ஶ்ரீமத்³வால்மீகீய ராமாயணே பா³லகாண்ட³ம் ।
அத² சத்வாரிம்ஶஸ்ஸர்க:³ ।
. தே³வதானாம் வசஶ்ஶ்ருத்வா ப⁴க³வான்வை பிதாமஹ: ।
ப்ரத்யுவாச ஸுஸந்த்ரஸ்தான்க்ருதாந்தப³லமோஹிதான் ॥ 1 ॥
யஸ்யேயம் வஸுதா⁴ க்ருத்ஸ்னா வாஸுதே³வஸ்ய தீ⁴மத: ।
காபிலம் ரூபமாஸ்தா²ய தா⁴ரயத்யனிஶம் த⁴ராம் ॥ 2 ॥
தஸ்ய கோபாக்³னினா த³க்³தா⁴ ப⁴விஷ்யந்தி ந்ருபாத்மஜா: ।
ப்ருதி²வ்யாஶ்சாபி நிர்பே⁴தோ³த்³ருஷ்ட ஏவ ஸனாதன: ॥ 3 ॥
ஸக³ரஸ்ய ச புத்ராணாம் வினாஶோதீ³ர்கஜ⁴ீவினாம் ।
பிதாமஹவசஶ்ஶ்ருத்வா த்ரயஸ்த்ரிம்ஶத³ரிந்த³ம ॥ 4 ॥
தே³வா: பரமஸம்ஹ்ருஷ்டா: புனர்ஜக்³முர்யதா²க³தம் ।
ஸக³ரஸ்ய ச புத்ராணாம் ப்ராது³ராஸீன்மஹாத்மனாம் ॥ 5 ॥
ப்ருதி²வ்யாம் பி⁴த்³யமானாயாம் நிர்கா⁴தஸமனிஸ்வன: ।
ததோ பி⁴த்வா மஹீம் ஸர்வே க்ருத்வா சாபி⁴ப்ரத³க்ஷிணம் ॥ 6 ॥
ஸஹிதா ஸ்ஸக³ராஸ்ஸர்வே பிதரம் வாக்யமப்³ருவன் ।
௦ பரிக்ராந்தா மஹீ ஸர்வா ஸத்த்வவந்தஶ்ச ஸூதி³தா: ॥ 7 ॥
தே³வதா³னவரக்ஷாம்ஸி பிஶாசோரக³கின்னரா: ।
ந ச பஶ்யாமஹேஶ்வம் தமஶ்வஹர்தாரமேவ ச ॥ 8 ॥
கிம் கரிஷ்யாம ப⁴த்³ரம் தே பு³த்³தி⁴ரத்ர விசார்யதாம் ।
தேஷாம் தத்³வசனம் ஶ்ருத்வா புத்ராணாம் ராஜஸத்தம: ॥ 9 ॥
ஸமன்யுரப்³ரவீத்³வாக்யம் ஸக³ரோ ரகு⁴னந்த³ன ।
பூ⁴ய: க²னத ப⁴த்³ரம் வோ நிர்பி⁴த்³ய வஸுதா⁴தலம் ॥ 1௦ ॥
அஶ்வஹர்தாரமாஸாத்³ய க்ருதார்தா²ஶ்ச நிவர்தத² ।
பிதுர்வசனமாஸாத்³ய ஸக³ரஸ்ய மஹாத்மன: ॥ 11 ॥
ஷஷ்டி: புத்ரஸஹஸ்ராணி ரஸாதலமபி⁴த்³ரவன் ।
க²ன்யமானே ததஸ்தஸ்மின் த³த்³ருஶு: பர்வதோபமம் ॥ 12 ॥
தி³ஶாகஜ³ம் விரூபாக்ஷம் தா⁴ரயந்தம் மஹீதலம் ।
ஸபர்வதவனாம் க்ருத்ஸ்னாம் ப்ருதி²வீம் ரகு⁴னந்த³ன ॥ 13 ॥
ஶிரஸா தா⁴ரயாமாஸ விரூபாக்ஷோ மஹாகஜ³: ।
யதா³ பர்வணி காகுத்ஸ்த² விஶ்ரமார்த²ம் மஹாகஜ³: ॥ 14 ॥
கே²தா³ச்சாலயதே ஶீர்ஷம் பூ⁴மிகம்பஸ்ததா³ப⁴வேத் ।
தம் தே ப்ரத³க்ஷிணம் க்ருத்வா தி³ஶாபாலம் மஹாகஜ³ம் ॥ 15 ॥
