ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஷட்சத்வாரிம்ஶஸ்ஸர்க:³ ।
ததஸ்து தமஸாதீரம் ரம்யமாஶ்ரித்ய ராக⁴வ: ।
ஸீதாமுத்³வீக்ஷ்ய ஸௌமித்ரிமித³ம் வசனமப்³ரவீத் ॥ 1 ॥
இயமத்³ய நிஶா பூர்வா ஸௌமித்ரே ப்ரஹிதா வனம் ।
வனவாஸஸ்ய ப⁴த்³ரம் தே ஸ நோத்கண்டி²துமர்ஹஸி ॥ 2 ॥
பஶ்ய ஶூன்யான்யரண்யானி ருத³ந்தீவ ஸமந்தத: ।
யதா²னிலயமாயத்³பி⁴ர்னிலீனானி ம்ருக³த்³விஜை: ॥ 3 ॥
அத்³யாயோத்⁴யா து நக³ரீ ராஜதா⁴னீ பிதுர்மம ।
ஸஸ்த்ரீபும்ஸா க³தானஸ்மாஞ்ஶோசிஷ்யதி ந ஸம்ஶய: ॥ 4 ॥
அனுரக்தா ஹி மனுஜா ராஜானம் ப³ஹுபி⁴ர்கு³ணை: ।
த்வாம் ச மாம் ச நரவ்யாக்⁴ர ஶத்ருக்⁴ன ப⁴ரதௌ ததா² ॥ 5 ॥
பிதரம் சானுஶோசாமி மாதரம் ச யஶஸ்வினீம் ।
அபி வாந்தௌ⁴ ப⁴வேதாம் து ருத³ந்தௌ தாவபீ⁴க்ஷ்ணஶ: ॥ 6 ॥
ப⁴ரத: க²லு த⁴ர்மாத்மா பிதரம் மாதரம் ச மே ।
த⁴ர்மார்த²காமஸஹிதைர்வாக்யைர்வாஶ்வாஸயிஷ்யதி ॥ 7 ॥
ப⁴ரதஸ்யான்ருஶம்ஸத்வம் விசிந்த்யாஹம் புன: புன: ।
நானுஶோசாமி பிதரம் மாதரம் சாபி லக்ஷ்மண ॥ 8 ॥
த்வயா கார்யம் நரவ்யாக்⁴ர மாமனுவ்ரஜதா க்ருதம் ।
அன்வேஷ்டவ்யா ஹி வைதே³ஹ்யா ரக்ஷணார்தே² ஸஹாயதா ॥ 9 ॥
அத்³பி⁴ரேவ து ஸௌமித்ரே வத்ஸ்யாம்யத்³ய நிஶாமிமாம் ।
ஏதத்⁴தி³ ரோசதே மஹ்யம் வன்யேபி விவிதே⁴ ஸதி ॥ 1௦ ॥
ஏவமுக்த்வா து ஸௌமித்ரிம் ஸுமந்த்ரமபி ராக⁴வ: ।
அப்ரமத்தஸ்த்வமஶ்வேஷு ப⁴வ ஸௌம்யேத்யுவாச ஹ ॥ 11 ॥
ஸோஶ்வான்ஸுமந்த்ர: ஸம்யம்ய ஸூர்யேஸ்தம் ஸமுபாக³தே ।
ப்ரபூ⁴தயவஸான் க்ருத்வா ப³பூ⁴வ ப்ரத்யனந்தர: ॥ 12 ॥
உபாஸ்ய து ஶிவாம் ஸந்த்⁴யாம் த்³ருஷ்ட்வா ராத்ரிமுபஸ்தி²தாம் ।
ராமஸ்ய ஶயனம் சக்ரே ஸூத: ஸௌமித்ரிணா ஸஹ ॥ 13 ॥
தாம் ஶய்யாம் தமஸாதீரே வீக்ஷ்ய வ்ருக்ஷத³லை: க்ருதாம் ।
ராம: ஸௌமித்ரிணா ஸார்த⁴ம் ஸபா⁴ர்யஸ்ஸம்விவேஶ ஹ ॥ 14 ॥
ஸபா⁴ர்யம் ஸம்ப்ரஸுப்தம் தம் ப்⁴ராதரம் வீக்ஷ்ய லக்ஷ்மண: ।
கத²யாமாஸ ஸூதாய ராமஸ்ய விவிதா⁴ன் கு³ணான் ॥ 15 ॥
ஜாக்³ரதோ ஹ்யேவ தாம் ராத்ரிம் ஸௌமித்ரேருதி³தோ ரவி: ।
ஸூதஸ்ய தமஸாதீரே ராமஸ்ய ப்³ருவதோ கு³ணான் ॥ 16 ॥
கோ³குலாகுலதீராயாஸ்தமஸாயா விதூ³ரத: ।
அவஸத்தத்ர தாம் ராத்ரிம் ராம: ப்ரக்ருதிபி⁴ஸ்ஸஹ ॥ 17 ॥
உத்தா²ய ஸ மஹாதேஜா: ப்ரக்ருதீஸ்தா நிஶாம்ய ச ।
