ශ්රීමද්වාල්මීකීය රාමායණේ අයෝධ්යාකාංඩම් ।
අථ ත්රයෝදශස්සර්ගඃ ।
අතදර්හං මහාරාජං ශයානමතථෝචිතම් ।
යයාතිමිව පුණ්යාංතේ දේවලෝකාත්පරිච්යුතම් ॥ 1 ॥
අනර්ථරූපා සිද්ධාර්ථා හ්යභීතා භයදර්ශිනී ।
පුනරාකාරයාමාස තමේව වරමංගනා ॥ 2 ॥
අතදර්හං මහාරාජං ශයානමතථෝචිතම් ।
යයාතිමිව පුණ්යාංතේ දේවලෝකාත්පරිච්යුතම් ॥ 3 ॥
අනර්ථරූපා සිද්ධාර්ථා හ්යභීතා භයදර්ශිනී ।
පුනරාකාරයාමාස තමේව වරමංගනා ॥ 4 ॥
ත්වං කත්ථසේ මහාරාජ සත්යවාදී දෘඪව්රතඃ ।
මම චේමං වරං කස්මාද්විධාරයිතුමිච්ඡසි ॥ 5 ॥
ඒවමුක්තස්තු කෛකේය්යා රාජා දශරථස්තදා ।
ප්රත්යුවාච තතඃ ක්රුද්ධෝ මුහූර්තං විහ්වලන්නිව ॥ 6 ॥
මෘතේ මයි ගතේ රාමේ වනං මනුජපුංගවේ ।
හංතානාර්යේ මමාමිත්රේ සකාමා සුඛිනී භව ॥ 7 ॥
ස්වර්ගේऽපි ඛලු රාමස්ය කුශලං දෛවතෛරහම් ।
ප්රත්යාදේශාදභිහිතං ධාරයිෂ්යේ කථං බත ॥ 8 ॥
කෛකේය්යාඃ ප්රියකාමේන රාමඃ ප්රව්රාජිතෝ මයා ।
යදි සත්යං බ්රවීම්යේතත්තදසත්යං භවිෂ්යති ॥ 9 ॥
අපුත්රේණ මයා පුත්රශ්ශ්රමේණ මහතා මහාන් ।
රාමෝ ලබ්ධෝ මහාබාහු ස්සකථං ත්යජ්යතේ මයා ॥ 10 ॥
ශූරශ්ච කෘතවිද්යශ්ච ජිතක්රෝධෝ ක්ෂමාපරඃ ।
කථං කමලපත්රාක්ෂෝ මයා රාමෝ විවාස්යතේ ॥ 11 ॥
කථමිංදීවරශ්යාමං දීර්ඝබාහුං මහාබලම් ।
අභිරාමමහං රාමං ප්රේෂයිෂ්යාමි දංඩකාන් ॥ 12 ॥
සුඛානාමුචිතස්යෛව දුඃඛෛරනුචිතස්ය ච ।
දුඛං නාමානුපශ්යේයං කථං රාමස්ය ධීමතඃ ॥ 13 ॥
යදි දුඃඛමකෘත්වාऽද්ය මම සංක්රමණං භවේත් ।
අදුඃඛාර්හස්ය රාමස්ය තත ස්සුඛමවාප්නුයාම් ॥ 14 ॥
නෘශංසේ පාපසංකල්පේ රාමං සත්යපරාක්රමම් ।
කිං විප්රියේණ කෛකේයි ප්රියං යෝජයසේ මම ॥ 15 ॥
අකීර්තිරතුලා ලෝකේ ධ්රුවං පරිභවශ්ච මේ ।
තථා විලපතස්තස්ය පරිභ්රමිතචේතසඃ ॥ 16 ॥
අස්තමභ්යගමත්සූර්යෝ රජනී චාභ්යවර්තත ।
සා ත්රියාමා තථාර්ත්තස්ය චංද්රමංඩලමංඩිතා ॥ 17 ॥
රාජ්ඤෝ විලපමානස්ය න ව්යභාසත ශර්වරී ।
තථෛවෝෂ්ණං විනිශ්වස්ය වෘද්ධෝ දශරථෝ නෘපඃ ॥ 18 ॥
විලලාපාර්තවද්යුඛං ගගනාසක්තලෝචනඃ ।
න ප්රභාතං ත්වයේච්ඡාමි නිශේ නක්ෂත්රභූෂණේ ॥ 19 ॥
ක්රියතාං මේ දයා භද්රේ මයාऽයං රචිතෝऽංජලිඃ ।
අථවා ගම්යතාං ශීඝ්රං නාහමිච්ඡාමි නිර්ඝෘණාම් ॥ 20 ॥
නෘශංසාං කෛකයීං ද්රෂ්ටුං යත්කෘතේ ව්යසනං මහත් ।
ඒවමුක්ත්වා තතෝ රාජා කෛකේයීං සංයතාංජලිඃ ॥ 21 ॥
ප්රසාදඃ ක්රියතාං දේවි භද්රේ රාජ්ඤෝ විශේෂතඃ ।
ශූන්යේ න ඛලු සුශ්රෝණි මයේදං සමුදාහෘතම් ॥ 22 ॥
කුරු සාධු ප්රසාදං මේ බාලේ සහෘදයා හ්යසි ।
ප්රසීද දේවි රාමෝමේත්වද්දත්තං රාජ්යමව්යම් ॥ 23 ॥
ලභතාමසිතාපාංගේ යශඃ පරමවාප්නු හි ।
මම රාමස්ය ලෝකස්ය ගුරූණාං භරතස්ය ච ॥ 24 ॥
ප්රියමේතද්ගුරුශ්රෝණි කුරු චාරුමුඛේක්ෂණේ විශුද්ධභාවස්ය සුදුෂ්ටභාවා තාම්රේක්ෂණස්යාශ්රුකලස්ය රාජ්ඤඃ ।
ශ්රුත්වා විචිත්රං කරුණං විලාපං භර්තුර්නෘශංසා න චකාර වාක්යම් ॥ 25 ॥
තතස්ස රාජා පුනරේව මූර්ඡිතඃ ප්රියාමතුෂ්ටාං ප්රතිකූලභාෂිණීම් ।
සමීක්ෂ්ය පුත්රස්ය විවාසනං ප්රති ක්ෂිතෞ විසංජ්ඤෝ නිපපාත දුඛිතඃ ॥ 26 ॥
ඉතීව රාජ්ඤෝ ව්යථිතස්ය සා නිශා ජගාම ඝෝරං ශ්වසතෝ මනස්විනඃ විබෝධ්යමානඃ ප්රතිබෝධනං තදා නිවාරයාමාස ස රාජසත්තමඃ ॥ 27 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ ත්රයෝදශස්සර්ගඃ ॥
