শ্রীমদ্বাল্মীকীয় রামাযণে অয়োধ্য়াকাংডম্ ।
অথ একনবতিতমস্সর্গঃ ।
কৃতবুদ্ধিং নিবাসায় তত্রৈব স মুনিস্তদা ।
ভরতং কৈকয়ীপুত্রমাতিথ্য়েনন্যমংত্রযত্ ॥ 1 ॥
অব্রবীদ্ভরতস্ত্বেনং নন্বিদং ভবতা কৃতম্ ।
পাদ্যমর্ঘ্য়ং তথাঽতিথ্য়ং বনে যদুপপদ্যতে ॥ 2 ॥
অথোবাচ ভরদ্বাজো ভরতং প্রহসন্নিব ।
জানে ত্বাং প্রীতিসংয়ুক্তং তুষ্য়েস্ত্বং যেন কেনচিত্ ॥ 3 ॥
সেনায়াস্তু তবৈতস্য়াঃ কর্তুমিচ্ছামি ভোজনম্ ।
মম প্রীতির্যথারূপা তথার্হো মনুজর্ষভ ॥ 4 ॥
কিমর্থং চাপি নিক্ষিপ্য় দূরে বলমিহাগতঃ ।
কস্মান্নেহোপয়াতোঽসি সবলঃ পুরুষর্ষভঃ ॥ 5 ॥
ভরতঃ প্রত্য়ুবাচেদং প্রাংজলিস্তং তপোধনম্ ।
সসৈন্য়ো নোপয়াতোঽস্মি ভগবন্ভগবদ্ভয়াত্ ॥ 6 ॥
রাজ্ঞা চ ভগবন্নিত্য়ং রাজপুত্রেণ বা সদা ।
যত্নতঃ পরিহর্তব্য়া বিষয়েষু তপস্বিনঃ ॥ 7 ॥
বাজিমুখ্য়া মনুষ্য়াশ্চ মত্তাশ্চ বরবারণাঃ ।
প্রচ্ছাদ্য় ভগবন্ভূমিং মহতীমনুয়াংতি মাম্ ॥ 8 ॥
তে বৃক্ষানুদকং ভূমিমাশ্রমেষূটজাং স্তথা ।
ন হিংস্য়ুরিতি তেনাঽহমেক এব সমাগতঃ ॥ 9 ॥
আনীযতামিতস্সেনেত্য়াজ্ঞপ্তঃ পরমর্ষিণা ।
ততস্তু চক্রে ভরতস্সেনায়াস্সমুপাগমম্ ॥ 10 ॥
অগ্নিশালাং প্রবিশ্য়াথ পীত্বাঽপঃ পরিমৃজ্য় চ ।
আতিথ্যস্য় ক্রিয়াহেতোর্বিশ্বকর্মাণমাহ্বযত্ ॥ 11 ॥
আহ্বয়ে বিশ্বকর্মাণমহং ত্বষ্টারমেব চ ।
আতিথ্য়ং কর্তুমিচ্ছামি তত্র মে সংবিধীযতাম্ ॥ 12 ॥
আহ্বয়ে লোকপালাংস্ত্রীন্ দেবান্ শক্রমুখাংস্তথা ।
আতিথ্য়ং কর্তুমিচ্ছামি তত্র মে সংবিধীযতাম্ ॥ 13 ॥
প্রাক্স্রোতসশ্চ যা নদ্য়ঃ প্রত্যক্স্রোতস এব চ ।
পৃথিব্য়ামংতরিক্ষে চ সমায়াংত্বদ্য় সর্বশঃ ॥ 14 ॥
অন্য়া স্রবংতু মৈরেয়ং সুরামন্য়াস্সুবিষ্ঠিতাম্ ।
অপরা শ্চোদকং শীতমিক্ষুকাংডরসোপমম্ ॥ 15 ॥
আহ্বয়ে দেবগংধর্বান্বিশ্বাবসুহহাহুহূন্ ।
তথৈবাপ্সরসো দেবীর্গংধর্বীশ্চাপি সর্বশঃ ॥ 16 ॥
ঘৃতাচীমথ বিশ্বাচীং মিশ্রকেশীমলংবুসাম্ ।
