শ্রীমদ্বাল্মীকীয় রামাযণে অয়োধ্য়াকাংডম্ ।
অথ তৃতীযস্সর্গঃ ।
তেষামংজলিপদ্মানি প্রগৃহীতানি সর্বশঃ ।
প্রতিগৃহ্য়াব্রবীদ্রাজা তেভ্য়ঃ প্রিযহিতং বচঃ ॥ 1 ॥
অহোঽস্মি পরমপ্রীতঃ প্রভাবশ্চাতুলো মম ।
যন্মে জ্য়েষ্ঠং প্রিয়ং পুত্রং যৌবরাজ্যস্থমিচ্ছথ ॥ 2 ॥
ইতি প্রত্যর্চ্য় তান্রাজা ব্রাহ্মণানিদমব্রবীত্ ।
বসিষ্ঠং বামদেবং চ তেষামেবোপশৃণ্বতাম্ ॥ 3 ॥
চৈত্রশ্শ্রীমানয়ং মাসঃ পুণ্য়ঃ পুষ্পিতকাননঃ ।
যৌবরাজ্য়ায় রামস্য় সর্বমেবোপকল্প্যতাম্ ॥ 4 ॥
রাজ্ঞস্তূপরতে বাক্য়ে জনঘোষো মহানভূত্ ।
শনৈস্তস্মিন্প্রশাংতে চ জনঘোষে জনাধিপঃ ॥ 5 ॥
বসিষ্ঠং মুনিশার্দূলং রাজা বচনমব্রবীত্ ।
অভিষেকায় রামস্য় যত্কর্ম সপরিচ্ছদম্ ॥ 6 ॥
তদদ্য় ভগবন্ সর্বমাজ্ঞাপয়িতু মর্হসি ।
তচ্ছ্রুত্বা ভূমিপালস্য় বসিষ্ঠো দ্বিজসত্তমঃ ॥ 7 ॥
আদিদেশাগ্রতো রাজ্ঞ স্স্থিতান্য়ুক্তান্ কৃতাংজলীন্ ।
সুবর্ণাদীনি রত্নানি বলীন্ সর্বৌষধীরপি ॥ 8 ॥
শুক্লমাল্য়াংশ্চ লাজাংশ্চ পৃথক্চ মধুসর্পিষী ।
অহতানি চ বাসাংসি রথং সর্বায়ুধান্যপি ॥ 9 ॥
চতুরংগবলং চৈব গজং চ শুভলক্ষণম্ ।
চামরব্যজনে শ্বেতে ধ্বজং ছত্রং চ পাংডুরম্ ॥ 10 ॥
শতং চ শাতকুংভানাং কুংভানাগ্নিবর্চসাম্ ।
হিরণ্যশৃংগমৃষভং সমগ্রং ব্য়াঘ্রচর্ম চ ॥ 11 ॥
উপস্থাপযত প্রাতরগ্ন্যগারং মহীপতেঃ ।
সুবর্ণাদীনি রত্নানি বলীন্ সর্বৌষধীরপি ॥ 12 ॥
শুক্লমাল্য়াংশ্চ লাজাংশ্চ পৃথক্চ মধুসর্পিষী ।
অহতানি চ বাসাংসি রথং সর্বায়ুধান্যপি ॥ 13 ॥
চতুরংগবলং চৈব গজং চ শুভলক্ষণম্ ।
চামরব্যজনে শ্বেতে ধ্বজং ছত্রং চ পাংডুরম্ ॥ 14 ॥
শতং চ শাতকুংভানাং কুংভানাগ্নিবর্চসাম্ ।
হিরণ্যশৃংগমৃষভং সমগ্রং ব্য়াঘ্রচর্ম চ ॥ 15 ॥
উপস্থাপযত প্রাতরগ্ন্যগারং মহীপতেঃ ।
যচ্চান্যত্কিংচিদেষ্টব্য়ং তত্সর্বমুপকল্প্যতাম্ ॥ 16 ॥
অংতঃপুরস্য় দ্বারাণি সর্বস্য় নগরস্য় চ ।
চংদনস্রগ্ভিরর্চ্য়ংতাং ধূপৈশ্চ ঘ্রাণহারিভিঃ ॥ 17 ॥
প্রশস্তমন্নং গুণবদ্দধিক্ষীরোপসেচনম্ ।
দ্বিজানাং শতসাহস্রে যত্প্রকামমলং ভবেত্ ॥ 18 ॥
সত্কৃত্য় দ্বিজমুখ্য়ানাং শ্বঃপ্রভাতে প্রদীযতাম্ ।
