শ্রীমদ্বাল্মীকীয় রামাযণে অয়োধ্য়াকাংডম্ ।
অথ ষড্বিংশস্সর্গঃ ।
অভিবাদ্য় চ কৌসল্য়াং রাম স্সংপ্রস্থিতো বনম্ ।
কৃতস্বস্ত্যযনো মাত্রা ধর্মিষ্ঠে বর্ত্মনি স্থিতঃ ॥ 1 ॥
বিরাজযন্রাজসুতো রাজমার্গং নরৈর্বৃতম্ ।
হৃদয়ান্য়ামমংথেব জনস্য় গুণবত্তয়া ॥ 2 ॥
অভিবাদ্য় চ কৌসল্য়াং রাম স্সংপ্রস্থিতো বনম্ ।
কৃতস্বস্ত্যযনো মাত্রা ধর্মিষ্ঠে বর্ত্মনি স্থিতঃ ॥ 3 ॥
বিরাজযন্রাজসুতো রাজমার্গং নরৈর্বৃতম্ ।
হৃদয়ান্য়ামমংথেব জনস্য় গুণবত্তয়া ॥ 4 ॥
বৈদেহী চাপি তত্সর্বং ন শুশ্রাব তপস্বিনী ।
তদেব হৃদি তস্য়াশ্চ যৌবরাজ্য়াভিষেচনম্ ॥ 5 ॥
দেবকার্য়ং স্বয়ং কৃত্বা কৃতজ্ঞা হৃষ্টচেতনা ।
অভিজ্ঞা রাজধর্মাণাং রাজপুত্রং প্রতীক্ষতে ॥ 6 ॥
প্রবিবেশাথ রামস্তু স্বং বেশ্ম সুবিভূষিতম্ ।
প্রহৃষ্টজনসংপূর্ণং হ্রিয়া কিংচিদবাঙ্মুখঃ ॥ 7 ॥
অথ সীতা সমুত্পত্য় বেপমানা চ তং পতিম্ ।
অপশ্যচ্ছোকসংতপ্তং চিংতাব্য়াকুলিতেংদ্রিযম্ ॥ 8 ॥
তাং দৃষ্ট্বা স হি ধর্মাত্মা ন শশাক মনোগতম্ ।
তং শোকং রাঘবঃ সোঢুং ততো বিবৃততাং গতঃ ॥ 9 ॥
বিবর্ণবদনং দৃষ্ট্বা তং প্রস্বিন্নমমর্ষণম্ ।
আহ দুঃখাভিসংতপ্তা কিমিদানীমিদং প্রভো ॥ 10 ॥
অদ্য় বার্হস্পত শ্শ্রীমান্য়ুক্তঃ পুষ্য়োঽনু রাঘব ।
প্রোচ্যতে ব্রাহ্মণৈঃ প্রাজ্ঞৈঃ কেন ত্বমসি দুর্মনাঃ ॥ 11 ॥
ন তে শতশলাকেন জলফেননিভেন চ ।
আবৃতং বদনং বল্গু ছত্রেণাপি বিরাজতে ॥ 12 ॥
ব্যজনাভ্য়াং চ মুখ্য়াভ্য়াং শতপত্রনিভেক্ষণম্ ।
চংদ্রহংসপ্রকাশাভ্য়াং বীজ্যতে ন তবাননম্ ॥ 13 ॥
বাগ্মিনো বংদিনশ্চাপি প্রহৃষ্টাস্ত্বাং নরর্ষভ ।
স্তুবংতো নাত্র দৃশ্য়ংতে মংগলৈঃ স্সূতমাগধাঃ ॥ 14 ॥
ন তে ক্ষৌদ্রং চ দধি চ ব্রাহ্মণা বেদপারগাঃ ।
মূর্ধ্নি মূর্ধাভিষিক্তস্য় দদতি স্ম বিধানতঃ ॥ 15 ॥
ন ত্বাং প্রকৃতয় স্সর্বা শ্শ্রেণীমুখ্য়াশ্চ ভূষিতাঃ ।
অনুব্রজিতুমিচ্ছংতি পৌরজানপদাস্তথা ॥ 16 ॥
চতুর্ভির্বেগসংপন্নৈর্হয়ৈঃ কাংচনভূষিতৈঃ ।
মুখ্য়ঃ পুষ্যরথো যুক্তঃ কিং ন গচ্ছতি তেঽগ্রতঃ ॥ 17 ॥
হস্তী চাগ্রত শ্শ্রীমাং স্তব লক্ষণপূজিতঃ ।
প্রয়াণে লক্ষ্যতে বীর কৃষ্ণমেঘগিরি প্রভঃ ॥ 18 ॥
ন চ কাংচনচিত্রং তে পশ্য়ামি প্রিযদর্শন ।
ভদ্রাসনং পুরস্কৃত্য় যাংতং বীর পুরস্কৃতম্ ॥ 19 ॥
অভিষেকো যথা সজ্জঃ কিমিদানীমিদং তব ।
