ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்ரயோத³ஶஸ்ஸர்க:³ ।
அதத³ர்ஹம் மஹாராஜம் ஶயானமததோ²சிதம் ।
யயாதிமிவ புண்யாந்தே தே³வலோகாத்பரிச்யுதம் ॥ 1 ॥
அனர்த²ரூபா ஸித்³தா⁴ர்தா² ஹ்யபீ⁴தா ப⁴யத³ர்ஶினீ ।
புனராகாரயாமாஸ தமேவ வரமங்க³னா ॥ 2 ॥
அதத³ர்ஹம் மஹாராஜம் ஶயானமததோ²சிதம் ।
யயாதிமிவ புண்யாந்தே தே³வலோகாத்பரிச்யுதம் ॥ 3 ॥
அனர்த²ரூபா ஸித்³தா⁴ர்தா² ஹ்யபீ⁴தா ப⁴யத³ர்ஶினீ ।
புனராகாரயாமாஸ தமேவ வரமங்க³னா ॥ 4 ॥
த்வம் கத்த²ஸே மஹாராஜ ஸத்யவாதீ³ த்³ருட⁴வ்ரத: ।
மம சேமம் வரம் கஸ்மாத்³விதா⁴ரயிதுமிச்ச²ஸி ॥ 5 ॥
ஏவமுக்தஸ்து கைகேய்யா ராஜா த³ஶரத²ஸ்ததா³ ।
ப்ரத்யுவாச தத: க்ருத்³தோ⁴ முஹூர்தம் விஹ்வலன்னிவ ॥ 6 ॥
ம்ருதே மயி க³தே ராமே வனம் மனுஜபுங்க³வே ।
ஹந்தானார்யே மமாமித்ரே ஸகாமா ஸுகி²னீ ப⁴வ ॥ 7 ॥
ஸ்வர்கே³பி க²லு ராமஸ்ய குஶலம் தை³வதைரஹம் ।
ப்ரத்யாதே³ஶாத³பி⁴ஹிதம் தா⁴ரயிஷ்யே கத²ம் ப³த ॥ 8 ॥
கைகேய்யா: ப்ரியகாமேன ராம: ப்ரவ்ராஜிதோ மயா ।
யதி³ ஸத்யம் ப்³ரவீம்யேதத்தத³ஸத்யம் ப⁴விஷ்யதி ॥ 9 ॥
அபுத்ரேண மயா புத்ரஶ்ஶ்ரமேண மஹதா மஹான் ।
ராமோ லப்³தோ⁴ மஹாபா³ஹு ஸ்ஸகத²ம் த்யஜ்யதே மயா ॥ 1௦ ॥
ஶூரஶ்ச க்ருதவித்³யஶ்ச ஜிதக்ரோதோ⁴ க்ஷமாபர: ।
கத²ம் கமலபத்ராக்ஷோ மயா ராமோ விவாஸ்யதே ॥ 11 ॥
கத²மிந்தீ³வரஶ்யாமம் தீ³ர்க⁴பா³ஹும் மஹாப³லம் ।
அபி⁴ராமமஹம் ராமம் ப்ரேஷயிஷ்யாமி த³ண்ட³கான் ॥ 12 ॥
ஸுகா²னாமுசிதஸ்யைவ து³:கை²ரனுசிதஸ்ய ச ।
து³க²ம் நாமானுபஶ்யேயம் கத²ம் ராமஸ்ய தீ⁴மத: ॥ 13 ॥
யதி³ து³:க²மக்ருத்வாத்³ய மம ஸங்க்ரமணம் ப⁴வேத் ।
அது³:கா²ர்ஹஸ்ய ராமஸ்ய தத ஸ்ஸுக²மவாப்னுயாம் ॥ 14 ॥
ந்ருஶம்ஸே பாபஸங்கல்பே ராமம் ஸத்யபராக்ரமம் ।
