শ্রীমদ্বাল্মীকীয় রামাযণে অয়োধ্য়াকাংডম্ ।
অথ ষডধিকশততমস্সর্গঃ ।
এবমুক্ত্বা তু বিরতে রামে বচনমর্থবত্ ।
ততো মংদাকিনীতীরে রামং প্রকৃতিবত্সলম্ ॥ 1 ॥
উবাচ ভরত শ্চিত্রং ধার্মিকো ধার্মিকং বচঃ ।
কো হি স্য়াদীদৃশো লোকে যাদৃশ স্ত্বমরিংদমঃ ॥ 2 ॥
ন ত্বাং প্রব্যথয়েদ্দুঃখং প্রীতির্বা নপ্রহর্ষয়েত্ ।
সম্মতশ্চাসি বৃদ্ধানাং তাংশ্চ পৃচ্ছসি সংশয়ান্ ॥ 3 ॥
কো হি স্য়াদীদৃশো লোকে যাদৃশ স্ত্বমরিংদম ॥ 4 ॥
ন ত্বাং প্রব্যথয়েদ্দুঃখং প্রীতির্বা নপ্রহর্ষয়েত্ ।
সম্মতশ্চাসি বৃদ্ধানাং তাংশ্চ পৃচ্ছসি সংশয়ান্ ॥ 5 ॥
যথা মৃত স্তথা জীবন্যথাঽসতি তথা সতি ।
যস্য়ৈষ বুদ্ধিলাভ স্স্য়াত্পরিতপ্য়েত কেন সঃ ॥ 6 ॥
পরাবরজ্ঞো যশ্চ স্য়াদ্ যথা ত্বং মনুজাধিপ ।
স এব ব্যসনং প্রাপ্য় ন বিষীদিতুমর্হতি ॥ 7 ॥
অমরোপমসত্ত্ব স্ত্বং মহাত্মা সত্যসংগরঃ ।
সর্বজ্ঞ স্সর্বদর্শী চ বুদ্ধিমাংশ্চাসি রাঘব ॥ 8 ॥
ন ত্বামেবং গুণৈর্য়ুক্তং প্রভবাভবকোবিদম্ ।
অবিষহ্যতমং দুঃখমাসাদয়িতুমর্হতি ॥ 9 ॥
প্রোষিতে ময়ি যত্পাপং মাত্রা মত্কারণাত্কৃতম্ ।
ক্ষুদ্রয়া তদনিষ্টং মে প্রসীদতু ভবান্মম ॥ 10 ॥
ধর্মবংধেন বদ্ধোঽস্মি তেনেমাং নেহ মাতরম্ ।
হন্মিতীব্রেণ দংডেন দংডার্হাং পাপকারিণীম্ ॥ 11 ॥
কথং দশরথা জ্জাত শ্শুদ্ধাভিজনকর্মণঃ ।
জানন্ ধর্মমধর্মিষ্ঠং কুর্য়াং কর্ম জুগুপ্সিতম্ ॥ 12 ॥
গুরুঃ ক্রিয়াবান্বৃদ্ধশ্চ রাজা প্রেতঃ পিতেতিচ ।
তাতং ন পরিগর্হেয়ং দৈবতং চেতি সংসদি ॥ 13 ॥
কো হি ধর্মার্থয়োর্হীনমীদৃশং কর্ম কিল্বিষম্ ।
স্ত্রিয়াঃ প্রিয়ং চিকীর্ষু স্সন্কুর্য়াদ্ধর্মজ্ঞ ধর্মবিত্ ॥ 14 ॥
অংতকালে হি ভূতানি মুহ্য়ংতীতি পুরা শ্রুতিঃ ।
রাজ্ঞৈবং কুর্বতা লোকে প্রত্যক্ষং সা শ্রুতিঃ কৃতা ॥ 15 ॥
সাধ্বর্থমভিসংধায় ক্রোধান্মোহাচ্চ সাহসাত্ ।
তাতস্য় যদতিক্রাংতং প্রত্য়াহরতু তদ্ভবান্ ॥ 16 ॥
পিতুর্হি সমতিক্রাংতং পুত্রো যস্সাধু মন্যতে ।
তদপত্য়ং মতং লোকে বিপরীতমতোঽন্যথা ॥ 17 ॥
তদপত্য়ং ভবানস্তু মা ভবান্ দুষ্কৃতং পিতুঃ ।
অভিপত্তা কৃতং কর্ম লোকে ধীরবিগর্হিতম্ ॥ 18 ॥
কৈকেয়ীং মাং চ তাতং চ সুহৃদো বাংধবাংশ্চ নঃ ।
পৌরজানপদান্সর্বাংস্ত্রাতু সর্বমিদং ভবান্ ॥ 19 ॥
