মহাগজঃ ॥ 14 ॥
খেদাচ্চালযতে শীর্ষং ভূমিকংপস্তদাভবেত্ ।
তং তে প্রদক্ষিণং কৃত্বা দিশাপালং মহাগজম্ ॥ 15 ॥
মানয়ংতো হি তে রাম জগ্মুর্ভিত্ত্বা রসাতলম্ ।
ততঃ পূর্বাং দিশং ভিত্ত্বা দক্ষিণাং বিভিদুঃ পুনঃ ॥ 16 ॥
দক্ষিণস্য়ামপি দিশি দদৃশুস্তে মহাগজম্ ।
মহাপদ্মং মহাত্মানং সুমহত্পর্বতোপমম্ ॥ 17 ॥
শিরসা ধারয়ংতং তে বিস্ময়ং জগ্মুরুত্তমম্ ।
ততঃ প্রদক্ষিণং কৃত্বা সগরস্য় মহাত্মনঃ ॥ 18 ॥
ষষ্টিঃ পুত্রসহস্রাণি পশ্চিমাং বিভিদুর্দিশম্ ।
পশ্চিমায়ামপি দিশি মহাংতমচলোপমম্ ॥ 19 ॥
দিশাগজং সৌমনসং দদৃশুস্তে মহাবলাঃ ।
তং তে প্রদক্ষিণং কৃত্বা পৃষ্ট্বা চাপি নিরামযম্ ।
খনংত স্সমুপক্রাংতা দিশং হৈমবতীং ততঃ ॥ 20 ॥
উত্তরস্য়াং রঘুশ্রেষ্ঠ দদৃশুর্হিমপাংডুরম্ ॥ 21 ॥
ভদ্রং ভদ্রেণ বপুষা ধারয়ংতং মহীমিমাম্ ।
সমালভ্য় তত স্সর্বে কৃত্বা চৈনং প্রদক্ষিণম্ ॥ 22 ॥
ষষ্টিঃ পুত্রসহস্রাণি বিভিদুর্বসুধাতলম্ ।
ততঃ প্রাগুত্তরাং গত্বা সাগরাঃ প্রথিতাং দিশম্ ॥ 23 ॥
রোষাদভ্যখনন্ সর্বে পৃথিবীং সগরাত্মজাঃ ।
তে তু সর্বে মহাত্মানো ভীমবেগা মহাবলাঃ ॥ 24 ॥
দদৃশুঃ কপিলং তত্র বাসুদেবং সনাতনম্ ।
হয়ং চ তস্য় দেবস্য় চরংতমবিদূরতঃ ॥ 25 ॥
প্রহর্ষমতুলং প্রাপ্তাস্সর্বে তে রঘুনংদন ।
তে তং হযবরং জ্ঞাত্বা ক্রোধপর্য়াকুলেক্ষণাঃ ॥ 26 ॥
খনিত্রলাংগলধরা নানাবৃক্ষশিলাধরাঃ ।
অভ্যধাবংত সংক্রুদ্ধাস্তিষ্ঠ তিষ্ঠেতি চাব্রুবন্ ॥ 27 ॥
অস্মাকং ত্বং হি তুরগং যজ্ঞীয়ং হৃতবানসি ।
দুর্মেধস্ত্বং হি সংপ্রাপ্তান্ বিদ্ধি নস্সগরাত্মজান্ ॥ 28 ॥
শ্রুত্বা তু বচনং তেষাং কপিলো রঘুনংদন ।
রোষেণ মহতাঽঽবিষ্টো হুংকারমকরোত্তদা ॥ 29 ॥
ততস্তেনাপ্রমেয়েন কপিলেন মহাত্মনা ।
ভস্মরাশীকৃতাস্সর্বে কাকুত্স্থ সগরাত্মজাঃ ॥ 30 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে চত্বারিংশস্সর্গঃ ॥