নাগদংতাং চ হেমাং চ হিমামদ্রিকৃতস্থলাম্ ॥ 17 ॥
শক্রং যাশ্চোপতিষ্ঠংতি ব্রহ্মাণং যাশ্চ যোষিতঃ ।
সর্বাস্তুংবুরুণা সার্ধমাহ্বয়ে সপরিচ্ছদাঃ ॥ 18 ॥
বনং কুরুষু যদ্দিব্য়ং বাসোভূষণপত্রবত্ ।
দিব্যনারীফলং শশ্বত্তত্কৌবেরমিহৈতু চ ॥ 19 ॥
ইহ মে ভগবান্ সোমো বিধত্তামন্নমুত্তমম্ ।
ভক্ষ্য়ংভোজ্য়ং চ চোষ্য়ং চ লেহ্য়ং চ বিবিধং বহু ॥ 20 ॥
বিচিত্রাণি চ মাল্য়ানি পাদপপ্রচ্য়ুতানি চ ।
সুরাদীনি চ পেয়ানি মাংসানি বিবিধানি চ ॥ 21 ॥
এবং সমাধিনা যুক্তস্তেজসাঽপ্রতিমেন চ ।
শীক্ষাস্বরসমায়ুক্তং তপসা চাব্রবীন্মুনিঃ ॥ 22 ॥
মনসা ধ্য়াযতস্তস্য় প্রাঙ্মুখস্য় কৃতাংজলেঃ ।
আজগ্মুস্তানি সর্বাণি দৈবতানি পৃথক্পৃথক্ ॥ 23 ॥
মলয়ং দর্দুরং চৈব ততস্স্বেদনুদোঽনিলঃ ।
উপস্পৃশ্য় ববৌ যুক্ত্য়া সুপ্রিয়াত্মা সুখশ্শিবঃ ॥ 24 ॥
ততোঽভ্যবর্ষংত ঘনা দিব্য়াঃ কুসুমবৃষ্টয়ঃ ।
দিব্যদুংদুভিঘোষশ্চ দিক্ষু সর্বাসু শুশ্রুবে ॥ 25 ॥
প্রববুশ্চোত্তমা বাতা ননৃতুশ্চাপ্সরোগণাঃ ।
জগুশ্চ দেবগংধর্বা বীণাঃ প্রমুমুচুস্স্বরান্ ॥ 26 ॥
স শব্দো দ্য়াং চ ভূমিং চ প্রাণিনাং শ্রবণানি চ ।
বিবেশোচ্চরিতশ্শ্লক্ষ্ণস্সমো লযসমন্বিতঃ ॥ 27 ॥
তস্মিন্নুপরতে শব্দে দিব্য়ে শ্রোত্র সুখে নৃণাম্ ।
দদর্শ ভারতং সৈন্য়ং বিধানং বিশ্বকর্মণঃ ॥ 28 ॥
বভূব হি সমা ভূমিস্সমংতাত্পংচয়োজনা ।
শাদ্বলৈর্ভহুভিশ্চন্না নীলবৈঢূর্যসন্নিভৈঃ ॥ 29 ॥
তস্মিন্বিল্বাঃ কপিত্থাশ্চ পনসা বীজপূরকাঃ ।
আমলক্য়ো বভূবুশ্চ চূতাশ্চ ফলভূষণাঃ ॥ 30 ॥
উত্তরেভ্য়ঃ কুরুভ্যশ্চ বনং দিব্য়োপভোগবত্ ।
আজগাম নদী দিব্য়া তীরজৈর্ভহুভির্বৃতা ॥ 31 ॥
চতুশ্শালানি শুভ্রাণি শালাশ্চ গজবাজিনাম্ ।
হর্ম্যপ্রাসাদসংবাধাস্তোরণানি শুভানি চ ॥ 32 ॥
সিতমেঘনিভং চাপি রাজবেশ্ম সুতোরণম্ ।
দিব্যমাল্যকৃতাকারং দিব্যগংধসমুক্ষিতম্ ॥ 33 ॥
চতুরশ্রমসংবাধং শযনাসনয়ানবত্ ।
দিব্য়ৈস্সর্বরসৈর্য়ুক্তং দিব্যভোজনবস্ত্রবত্ ॥ 34 ॥