ক্ব চারণ্য়ং ক্বচ ক্ষাত্রং ক্ব জটাঃ ক্ব চ পালনম্ ।
ঈদৃশং ব্য়াহতং কর্ম ন ভবান্কর্তুমর্হতি ॥ 20 ॥
এষ হি প্রথমো ধর্মঃ ক্ষত্রিযস্য়াভিষেচনম্ ।
যেন শক্য়ং মহাপ্রাজ্ঞ প্রজানাং পরিপালনম্ ॥ 21 ॥
কশ্চ প্রত্যক্ষমুত্সৃজ্য় সংশযস্থ মলক্ষণম্ ।
আযতিস্থং চরে দ্ধর্মং ক্ষত্রবংদুরনিশ্চিতম্ ॥ 22 ॥
অথ ক্লেশজ মেব ত্বং ধর্মং চরিতু মিচ্ছসি ।
ধর্মেণ চতুরো বর্ণান্পালযন্ ক্লেশ মাপ্নুহি ॥ 23 ॥
চতুর্ণামাশ্রমাণাং হি গার্হস্থ্য়ং শ্রেষ্ঠমুত্তমম্ ।
আহুর্ধর্মজ্ঞ ধর্মজ্ঞাস্তং কথং ত্যক্তু মর্হসি ॥ 24 ॥
শ্রুতেন বালঃ স্থানেন জন্মনা ভবতো হ্যহম্ ।
স কথং পালয়িষ্য়ামি ভূমিং ভবতি তিষ্ঠতি ॥ 25 ॥
হীনবুদ্ধিগুণো বালো হীনঃ স্থানেন চাপ্যহম্ ।
ভবতা চ বিনাভূতো ন বর্তয়িতুমুত্সুহে ॥ 26 ॥
ইদং নিখিল মব্যগ্রং রাজ্য়ং পিত্র্যমকংটকম্ ।
অনুশাধি স্বধর্মেণ ধর্মজ্ঞ সহবাংধবৈঃ ॥ 27 ॥
ইহৈব ত্বাঽভিষিংচংতু সর্বাঃ প্রকৃতয় স্সহ ।
ঋত্বিজ স্সবসিষ্ঠাশ্চ মংত্রবিন্মংত্রকোবিদাঃ ॥ 28 ॥
অভিষিক্তস্ত্বমস্মাভিরয়োধ্য়াং পালনে ব্রজ ।
বিজিত্য় তরসা লোকান্মরুদ্ভিরিব বাসবঃ ॥ 29 ॥
ঋণানি ত্রীণ্যপাকুর্বংদুর্হৃদস্সাধু নির্দহন্ ।
সুহৃদস্তর্পযন্কামৈস্ত্বমেবাত্রানুশাধি মাম্ ॥ 30 ॥
অদ্য়াঽর্য় মুদিতা স্সংতু সুহৃদস্তেঽভিষেচনে ।
অদ্য় ভীতাঃ পলায়ংতাং দুর্হৃদস্তে দিশো দশ ॥ 31 ॥
আক্রোশং মম মাতুশ্চ প্রমৃজ্য় পুরুষর্ষভ ।
অদ্য় তত্র ভবংতং চ পিতরং রক্ষ কিল্বিষাত্ ॥ 32 ॥
শিরসা ত্বাঽভিয়াচেঽহং কুরুষ্ব করুণাং ময়ি ।
বাংধবেষু চ সর্বেষু ভূতেষ্বিব মহেশ্বরঃ ॥ 33 ॥
অথৈতত্পৃষ্ঠতঃ কৃত্বা বনমেব ভবানিতঃ ।
গমিষ্যতি গমিষ্য়ামি ভবতা সার্ধমপ্যহম্ ॥ 34 ॥
তথাহি রামো ভরতেন তাম্যতা প্রসাদ্যমানশ্শিরসা মহীপতিঃ ।
নচৈব চক্রে গমনায় সত্ত্ববান্মতিং পিতুস্তদ্বচনে প্রতিষ্ঠিতঃ ॥ 35 ॥
তদদ্ভুতং স্থৈর্যমবেক্ষ্য় রাঘবে সমং জনো হর্ষমবাপ দুঃখিতঃ ।
ন যাত্যয়োধ্য়ামিতি দুঃখিতোঽভবত্ স্থিরপ্রতিজ্ঞত্বমবেক্ষ্য় হর্ষিতঃ ॥ 36 ॥
তমৃত্বিজো নৈগময়ূথবল্লভাস্তদা বিসংজ্ঞাশ্রুকলাশ্চ মাতরঃ ।
তথা ব্রুবাণং ভরতং প্রতুষ্টুবুঃ প্রণম্য় রামং চ যয়াচিরে সহ ॥ 37 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে ষডধিকশততমস্সর্গঃ ॥
