শ্রীমদ্বাল্মীকীয় রামাযণে অয়োধ্য়াকাংডম্ ।
অথ অষ্টচত্বারিংশস্সর্গঃ ।
তেষামেবং বিষণ্ণানাং পীডিতানামতীব চ ।
বাষ্পবিপ্লুতনেত্রাণাং সশোকানাং মুমূর্ষয়া ॥ 1 ॥
অনুগম্য় নিবৃত্তানাং রামং নগরবাসিনাম্ ।
উদ্গতানীব সত্বানি বভূবুরমনস্বিনাম্ ॥ 2 ॥
তেষামেবং বিষণ্ণানাং পীডিতানামতীব চ ।
বাষ্পবিপ্লুতনেত্রাণাং সশোকানাং মুমূর্ষয়া ॥ 3 ॥
অনুগম্য় নিবৃত্তানাং রামং নগরবাসিনাম্ ।
উদ্গতানীব সত্বানি বভূবুরমনস্বিনাম্ ॥ 4 ॥
স্বং স্বং নিলযমাগম্য় পুত্রদারৈস্সমাবৃতা ।
অশ্রূণি মুমুচুস্সর্বে বাষ্পেণ পিহিতাননাঃ ॥ 5 ॥
ন চাহৃষ্যন্ নচামোদন্ বণিজো ন প্রসারযন্ ।
ন চাশোভংত পণ্য়ানি নাপচন্ গৃহমেধিনঃ ॥ 6 ॥
নষ্টং দৃষ্ট্বা নাভ্যনংদন্ বিপুলং বা ধনাগমম্ ।
পুত্রং প্রথমজং লব্ধ্বা জননী নাভ্যনংদত ॥ 7 ॥
গৃহে গৃহে রুদংত্যশ্চ ভর্তারং গৃহমাগতম্ ।
ব্যগর্হয়ংত দুঃখার্তা বাগ্ভিস্তোত্রৈরিব দ্বিপান্ ॥ 8 ॥
কিং নু তেষাং গৃহৈঃ কার্য়ং কিং দারৈঃ কিং ধনেন বা ।
পুত্রৈর্বা কিং সুখৈর্বাপি যে ন পশ্য়ংতি রাঘবম্ ॥ 9 ॥
একঃ সত্পুরুষো লোকে লক্ষ্মণ স্সহ সীতয়া ।
যোঽনুগচ্ছতি কাকুত্স্থং রামং পরিচরন্ বনে ॥ 10 ॥
আপগাঃ কৃতপুণ্য়াস্তা পদ্মিন্যশ্চ সরাংসি চ ।
যেষু স্নাস্যতি কাকুত্স্থো বিগাহ্য় সলিলং শুচি ॥ 11 ॥
শোভয়িষ্য়ংতি কাকুত্স্থমটব্য়ো রম্যকাননাঃ ।
আপগাশ্চ মহানূপাঃ সানুমংতশ্চ পর্বতাঃ ॥ 12 ॥
কাননং বাপি শৈলং বা যং রামোঽধিগমিষ্যতি ।
প্রিয়াতিথিমিব প্রাপ্তং নৈনং শক্ষ্য়ংত্যনর্চিতুম্ ॥ 13 ॥
বিচিত্রকুসুমাপীডা বহুমংজরি ধারিণঃ ।
রাঘবং দর্শয়িষ্য়ংতি নগা ভ্রমরশালিনঃ ॥ 14 ॥
অকালে চাপি মুখ্য়ানি পুষ্পাণি চ ফলানি চ ।
দর্শয়িষ্য়ংত্যনুক্রোশাদ্গিরয়ো রামমাগতম্ ॥ 15 ॥
প্রস্রবিষ্য়ংতি তোয়ানি বিমলানি মহীধরাঃ ।
বিদর্শয়ংতো বিবিধান্ ভূযশ্চিত্রাংশ্চ নির্ঝরান্ ॥ 16 ॥
পাদপাঃ পর্বতাগ্রেষু রময়িষ্য়ংতি রাঘবম্ ।
যত্র রামো ভয়ং নাত্র নাস্তি তত্র পরাভবঃ ॥ 17 ॥
স হি শূরো মহাবাহুঃ পুত্রো দশরথস্য় চ ।
পুরা ভবতি নোদূরাদনুগচ্ছাম রাঘবম্ ॥ 18 ॥
পাদচ্ছায়া সুখা ভর্তুস্তাদৃশস্য় মহাত্মনঃ ।
স হি নাথো জনস্য়াস্য় স গতি স্সপরাযণম্ ॥ 19 ॥
বয়ং পরিচরিষ্য়ামঃ সীতাং যূয়ং তু রাঘবম্ ।
ইতি পৌরস্ত্রিয়ো ভর্তৃন্ দুখার্তাস্তত্তদব্রুবন্ ॥ 20 ॥