উপকল্পিতসর্বান্নং ধৌতনির্মলভাজনম্ ।
ক্লুপ্তসর্বাসনং শ্রীমত্স্বাস্তীর্ণশযনোত্তমম্ ॥ 35 ॥
প্রবিবেশ মহাবাহুরনুজ্ঞাতো মহর্ষিণা ।
বেশ্ম তদ্রত্নসংপূর্ণং ভরতঃ কৈকয়ীসুতঃ ॥ 36 ॥
অনুজগ্মুশ্চ তং সর্বে মংত্রিণস্সপুরোহিতাঃ ।
বভূবুশ্চ মুদা যুক্তা দৃষ্ট্বা তং বেশ্মসংবিধিম্ ॥ 37 ॥
তত্র রাজাসনং দিব্য়ং ব্যজনং ছত্রমেব চ ।
ভরতো মংত্রিভিস্সার্ধমভ্যবর্তত রাজবত্ ॥ 38 ॥
আসনং পূজয়ামাস রামায়াভিপ্রণম্য় চ ।
বালব্যজনমাদায় ন্যষীদত্সচিবাসনে ॥ 39 ॥
আনুপূর্ব্য়ান্নিষেদুশ্চ সর্বে মংত্রিপুরোহিতাঃ ।
ততস্সেনাপতিঃ পশ্চাত্প্রশাস্তাচ নিষেদতুঃ ॥ 40 ॥
তত স্তত্র মুহূর্তেন নদ্য়ঃ পাযসকর্দমাঃ ।
উপাতিষ্ঠংত ভরতং ভরদ্বাজস্য় শাসনাত্ ॥ 41 ॥
তাসামুভযতঃ কূলং পাংডুমৃত্তিকলেপনাঃ ।
রম্য়াশ্চাবসধা দিব্য়া ব্রহ্মণস্তু প্রসাদজাঃ ॥ 42 ॥
তেনৈব চ মূহূর্তেন দিব্য়াঽভরণভূষিতাঃ ।
আগুর্বিংশতিসাহস্রাঃ ব্রহ্মণা প্রহিতাঃ স্ত্রিয়ঃ ॥ 43 ॥
সুবর্ণমণিমুক্তেন প্রবালেন চ শোভিতাঃ ।
আগুর্বিংশতিসাহাস্রাঃ কুবেরপ্রহিতাঃ স্ত্রিয়ঃ ॥ 44 ॥
যাভির্গৃহীতঃ পুরুষস্সোন্মাদ ইব লক্ষ্যতে ।
আগুর্বিংশতিসাহস্রা নংদনাদপ্সরোগণাঃ ॥ 45 ॥
নারদস্তুংভুরুর্গোপঃ প্রবরাস্সূর্যবর্চসঃ ।
এতে গংধর্বরাজানো ভরতস্য়াগ্রতো জগুঃ ॥ 46 ॥
অলংবুসা মিশ্রকেশী পুংডরীকাঽথ বামনা ।
উপানৃত্য়ংস্তু ভরতং ভরদ্বাজস্য় শাসনাত্ ॥ 47 ॥
যানি মাল্য়ানি দেবেষু যানি চৈত্ররথে বনে ।
প্রয়াগে তান্যদৃশ্য়ংত ভরদ্বাজস্য় শাসনাত্ ॥ 48 ॥
বিল্বা মার্দংগিকা আসন্ শম্য়াগ্রাহা বিভীতকাঃ ।
অশ্বত্থা নর্তকাশ্চাসন্ভরদ্বাজস্য় শাসনাত্ ॥ 49 ॥
ততস্সরলতালাশ্চ তিলকা নক্তমালকাঃ ।
প্রহৃষ্টাস্তত্র সংপেতুঃ কুব্জা ভূত্বাঽথ বামনাঃ ॥ 50 ॥
শিংশুপামলকীজংব্বো যাশ্চান্য়াঃ কাননেষু তাঃ মালতী মল্লিকা জাতির্য়াশ্চান্য়াঃ কাননে লতাঃ ।
প্রমদাবিগ্রহং কৃত্বা ভরদ্বাজাশ্রমেঽবদন্ ॥ 51 ॥
