ශ්රීමද්වාල්මීකීය රාමායණේ අරණ්යකාංඩම් ।
අථ ද්වාදශස්සර්ගඃ ।
සප්රවිශ්යාऽශ්රමපදං ලක්ෂ්මණෝ රාඝවානුජඃ ।
අගස්ත්යශිෂ්යමාසාද්ය වාක්යමේතදුවාච හ ॥ 1 ॥
රාජා දශරථෝ නාම ජ්යේෂ්ඨස්තස්ය සුතෝ බලී ।
රාමඃ ප්රාප්තෝ මුනිං ද්රෂ්ටුං භාර්යයා සහ සීතයා ॥ 2 ॥
ලක්ෂ්මණෝ නාම තස්යාහං භ්රාතා ත්වවරජෝ හිතඃ ।
අනුකූලශ්ච භක්තශ්ච යදි තේ ශ්රෝත්රමාගතඃ ॥ 3 ॥
තේ වයං වනමත්යුග්රං ප්රවිෂ්ටාඃ පිතෘශාසනාත් ।
ද්රෂ්ටුමිච්ඡාමහේ සර්වේ භගවංතං නිවේද්යතාම් ॥ 4 ॥
තස්ය තද් වචනං ශ්රුත්වා ලක්ෂ්මණස්ය තපෝධනඃ ।
තථේත්යුක්ත්වාऽග්නිශරණං ප්රවිවේශ නිවේදිතුම් ॥ 5 ॥
ස ප්රවිශ්ය මුනිශ්රේෂ්ඨං තපසා දුෂ්ප්රධර්ෂණම් ।
කෘතාංජලිරුවාචේදං රාමාගමනමංජසා ॥ 6 ॥
යථෝක්තං ලක්ෂ්මණේනෛව ශිෂ්යෝऽගස්ත්යස්ය සම්මතඃ ।
පුත්රෞ දශරථස්යේමෞ රාමෝ ලක්ෂ්මණ ඒව ච ॥ 7 ॥
ප්රවිෂ්ටාවාශ්රමපදං සීතයා සහ භාර්යයා ।
ද්රෂ්ටුං භවංතමායාතෞ ශුශ්රූෂාර්ථමරිංදමෞ ॥ 8 ॥
යදත්රානංතරං තත්ත්වමාජ්ඤාපයිතුමර්හසි ।
තතශ්ශිෂ්යාදුපශ්රුත්ය ප්රාප්තං රාමං සලක්ෂ්මණම් ॥ 9 ॥
වෛදේහීං ච මහාභාගාමිදං වචනමබ්රවීත් ।
දිෂ්ට්යා රාමශ්චිරස්යාද්ය ද්රෂ්ටුං මාං සමුපාගතඃ ॥ 10 ॥
මනසා කාංක්ෂිතං හ්යස්ය මයාප්යාගමනං ප්රති ।
ගම්යතාං සත්කෘතෝ රාමස්සභාර්යස්සහලක්ෂ්මණඃ ॥ 11 ॥
ප්රවේශ්යතාං සමීපං මේ කිං චාසෞ න ප්රවේශිතඃ ।
ඒවමුක්තස්තු මුනිනා ධර්මජ්ඤේන මහාත්මනා ॥ 12 ॥
අභිවාද්යාබ්රවීච්ඡිෂ්යස්තථේති නියතාංජලිඃ ।
තතෝ නිෂ්ක්රම්ය සංභ්රාංතශ්ශිෂ්යෝ ලක්ෂ්මණමබ්රවීත් ॥ 13 ॥
ක්වාසෞ රාමෝ මුනිං ද්රෂ්ටුමේතු ප්රවිශතු ස්වයම් ।
තතෝ ගත්වාऽऽශ්රමපදං ශිෂ්යේණ සහ ලක්ෂ්මණඃ ॥ 14 ॥
දර්ශයාමාස කාකුත්ස්ථං සීතාං ච ජනකාත්මජාම් ।
තං ශිෂ්යඃ ප්රශ්රිතෝ වාක්යමගස්ත්යවචනං බ්රුවන් ॥ 15 ॥
ප්රාවේශයද්යථාන්යායං සත්කාරාර්හං සුසත්කෘතම් ।
ප්රවිවේශ තතෝ රාමස්සීතයා සහලක්ෂ්මණඃ ॥ 16 ॥
ප්රශාංතහරිණාකීර්ණමාශ්රමං හ්යවලෝකයන් ।
ස තත්ර බ්රහ්මණඃ ස්ථානමග්නේඃ ස්ථානං තථෛව ච ॥ 17 ॥
විෂ්ණෝඃ ස්ථානං මහේංද්රස්ය ස්ථානං චෛව විවස්වතඃ ।
සෝමස්ථානං භගස්ථානං ස්ථානං කෞබේරමේව ච ॥ 18 ॥
දාතුර්විධාතුඃ ස්ථානේච වායෝඃ ස්ථානං තථෛව ච ।
නාගරාජස්ය ච ස්ථානමනංතස්ය මහාත්මනඃ ॥ 19 ॥
ස්ථානං තථෛව ගායත්ර්යා වසූනාං ස්ථානමේව ච ।