ঘৃতং দধি চ লাজাশ্চ দক্ষিণাশ্চাপি পুষ্কলাঃ ॥ 19 ॥
সূর্য়েঽভ্য়ুদিতমাত্রে শ্বো ভবিতা স্বস্তিবাচনম্ ।
ব্রাহ্মণাশ্চ নিমংত্র্য়ংতাং কল্প্য়ংতামাসনানি চ ॥ 20 ॥
আবধ্য়ংতাং পতাকাশ্চ রাজমার্গশ্চ সিংচ্যতাম্ ।
সর্বে চ তালাবচরা গণিকাশ্চ স্বলংকৃতাঃ ॥ 21 ॥
কক্ষ্য়াং দ্বিতীয়ামাসাদ্য় তিষ্ঠংতু নৃপবেশ্মনঃ ।
দেবাযতনচৈত্য়েষুসান্নভক্ষা স্সদক্ষিণাঃ ॥ 22 ॥
উপস্থাপয়িতব্য়া স্স্য়ুর্মাল্যয়োগ্য়াঃ পৃথক্পৃথক্ ।
দীর্ঘাসিবদ্ধা যোধাশ্চ সন্নদ্ধা মৃষ্টবাসসঃ ॥ 23 ॥
মহারাজাংগণং সর্বে প্রবিশংতু মহোদযম্ ।
এবং ব্য়াদিশ্য় বিপ্রৌ তৌ ক্রিয়াস্তত্র সুনিষ্ঠিতৌ ॥ 24 ॥
চক্রতুশ্চৈব যচ্ছেষং পার্থিবায় নিবেদ্য় চ ।
কৃতমিত্য়েব চাব্রূতাং অভিগম্য় জগত্পতিম্ ॥ 25 ॥
যথোক্তবচনং প্রীতৌ হর্ষয়ুক্তৌ দ্বিজর্ষভৌ ।
ততস্সুমংত্রং দ্য়ুতিমান্রাজা বচনমব্রবীত্ ।
রামঃ কৃতাত্মা ভবতা শীঘ্রমানীযতামিতি ॥ 26 ॥
স তথেতি প্রতিজ্ঞায় সুমংত্রো রাজশাসনাত্ ॥ 27 ॥
রামং তত্রানয়াংচক্রে রথেন রথিনাং বরম্ ।
অথ তত্র সমাসীনা স্তদা দশরথং নৃপম্ ॥ 28 ॥
প্রাচ্য়োদীচ্য়াঃ প্রতীচ্য়াশ্চ দাক্ষিণাত্য়াশ্চ ভূমিপাঃ ।
ম্লেচ্ছাশ্চার্য়াশ্চ যে চান্য়ে বনশৈলাংতবাসিনঃ ॥ 29 ॥
উপাসাংচক্রিরে সর্বে তং দেবা ইব বাসবম্ ।
তেষাং মধ্য়ে স রাজর্ষির্মরুতামিব বাসবঃ ॥ 30 ॥
প্রাসাদস্থো রথগতং দদর্শায়াংতমাত্মজম্ ।
গংধর্বরাজপ্রতিমং লোকে বিখ্য়াতপৌরুষম্ ॥ 31 ॥
দীর্ঘবাহুং মহাসত্ত্বং মত্তমাতংগগামিনম্ ।
চংদ্রকাংতাননং রামমতীব প্রিযদর্শনম্ ॥ 32 ॥
রূপৌদার্যগুণৈঃ পুংসাং দৃষ্টিচিত্তাপহারিণম্ ।
ঘর্মাভিতপ্তাঃ পর্জন্য়ং হ্লাদয়ংতমিব প্রজাঃ ॥ 33 ॥
ন ততর্প সমায়াংতং পশ্যমানো নরাধিপঃ ।
অবতার্য় সুমংত্রস্তং রাঘবং স্য়ংদনোত্তমাত্ ॥ 34 ॥
পিতুস্সমীপং গচ্ছংতং প্রাংজলিঃ পৃষ্ঠতোঽন্বগাত্ ।
স তং কৈলাসশৃংগাভং প্রাসাদং নরপুংগবঃ ॥ 35 ॥
আরুরোহ নৃপং দ্রষ্টুং সহ সূতেন রাঘবঃ ।
স প্রাংজলিরভিপ্রেত্য় প্রণতঃ পিতুরংতিকে ॥ 36 ॥
নাম স্বং শ্রাবযন্রামো ববংদে চরণৌ পিতুঃ ।