অপূর্বো মুখবর্ণশ্চ ন প্রহর্ষশ্চ লক্ষ্যতে ॥ 20 ॥
ইতীব বিলপংতীং তাং প্রোবাচ রঘুনংদনঃ ।
সীতে তত্র ভবাংস্তাতঃ প্রব্রাজযতি মাং বনম্ ॥ 21 ॥
কুলে মহতি সংভূতে ধর্মজ্ঞে ধর্মচারিণি ।
শৃণু জানকি যেনেদং ক্রমেণাভ্য়াগতং মম ॥ 22 ॥
রাজ্ঞা সত্যপ্রতিজ্ঞেন পিত্রা দশরথেন চ ।
কৈকেয়্য়ৈ মম মাত্রে তু পুরা দত্তৌ মহাবরৌ ॥ 23 ॥
তয়াঽদ্য় মম সজ্জেঽস্মিন্নভিষেকে নৃপোদ্যতে ।
প্রচোদিত স্স সময়ো ধর্মেণ প্রতিনির্জিতঃ ॥ 24 ॥
চতুর্দশ হি বর্ষাণি বস্তব্য়ং দংডকে ময়া ।
পিত্রা মে ভরতশ্চাপি যৌবরাজ্য়ে নিয়োজিতঃ ॥ 25 ॥
সোঽহং ত্বামাগতো দ্রষ্টুং প্রস্থিতো বিজনং বনম্ ।
ভরতস্য় সমীপে তু নাহং কথ্য়ঃ কদাচন ॥ 26 ॥
বুদ্ধিয়ুক্তা হি পুরুষা ন সহংতে পরস্তবম্ ।
তস্মান্নতে গুণাঃ কথ্য়া ভরতস্য়াগ্রতো মম ॥ 27 ॥
নাপি ত্বং তেন ভর্তব্য়া বিশেষেণ কদাচন ।
অনুকূলতয়া শক্য়ং সমীপে ত্বস্য় বর্তিতুম্ ॥ 28 ॥
তস্মৈ দত্তং নৃপতিনা যৌবরাজ্য়ং সনাতনম্ ।
স প্রসাদ্যস্ত্বয়া সীতে নৃপতিশ্চ বিশেষতঃ ॥ 29 ॥
অহং চাপি প্রতিজ্ঞাং তাং গুরোস্সমনুপালযন্ ।
বনমদ্য়ৈব যাস্য়ামি স্থিরা ভব মনস্বিনী ॥ 30 ॥
যাতে চ ময়ি কল্য়াণি বনং মুনিনিষেবিতম্ ।
ব্রতোপবাসপরয়া ভবিতব্য়ং ত্বয়াঽনঘে ॥ 31 ॥
কাল্যমুত্থায় দেবানাং কৃত্বা পূজাং যথাবিধি ।
বংদিতব্য়ো দশরথঃ পিতা মম নরেশ্বরঃ ॥ 32 ॥
বংদিতব্য়াশ্চ তে নিত্য়ং যা শ্শেষা মম মাতরঃ ।
স্নেহ প্রণযসংভোগৈ স্সমা হি মম মাতরঃ ॥ 33 ॥
ভ্রাতৃপুত্রসমৌ চাপি দ্রষ্টব্য়ৌ চ বিশেষতঃ ।
ত্বয়া ভরতশত্রুঘ্নৌ প্রাণৈঃ প্রিযতরৌ মম ॥ 34 ॥
বিপ্রিয়ং ন চ কর্তব্য়ং ভরতস্য় কদাচন ।
স হি রাজা প্রভুশ্চৈব দেশস্য় চ কুলস্য় চ ॥ 35 ॥
আরাধিতা হি শীলেন প্রযত্নৈশ্চোপসেবিতাঃ ।
রাজান স্সংপ্রসীদংতি কুপ্য়ংতিচ বিপর্যয়ে ॥ 36 ॥
ঔরসানপি পুত্রান্হি ত্যজংত্যহিতকারিণঃ ।
সমর্থান্সংপ্রগৃহ্ণংতি জনানপি নরাধিপাঃ ॥ 37 ॥
সা ত্বং বসেহ কল্য়াণি রাজ্ঞস্সমনুবর্তিনী ।
ভরতস্য় রতা ধর্মে সত্যব্রতপরাযণা ॥ 38 ॥
অহং গমিষ্য়ামি মহাবনং প্রিয়ে ত্বয়া হি বস্তব্যমিহৈব ভামিনি ।
যথা ব্যলীকং কুরুষে ন কস্য় চি ত্তথা ত্বয়া কার্যমিদং বচো মম ॥ 39 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে ষড্বিংশস্সর্গঃ ॥
