ශ්රීමද්වාල්මීකීය රාමායණේ අයෝධ්යාකාංඩම් ।
අථ පංචමස්සර්ගඃ ।
සංදිශ්ය රාමං නෘපති ශ්ශ්වෝභාවින්යභිෂේචනේ ।
පුරෝහිතං සමාහූය වශිෂ්ඨමිදමබ්රවීත් ॥ 1 ॥
ගච්ඡෝපවාසං කාකුත්ස්ථං කාරයාද්ය තපෝධන ।
ශ්රීයශෝරාජ්යලාභාය වධ්වා සහ යතව්රතම් ॥ 2 ॥
තථේති ච ස රාජානමුක්ත්වා වේදවිදාං වරඃ ।
ස්වයං වසිෂ්ඨෝ භගවාන්යයෞ රාමනිවේශනම් ॥ 3 ॥
උපවාසයිතුං රාමං මංත්රවන්මංත්රකෝවිදඃ ।
බ්රාහ්මං රථවරං යුක්තමාස්ථාය සුදෘඪව්රතඃ ॥ 4 ॥
ස රාමභවනං ප්රාප්ය පාංඩුරාභ්රඝනප්රභම් ।
තිස්රඃ කක්ෂ්යා රථේනෛව විවේශමුනිසත්තමඃ ॥ 5 ॥
තමාගතමෘෂිං රාමස්ත්වරන්නිව සසංභ්රමඃ ।
මානයිෂ්යන්සමානාර්හං නිශ්චක්රාම නිවේශනාත් ॥ 6 ॥
අභ්යේත්ය ත්වරමාණශ්ච රථාභ්යාශං මනීෂිණඃ ।
තතෝऽවතාරයාමාස පරිගෘහ්ය රථාත්ස්වයම් ॥ 7 ॥
ස චෛනං ප්රශ්රිතං දෘෂ්ට්වා සංභාෂ්යාභිප්රසාද්ය ච ।
ප්රියාර්හං හර්ෂයන්රාමමිත්යුවාච පුරෝහිතඃ ॥ 8 ॥
ප්රසන්නස්තේ පිතා රාම යෞවරාජ්යමවාප්ස්යසි ।
උපවාසං භවානද්ය කරෝතු සහ සීතයා ॥ 9 ॥
ප්රාතස්ත්වාමභිෂේක්තා හි යෞවරාජ්යේ නරාධිපඃ ।
පිතා දශරථඃ ප්රීත්යා යයාතිං නහුෂෝ යථා ॥ 10 ॥
ඉත්යුක්ත්වා ස තදා රාමමුපවාසං යතව්රතම් ।
මංත්රවත්කාරයාමාස වෛදේහ්යා සහිතං මුනිඃ ॥ 11 ॥
තතෝ යථාවද්රාමේණ ස රාජ්ඤෝ ගුරුරර්චිතඃ ।
අභ්යනුජ්ඤාප්ය කාකුත්ස්ථං යයෞ රාමනිවේශනාත් ॥ 12 ॥
සුහෘද්භිස්තත්ර රාමෝऽපි සහාසීනඃ ප්රියංවදෛඃ ।
සභාජිතෝ විවේශාऽථ තානනුජ්ඤාප්ය සර්වශඃ ॥ 13 ॥
හෘෂ්ටනාරීනරයුතං රාමවේශ්ම තදා බභෞ ।
යථා මත්තද්විජගණං ප්රඵුල්ලනලිනං සරඃ ॥ 14 ॥
ස රාජභවනප්රඛ්යාත්තස්මාද්රාමනිවේශානාත් ।
නිර්ගත්ය දදෘශේ මාර්ගං වසිෂ්ඨෝ ජනසංවෘතම් ॥ 15 ॥
බෘංදබෘංදෛරයෝධ්යායාං රාජමාර්ගාස්සමංතතඃ ।
බභූවුරභිසංබාධාඃ කුතූහලජනෛර්වෘතාඃ ॥ 16 ॥
ජනබෘංදෝර්මිසංඝර්ෂහර්ෂස්වනවතස්තදා ।
බභූව රාජමාර්ගස්ය සාගරස්යේව නිස්වනඃ ॥ 17 ॥
සික්තසම්මෘෂ්ටරථ්යා හි තදහර්වනමාලිනී ।
ආසීදයෝධ්යානගරී සමුච්ඡ්රිතගෘහධ්වජා ॥ 18 ॥
තදා හ්යයෝධ්යානිලයඃ සස්ත්රීබාලාබලෝ ජනඃ ।
රාමාභිෂේකමාකාංක්ෂන්නාකාංක්ෂදුදයං රවේඃ ॥ 19 ॥
ප්රජාලංකාරභූතං ච ජනස්යානංදවර්ධනම් ।
උත්සුකෝऽභූජ්ජනෝ ද්රෂ්ටුං තමයෝධ්යාමහෝත්සවම් ॥ 20 ॥
ඒවං තජ්ජනසංබාධං රාජමාර්ගං පුරෝහිතඃ ।
ව්යූහන්නිව ජනෞඝං තං ශනෛ රාජකුලං යයෞ ॥ 21 ॥
සිතාභ්රශිඛරප්රඛ්යං ප්රාසාදමධිරුහ්ය සඃ ।
සමීයාය නරේංද්රේණ ශක්රේණේව බෘහස්පතිඃ ॥ 22 ॥
තමාගතමභිප්රේක්ෂ්ය හිත්වා රාජාසනං නෘපඃ ।
පප්රච්ඡ ස ච තස්මෛ තත්කෘතමිත්යභ්යවේදයත් ॥ 23 ॥
චෛව තදා තුල්යං සහාසීනාස්සභාසදඃ ।
ආසනේභ්යස්සමුත්තස්ථුඃ පූජයංතඃ පුරෝහිතම් ॥ 24 ॥
ගුරුණා ත්වභ්යනුජ්ඤාතෝ මනුජෞඝං විසෘජ්ය තම් ।
විවේශාංතඃ පුරං රාජා සිංහෝ ගිරිගුහාමිව ॥ 25 ॥
තදග්ය්රවේෂප්රමදාජනාකුලං මහේංද්රවේශ්මප්රතිමං නිවේශනම් ।
විදීපයංශ්චාරු විවේශ පාර්ථිව ශ්ශශීව තාරාගණසංකුලං නභඃ ॥ 26 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ පංචමස්සර්ගඃ ॥
