ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகனவதிதமஸ்ஸர்க:³ ।
க்ருதபு³த்³தி⁴ம் நிவாஸாய தத்ரைவ ஸ முனிஸ்ததா³ ।
ப⁴ரதம் கைகயீபுத்ரமாதித்²யேனந்யமந்த்ரயத் ॥ 1 ॥
அப்³ரவீத்³ப⁴ரதஸ்த்வேனம் நன்வித³ம் ப⁴வதா க்ருதம் ।
பாத்³யமர்க்⁴யம் ததா²தித்²யம் வனே யது³பபத்³யதே ॥ 2 ॥
அதோ²வாச ப⁴ரத்³வாஜோ ப⁴ரதம் ப்ரஹஸன்னிவ ।
ஜானே த்வாம் ப்ரீதிஸம்யுக்தம் துஷ்யேஸ்த்வம் யேன கேனசித் ॥ 3 ॥
ஸேனாயாஸ்து தவைதஸ்யா: கர்துமிச்சா²மி போ⁴ஜனம் ।
மம ப்ரீதிர்யதா²ரூபா ததா²ர்ஹோ மனுஜர்ஷப⁴ ॥ 4 ॥
கிமர்த²ம் சாபி நிக்ஷிப்ய தூ³ரே ப³லமிஹாக³த: ।
கஸ்மான்னேஹோபயாதோஸி ஸப³ல: புருஷர்ஷப:⁴ ॥ 5 ॥
ப⁴ரத: ப்ரத்யுவாசேத³ம் ப்ராஞ்ஜலிஸ்தம் தபோத⁴னம் ।
ஸஸைன்யோ நோபயாதோஸ்மி ப⁴க³வன்ப⁴க³வத்³ப⁴யாத் ॥ 6 ॥
ராஜ்ஞா ச ப⁴க³வன்னித்யம் ராஜபுத்ரேண வா ஸதா³ ।
யத்னத: பரிஹர்தவ்யா விஷயேஷு தபஸ்வின: ॥ 7 ॥
வாஜிமுக்²யா மனுஷ்யாஶ்ச மத்தாஶ்ச வரவாரணா: ।
ப்ரச்சா²த்³ய ப⁴க³வன்பூ⁴மிம் மஹதீமனுயாந்தி மாம் ॥ 8 ॥
தே வ்ருக்ஷானுத³கம் பூ⁴மிமாஶ்ரமேஷூடஜாம் ஸ்ததா² ।
ந ஹிம்ஸ்யுரிதி தேனாஹமேக ஏவ ஸமாக³த: ॥ 9 ॥
ஆனீயதாமிதஸ்ஸேனேத்யாஜ்ஞப்த: பரமர்ஷிணா ।
ததஸ்து சக்ரே ப⁴ரதஸ்ஸேனாயாஸ்ஸமுபாக³மம் ॥ 1௦ ॥
அக்³னிஶாலாம் ப்ரவிஶ்யாத² பீத்வாப: பரிம்ருஜ்ய ச ।
ஆதித்²யஸ்ய க்ரியாஹேதோர்விஶ்வகர்மாணமாஹ்வயத் ॥ 11 ॥
ஆஹ்வயே விஶ்வகர்மாணமஹம் த்வஷ்டாரமேவ ச ।
ஆதித்²யம் கர்துமிச்சா²மி தத்ர மே ஸம்விதீ⁴யதாம் ॥ 12 ॥
ஆஹ்வயே லோகபாலாம்ஸ்த்ரீன் தே³வான் ஶக்ரமுகா²ம்ஸ்ததா² ।
ஆதித்²யம் கர்துமிச்சா²மி தத்ர மே ஸம்விதீ⁴யதாம் ॥ 13 ॥
ப்ராக்ஸ்ரோதஸஶ்ச யா நத்³ய: ப்ரத்யக்ஸ்ரோதஸ ஏவ ச ।
ப்ருதி²வ்யாமந்தரிக்ஷே ச ஸமாயாந்த்வத்³ய ஸர்வஶ: ॥ 14 ॥
