ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஷட³தி⁴கஶததமஸ்ஸர்க:³ ।
ஏவமுக்த்வா து விரதே ராமே வசனமர்த²வத் ।
ததோ மந்தா³கினீதீரே ராமம் ப்ரக்ருதிவத்ஸலம் ॥ 1 ॥
உவாச ப⁴ரத ஶ்சித்ரம் தா⁴ர்மிகோ தா⁴ர்மிகம் வச: ।
கோ ஹி ஸ்யாதீ³த்³ருஶோ லோகே யாத்³ருஶ ஸ்த்வமரிந்த³ம: ॥ 2 ॥
ந த்வாம் ப்ரவ்யத²யேத்³து³:க²ம் ப்ரீதிர்வா நப்ரஹர்ஷயேத் ।
ஸம்மதஶ்சாஸி வ்ருத்³தா⁴னாம் தாம்ஶ்ச ப்ருச்ச²ஸி ஸம்ஶயான் ॥ 3 ॥
கோ ஹி ஸ்யாதீ³த்³ருஶோ லோகே யாத்³ருஶ ஸ்த்வமரிந்த³ம ॥ 4 ॥
ந த்வாம் ப்ரவ்யத²யேத்³து³:க²ம் ப்ரீதிர்வா நப்ரஹர்ஷயேத் ।
ஸம்மதஶ்சாஸி வ்ருத்³தா⁴னாம் தாம்ஶ்ச ப்ருச்ச²ஸி ஸம்ஶயான் ॥ 5 ॥
யதா² ம்ருத ஸ்ததா² ஜீவன்யதா²ஸதி ததா² ஸதி ।
யஸ்யைஷ பு³த்³தி⁴லாப⁴ ஸ்ஸ்யாத்பரிதப்யேத கேன ஸ: ॥ 6 ॥
பராவரஜ்ஞோ யஶ்ச ஸ்யாத்³ யதா² த்வம் மனுஜாதி⁴ப ।
ஸ ஏவ வ்யஸனம் ப்ராப்ய ந விஷீதி³துமர்ஹதி ॥ 7 ॥
அமரோபமஸத்த்வ ஸ்த்வம் மஹாத்மா ஸத்யஸங்க³ர: ।
ஸர்வஜ்ஞ ஸ்ஸர்வத³ர்ஶீ ச பு³த்³தி⁴மாம்ஶ்சாஸி ராக⁴வ ॥ 8 ॥
ந த்வாமேவம் கு³ணைர்யுக்தம் ப்ரப⁴வாப⁴வகோவித³ம் ।
அவிஷஹ்யதமம் து³:க²மாஸாத³யிதுமர்ஹதி ॥ 9 ॥
ப்ரோஷிதே மயி யத்பாபம் மாத்ரா மத்காரணாத்க்ருதம் ।
க்ஷுத்³ரயா தத³னிஷ்டம் மே ப்ரஸீத³து ப⁴வான்மம ॥ 1௦ ॥
த⁴ர்மப³ந்தே⁴ன ப³த்³தோ⁴ஸ்மி தேனேமாம் நேஹ மாதரம் ।
ஹன்மிதீவ்ரேண த³ண்டே³ன த³ண்டா³ர்ஹாம் பாபகாரிணீம் ॥ 11 ॥
கத²ம் த³ஶரதா² ஜ்ஜாத ஶ்ஶுத்³தா⁴பி⁴ஜனகர்மண: ।
ஜானந் த⁴ர்மமத⁴ர்மிஷ்ட²ம் குர்யாம் கர்ம ஜுகு³ப்ஸிதம் ॥ 12 ॥
கு³ரு: க்ரியாவான்வ்ருத்³த⁴ஶ்ச ராஜா ப்ரேத: பிதேதிச ।
தாதம் ந பரிக³ர்ஹேயம் தை³வதம் சேதி ஸம்ஸதி³ ॥ 13 ॥
கோ ஹி த⁴ர்மார்த²யோர்ஹீனமீத்³ருஶம் கர்ம கில்பி³ஷம் ।
ஸ்த்ரியா: ப்ரியம் சிகீர்ஷு ஸ்ஸன்குர்யாத்³த⁴ர்மஜ்ஞ த⁴ர்மவித் ॥ 14 ॥
அந்தகாலே ஹி பூ⁴தானி முஹ்யந்தீதி புரா ஶ்ருதி: ।
ராஜ்ஞைவம் குர்வதா லோகே ப்ரத்யக்ஷம் ஸா ஶ்ருதி: க்ருதா ॥ 15 ॥
ஸாத்⁴வர்த²மபி⁴ஸந்தா⁴ய க்ரோதா⁴ன்மோஹாச்ச ஸாஹஸாத் ।
தாதஸ்ய யத³திக்ராந்தம் ப்ரத்யாஹரது தத்³ப⁴வான் ॥ 16 ॥
பிதுர்ஹி ஸமதிக்ராந்தம் புத்ரோ யஸ்ஸாது⁴ மன்யதே ।
தத³பத்யம் மதம் லோகே விபரீதமதோன்யதா² ॥ 17 ॥
தத³பத்யம் ப⁴வானஸ்து மா ப⁴வான் து³ஷ்க்ருதம் பிது: ।
அபி⁴பத்தா க்ருதம் கர்ம லோகே தீ⁴ரவிக³ர்ஹிதம் ॥ 18 ॥
கைகேயீம் மாம் ச தாதம் ச ஸுஹ்ருதோ³ பா³ந்த⁴வாம்ஶ்ச ந: ।
பௌரஜானபதா³ன்ஸர்வாம்ஸ்த்ராது ஸர்வமித³ம் ப⁴வான் ॥ 19 ॥