கிம் விப்ரியேண கைகேயி ப்ரியம் யோஜயஸே மம ॥ 15 ॥
அகீர்திரதுலா லோகே த்⁴ருவம் பரிப⁴வஶ்ச மே ।
ததா² விலபதஸ்தஸ்ய பரிப்⁴ரமிதசேதஸ: ॥ 16 ॥
அஸ்தமப்⁴யக³மத்ஸூர்யோ ரஜனீ சாப்⁴யவர்தத ।
ஸா த்ரியாமா ததா²ர்த்தஸ்ய சந்த்³ரமண்ட³லமண்டி³தா ॥ 17 ॥
ராஜ்ஞோ விலபமானஸ்ய ந வ்யபா⁴ஸத ஶர்வரீ ।
ததை²வோஷ்ணம் வினிஶ்வஸ்ய வ்ருத்³தோ⁴ த³ஶரதோ² ந்ருப: ॥ 18 ॥
விலலாபார்தவத்³யுக²ம் க³க³னாஸக்தலோசன: ।
ந ப்ரபா⁴தம் த்வயேச்சா²மி நிஶே நக்ஷத்ரபூ⁴ஷணே ॥ 19 ॥
க்ரியதாம் மே த³யா ப⁴த்³ரே மயாயம் ரசிதோஞ்ஜலி: ।
அத²வா க³ம்யதாம் ஶீக்⁴ரம் நாஹமிச்சா²மி நிர்க்⁴ருணாம் ॥ 2௦ ॥
ந்ருஶம்ஸாம் கைகயீம் த்³ரஷ்டும் யத்க்ருதே வ்யஸனம் மஹத் ।
ஏவமுக்த்வா ததோ ராஜா கைகேயீம் ஸம்யதாஞ்ஜலி: ॥ 21 ॥
ப்ரஸாத:³ க்ரியதாம் தே³வி ப⁴த்³ரே ராஜ்ஞோ விஶேஷத: ।
ஶூன்யே ந க²லு ஸுஶ்ரோணி மயேத³ம் ஸமுதா³ஹ்ருதம் ॥ 22 ॥
குரு ஸாது⁴ ப்ரஸாத³ம் மே பா³லே ஸஹ்ருத³யா ஹ்யஸி ।
ப்ரஸீத³ தே³வி ராமோமேத்வத்³த³த்தம் ராஜ்யமவ்யம் ॥ 23 ॥
லப⁴தாமஸிதாபாங்கே³ யஶ: பரமவாப்னு ஹி ।
மம ராமஸ்ய லோகஸ்ய கு³ரூணாம் ப⁴ரதஸ்ய ச ॥ 24 ॥
ப்ரியமேதத்³கு³ருஶ்ரோணி குரு சாருமுகே²க்ஷணே விஶுத்³த⁴பா⁴வஸ்ய ஸுது³ஷ்டபா⁴வா தாம்ரேக்ஷணஸ்யாஶ்ருகலஸ்ய ராஜ்ஞ: ।
ஶ்ருத்வா விசித்ரம் கருணம் விலாபம் ப⁴ர்துர்ன்ருஶம்ஸா ந சகார வாக்யம் ॥ 25 ॥
ததஸ்ஸ ராஜா புனரேவ மூர்சி²த: ப்ரியாமதுஷ்டாம் ப்ரதிகூலபா⁴ஷிணீம் ।
ஸமீக்ஷ்ய புத்ரஸ்ய விவாஸனம் ப்ரதி க்ஷிதௌ விஸஞ்ஜ்ஞோ நிபபாத து³கி²த: ॥ 26 ॥
இதீவ ராஜ்ஞோ வ்யதி²தஸ்ய ஸா நிஶா ஜகா³ம கோ⁴ரம் ஶ்வஸதோ மனஸ்வின: விபோ³த்⁴யமான: ப்ரதிபோ³த⁴னம் ததா³ நிவாரயாமாஸ ஸ ராஜஸத்தம: ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்ரயோத³ஶஸ்ஸர்க:³ ॥