அன்யா ஸ்ரவந்து மைரேயம் ஸுராமன்யாஸ்ஸுவிஷ்டி²தாம் ।
அபரா ஶ்சோத³கம் ஶீதமிக்ஷுகாண்ட³ரஸோபமம் ॥ 15 ॥
ஆஹ்வயே தே³வக³ந்த⁴ர்வான்விஶ்வாவஸுஹஹாஹுஹூன் ।
ததை²வாப்ஸரஸோ தே³வீர்க³ந்த⁴ர்வீஶ்சாபி ஸர்வஶ: ॥ 16 ॥
க்⁴ருதாசீமத² விஶ்வாசீம் மிஶ்ரகேஶீமலம்பு³ஸாம் ।
நாக³த³ந்தாம் ச ஹேமாம் ச ஹிமாமத்³ரிக்ருதஸ்த²லாம் ॥ 17 ॥
ஶக்ரம் யாஶ்சோபதிஷ்ட²ந்தி ப்³ரஹ்மாணம் யாஶ்ச யோஷித: ।
ஸர்வாஸ்தும்பு³ருணா ஸார்த⁴மாஹ்வயே ஸபரிச்ச²தா³: ॥ 18 ॥
வனம் குருஷு யத்³தி³வ்யம் வாஸோபூ⁴ஷணபத்ரவத் ।
தி³வ்யனாரீப²லம் ஶஶ்வத்தத்கௌபே³ரமிஹைது ச ॥ 19 ॥
இஹ மே ப⁴க³வான் ஸோமோ வித⁴த்தாமன்னமுத்தமம் ।
ப⁴க்ஷ்யம்போ⁴ஜ்யம் ச சோஷ்யம் ச லேஹ்யம் ச விவித⁴ம் ப³ஹு ॥ 2௦ ॥
விசித்ராணி ச மால்யானி பாத³பப்ரச்யுதானி ச ।
ஸுராதீ³னி ச பேயானி மாம்ஸானி விவிதா⁴னி ச ॥ 21 ॥
ஏவம் ஸமாதி⁴னா யுக்தஸ்தேஜஸாப்ரதிமேன ச ।
ஶீக்ஷாஸ்வரஸமாயுக்தம் தபஸா சாப்³ரவீன்முனி: ॥ 22 ॥
மனஸா த்⁴யாயதஸ்தஸ்ய ப்ராங்முக²ஸ்ய க்ருதாஞ்ஜலே: ।
ஆஜக்³முஸ்தானி ஸர்வாணி தை³வதானி ப்ருத²க்ப்ருத²க் ॥ 23 ॥
மலயம் த³ர்து³ரம் சைவ ததஸ்ஸ்வேத³னுதோ³னில: ।
உபஸ்ப்ருஶ்ய வவௌ யுக்த்யா ஸுப்ரியாத்மா ஸுக²ஶ்ஶிவ: ॥ 24 ॥
ததோப்⁴யவர்ஷந்த க⁴னா தி³வ்யா: குஸுமவ்ருஷ்டய: ।
தி³வ்யது³ந்து³பி⁴கோ⁴ஷஶ்ச தி³க்ஷு ஸர்வாஸு ஶுஶ்ருவே ॥ 25 ॥
ப்ரவவுஶ்சோத்தமா வாதா நன்ருதுஶ்சாப்ஸரோக³ணா: ।
ஜகு³ஶ்ச தே³வக³ந்த⁴ர்வா வீணா: ப்ரமுமுசுஸ்ஸ்வரான் ॥ 26 ॥
ஸ ஶப்³தோ³ த்³யாம் ச பூ⁴மிம் ச ப்ராணினாம் ஶ்ரவணானி ச ।
விவேஶோச்சரிதஶ்ஶ்லக்ஷ்ணஸ்ஸமோ லயஸமன்வித: ॥ 27 ॥
தஸ்மின்னுபரதே ஶப்³தே³ தி³வ்யே ஶ்ரோத்ர ஸுகே² ந்ருணாம் ।
த³த³ர்ஶ பா⁴ரதம் ஸைன்யம் விதா⁴னம் விஶ்வகர்மண: ॥ 28 ॥
