শ্রীমদ্বাল্মীকীয় রামাযণে অয়োধ্য়াকাংডম্ ।
অথ ত্রয়োদশস্সর্গঃ ।
অতদর্হং মহারাজং শয়ানমতথোচিতম্ ।
যয়াতিমিব পুণ্য়াংতে দেবলোকাত্পরিচ্য়ুতম্ ॥ 1 ॥
অনর্থরূপা সিদ্ধার্থা হ্যভীতা ভযদর্শিনী ।
পুনরাকারয়ামাস তমেব বরমংগনা ॥ 2 ॥
অতদর্হং মহারাজং শয়ানমতথোচিতম্ ।
যয়াতিমিব পুণ্য়াংতে দেবলোকাত্পরিচ্য়ুতম্ ॥ 3 ॥
অনর্থরূপা সিদ্ধার্থা হ্যভীতা ভযদর্শিনী ।
পুনরাকারয়ামাস তমেব বরমংগনা ॥ 4 ॥
ত্বং কত্থসে মহারাজ সত্যবাদী দৃঢব্রতঃ ।
মম চেমং বরং কস্মাদ্বিধারয়িতুমিচ্ছসি ॥ 5 ॥
এবমুক্তস্তু কৈকেয়্য়া রাজা দশরথস্তদা ।
প্রত্য়ুবাচ ততঃ ক্রুদ্ধো মুহূর্তং বিহ্বলন্নিব ॥ 6 ॥
মৃতে ময়ি গতে রামে বনং মনুজপুংগবে ।
হংতানার্য়ে মমামিত্রে সকামা সুখিনী ভব ॥ 7 ॥
স্বর্গেঽপি খলু রামস্য় কুশলং দৈবতৈরহম্ ।
প্রত্য়াদেশাদভিহিতং ধারয়িষ্য়ে কথং বত ॥ 8 ॥
কৈকেয়্য়াঃ প্রিযকামেন রামঃ প্রব্রাজিতো ময়া ।
যদি সত্য়ং ব্রবীম্য়েতত্তদসত্য়ং ভবিষ্যতি ॥ 9 ॥
অপুত্রেণ ময়া পুত্রশ্শ্রমেণ মহতা মহান্ ।
রামো লব্ধো মহাবাহু স্সকথং ত্যজ্যতে ময়া ॥ 10 ॥
শূরশ্চ কৃতবিদ্যশ্চ জিতক্রোধো ক্ষমাপরঃ ।
কথং কমলপত্রাক্ষো ময়া রামো বিবাস্যতে ॥ 11 ॥
কথমিংদীবরশ্য়ামং দীর্ঘবাহুং মহাবলম্ ।
অভিরামমহং রামং প্রেষয়িষ্য়ামি দংডকান্ ॥ 12 ॥
সুখানামুচিতস্য়ৈব দুঃখৈরনুচিতস্য় চ ।
দুখং নামানুপশ্য়েয়ং কথং রামস্য় ধীমতঃ ॥ 13 ॥
যদি দুঃখমকৃত্বাঽদ্য় মম সংক্রমণং ভবেত্ ।
অদুঃখার্হস্য় রামস্য় তত স্সুখমবাপ্নুয়াম্ ॥ 14 ॥
নৃশংসে পাপসংকল্পে রামং সত্যপরাক্রমম্ ।
কিং বিপ্রিয়েণ কৈকেয়ি প্রিয়ং যোজযসে মম ॥ 15 ॥
অকীর্তিরতুলা লোকে ধ্রুবং পরিভবশ্চ মে ।
তথা বিলপতস্তস্য় পরিভ্রমিতচেতসঃ ॥ 16 ॥
অস্তমভ্যগমত্সূর্য়ো রজনী চাভ্যবর্তত ।
সা ত্রিয়ামা তথার্ত্তস্য় চংদ্রমংডলমংডিতা ॥ 17 ॥
রাজ্ঞো বিলপমানস্য় ন ব্যভাসত শর্বরী ।
তথৈবোষ্ণং বিনিশ্বস্য় বৃদ্ধো দশরথো নৃপঃ ॥ 18 ॥
বিললাপার্তবদ্য়ুখং গগনাসক্তলোচনঃ ।
ন প্রভাতং ত্বয়েচ্ছামি নিশে নক্ষত্রভূষণে ॥ 19 ॥
ক্রিযতাং মে দয়া ভদ্রে ময়াঽয়ং রচিতোঽংজলিঃ ।
অথবা গম্যতাং শীঘ্রং নাহমিচ্ছামি নির্ঘৃণাম্ ॥ 20 ॥
নৃশংসাং কৈকয়ীং দ্রষ্টুং যত্কৃতে ব্যসনং মহত্ ।
এবমুক্ত্বা ততো রাজা কৈকেয়ীং সংযতাংজলিঃ ॥ 21 ॥
প্রসাদঃ ক্রিযতাং দেবি ভদ্রে রাজ্ঞো বিশেষতঃ ।
শূন্য়ে ন খলু সুশ্রোণি ময়েদং সমুদাহৃতম্ ॥ 22 ॥
কুরু সাধু প্রসাদং মে বালে সহৃদয়া হ্যসি ।
প্রসীদ দেবি রামোমেত্বদ্দত্তং রাজ্যমব্যম্ ॥ 23 ॥
লভতামসিতাপাংগে যশঃ পরমবাপ্নু হি ।
মম রামস্য় লোকস্য় গুরূণাং ভরতস্য় চ ॥ 24 ॥
প্রিযমেতদ্গুরুশ্রোণি কুরু চারুমুখেক্ষণে বিশুদ্ধভাবস্য় সুদুষ্টভাবা তাম্রেক্ষণস্য়াশ্রুকলস্য় রাজ্ঞঃ ।
শ্রুত্বা বিচিত্রং করুণং বিলাপং ভর্তুর্নৃশংসা ন চকার বাক্যম্ ॥ 25 ॥
ততস্স রাজা পুনরেব মূর্ছিতঃ প্রিয়ামতুষ্টাং প্রতিকূলভাষিণীম্ ।
সমীক্ষ্য় পুত্রস্য় বিবাসনং প্রতি ক্ষিতৌ বিসংজ্ঞো নিপপাত দুখিতঃ ॥ 26 ॥
ইতীব রাজ্ঞো ব্যথিতস্য় সা নিশা জগাম ঘোরং শ্বসতো মনস্বিনঃ বিবোধ্যমানঃ প্রতিবোধনং তদা নিবারয়ামাস স রাজসত্তমঃ ॥ 27 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে ত্রয়োদশস্সর্গঃ ॥