மானயந்தோ ஹி தே ராம ஜக்³முர்பி⁴த்த்வா ரஸாதலம் ।
தத: பூர்வாம் தி³ஶம் பி⁴த்த்வா த³க்ஷிணாம் பி³பி⁴து³: புன: ॥ 16 ॥
த³க்ஷிணஸ்யாமபி தி³ஶி த³த்³ருஶுஸ்தே மஹாகஜ³ம் ।
மஹாபத்³மம் மஹாத்மானம் ஸுமஹத்பர்வதோபமம் ॥ 17 ॥
ஶிரஸா தா⁴ரயந்தம் தே விஸ்மயம் ஜக்³முருத்தமம் ।
தத: ப்ரத³க்ஷிணம் க்ருத்வா ஸக³ரஸ்ய மஹாத்மன: ॥ 18 ॥
ஷஷ்டி: புத்ரஸஹஸ்ராணி பஶ்சிமாம் பி³பி⁴து³ர்தி³ஶம் ।
பஶ்சிமாயாமபி தி³ஶி மஹாந்தமசலோபமம் ॥ 19 ॥
தி³ஶாகஜ³ம் ஸௌமனஸம் த³த்³ருஶுஸ்தே மஹாப³லா: ।
தம் தே ப்ரத³க்ஷிணம் க்ருத்வா ப்ருஷ்ட்வா சாபி நிராமயம் ।
க²னந்த ஸ்ஸமுபக்ராந்தா தி³ஶம் ஹைமவதீம் தத: ॥ 2௦ ॥
உத்தரஸ்யாம் ரகு⁴ஶ்ரேஷ்ட² த³த்³ருஶுர்ஹிமபாண்டு³ரம் ॥ 21 ॥
ப⁴த்³ரம் ப⁴த்³ரேண வபுஷா தா⁴ரயந்தம் மஹீமிமாம் ।
ஸமாலப்⁴ய தத ஸ்ஸர்வே க்ருத்வா சைனம் ப்ரத³க்ஷிணம் ॥ 22 ॥
ஷஷ்டி: புத்ரஸஹஸ்ராணி பி³பி⁴து³ர்வஸுதா⁴தலம் ।
தத: ப்ராகு³த்தராம் க³த்வா ஸாக³ரா: ப்ரதி²தாம் தி³ஶம் ॥ 23 ॥
ரோஷாத³ப்⁴யக²னந் ஸர்வே ப்ருதி²வீம் ஸக³ராத்மஜா: ।
தே து ஸர்வே மஹாத்மானோ பீ⁴மவேகா³ மஹாப³லா: ॥ 24 ॥
த³த்³ருஶு: கபிலம் தத்ர வாஸுதே³வம் ஸனாதனம் ।
ஹயம் ச தஸ்ய தே³வஸ்ய சரந்தமவிதூ³ரத: ॥ 25 ॥
ப்ரஹர்ஷமதுலம் ப்ராப்தாஸ்ஸர்வே தே ரகு⁴னந்த³ன ।
தே தம் ஹயவரம் ஜ்ஞாத்வா க்ரோத⁴பர்யாகுலேக்ஷணா: ॥ 26 ॥
க²னித்ரலாங்க³லத⁴ரா நானாவ்ருக்ஷஶிலாத⁴ரா: ।
அப்⁴யதா⁴வந்த ஸங்க்ருத்³தா⁴ஸ்திஷ்ட² திஷ்டே²தி சாப்³ருவன் ॥ 27 ॥
அஸ்மாகம் த்வம் ஹி துரக³ம் யஜ்ஞீயம் ஹ்ருதவானஸி ।
து³ர்மேத⁴ஸ்த்வம் ஹி ஸம்ப்ராப்தான் வித்³தி⁴ நஸ்ஸக³ராத்மஜான் ॥ 28 ॥
ஶ்ருத்வா து வசனம் தேஷாம் கபிலோ ரகு⁴னந்த³ன ।
ரோஷேண மஹதாவிஷ்டோ ஹுங்காரமகரோத்ததா³ ॥ 29 ॥
ததஸ்தேனாப்ரமேயேன கபிலேன மஹாத்மனா ।
ப⁴ஸ்மராஶீக்ருதாஸ்ஸர்வே காகுத்ஸ்த² ஸக³ராத்மஜா: ॥ 3௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ சத்வாரிம்ஶஸ்ஸர்க:³ ॥