ப³பூ⁴வ ஹி ஸமா பூ⁴மிஸ்ஸமந்தாத்பஞ்சயோஜனா ।
ஶாத்³வலைர்ப⁴ஹுபி⁴ஶ்சன்னா நீலவைடூ⁴ர்யஸன்னிபை⁴: ॥ 29 ॥
தஸ்மின்பி³ல்வா: கபித்தா²ஶ்ச பனஸா பீ³ஜபூரகா: ।
ஆமலக்யோ ப³பூ⁴வுஶ்ச சூதாஶ்ச ப²லபூ⁴ஷணா: ॥ 3௦ ॥
உத்தரேப்⁴ய: குருப்⁴யஶ்ச வனம் தி³வ்யோபபோ⁴க³வத் ।
ஆஜகா³ம நதீ³ தி³வ்யா தீரஜைர்ப⁴ஹுபி⁴ர்வ்ருதா ॥ 31 ॥
சதுஶ்ஶாலானி ஶுப்⁴ராணி ஶாலாஶ்ச கஜ³வாஜினாம் ।
ஹர்ம்யப்ராஸாத³ஸம்பா³தா⁴ஸ்தோரணானி ஶுபா⁴னி ச ॥ 32 ॥
ஸிதமேக⁴னிப⁴ம் சாபி ராஜவேஶ்ம ஸுதோரணம் ।
தி³வ்யமால்யக்ருதாகாரம் தி³வ்யக³ந்த⁴ஸமுக்ஷிதம் ॥ 33 ॥
சதுரஶ்ரமஸம்பா³த⁴ம் ஶயனாஸனயானவத் ।
தி³வ்யைஸ்ஸர்வரஸைர்யுக்தம் தி³வ்யபோ⁴ஜனவஸ்த்ரவத் ॥ 34 ॥
உபகல்பிதஸர்வான்னம் தௌ⁴தனிர்மலபா⁴ஜனம் ।
க்லுப்தஸர்வாஸனம் ஶ்ரீமத்ஸ்வாஸ்தீர்ணஶயனோத்தமம் ॥ 35 ॥
ப்ரவிவேஶ மஹாபா³ஹுரனுஜ்ஞாதோ மஹர்ஷிணா ।
வேஶ்ம தத்³ரத்னஸம்பூர்ணம் ப⁴ரத: கைகயீஸுத: ॥ 36 ॥
அனுஜக்³முஶ்ச தம் ஸர்வே மந்த்ரிணஸ்ஸபுரோஹிதா: ।
ப³பூ⁴வுஶ்ச முதா³ யுக்தா த்³ருஷ்ட்வா தம் வேஶ்மஸம்விதி⁴ம் ॥ 37 ॥
தத்ர ராஜாஸனம் தி³வ்யம் வ்யஜனம் ச²த்ரமேவ ச ।
ப⁴ரதோ மந்த்ரிபி⁴ஸ்ஸார்த⁴மப்⁴யவர்தத ராஜவத் ॥ 38 ॥
ஆஸனம் பூஜயாமாஸ ராமாயாபி⁴ப்ரணம்ய ச ।
வாலவ்யஜனமாதா³ய ந்யஷீத³த்ஸசிவாஸனே ॥ 39 ॥
ஆனுபூர்வ்யான்னிஷேது³ஶ்ச ஸர்வே மந்த்ரிபுரோஹிதா: ।
ததஸ்ஸேனாபதி: பஶ்சாத்ப்ரஶாஸ்தாச நிஷேத³து: ॥ 4௦ ॥
தத ஸ்தத்ர முஹூர்தேன நத்³ய: பாயஸகர்த³மா: ।
உபாதிஷ்ட²ந்த ப⁴ரதம் ப⁴ரத்³வாஜஸ்ய ஶாஸனாத் ॥ 41 ॥
தாஸாமுப⁴யத: கூலம் பாண்டு³ம்ருத்திகலேபனா: ।
ரம்யாஶ்சாவஸதா⁴ தி³வ்யா ப்³ரஹ்மணஸ்து ப்ரஸாதஜ³ா: ॥ 42 ॥
தேனைவ ச மூஹூர்தேன தி³வ்யாப⁴ரணபூ⁴ஷிதா: ।
ஆகு³ர்விம்ஶதிஸாஹஸ்ரா: ப்³ரஹ்மணா ப்ரஹிதா: ஸ்த்ரிய: ॥ 43 ॥
