ஶ்ரீமத்³வால்மீகீய ராமாயணே அரண்யகாண்ட³ம் ।
அத² த³ஶமஸ்ஸர்க:³ ।
வாக்யமேதத்து வைதே³ஹ்யா வ்யாஹ்ருதம் ப⁴ர்த்ருப⁴க்தயா ।
ஶ்ருத்வா த⁴ர்மே ஸ்தி²தோ ராம: ப்ரத்யுவாசாத² மைதி²லீம் ॥ 1 ॥
ஹிதமுக்தம் த்வயா தே³வி ஸ்னிக்³த⁴யா ஸத்³ருஶம் வச: ।
குலம் வ்யபதி³ஶந்த்யா ச த⁴ர்மஜ்ஞே ஜனகாத்மஜே ॥ 2 ॥
கிந்து வக்ஷ்யாம்யஹம் தே³வி த்வயைவோக்தமித³ம் வச: ।
க்ஷத்ரியைர்தா⁴ர்யதே சாபோ நார்தஶப்³தோ³ ப⁴வேதி³தி ॥ 3 ॥
தே சார்தா த³ண்ட³காரண்யே முனயஸ்ஸம்ஶிதவ்ரதா: ।
மாம் ஸீதே ஸ்வயமாக³ம்ய ஶரண்யாஶ்ஶரணம் க³தா: ॥ 4 ॥
வஸந்தோ த⁴ர்மனிரதா வனே மூலப²லாஶனா: ।
ந லப⁴ந்தே ஸுக²ம் பீ⁴தா ராக்ஷஸை: க்ரூரகர்மபி⁴: ॥ 5 ॥
காலே காலே ச நிரதா நியமைர்விவிதை⁴ர்வனே ।
ப⁴க்ஷ்யந்தே ராக்ஷஸைர்பீ⁴மைர்னரமாம்ஸோபஜீவிபி⁴: ॥ 6 ॥
தே ப⁴க்ஷ்யமாணா முனயோ த³ண்ட³காரண்யவாஸின: ।
அஸ்மானப்⁴யவபத்³யேதி மாமூசுர்த்³விஜஸத்தமா ॥ 7 ॥
மயா து வசனம் ஶ்ருத்வா தேஷாமேவம் முகா²ச்ச்யுதம் ।
க்ருத்வா சரணஶுஶ்ரூஷாம் வாக்யமேதது³தா³ஹ்ருதம் ॥ 8 ॥
ப்ரஸீத³ந்து ப⁴வந்தோ மே ஹ்ரீரேஷா ஹி மமாதுலா ।
யதீ³த்³ருஶைரஹம் விப்ரைருபஸ்தே²யைருபஸ்தி²த: ॥ 9 ॥
கிம் கரோமீதி ச மயா வ்யாஹ்ருதம் த்³விஜஸன்னிதௌ⁴ ।
ஸர்வைரேதைஸ்ஸமாக³ம்ய வாகி³யம் ஸமுதா³ஹ்ருதா ॥ 1௦ ॥
ராக்ஷஸைர்த³ண்ட³காரண்யே ப³ஹுபி⁴: காமரூபிபி⁴: ।
அர்தி³தாஸ்ஸ்ம த்³ருட⁴ம் ராம ப⁴வான்னஸ்தத்ர ரக்ஷது ॥ 11 ॥
ஹோமகாலேஷு ஸம்ப்ராப்தா: பர்வகாலேஷு சானக⁴ ।
த⁴ர்ஷயந்தி ஸுது³ர்த⁴ர்ஷா ராக்ஷஸா: பிஶிதாஶனா: ॥ 12 ॥
ராக்ஷஸைர்த⁴ர்ஷிதானாம் ச தாபஸானாம் தபஸ்வினாம் ।
க³திம் ம்ருக³யமாணானாம் ப⁴வான்ன: பரமா க³தி: ॥ 13 ॥
காமம் தப:ப்ரபா⁴வேன ஶக்தா ஹந்தும் நிஶாசரான் ।
சிரார்ஜிதம் து நேச்சா²மஸ்தப: க²ண்ட³யிதும் வயம் ॥ 14 ॥
ப³ஹுவிக்⁴னம் தபோ நித்யம் து³ஶ்சரம் சைவ ராக⁴வ ।
தேன ஶாபம் ந முஞ்சாமோ ப⁴க்ஷ்யமாணாஶ்ச ராக்ஷஸை: ॥ 15 ॥
தத³ர்த்⁴யமானான்ரக்ஷோபி⁴ர்த³ண்ட³காரண்யவாஸிபி⁴: ।
ரக்ஷ நஸ்த்வம் ஸஹ ப்⁴ராத்ரா த்வன்னாதா² ஹி வயம் வனே ॥ 16 ॥
மயா சைதத்³வசஶ்ஶ்ருத்வா கார்த்ஸ்ன்யேன பரிபாலனம் ।
ருஷீணாம் த³ண்ட³காரண்யே ஸம்ஶ்ருதம் ஜனகாத்மஜே ॥ 17 ॥
ஸம்ஶ்ருத்ய ச ந ஶக்ஷ்யாமி ஜீவமான: ப்ரதிஶ்ரவம் ।
முனீனாமன்யதா² கர்தும் ஸத்யமிஷ்டம் ஹி மே ஸதா³ ॥ 18 ॥
அப்யஹம் ஜீவிதம் ஜஹ்யாம் த்வாம் வா ஸீதே ஸலக்ஷ்மணாம் ।
ந து ப்ரதிஜ்ஞாம் ஸம்ஶ்ருத்ய ப்³ராஹ்மணேப்⁴யோ விஶேஷத: ॥ 19 ॥
தத³வஶ்யம் மயா கார்யம்ருஷீணாம் பரிபாலனம் ।
அனுக்தேனாபி வைதே³ஹி ப்ரதிஜ்ஞாய து கிம் புன: ॥ 2௦ ॥
மம ஸ்னேஹாச்ச ஸௌஹார்தா³தி³த³முக்தந்த்வயானகே⁴ ।
பரிதுஷ்டோஸ்ம்யஹம் ஸீதே ந ஹ்யனிஷ்டோனுஶிஷ்யதே ॥ 21 ॥
ஸத்³ருஶம் சானுரூபம் ச குலஸ்ய தவ சாத்மன: ।
ஸத⁴ர்மசாரிணீ மே த்வம் ப்ராணேப்⁴யோபி க³ரீயஸீ ॥ 22 ॥
இத்யேவமுக்த்வா வசனம் மஹாத்மா ஸீதாம் ப்ரியாம் மைதி²லராஜபுத்ரீம் ।
ராமோ த⁴னுஷ்மான்ஸஹ லக்ஷ்மணேன ஜகா³ம ரம்யாணி தபோவனானி ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ த³ஶமஸ்ஸர்க:³ ॥
