শ্রীমদ্বাল্মীকীয় রামাযণে অরণ্যকাংডম্ ।
অথ দশমস্সর্গঃ ।
বাক্যমেতত্তু বৈদেহ্য়া ব্য়াহৃতং ভর্তৃভক্তয়া ।
শ্রুত্বা ধর্মে স্থিতো রামঃ প্রত্য়ুবাচাথ মৈথিলীম্ ॥ 1 ॥
হিতমুক্তং ত্বয়া দেবি স্নিগ্ধয়া সদৃশং বচঃ ।
কুলং ব্যপদিশংত্য়া চ ধর্মজ্ঞে জনকাত্মজে ॥ 2 ॥
কিংতু বক্ষ্য়াম্যহং দেবি ত্বয়ৈবোক্তমিদং বচঃ ।
ক্ষত্রিয়ৈর্ধার্যতে চাপো নার্তশব্দো ভবেদিতি ॥ 3 ॥
তে চার্তা দংডকারণ্য়ে মুনযস্সংশিতব্রতাঃ ।
মাং সীতে স্বযমাগম্য় শরণ্য়াশ্শরণং গতাঃ ॥ 4 ॥
বসংতো ধর্মনিরতা বনে মূলফলাশনাঃ ।
ন লভংতে সুখং ভীতা রাক্ষসৈঃ ক্রূরকর্মভিঃ ॥ 5 ॥
কালে কালে চ নিরতা নিযমৈর্বিবিধৈর্বনে ।
ভক্ষ্য়ংতে রাক্ষসৈর্ভীমৈর্নরমাংসোপজীবিভিঃ ॥ 6 ॥
তে ভক্ষ্যমাণা মুনয়ো দংডকারণ্যবাসিনঃ ।
অস্মানভ্যবপদ্য়েতি মামূচুর্দ্বিজসত্তমা ॥ 7 ॥
ময়া তু বচনং শ্রুত্বা তেষামেবং মুখাচ্চ্য়ুতম্ ।
কৃত্বা চরণশুশ্রূষাং বাক্যমেতদুদাহৃতম্ ॥ 8 ॥
প্রসীদংতু ভবংতো মে হ্রীরেষা হি মমাতুলা ।
যদীদৃশৈরহং বিপ্রৈরুপস্থেয়ৈরুপস্থিতঃ ॥ 9 ॥
কিং করোমীতি চ ময়া ব্য়াহৃতং দ্বিজসন্নিধৌ ।
সর্বৈরেতৈস্সমাগম্য় বাগিয়ং সমুদাহৃতা ॥ 10 ॥
রাক্ষসৈর্দংডকারণ্য়ে বহুভিঃ কামরূপিভিঃ ।
অর্দিতাস্স্ম দৃঢং রাম ভবান্নস্তত্র রক্ষতু ॥ 11 ॥
হোমকালেষু সংপ্রাপ্তাঃ পর্বকালেষু চানঘ ।
ধর্ষয়ংতি সুদুর্ধর্ষা রাক্ষসাঃ পিশিতাশনাঃ ॥ 12 ॥
রাক্ষসৈর্ধর্ষিতানাং চ তাপসানাং তপস্বিনাম্ ।
গতিং মৃগযমাণানাং ভবান্নঃ পরমা গতিঃ ॥ 13 ॥
কামং তপঃপ্রভাবেন শক্তা হংতুং নিশাচরান্ ।
চিরার্জিতং তু নেচ্ছামস্তপঃ খংডয়িতুং বযম্ ॥ 14 ॥
বহুবিঘ্নং তপো নিত্য়ং দুশ্চরং চৈব রাঘব ।
তেন শাপং ন মুংচামো ভক্ষ্যমাণাশ্চ রাক্ষসৈঃ ॥ 15 ॥
তদর্ধ্যমানান্রক্ষোভির্দংডকারণ্যবাসিভিঃ ।
রক্ষ নস্ত্বং সহ ভ্রাত্রা ত্বন্নাথা হি বয়ং বনে ॥ 16 ॥
ময়া চৈতদ্বচশ্শ্রুত্বা কার্ত্স্ন্য়েন পরিপালনম্ ।
ঋষীণাং দংডকারণ্য়ে সংশ্রুতং জনকাত্মজে ॥ 17 ॥
সংশ্রুত্য় চ ন শক্ষ্য়ামি জীবমানঃ প্রতিশ্রবম্ ।
মুনীনামন্যথা কর্তুং সত্যমিষ্টং হি মে সদা ॥ 18 ॥
অপ্যহং জীবিতং জহ্য়াং ত্বাং বা সীতে সলক্ষ্মণাম্ ।
ন তু প্রতিজ্ঞাং সংশ্রুত্য় ব্রাহ্মণেভ্য়ো বিশেষতঃ ॥ 19 ॥
তদবশ্য়ং ময়া কার্যমৃষীণাং পরিপালনম্ ।
অনুক্তেনাপি বৈদেহি প্রতিজ্ঞায় তু কিং পুনঃ ॥ 20 ॥
মম স্নেহাচ্চ সৌহার্দাদিদমুক্তংত্বয়াঽনঘে ।
পরিতুষ্টোঽস্ম্যহং সীতে ন হ্যনিষ্টোঽনুশিষ্যতে ॥ 21 ॥
সদৃশং চানুরূপং চ কুলস্য় তব চাত্মনঃ ।
সধর্মচারিণী মে ত্বং প্রাণেভ্য়োঽপি গরীযসী ॥ 22 ॥
ইত্য়েবমুক্ত্বা বচনং মহাত্মা সীতাং প্রিয়াং মৈথিলরাজপুত্রীম্ ।
রামো ধনুষ্মান্সহ লক্ষ্মণেন জগাম রম্য়াণি তপোবনানি ॥ 23 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে দশমস্সর্গঃ ॥