ஸுவர்ணமணிமுக்தேன ப்ரவாலேன ச ஶோபி⁴தா: ।
ஆகு³ர்விம்ஶதிஸாஹாஸ்ரா: குபே³ரப்ரஹிதா: ஸ்த்ரிய: ॥ 44 ॥
யாபி⁴ர்க்³ருஹீத: புருஷஸ்ஸோன்மாத³ இவ லக்ஷ்யதே ।
ஆகு³ர்விம்ஶதிஸாஹஸ்ரா நந்த³னாத³ப்ஸரோக³ணா: ॥ 45 ॥
நாரத³ஸ்தும்பு⁴ருர்கோ³ப: ப்ரவராஸ்ஸூர்யவர்சஸ: ।
ஏதே க³ந்த⁴ர்வராஜானோ ப⁴ரதஸ்யாக்³ரதோ ஜகு³: ॥ 46 ॥
அலம்பு³ஸா மிஶ்ரகேஶீ புண்ட³ரீகாத² வாமனா ।
உபான்ருத்யம்ஸ்து ப⁴ரதம் ப⁴ரத்³வாஜஸ்ய ஶாஸனாத் ॥ 47 ॥
யானி மால்யானி தே³வேஷு யானி சைத்ரரதே² வனே ।
ப்ரயாகே³ தான்யத்³ருஶ்யந்த ப⁴ரத்³வாஜஸ்ய ஶாஸனாத் ॥ 48 ॥
பி³ல்வா மார்த³ங்கி³கா ஆஸன் ஶம்யாக்³ராஹா விபீ⁴தகா: ।
அஶ்வத்தா² நர்தகாஶ்சாஸன்ப⁴ரத்³வாஜஸ்ய ஶாஸனாத் ॥ 49 ॥
ததஸ்ஸரலதாலாஶ்ச திலகா நக்தமாலகா: ।
ப்ரஹ்ருஷ்டாஸ்தத்ர ஸம்பேது: குப்³ஜா பூ⁴த்வாத² வாமனா: ॥ 5௦ ॥
ஶிம்ஶுபாமலகீஜம்ப்³வோ யாஶ்சான்யா: கானநேஷு தா: மாலதீ மல்லிகா ஜாதிர்யாஶ்சான்யா: கானநே லதா: ।
ப்ரமதா³விக்³ரஹம் க்ருத்வா ப⁴ரத்³வாஜாஶ்ரமேவத³ன் ॥ 51 ॥
ஸுராஸ்ஸுராபா: பிப³த பாயஸம் ச பு³பு⁴க்ஷிதா: ॥ 52 ॥
மாம்ஸானி ச ஸுமேத்⁴யானி ப⁴க்ஷ்யந்தாம் யாவதி³ச்ச²த² ॥ 53 ॥
உச்சா²த்³ய ஸ்னாபயந்தி ஸ்ம நதீ³தீரேஷ வல்கு³ஷு ।
அப்யேகமேகம் புரஷம் ப்ரமதா³ஸ்ஸப்த சாஷ்ட ச ॥ 54 ॥
ஸம்வாஹந்த்யஸ்ஸமாபேதுர்னார்யோ ருசிரலோசனா: ।
பரிம்ருஜ்ய ததா²ன்யோன்யம் பாயயந்தி வராங்க³னா: ॥ 55 ॥
ஹயான் கஜ³ான் கா²ரானுஷ்ட்ராந்ததை²வ ஸுரபே⁴ஸ்ஸுதான் ।
அபோ⁴ஜயன்வாஹனபாஸ்தேஷாம் போ⁴ஜ்யம் யதா²விதி⁴ ॥ 56 ॥
இக்ஷூம்ஶ்ச மது⁴லாஜாம்ஶ்ச போ⁴ஜயந்தி ஸ்ம வாஹனான் ।
இக்ஷ்வாகுவரயோதா⁴னாம் சோத³யந்தோ மஹாப³லா: ॥ 57 ॥
நாஶ்வப³ந்தோ⁴ஶ்வமாஜானான்னகஜ³ம் குஞ்ஜரக்³ரஹ: ।