সুরাস্সুরাপাঃ পিবত পাযসং চ বুভুক্ষিতাঃ ॥ 52 ॥
মাংসানি চ সুমেধ্য়ানি ভক্ষ্য়ংতাং যাবদিচ্ছথ ॥ 53 ॥
উচ্ছাদ্য় স্নাপয়ংতি স্ম নদীতীরেষ বল্গুষু ।
অপ্য়েকমেকং পুরষং প্রমদাস্সপ্ত চাষ্ট চ ॥ 54 ॥
সংবাহংত্যস্সমাপেতুর্নার্য়ো রুচিরলোচনাঃ ।
পরিমৃজ্য় তথাঽন্য়োন্য়ং পাযয়ংতি বরাংগনাঃ ॥ 55 ॥
হয়ান্ গজান্ খারানুষ্ট্রাংতথৈব সুরভেস্সুতান্ ।
অভোজযন্বাহনপাস্তেষাং ভোজ্য়ং যথাবিধি ॥ 56 ॥
ইক্ষূংশ্চ মধুলাজাংশ্চ ভোজয়ংতি স্ম বাহনান্ ।
ইক্ষ্বাকুবরয়োধানাং চোদয়ংতো মহাবলাঃ ॥ 57 ॥
নাশ্ববংধোঽশ্বমাজানান্নগজং কুংজরগ্রহঃ ।
মত্তপ্রমত্তমুদিতা চমূঃ সা তত্র সংবভৌ ॥ 58 ॥
তর্পিতাস্সর্বকামৈস্তে রক্তচংদনরূষিতাঃ ।
অপ্সরোগণসংয়ুক্তাস্সৈন্য়া বাচমুদৈরযন্ ॥ 59 ॥
নৈবায়োধ্য়াং গমিষ্য়ামো নগমিষ্য়াম দংডকান্ ।
কুশলং ভরতস্য়াস্তু রামস্য়াস্তু তথা সুখম্ ॥ 60 ॥
ইতি পাদাতয়োধাশ্চ হস্ত্যশ্বারোহবংধকাঃ ।
অনাথাস্তং বিধিং লব্ধ্বা বাচমেতামুদীরযন্ ॥ 61 ॥
সংংপ্রহৃষ্টা বিনেদুস্তে নরাস্তত্র সহস্রশঃ ।
ভরতস্য়ানুয়াতারস্স্বর্গোঽযমিতি চাব্রুবন্ ॥ 62 ॥
নৃত্য়ংতি স্ম হসংতি স্ম গায়ংতি স্ম চ সৈনিকাঃ সমংতাত্পরিধাবংতি মাল্য়োপেতাস্সহস্রশঃ ॥ 63 ॥
ততো ভুক্তবতাং তেষাং তদন্নমমৃতোপমম্ ।
দিব্য়ানুদ্বীক্ষ্য় ভক্ষ্য়াং স্তানভবদ্ভক্ষণে মতিঃ ॥ 64 ॥
প্রেষ্য়াশ্চেট্যশ্চ বধ্বশ্চ বলস্থাশ্চ সহস্রশঃ ।
বভূবুস্তে ভৃশং দৃপ্তাস্সর্বে চাহতবাসসঃ ॥ 65 ॥
কুংজরাশ্চ খরোষ্ট্রাশ্চ গোঽশ্বাশ্চ মৃগপক্ষিণঃ ।
বভূবুস্সুভৃতাস্তত্র নান্য়ো হ্যন্যমকল্পযত্ ॥ 66 ॥
নাঽশুক্লবাসা স্তত্রাঽসীত্ক্ষুধিতো মলিনোঽপি বা ।
রজসা ধ্বস্তকেশো বা নরঃ কশ্চিদদৃশ্যত ॥ 67 ॥
আজৈশ্চাপি চ বারাহৈর্নিষ্ঠানবরসংচয়ৈঃ ।
ফলনির্য়ূহ সংসিদ্দৈস্সূপৈর্গংধ রসান্বিতৈঃ ॥ 68 ॥
পুষ্পধ্বজবতীঃ পূর্ণাশ্শুক্লস্য়ান্নস্য় চাভিতঃ ।
দদৃশুর্বিস্মিতাস্তত্রনরা লৌহীস্সহস্রশঃ ॥ 69 ॥
