শ্রীমদ্বাল্মীকীয় রামাযণে অয়োধ্য়াকাংডম্ ।
অথ দ্বাধিকশততমস্সর্গঃ ।
তাং শ্রুত্বা করুণাং বাচং পিতুর্মরণসংহিতাম্ ।
রাঘবো ভরতে নোক্তাং বভূব গতচেতনঃ ॥ 1 ॥
তং তু বজ্রমিবোত্সৃষ্টমাহবে দানবারিণা বাগ্বজ্রংভরতে নোক্ত মমনোজ্ঞং পরংতপঃ ॥ 2 ॥
প্রগৃহ্য় রামো বাহূ বৈপুষ্পিতাগ্রো যথা দ্রুমঃ ।
বনে পরশুনা কৃত্তস্তথা ভুবি পপাত হ ॥ 3 ॥
তথা হি পতিতং রামং জগত্য়াং জগতীপতিম্ ।
কূলঘাতপরিশ্রাংতং প্রসুপ্তমিব কুংজরম্ ॥ 4 ॥
ভ্রাতরস্তে মহেষ্বাসং সর্বতশ্শোককর্শিতম্ ।
রুদংতস্সহ বৈদেহ্য়া সিষিচুস্সলিলেন বৈ ॥ 5 ॥
স তু সংজ্ঞাং পুনর্লব্ধ্বা নেত্রাভ্য়ামস্রমুত্সৃজন্ ।
উপাক্রামত কাকুত্স্থ কৃপণং বহু ভাষিতুম্ ॥ 6 ॥
স রামস্স্বর্গতং শ্রুত্বা পিতরং পৃথিবীপতিম্ ।
উবাচ ভরতং বাক্য়ং ধর্মাত্মা ধর্মসংহিতম্ ॥ 7 ॥
কিং করিষ্য়াম্যয়োধ্য়ায়াং তাতে দিষ্টাং গতিং গতে ।
কস্তাং রাজবরাধ্দীনাময়োধ্য়াং পালয়িষ্যতি ॥ 8 ॥
কিং নু তস্য় ময়া কার্য়ং দুর্জাতেন মহাত্মনঃ ।
যো মৃতো মম শোকেন ময়া চাপি ন সংস্কৃতঃ ॥ 9 ॥
অহো ভরত সিদ্ধার্থো যেন রাজা ত্বয়াঽনঘ ।
শত্রুঘ্নেন চ সর্বেষু প্রেতকৃত্য়েষু সত্কৃতঃ ॥ 10 ॥
নিষ্প্রধানামনেকাগ্রাং নরেংদ্রেণ বিনাকৃতাম্ ।
নিবৃত্তবনবাসোঽপি নায়োধ্য়াং গংতু মুত্সহে ॥ 11 ॥
সমাপ্তবনবাসং মাময়োধ্য়ায়াং পরংতপ ।
কোঽনু শাসিষ্যতি পুনস্তাতে লোকাংতরং গতে ॥ 12 ॥
পুরা প্রেক্ষ্য় সুবৃত্তং মাং পিতা যান্য়াহ সাংত্বযন্ ।
বাক্য়ানি তানি শ্রোষ্য়ামি কুতশ্শ্রোত্রসুখান্যহম্ ॥ 13 ॥
এবমুক্ত্বা স ভরতং ভার্য়ামভ্য়েত্য় রাঘবঃ ।
উবাচ শোকসংতপ্তঃ পূর্ণচংদ্রনিভাননাম্ ॥ 14 ॥
সীতে মৃতস্তে শ্বশুরঃ পিত্রা হীনোঽসি লক্ষ্মণ ।
ভরতো দুঃখমাচষ্টে স্বর্গতং পৃথিবীপতিম্ ॥ 15 ॥
ততো বহুগুণং তেষাং বাষ্পং নেত্রেষ্বজাযত ।
তথা ব্রুবতি কাকুত্স্থে কুমারাণাং যশস্বিনাম্ ॥ 16 ॥
ততস্তে ভ্রাতর স্রব্রে ভৃশমাশ্বাস্য় দুঃখিতম্ ।
অব্রুবন্ জগতীভর্তুঃ ক্রিযতামুদকং পিতুঃ ॥ 17 ॥
সা সীতা স্বর্গতং শ্রুত্বা শ্বশুরং তং মহানৃপম্ ।