তং দৃষ্ট্বা প্রণতং পার্শ্বে কৃতাংজলিপুটং নৃপঃ ॥ 37 ॥
গৃহ্য়াংজলৌ সমাকৃষ্য় সস্বজে প্রিযমাত্মজম্ ।
তস্মৈ চাভ্য়ুদিতং দিব্য়ং মণিকাংচনভূষিতম্ ॥ 38 ॥
দিদেশ রাজা রুচিরং রামায় পরমাসনম্ ।
তদাসনবরং প্রাপ্য় ব্যদীপযত রাঘবঃ ॥ 39 ॥
স্বয়ৈব প্রভয়া মেরুমুদয়ে বিমলো রবিঃ ।
তেন বিভ্রাজতা তত্র সা সভাঽভিব্যরোচত ॥ 40 ॥
বিমলগ্রহনক্ষত্রা শারদী দ্য়ৌরিবেংদুনা ।
তং পশ্যমানো নৃপতিস্তুতোষ প্রিযমাত্মজম্ ॥ 41 ॥
অলংকৃতমিবাত্মানমাদর্শতলসংস্থিতম্ ।
স তং সস্মিতমাভাষ্য় পুত্রং পুত্রবতাং বরঃ ॥ 42 ॥
উবাচেদং বচো রাজা দেবেংদ্রমিব কাশ্যপঃ ।
জ্য়েষ্ঠায়ামসি মে পত্ন্য়াং সদৃশ্য়াং সদৃশস্সুতঃ ॥ 43 ॥
উত্পন্নস্ত্বং গুণশ্রেষ্ঠো মম রামাত্মজঃ প্রিয়ঃ ।
যতস্ত্বয়া প্রজাশ্চেমা স্স্বগুণৈরনুরংজিতাঃ ॥ 44 ॥
তস্মাত্ত্বং পুষ্যয়োগেন যৌবরাজ্যমবাপ্নুহি ।
কামতস্ত্বং প্রকৃত্য়ৈব বিনীতো গুণবানসি ॥ 45 ॥
গুণবত্যপি তু স্নেহাত্পুত্র বক্ষ্য়ামি তে হিতম্ ।
ভূয়ো বিনযমাস্থায় ভব নিত্য়ং জিতেংদ্রিয়ঃ ॥ 46 ॥
কামক্রোধসমুত্থানি ত্যজেথা ব্যসনানি চ ।
পরোক্ষয়া বর্তমানো বৃত্ত্য়া প্রত্যক্ষয়া তথা ॥ 47 ॥
অমাত্যপ্রভৃতীস্সর্বাঃপ্রকৃতীশ্চানুরংজয় ।
কোষ্ঠাগারায়ুধাগারৈঃকৃত্বা সন্নিচয়ান্বহূন্ ॥ 48 ॥
তুষ্টানুরক্তপ্রকৃতির্য়ঃ পালযতি মেদিনীম্ ।
তস্যনংদংতি মিত্রাণি লব্ধ্বাঽমৃতমিবামরাঃ ॥ 49 ॥
তস্মাত্ত্বমপি চাত্মানং নিযম্য়ৈবং সমাচর ।
তচ্ছ্রুত্বা সুহৃদস্তস্য় রামস্য় প্রিযকারিণঃ ॥ 50 ॥
ত্বরিতাঃ শীঘ্রমভ্য়েত্য় কৌসল্য়ায়ৈ ন্যবেদযন্ ।
সা হিরণ্য়ং চ গাশ্চৈব রত্নানি বিবিধানি চ ॥ 51 ॥
ব্য়াদিদেশ প্রিয়াখ্য়েভ্য়ঃ কৌসল্য়া প্রমদোত্তমা ।
অথাঽভিবাদ্য় রাজানং রথমারুহ্য় রাঘবঃ ॥ 52 ॥
যয়ৌ স্বং দ্য়ুতিমদ্বেশ্ম জনৌঘৈঃ প্রতিপূজিতঃ ।
তে চাপি পৌরা নৃপতের্বচস্ত চ্ছৃত্বা তথা লাভমিবেষ্টমাশু ।
নরেংদ্রমামংত্র্য় গৃহাণি গত্বা দেবান্সমানর্চুরতিপ্রহৃষ্টাঃ ॥ 53 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে তৃতীযস্সর্গঃ ॥
