ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² பஞ்சமஸ்ஸர்க:³ ।
ஸந்தி³ஶ்ய ராமம் ந்ருபதி ஶ்ஶ்வோபா⁴வின்யபி⁴ஷேசனே ।
புரோஹிதம் ஸமாஹூய வஶிஷ்ட²மித³மப்³ரவீத் ॥ 1 ॥
க³ச்சோ²பவாஸம் காகுத்ஸ்த²ம் காரயாத்³ய தபோத⁴ன ।
ஶ்ரீயஶோராஜ்யலாபா⁴ய வத்⁴வா ஸஹ யதவ்ரதம் ॥ 2 ॥
ததே²தி ச ஸ ராஜானமுக்த்வா வேத³விதா³ம் வர: ।
ஸ்வயம் வஸிஷ்டோ² ப⁴க³வான்யயௌ ராமனிவேஶனம் ॥ 3 ॥
உபவாஸயிதும் ராமம் மந்த்ரவன்மந்த்ரகோவித:³ ।
ப்³ராஹ்மம் ரத²வரம் யுக்தமாஸ்தா²ய ஸுத்³ருட⁴வ்ரத: ॥ 4 ॥
ஸ ராமப⁴வனம் ப்ராப்ய பாண்டு³ராப்⁴ரக⁴னப்ரப⁴ம் ।
திஸ்ர: கக்ஷ்யா ரதே²னைவ விவேஶமுனிஸத்தம: ॥ 5 ॥
தமாக³தம்ருஷிம் ராமஸ்த்வரன்னிவ ஸஸம்ப்⁴ரம: ।
மானயிஷ்யன்ஸமானார்ஹம் நிஶ்சக்ராம நிவேஶனாத் ॥ 6 ॥
அப்⁴யேத்ய த்வரமாணஶ்ச ரதா²ப்⁴யாஶம் மனீஷிண: ।
ததோவதாரயாமாஸ பரிக்³ருஹ்ய ரதா²த்ஸ்வயம் ॥ 7 ॥
ஸ சைனம் ப்ரஶ்ரிதம் த்³ருஷ்ட்வா ஸம்பா⁴ஷ்யாபி⁴ப்ரஸாத்³ய ச ।
ப்ரியார்ஹம் ஹர்ஷயன்ராமமித்யுவாச புரோஹித: ॥ 8 ॥
ப்ரஸன்னஸ்தே பிதா ராம யௌவராஜ்யமவாப்ஸ்யஸி ।
உபவாஸம் ப⁴வானத்³ய கரோது ஸஹ ஸீதயா ॥ 9 ॥
ப்ராதஸ்த்வாமபி⁴ஷேக்தா ஹி யௌவராஜ்யே நராதி⁴ப: ।
பிதா த³ஶரத:² ப்ரீத்யா யயாதிம் நஹுஷோ யதா² ॥ 1௦ ॥
இத்யுக்த்வா ஸ ததா³ ராமமுபவாஸம் யதவ்ரதம் ।
மந்த்ரவத்காரயாமாஸ வைதே³ஹ்யா ஸஹிதம் முனி: ॥ 11 ॥
ததோ யதா²வத்³ராமேண ஸ ராஜ்ஞோ கு³ருரர்சித: ।
அப்⁴யனுஜ்ஞாப்ய காகுத்ஸ்த²ம் யயௌ ராமனிவேஶனாத் ॥ 12 ॥
ஸுஹ்ருத்³பி⁴ஸ்தத்ர ராமோபி ஸஹாஸீன: ப்ரியம்வதை³: ।
ஸபா⁴ஜிதோ விவேஶாத² தானநுஜ்ஞாப்ய ஸர்வஶ: ॥ 13 ॥
ஹ்ருஷ்டனாரீனரயுதம் ராமவேஶ்ம ததா³ ப³பௌ⁴ ।
யதா² மத்தத்³விஜக³ணம் ப்ரபு²ல்லனலினம் ஸர: ॥ 14 ॥
ஸ ராஜப⁴வனப்ரக்²யாத்தஸ்மாத்³ராமனிவேஶானாத் ।
நிர்க³த்ய த³த்³ருஶே மார்க³ம் வஸிஷ்டோ² ஜனஸம்வ்ருதம் ॥ 15 ॥
ப்³ருந்த³ப்³ருந்தை³ரயோத்⁴யாயாம் ராஜமார்கா³ஸ்ஸமந்தத: ।
ப³பூ⁴வுரபி⁴ஸம்பா³தா⁴: குதூஹலஜனைர்வ்ருதா: ॥ 16 ॥
ஜனப்³ருந்தோ³ர்மிஸங்க⁴ர்ஷஹர்ஷஸ்வனவதஸ்ததா³ ।
ப³பூ⁴வ ராஜமார்க³ஸ்ய ஸாக³ரஸ்யேவ நிஸ்வன: ॥ 17 ॥
ஸிக்தஸம்ம்ருஷ்டரத்²யா ஹி தத³ஹர்வனமாலினீ ।
ஆஸீத³யோத்⁴யானக³ரீ ஸமுச்ச்²ரிதக்³ருஹத்⁴வஜா ॥ 18 ॥
ததா³ ஹ்யயோத்⁴யானிலய: ஸஸ்த்ரீபா³லாப³லோ ஜன: ।
ராமாபி⁴ஷேகமாகாங்க்ஷன்னாகாங்க்ஷது³த³யம் ரவே: ॥ 19 ॥
ப்ரஜாலங்காரபூ⁴தம் ச ஜனஸ்யானந்த³வர்த⁴னம் ।
உத்ஸுகோபூ⁴ஜ்ஜனோ த்³ரஷ்டும் தமயோத்⁴யாமஹோத்ஸவம் ॥ 2௦ ॥
ஏவம் தஜ்ஜனஸம்பா³த⁴ம் ராஜமார்க³ம் புரோஹித: ।
வ்யூஹன்னிவ ஜனௌக⁴ம் தம் ஶனை ராஜகுலம் யயௌ ॥ 21 ॥
ஸிதாப்⁴ரஶிக²ரப்ரக்²யம் ப்ராஸாத³மதி⁴ருஹ்ய ஸ: ।
ஸமீயாய நரேந்த்³ரேண ஶக்ரேணேவ ப்³ருஹஸ்பதி: ॥ 22 ॥
தமாக³தமபி⁴ப்ரேக்ஷ்ய ஹித்வா ராஜாஸனம் ந்ருப: ।
பப்ரச்ச² ஸ ச தஸ்மை தத்க்ருதமித்யப்⁴யவேத³யத் ॥ 23 ॥
சைவ ததா³ துல்யம் ஸஹாஸீனாஸ்ஸபா⁴ஸத:³ ।
ஆஸனேப்⁴யஸ்ஸமுத்தஸ்து²: பூஜயந்த: புரோஹிதம் ॥ 24 ॥
கு³ருணா த்வப்⁴யனுஜ்ஞாதோ மனுஜௌக⁴ம் விஸ்ருஜ்ய தம் ।
விவேஶாந்த: புரம் ராஜா ஸிம்ஹோ கி³ரிகு³ஹாமிவ ॥ 25 ॥
தத³க்³ய்ரவேஷப்ரமதா³ஜனாகுலம் மஹேந்த்³ரவேஶ்மப்ரதிமம் நிவேஶனம் ।
விதீ³பயம்ஶ்சாரு விவேஶ பார்தி²வ ஶ்ஶஶீவ தாராக³ணஸங்குலம் நப:⁴ ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ பஞ்சமஸ்ஸர்க:³ ॥