যুষ্মাকং রাঘবোঽরণ্য়ে যোগক্ষেমং বিধাস্যতি ।
সীতা নারীজনস্য়াস্য় যোগক্ষেমং করিষ্যতি ॥ 21 ॥
কো ন্বনেনাঽপ্রতীতেন সোত্কংঠিতজনেন চ ।
সংপ্রিয়েতামনোজ্ঞেন বাসেন হৃতচেতসা ॥ 22 ॥
কৈকেয়্য়া যদি চে দ্রাজ্য়ং স্য়াদধর্ম্যমনাথবত্ ।
ন হি নো জীবিতেনার্থঃ কুতঃ পুত্রৈঃ কুতো ধনৈঃ ॥ 23 ॥
যয়া পুত্রশ্চ ভর্তা চ ত্যক্তাবৈশ্বর্যকারণাত্ ।
কং সা পরিহরেদন্য়ং কৈকেয়ী কুলপাংসনী ॥ 24 ॥
কৈকেয়্য়া ন বয়ং রাজ্য়ে ভৃতকা নিবসেমহি ।
জীবংত্য়া জাতু জীবংত্য়ঃ পুত্রৈরপি শপামহে ॥ 25 ॥
যা পুত্রং পার্থিবেংদ্রস্য় প্রবাসযতি নির্ঘৃণা ।
কস্তাং প্রাপ্য় সুখং জীবেদধর্ম্য়াং দুষ্টচারিণীম্ ॥ 26 ॥
উপদ্রুতমিদং সর্বমনালংবমনাযকম্ ।
কৈকেয়্য়া হি কৃতে সর্বং বিনাশমুপয়াস্যতি ॥ 27 ॥
ন হি প্রব্রজিতে রামে জীবিষ্যতি মহীপতিঃ ।
মৃতে দশরথে ব্যক্তং বিলাপস্তদনংতরম্ ॥ 28 ॥
তে বিষং পিবতালোড্য় ক্ষীণপুণ্য়া স্সুদুর্গতাঃ ।
রাঘবং বানুগচ্ছধ্বমশ্রুতিং বাপি গচ্ছত ॥ 29 ॥
মিথ্য়াপ্রব্রাজিতো রাম স্সসীত স্সহলক্ষ্মণঃ ।
ভরতে সন্নিসৃষ্টাস্স্ম স্সৌনিকে পশবো যথা ॥ 30 ॥
পূর্ণচংদ্রানন শ্শ্য়ামো গূঢজত্রুররিংদমঃ ।
আজানুবাহুঃ পদ্মাক্ষো রামো লক্ষ্মণপূর্বজঃ ॥ 31 ॥
পূর্বাভিভাষী মধুর স্সত্যবাদী মহাবলঃ ।
সৌম্যস্সর্বস্য় লোকস্য় চংদ্রবত্প্রিযদর্শনঃ ॥ 32 ॥
নূনং পুরুষশার্দূলো মত্তমাতংগবিক্রমঃ ।
শোভয়িষ্যত্যরণ্য়ানি বিচরন্ স মহারথঃ ॥ 33 ॥
তাস্তথা বিলপংত্যস্তু নগরে নাগরস্ত্রিয়ঃ ।
চুক্রুশু র্দুঃখসংতপ্তা মৃত্য়োরিব ভয়াগমে ॥ 34 ॥
ইত্য়েবং বিলপংতীনাং স্ত্রীণাং বেশ্মসু রাঘবম্ ।
জগামাস্তং দিনকরো রজনী চাভ্যবর্তত ॥ 35 ॥
নষ্টজ্বলনসংতাপা প্রশাংতাধ্য়াযসত্কথা ।
তিমিরেণাভিলিপ্তেব সা তদা নগরী বভৌ ॥ 36 ॥
উপশাংতবণিক্পণ্য়া নষ্টহর্ষা নিরাশ্রয়া ।
অয়োধ্য়া নগরী চাসীন্নষ্টতারমিবাংবরম্ ॥ 37 ॥
তথা স্ত্রিয়ো রামনিমিত্তমাতুরা যথা সুতে ভ্রাতরি বা বিবাসিতে ।
বিলপ্য় দীনা রুরুদুর্বিচেতস স্সূতৈর্হি তাসামধিকো হি সোঽভবত্ ॥ 38 ॥
প্রশাংতগীতোত্সবনৃত্তবাদনা ব্যপাস্তহর্ষা পিহিতাপণোদয়া ।
তদা হ্যয়োধ্য়া নগরী বভূব সা মহার্ণব স্সংক্ষপিতোদকো যথা ॥ 39 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে অষ্টচত্বারিংশস্সর্গঃ ॥