নেত্রাভ্য়ামশ্রুপূর্ণাভ্য়া শশাকেক্ষিতুং প্রিযম্ ॥ 18 ॥
সাংত্বয়িত্বা তু তাং রামো রুদংতীং জনকাত্মজাম্ ।
উবাচ লক্ষ্মণং তত্র দুঃখিতো দুঃখিতং বচঃ ॥ 19 ॥
আনয়েংগুদিপিণ্য়াকং চীরমাহর চোত্তরম্ ।
জলক্রিয়ার্থং তাতস্য় গমিষ্য়ামি মহাত্মনঃ ॥ 20 ॥
সীতা পুরস্তাদ্ব্রজতু ত্বমেনামভিতো ব্রজ ।
অহং পশ্চাদ্গমিষ্য়ামি গতির্হ্য়েষা সুদারুণা ॥ 21 ॥
ততো নিত্য়ানুগস্তেষাং বিদিতাত্মা মহামতিঃ ।
মৃদুর্দাংতশ্চ কাংতশ্চ রামে চ দৃঢভক্তিমান্ ॥ 22 ॥
সুমংত্র স্তৈর্নৃপসুতৈস্সার্ধমাশ্বস্য় রাঘবম্ ।
অবাতারযদালংব্য় নদীং মংদাকিনীং শিবাম্ ॥ 23 ॥
ততো নিত্য়ানুগস্তেষাং বিদিতাত্মা মহামতিঃ ।
মৃদুর্দাংতশ্চ শাংতশ্চ রামে চ দৃঢভক্তিমান্ ॥ 24 ॥
সুমংত্রস্তৈর্নৃপসুতৈঃ সার্ধমাশ্বাস্য় রাঘবম্ ।
অবাতারযদালংব্য় নদীং মংদাকিনীং শিবাম্ ॥ 25 ॥
তে সুতীর্থাং ততঃ কৃচ্ছ্রাদুপাগম্য় যশস্বিনঃ ।
নদীং মংদাকিনীং রম্য়াং সদা পুষ্পিতকাননাম্ ॥ 26 ॥
শীঘ্রস্রোতসমাসাদ্য় তীর্থং শিবমকর্দমম্ ।
সিষিচু স্তূদকং রাজ্ঞে তত এতদ্ ভবত্বিতি ॥ 27 ॥
তে সুতীর্থাং ততঃ কৃচ্ছ্রাদুপাগম্য় যশস্বিনঃ ।
নদীং মংদাকিনীং রম্য়াং সদা পুষ্পিতকাননাম্ ॥ 28 ॥
শীঘ্রস্রোতসমাসাদ্য় তীর্থং শিবমকর্দমম্ ।
সিষিচু স্তূদকং রাজ্ঞে তাতৈতত্তে ভবত্বিতি ॥ 29 ॥
প্রগৃহ্য় চ মহীপালো জলপূরিতমংজলিম্ ।
দিশং যাম্য়ামভিমুখো রুদন্বচনমব্রবীত্ ॥ 30 ॥
এতত্তে রাজশার্দূল বিমলং তোযমক্ষযম্ ।
পিতৃলোকগত স্য়াদ্য় মদ্দত্তমুপতিষ্ঠতু ॥ 31 ॥
ততো মংদাকিনীতীরাত্প্রত্য়ুত্তীর্য় স রাঘবঃ ।
পিতুশ্চকার তেজস্বী নির্বাপং ভ্রাতৃভি সহ ॥ 32 ॥
ঐংগুদং বদরীমিশ্রং পিণ্য়াকং দর্ভসংস্তরে ।
ন্যস্য় রামস্সদুঃখার্তো রুদন্বচনমব্রবীত্ ॥ 33 ॥
ইদং ভুংক্ষ্বমহারাজ প্রীতো যদশনা বযম্ ।
যদন্নঃ পুরুষো ভবতি তদন্না স্তস্য় দেবতাঃ ॥ 34 ॥
তত স্তেনৈব মার্গেণ প্রত্য়ুত্তীর্য় সরিত্তটাত্ ।
আরুরোহ নরব্য়াঘ্রো রম্যসানুং মহীধরম্ ॥ 35 ॥
ততঃ পর্ণকুটীদ্বারমাসাদ্য় জগতীপতিঃ ।
পরিজগ্রাহ বাহুভ্য়ামুভৌ ভরতলক্ষ্মণৌ ॥ 36 ॥