க்வ சாரண்யம் க்வச க்ஷாத்ரம் க்வ ஜடா: க்வ ச பாலனம் ।
ஈத்³ருஶம் வ்யாஹதம் கர்ம ந ப⁴வான்கர்துமர்ஹதி ॥ 2௦ ॥
ஏஷ ஹி ப்ரத²மோ த⁴ர்ம: க்ஷத்ரியஸ்யாபி⁴ஷேசனம் ।
யேன ஶக்யம் மஹாப்ராஜ்ஞ ப்ரஜானாம் பரிபாலனம் ॥ 21 ॥
கஶ்ச ப்ரத்யக்ஷமுத்ஸ்ருஜ்ய ஸம்ஶயஸ்த² மலக்ஷணம் ।
ஆயதிஸ்த²ம் சரே த்³த⁴ர்மம் க்ஷத்ரப³ந்து³ரனிஶ்சிதம் ॥ 22 ॥
அத² க்லேஶஜ மேவ த்வம் த⁴ர்மம் சரிது மிச்ச²ஸி ।
த⁴ர்மேண சதுரோ வர்ணான்பாலயன் க்லேஶ மாப்னுஹி ॥ 23 ॥
சதுர்ணாமாஶ்ரமாணாம் ஹி கா³ர்ஹஸ்த்²யம் ஶ்ரேஷ்ட²முத்தமம் ।
ஆஹுர்த⁴ர்மஜ்ஞ த⁴ர்மஜ்ஞாஸ்தம் கத²ம் த்யக்து மர்ஹஸி ॥ 24 ॥
ஶ்ருதேன பா³ல: ஸ்தா²னேன ஜன்மனா ப⁴வதோ ஹ்யஹம் ।
ஸ கத²ம் பாலயிஷ்யாமி பூ⁴மிம் ப⁴வதி திஷ்ட²தி ॥ 25 ॥
ஹீனபு³த்³தி⁴கு³ணோ பா³லோ ஹீன: ஸ்தா²னேன சாப்யஹம் ।
ப⁴வதா ச வினாபூ⁴தோ ந வர்தயிதுமுத்ஸுஹே ॥ 26 ॥
இத³ம் நிகி²ல மவ்யக்³ரம் ராஜ்யம் பித்ர்யமகண்டகம் ।
அனுஶாதி⁴ ஸ்வத⁴ர்மேண த⁴ர்மஜ்ஞ ஸஹபா³ந்த⁴வை: ॥ 27 ॥
இஹைவ த்வாபி⁴ஷிஞ்சந்து ஸர்வா: ப்ரக்ருதய ஸ்ஸஹ ।
ருத்விஜ ஸ்ஸவஸிஷ்டா²ஶ்ச மந்த்ரவின்மந்த்ரகோவிதா³: ॥ 28 ॥
அபி⁴ஷிக்தஸ்த்வமஸ்மாபி⁴ரயோத்⁴யாம் பாலனே வ்ரஜ ।
விஜித்ய தரஸா லோகான்மருத்³பி⁴ரிவ வாஸவ: ॥ 29 ॥
ருணானி த்ரீண்யபாகுர்வந்து³ர்ஹ்ருத³ஸ்ஸாது⁴ நிர்த³ஹன் ।
ஸுஹ்ருத³ஸ்தர்பயன்காமைஸ்த்வமேவாத்ரானுஶாதி⁴ மாம் ॥ 3௦ ॥
அத்³யார்ய முதி³தா ஸ்ஸந்து ஸுஹ்ருத³ஸ்தேபி⁴ஷேசனே ।
அத்³ய பீ⁴தா: பலாயந்தாம் து³ர்ஹ்ருத³ஸ்தே தி³ஶோ த³ஶ ॥ 31 ॥
ஆக்ரோஶம் மம மாதுஶ்ச ப்ரம்ருஜ்ய புருஷர்ஷப⁴ ।
அத்³ய தத்ர ப⁴வந்தம் ச பிதரம் ரக்ஷ கில்பி³ஷாத் ॥ 32 ॥
ஶிரஸா த்வாபி⁴யாசேஹம் குருஷ்வ கருணாம் மயி ।
பா³ந்த⁴வேஷு ச ஸர்வேஷு பூ⁴தேஷ்விவ மஹேஶ்வர: ॥ 33 ॥
அதை²தத்ப்ருஷ்ட²த: க்ருத்வா வனமேவ ப⁴வானித: ।
க³மிஷ்யதி க³மிஷ்யாமி ப⁴வதா ஸார்த⁴மப்யஹம் ॥ 34 ॥
ததா²ஹி ராமோ ப⁴ரதேன தாம்யதா ப்ரஸாத்³யமானஶ்ஶிரஸா மஹீபதி: ।
நசைவ சக்ரே க³மனாய ஸத்த்வவான்மதிம் பிதுஸ்தத்³வசனே ப்ரதிஷ்டி²த: ॥ 35 ॥
தத³த்³பு⁴தம் ஸ்தை²ர்யமவேக்ஷ்ய ராக⁴வே ஸமம் ஜனோ ஹர்ஷமவாப து³:கி²த: ।
ந யாத்யயோத்⁴யாமிதி து³:கி²தோப⁴வத் ஸ்தி²ரப்ரதிஜ்ஞத்வமவேக்ஷ்ய ஹர்ஷித: ॥ 36 ॥
தம்ருத்விஜோ நைக³மயூத²வல்லபா⁴ஸ்ததா³ விஸஞ்ஜ்ஞாஶ்ருகலாஶ்ச மாதர: ।
ததா² ப்³ருவாணம் ப⁴ரதம் ப்ரதுஷ்டுவு: ப்ரணம்ய ராமம் ச யயாசிரே ஸஹ ॥ 37 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஷட³தி⁴கஶததமஸ்ஸர்க:³ ॥