அப்³ரவீத்³ப்⁴ராதரம் ராமோ லக்ஷ்மணம் புண்யலக்ஷணம் ॥ 18 ॥
அஸ்மத்³வ்யபேக்ஷான் ஸௌமித்ரே நிரபேக்ஷான் க்³ருஹேஷ்வபி ।
வ்ருக்ஷமூலேஷு ஸம்ஸுப்தான் பஶ்ய லக்ஷ்மண ஸாம்ப்ரதம் ॥ 19 ॥
யதை²தே நியமம் பௌரா: குர்வந்த்யஸ்மன்னிவர்தனே ।
அபி ப்ராணான்ன்யஸிஷ்யந்தி ந து த்யக்ஷ்யந்தி நிஶ்சயம் ॥ 2௦ ॥
யாவதே³வ து ஸம்ஸுப்தா ஸ்தாவதே³வ வயம் லகு⁴ ।
ரத²மாருஹ்ய க³ச்சா²ம: பந்தா²னமகுதோப⁴யம் ॥ 21 ॥
அதோ பூ⁴யோபி நேதா³னீமிக்ஷ்வாகுபுரவாஸின: ।
ஸ்வபேயுரனுரக்தா மாம் வ்ருக்ஷமூலானி ஸம்ஶ்ரிதா: ॥ 22 ॥
பௌரா ஹ்யாத்மக்ருதாத்³து³:கா²த்³விப்ரமோச்யா ந்ருபாத்மஜை: ।
ந து க²ல்வாத்மனா யோஜ்யா து³:கே²ன புரவாஸின: ॥ 23 ॥
அப்³ரவீல்லக்ஷ்மணோ ராமம் ஸாக்ஷாத்³த⁴ர்மமிவஸ்தி²தம் ।
ரோசதே மே ததா² ப்ராஜ்ஞ க்ஷிப்ர மாருஹ்யதாமிதி ॥ 24 ॥
அத² ராமோப்³ரவீச்ச்²ரீமான்ஸுமந்த்ரம் யுஜ்யதாம் ரத:² ।
க³மிஷ்யாமி ததோரண்யம் க³ச்ச² ஶீக்⁴ரமித: ப்ரபோ⁴ ॥ 25 ॥
ஸூதஸ்தத ஸ்ஸத்த்வரித: ஸ்யந்த³னம் தைர்ஹயோத்தமை: ।
யோஜயித்வ்ராத² ராமாய ப்ராஞ்ஜலி: ப்ரத்யவேத³யத் ॥ 26 ॥
அயம் யுக்தோ மஹாபா³ஹோ ரத²ஸ்தே ரதி²னாம் வர ।
த்வமாரோஹஸ்வ ப⁴த்³ரம் தே ஸஸீத ஸ்ஸஹலக்ஷ்மண: ॥ 27 ॥
தம் ஸ்யந்த³னமதி⁴ஷ்டா²ய ராக⁴வ ஸ்ஸபரிச்ச²த:³ ।
ஶீக்⁴ரகா³மாகுலாவர்தாம் தமஸாமதரன்னதீ³ம் ॥ 28 ॥
ஸ ஸந்தீர்ய மஹாபா³ஹு: ஶ்ரீமான் ஶிவமகண்டகம் ।
ப்ராபத்³யத மஹாமார்க³மப⁴யம் ப⁴யத³ர்ஶினாம் ॥ 29 ॥
மோஹனார்த²ம் து பௌராணாம் ஸூதம் ராமோப்³ரவீத்³வச: ।
உத³ங்முக:² ப்ரயாஹி த்வம் ரத²மாஸ்தா²ய ஸாரதே² ॥ 3௦ ॥
முஹூர்தம் த்வரிதம் க³த்வா நிவர்தய ரத²ம் புன: ।
யதா² ந வித்³யு: பௌரா மாம் ததா² குரு ஸமாஹித: ॥ 31 ॥
ராமஸ்ய வசனம் ஶ்ருத்வா ததா² சக்ரே ஸ ஸாரதி²: ।
ப்ரத்யாக³ம்ய ச ராமஸ்ய ஸ்யந்த³னம் ப்ரத்யவேத³யத் ॥ 32 ॥
தௌ ஸம்ப்ரயுக்தம் து ரத²ம் ஸமாஸ்தி²தௌ ததா³ ஸஸீதௌ ரகு⁴வம்ஶவர்த⁴னௌ ।
ப்ரசோத³யாமாஸ ததஸ்துரங்க³மான் ஸ ஸாரதி²ர்யேன பதா² தபோவனம் ॥ 33 ॥
தத ஸ்ஸமாஸ்தா²ய ரத²ம் மஹாரத:² ஸஸாரதி²ர்தா³ஶரதி²ர்வனம் யயௌ ।
உத³ங்முக²ம் தம் து ரத²ம் சகார ஸ ப்ரயாணமாங்க³ல்ய நிமித்தத³ர்ஶனாத் ॥ 34 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஷட்சத்வாரிம்ஶஸ்ஸர்க:³ ॥
