শ্রীমদ্বাল্মীকীয় রামাযণে বালকাংডম্ ।
অথ ষট্পংচাশস্সর্গঃ ।
এবমুক্তো বসিষ্ঠেন বিশ্বামিত্রো মহাবলঃ ।
আগ্নেযমস্ত্রমুত্ক্ষিপ্য় তিষ্ঠ তিষ্ঠেতি চাব্রবীত্ ॥ 1 ॥
ব্রহ্মদংডং সমুত্ক্ষিপ্য় কালদংডমিবাঽপরম্ ।
বসিষ্ঠো ভগবান্ ক্রোধাদিদং বচনমব্রবীত্ ॥ 2 ॥
ক্ষত্রবংধো স্থিতোস্ম্য়েষ যদ্বলং তদ্বিদর্শয় ।
নাশয়াম্যদ্য় তে দর্পং শস্ত্রস্য় তব গাধিজ ॥ 3 ॥
ক্ব চ তে ক্ষত্রিযবলং ক্ব চ ব্রহ্মবলং মহত্ ।
পশ্য় ব্রহ্মবলং দিব্য়ং মম ক্ষত্রিযপাংসন ॥ 4 ॥
তস্য়াস্ত্রং গাধিপুত্রস্য় ঘোরমাগ্নেযমুদ্যতম্ ।
ব্রহ্মদংডেন তচ্ছাংতমগ্নের্বেগ ইবাংভসা ॥ 5 ॥
বারুণং চৈব রৌদ্রং চ ঐংদ্রং পাশুপতং তথা ।
ঐষীকং চাপি চিক্ষেপ কুপিতো গাধিনংদনঃ ॥ 6 ॥
মানবং মোহনং চৈব গাংধর্বং স্বাপনং তথা ।
জৃংভণং মাদনং চৈব সংতাপনবিলাপনে ॥ 7 ॥
শোষণং দারণং চৈব বজ্রমস্ত্রং সুদুর্জযম্ ।
ব্রহ্মপাশং কালপাশং বারুণং পাশমেব চ ॥ 8 ॥
পৈনাকাস্ত্রং চ দয়িতং শুষ্কার্দ্রে অশনী উভে ।
দংডাস্ত্রমথ পৈশাচং ক্রৌংচমস্ত্রং তথৈব চ ॥ 9 ॥
ধর্মচক্রং কালচক্রং বিষ্ণুচক্রং তথৈব চ ।
বাযব্য়ং মথনং চৈব অস্ত্রং হযশিরস্তথা ॥ 10 ॥
শক্তিদ্বয়ং চ চিক্ষেপ কংকালং মুসলং তথা ।
560 বৈদ্য়াধরং মহাস্ত্রং চ কালাস্ত্রমথ দারুণম্ ॥ 11 ॥
ত্রিশূলমস্ত্রং ঘোরং চ কাপালমথ কংকণম্ ।
এতান্যস্ত্রাণি চিক্ষেপ সর্বাণি রঘুনংদন ॥ 12 ॥
বসিষ্ঠে জপতাং শ্রেষ্ঠে তদদ্ভুতমিবাভবত্ ।
তানি সর্বাণি দংডেন গ্রসতে ব্রহ্মণস্সুতঃ ॥ 13 ॥
তেষু শাংতেষু ব্রহ্মাস্ত্রং ক্ষিপ্তবান্ গাধিনংদনঃ ।
তদস্ত্রমুদ্যতং দৃষ্ট্বা দেবাস্সাগ্নিপুরোগমাঃ ॥ 14 ॥
দেবর্ষযশ্চ সংভ্রাংতাগংধর্বাস্সমহোরগাঃ ।
ত্রৈলোক্যমাসীত্সংতপ্তং ব্রহ্মাস্ত্রে সমুদীরিতে ॥ 15 ॥
তদপ্যস্ত্রং মহাঘোরং ব্রহ্মং ব্রাহ্মেণ তেজসা ।
বসিষ্ঠো গ্রসতে সর্বং ব্রহ্মদংডেন রাঘব ॥ 16 ॥
ব্রহ্মাস্ত্রং গ্রসমানস্য় বসিষ্ঠস্য় মহাত্মনঃ ।
ত্রৈলোক্যমোহনং রৌদ্রং রূপমাসীত্সুদারুণম্ ॥ 17 ॥
রোমকূপেষু সর্বেষু বসিষ্ঠস্য় মহাত্মনঃ ।
মরীচ্য় ইব নিষ্পেতুরগ্নের্ধূমাকুলার্চিষঃ ॥ 18 ॥
প্রাজ্বলদ্ব্রহ্মদংডশ্চ বসিষ্ঠস্য় করোদ্যতঃ ।
বিধূম ইব কালাগ্নির্যমদংড ইবাপরঃ ॥ 19 ॥
ততোঽস্তুবন্ মুনিগণা বসিষ্ঠং জপতাং বরম্ ।
অমোঘং তে বলং ব্রহ্মন্ তেজো ধারয় তেজসা ॥ 20 ॥
নিগৃহীতস্ত্বয়া ব্রহ্মন্ বিশ্বামিত্রো মহাতপাঃ ।
প্রসীদ জপতাং শ্রেষ্ঠ লোকাস্সংতু গতব্যথাঃ ॥ 21 ॥
এবমুক্তো মহাতেজাশ্শমং চক্রে মহাতপাঃ ।
বিশ্বামিত্রোঽপি নিকৃতো বিনিশ্বস্য়েদমব্রবীত্ ॥ 22 ॥
ধিগ্বলং ক্ষত্রিযবলং ব্রহ্মতেজো বলং বলম্ ।
একেন ব্রহ্মদংডেন সর্বাস্ত্রাণি হতানি মে ॥ 23 ॥
তদেতত্সমবেক্ষ্য়াহং প্রসন্নেংদ্রিযমানসঃ ।
তপো মহত্সমাস্থাস্য়ে যদ্বৈ ব্রহ্মত্বকারণম্ ॥ 24 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে ষট্পংচাশস্সর্গঃ ॥