বভূবুর্বনপার্শ্বেষু কূপাঃ পাযসকর্দমাঃ ।
তাশ্চকামদুঘা গাবো দ্রুমাশ্চাসন্মধুশ্চ্য়ুতঃ ॥ 70 ॥
বাপ্য়ো মৈরেযপূর্ণাশ্চ মৃষ্টমাংসচয়ৈর্বৃতাঃ ।
প্রতপ্তপিঠরৈশ্চাপি মার্গমায়ূরকৌক্কুটৈঃ ॥ 71 ॥
পাত্রীণাং চ সহস্রাণি স্থালীনাং নিয়ুতানি চ ।
ন্যর্বুধানি চ পাত্রাণি শাতকুংভময়ানি চ ॥ 72 ॥
স্থাল্য়ঃ কুংভ্য় করংভ্য় শ্চ দধিপূর্ণাস্সুসংস্কৃতাঃ ।
যৌবনস্থস্য় গৌরস্য় কপিত্থস্য় সুগংধিনঃ ॥ 73 ॥
হ্রদাঃ পূর্ণা রসালস্য় দধ্নশ্শ্বেতস্য় চাপরে ।
বভূবুঃ পাযসস্য়ান্য়ে শর্করায়াবসংচয়াঃ ॥ 74 ॥
কল্কান্চূর্ণকষায়াংশ্চ স্নানানি বিবিধানি চ ।
দদৃশুর্ভাজনস্থানি তীর্থেষু সরতাং নরাঃ ॥ 75 ॥
শুক্লানংশুমতশ্চাপি দংতধাবনসংচয়ান্ ।
শুক্লাংশ্চংদনকল্কাংশ্চ সমুদ্গেষ্ববতিষ্ঠতঃ ॥ 76 ॥
দর্পণাপরিমৃষ্টাংশ্চ বাসসাং চাপি সংচয়ান্ ।
পাদুকোপানহাং চৈব যুগ্মানিচ সহস্রশঃ ॥ 77 ॥
আংজনীঃ কংকতান্কূর্চান্ শস্ত্রাণি চ ধনূংষি চ ।
মর্মত্রাণানি চিত্রাণি শযনান্য়াসনানি চ ॥ 78 ॥
প্রতিপানহ্রদান্পূর্ণন্খরোষ্ট্রগজবাজিনাম্ ।
অবগাহ্যসুতীর্থাংশ্চহ্রদান্ সোত্পলপুষ্করান্ ॥ 79 ॥
আকাশ বর্ণপ্রতিমান্ স্বচ্ছতোয়ান্সুখপ্লবান্ ।
নীপবৈডূর্যবর্ণাংশ্চ মৃদূন্যবসসংচয়ান্ ।
নির্বাপার্থান্ পশূনাং তে দদৃশুস্তত্র সর্বশঃ ॥ 80 ॥
ব্যস্ময়ংত মনুষ্য়াস্তে স্বপ্নকল্পং তদদ্ভুতম্ ।
দৃষ্ট্বাঽতিথ্য়ং কৃতং তাদৃগ্ভরতস্য় মহর্ষিণা ॥ 81 ॥
ইত্য়েবং রমমাণানাং দেবানামিব নংদনে ।
ভরদ্বাজাশ্রমে রম্য়ে সা রাত্রির্ব্যত্যবর্তত ॥ 82 ॥
প্রতিজগ্মুশ্চ তা নদ্য়ো গংধর্বাশ্চ যথাগতম্ ।
ভরদ্বাজমনুজ্ঞাপ্য় তাশ্চ সর্বা বরাংগনাঃ ॥ 83 ॥
তথৈব মত্তা মদিরোত্কটা নরাস্তথৈব দিব্য়াগরুচংদনোক্ষিতাঃ ।
তথৈব দিব্য়া বিবিধাস্স্রগুত্তমাঃ পৃথক্প্রকীর্ণা মনুজৈঃ প্রমর্দিতাঃ ॥ 84 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অয়োধ্য়াকাংডে একনবতিতমস্সর্গঃ ॥