மத்தப்ரமத்தமுதி³தா சமூ: ஸா தத்ர ஸம்ப³பௌ⁴ ॥ 58 ॥
தர்பிதாஸ்ஸர்வகாமைஸ்தே ரக்தசந்த³னரூஷிதா: ।
அப்ஸரோக³ணஸம்யுக்தாஸ்ஸைன்யா வாசமுதை³ரயன் ॥ 59 ॥
நைவாயோத்⁴யாம் க³மிஷ்யாமோ நக³மிஷ்யாம த³ண்ட³கான் ।
குஶலம் ப⁴ரதஸ்யாஸ்து ராமஸ்யாஸ்து ததா² ஸுக²ம் ॥ 6௦ ॥
இதி பாதா³தயோதா⁴ஶ்ச ஹஸ்த்யஶ்வாரோஹப³ந்த⁴கா: ।
அனாதா²ஸ்தம் விதி⁴ம் லப்³த்⁴வா வாசமேதாமுதீ³ரயன் ॥ 61 ॥
ஸம்ம்ப்ரஹ்ருஷ்டா வினேது³ஸ்தே நராஸ்தத்ர ஸஹஸ்ரஶ: ।
ப⁴ரதஸ்யானுயாதாரஸ்ஸ்வர்கோ³யமிதி சாப்³ருவன் ॥ 62 ॥
ந்ருத்யந்தி ஸ்ம ஹஸந்தி ஸ்ம கா³யந்தி ஸ்ம ச ஸைனிகா: ஸமந்தாத்பரிதா⁴வந்தி மால்யோபேதாஸ்ஸஹஸ்ரஶ: ॥ 63 ॥
ததோ பு⁴க்தவதாம் தேஷாம் தத³ன்னமம்ருதோபமம் ।
தி³வ்யானுத்³வீக்ஷ்ய ப⁴க்ஷ்யாம் ஸ்தானப⁴வத்³ப⁴க்ஷணே மதி: ॥ 64 ॥
ப்ரேஷ்யாஶ்சேட்யஶ்ச வத்⁴வஶ்ச ப³லஸ்தா²ஶ்ச ஸஹஸ்ரஶ: ।
ப³பூ⁴வுஸ்தே ப்⁴ருஶம் த்³ருப்தாஸ்ஸர்வே சாஹதவாஸஸ: ॥ 65 ॥
குஞ்ஜராஶ்ச க²ரோஷ்ட்ராஶ்ச கோ³ஶ்வாஶ்ச ம்ருக³பக்ஷிண: ।
ப³பூ⁴வுஸ்ஸுப்⁴ருதாஸ்தத்ர நான்யோ ஹ்யன்யமகல்பயத் ॥ 66 ॥
நாஶுக்லவாஸா ஸ்தத்ராஸீத்க்ஷுதி⁴தோ மலினோபி வா ।
ரஜஸா த்⁴வஸ்தகேஶோ வா நர: கஶ்சித³த்³ருஶ்யத ॥ 67 ॥
ஆஜைஶ்சாபி ச வாராஹைர்னிஷ்டா²னவரஸஞ்சயை: ।
ப²லனிர்யூஹ ஸம்ஸித்³தை³ஸ்ஸூபைர்க³ந்த⁴ ரஸான்விதை: ॥ 68 ॥
புஷ்பத்⁴வஜவதீ: பூர்ணாஶ்ஶுக்லஸ்யான்னஸ்ய சாபி⁴த: ।
த³த்³ருஶுர்விஸ்மிதாஸ்தத்ரனரா லௌஹீஸ்ஸஹஸ்ரஶ: ॥ 69 ॥
ப³பூ⁴வுர்வனபார்ஶ்வேஷு கூபா: பாயஸகர்த³மா: ।
தாஶ்சகாமது³கா⁴ கா³வோ த்³ருமாஶ்சாஸன்மது⁴ஶ்ச்யுத: ॥ 7௦ ॥
வாப்யோ மைரேயபூர்ணாஶ்ச ம்ருஷ்டமாம்ஸசயைர்வ்ருதா: ।
ப்ரதப்தபிட²ரைஶ்சாபி மார்க³மாயூரகௌக்குடை: ॥ 71 ॥
பாத்ரீணாம் ச ஸஹஸ்ராணி ஸ்தா²லீனாம் நியுதானி ச ।