তেষাং তু রুদতাং শব্দাত্ প্রতিশব্দোঽভবদ্ গিরৌ ।
ভ্রাতৄণাং সহ বৈদেহ্য়া সিংহানাং নর্দতামিব ॥ 37 ॥
মহাবলানাং রুদতাং কুর্বতামুদকং পিতুঃ ।
বিজ্ঞায় তুমুলং শব্দং ত্রস্তা ভরত সৈনিকাঃ ॥ 38 ॥
অব্রুবংশ্চাপি রামেণ ভরত সংগতো ধ্রুবম্ ।
তেষামেব মহান্ শব্দঃ শোচতাং পিতরং মৃতম্ ॥ 39 ॥
অথ বাসান্পরিত্যজ্য় তং সর্বেঽভিমুখাস্স্বনম্ ।
অপ্য়েকমনসো জগ্মুর্যথাস্থানং প্রধাবিতাঃ ॥ 40 ॥
হয়ৈরন্য়ে গজৈরন্য়ে রথৈরন্য়ে স্বলংকৃতৈঃ ।
সুকুমারা স্তথৈবান্য়ে পদ্ভিরেব নরা যয়ুঃ ॥ 41 ॥
অচিরপ্রোষিতং রামং চিরবিপ্রোষিতং যথা ।
দ্রষ্টুকামো জনঃ সর্বো জগাম সহসাঽঽশ্রমম্ ॥ 42 ॥
ভ্রাতৃণাং ত্বরিতাস্তে তু দ্রষ্টুকামা সমাগমম্ ।
যয়ুর্বহুবিধৈর্য়ানৈঃ খুরনেমিস্বনাকুলৈঃ ॥ 43 ॥
সা ভূমির্বহুভির্য়ানৈঃ রথনেমিসমাহতা ।
মুমোচ তুমুলং শব্দং দ্য়ৌরিবাভ্রসমাগমে ॥ 44 ॥
তেন বিত্রাসিতা নাগাঃ করেণুপরিবারিতাঃ ।
আবাসয়ংতো গংধেন জগ্মুরন্যদ্বনং ততঃ ॥ 45 ॥
বরাহ বৃকসংঘাশ্চ মহিষাঃ সৃমরাস্তথা ।
ব্য়াঘ্রগোকর্ণগবয়া বিত্রেসুঃ পৃষতৈ সহ ॥ 46 ॥
রথাংগসাহ্বা নত্য়ূহা হংসাঃ কারংডবাঃ পরে ।
তথা পুংস্কোকিলাঃ ক্রৌংচা বিসংজ্ঞা ভেজিরে দিশঃ ॥ 47 ॥
তেন শব্দেন বিত্রস্তৈরাকাশং পক্ষিভির্বৃতম্ ।
মনুষ্য়ৈরাবৃতা ভূমিরুভয়ং প্রবভৌ তদা ॥ 48 ॥
ততস্তং পুরষব্য়াঘ্রং যশস্বিনমকল্পষম্ ।
আসীনং স্থংডিলে রামং দদর্শ সহসা জনঃ ॥ 49 ॥
বিগর্হমাণঃ কৈকেয়ীং মংথরাসহিতামপি ।
অভিগম্য় জনো রামং বাষ্পপূর্ণমুখোঽভবত্ ॥ 50 ॥
তান্নরান্বাষ্পপূর্ণাক্ষান্সমীক্ষ্য়াথ সুদুঃখিতান্ ।
পর্যষ্বজত ধর্মজ্ঞঃ পিতৃবন্মাতৃবচ্চ সঃ ॥ 51 ॥
স তত্র কাংশ্চিত্পরিষস্বজে নরান্নরাস্তু কেচিত্তু তমভ্যবাদযন্ ।
চকার সর্বান্সবযস্যবাংধবান্যথার্হ মাসাদ্য় তদা নৃপাত্মজঃ ॥ 52 ॥
স তত্র তেষাং রুদতাং মহাত্মনাং ভুবং চ খং চানুনিনাদযন্স্বনঃ ।
গুহা গিরীণাং চ দিশশ্চ সংততং মৃদংগঘোষপ্রতিমঃ প্রশুশ্রুবে ॥ 53 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে দ্বাধিকশততমস্সর্গঃ ॥