ந்யர்பு³தா⁴னி ச பாத்ராணி ஶாதகும்ப⁴மயானி ச ॥ 72 ॥
ஸ்தா²ல்ய: கும்ப்⁴ய கரம்ப்⁴ய ஶ்ச த³தி⁴பூர்ணாஸ்ஸுஸம்ஸ்க்ருதா: ।
யௌவனஸ்த²ஸ்ய கௌ³ரஸ்ய கபித்த²ஸ்ய ஸுக³ந்தி⁴ன: ॥ 73 ॥
ஹ்ரதா³: பூர்ணா ரஸாலஸ்ய த³த்⁴னஶ்ஶ்வேதஸ்ய சாபரே ।
ப³பூ⁴வு: பாயஸஸ்யான்யே ஶர்கராயாவஸஞ்சயா: ॥ 74 ॥
கல்கான்சூர்ணகஷாயாம்ஶ்ச ஸ்னானானி விவிதா⁴னி ச ।
த³த்³ருஶுர்பா⁴ஜனஸ்தா²னி தீர்தே²ஷு ஸரதாம் நரா: ॥ 75 ॥
ஶுக்லானம்ஶுமதஶ்சாபி த³ந்ததா⁴வனஸஞ்சயான் ।
ஶுக்லாம்ஶ்சந்த³னகல்காம்ஶ்ச ஸமுத்³கே³ஷ்வவதிஷ்ட²த: ॥ 76 ॥
த³ர்பணாபரிம்ருஷ்டாம்ஶ்ச வாஸஸாம் சாபி ஸஞ்சயான் ।
பாது³கோபானஹாம் சைவ யுக்³மானிச ஸஹஸ்ரஶ: ॥ 77 ॥
ஆஞ்ஜனீ: கங்கதான்கூர்சான் ஶஸ்த்ராணி ச த⁴னூம்ஷி ச ।
மர்மத்ராணானி சித்ராணி ஶயனான்யாஸனானி ச ॥ 78 ॥
ப்ரதிபானஹ்ரதா³ன்பூர்ணன்க²ரோஷ்ட்ரகஜ³வாஜினாம் ।
அவகா³ஹ்யஸுதீர்தா²ம்ஶ்சஹ்ரதா³ன் ஸோத்பலபுஷ்கரான் ॥ 79 ॥
ஆகாஶ வர்ணப்ரதிமான் ஸ்வச்ச²தோயான்ஸுக²ப்லவான் ।
நீபவைடூ³ர்யவர்ணாம்ஶ்ச ம்ருதூ³ன்யவஸஸஞ்சயான் ।
நிர்வாபார்தா²ன் பஶூனாம் தே த³த்³ருஶுஸ்தத்ர ஸர்வஶ: ॥ 8௦ ॥
வ்யஸ்மயந்த மனுஷ்யாஸ்தே ஸ்வப்னகல்பம் தத³த்³பு⁴தம் ।
த்³ருஷ்ட்வாதித்²யம் க்ருதம் தாத்³ருக்³ப⁴ரதஸ்ய மஹர்ஷிணா ॥ 81 ॥
இத்யேவம் ரமமாணானாம் தே³வானாமிவ நந்த³னே ।
ப⁴ரத்³வாஜாஶ்ரமே ரம்யே ஸா ராத்ரிர்வ்யத்யவர்தத ॥ 82 ॥
ப்ரதிஜக்³முஶ்ச தா நத்³யோ க³ந்த⁴ர்வாஶ்ச யதா²க³தம் ।
ப⁴ரத்³வாஜமனுஜ்ஞாப்ய தாஶ்ச ஸர்வா வராங்க³னா: ॥ 83 ॥
ததை²வ மத்தா மதி³ரோத்கடா நராஸ்ததை²வ தி³வ்யாக³ருசந்த³னோக்ஷிதா: ।
ததை²வ தி³வ்யா விவிதா⁴ஸ்ஸ்ரகு³த்தமா: ப்ருத²க்ப்ரகீர்ணா மனுஜை: ப்ரமர்தி³தா: ॥ 84 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகனவதிதமஸ்ஸர்க:³ ॥