ස්ථානං ච පාශහස්තස්ය වරුණස්ය මහාත්මනඃ ॥ 20 ॥
කාර්තිකේයස්ය ච ස්ථානං ධර්මස්ථානං ච පශ්යති ।
ස තත්ර බ්රහ්මණඃ ස්ථානමග්නේඃ ස්ථානං තථෛව ච ॥ 21 ॥
විෂ්ණෝඃ ස්ථානං මහේංද්රස්ය ස්ථානං චෛව විවස්වතඃ ।
සෝමස්ථානං භගස්ථානං ස්ථානං කෞබේරමේව ච ॥ 22 ॥
ධාතුර්විධාතුඃ ස්ථානං ච වායෝඃ ස්ථානං තථෛව ච ।
නාගරාජස්ය ච ස්ථානමනංතස්ය මහාත්මනඃ ॥ 23 ॥
ස්ථානං තථෛව ගායත්ර්යා වසූනාං ස්ථානමේව ච ।
ස්ථානං ච පාශහස්තස්ය වරුණස්ය මහාත්මනඃ ॥ 24 ॥
කාර්තිකේයස්ය ච ස්ථානං ධර්මස්ථානං ච පශ්යති ।
ස තත්ර බ්රහ්මණඃ ස්ථානමග්නේඃ ස්ථානං තථෛව ච ॥ 25 ॥
විෂ්ණෝඃ ස්ථානං මහේංද්රස්ය ස්ථානං චෛව විවස්වතඃ ।
සෝමස්ථානං භගස්ථානං ස්ථානං කෞබේරමේව ච ॥ 26 ॥
දාතුර්විධාතුඃ ස්ථානේච වායෝඃ ස්ථානං තථෛව ච ।
නාගරාජස්ය ච ස්ථානමනංතස්ය මහාත්මනඃ ॥ 27 ॥
ස්ථානං තථෛව ගායත්ර්යා වසූනාං ස්ථානමේව ච ।
ස්ථානං ච පාශහස්තස්ය වරුණස්ය මහාත්මනඃ ॥ 28 ॥
කාර්තිකේයස්ය ච ස්ථානං ධර්මස්ථානං ච පශ්යති ।
තතශ්ශිෂ්යෛඃ පරිවෘතෝ මුනිරප්යභිනිෂ්පතත් ॥ 29 ॥
තං දදර්ශාග්රතෝ රාමෝ මුනීනාං දීප්තතේජසාම් ।
අබ්රවීද්වචනං වීරෝ ලක්ෂ්මණං ලක්ෂ්මිවර්ධනම් ॥ 30 ॥
ඒෂ ලක්ෂ්මණ නිෂ්ක්රාමත්යගස්ත්යෝ භගවානෘෂිඃ ।
ඖදාර්යේණාවගච්ඡාමි නිධානං තපසාමිමම් ॥ 31 ॥
ඒවමුක්ත්වා මහාබාහුරගස්ත්යං සූර්යවර්චසම් ।
ජග්රාහ පරමප්රීතස්තස්ය පාදෞ පරංතපඃ ॥ 32 ॥
අභිවාද්ය තු ධර්මාත්මා තස්ථෞ රාමඃ කෘතාංජලිඃ ।
සීතයා සහ වෛදේහ්යා තදා රාමඃ සලක්ෂ්මණඃ ॥ 33 ॥
ප්රතිජග්රාහ කාකුත්ස්ථමර්චයිත්වාසනෝදකෛඃ ।
කුශලප්රශ්නමුක්ත්වා ච ආස්යතාමිති චාබ්රවීත් ॥ 34 ॥
අග්නිං හුත්වා ප්රදායාර්ඝ්යමතිථීන් ප්රතිපූජ්ය ච ।
වානප්රස්ථ්යේන ධර්මේණ ස තේෂාං භෝජනං දදෞ ॥ 35 ॥
ප්රථමං චෝපවිශ්යාථ ධර්මජ්ඤෝ මුනිපුංගවඃ ।
උවාච රාමමාසීනං ප්රාංජලිං ධර්මකෝවිදම් ॥ 36 ॥
අග්නිං හුත්වා ප්රදායාර්ඝ්යමතිථිං ප්රතිපූජයේත් ।
අන්යථා ඛලු කාකුත්ස්ථ තපස්වී සමුදාචරන් ॥ 37 ॥
දුඃසාක්ෂීව පරේ ලෝකේ ස්වානි මාංසානි භක්ෂයේත් ।
රාජා සර්වස්ය ලෝකස්ය ධර්මචාරී මහාරථඃ ॥ 38 ॥
පූජනීයශ්ච මාන්යශ්ච භවාන් ප්රාප්තඃ ප්රියාතිථිඃ ।
ඒවමුක්ත්වා ඵලෛර්මූලෛඃ පුෂ්පෛරන්යෛශ්ච රාඝවම් ॥ 39 ॥
පූජයිත්වා යථාකාමං පුනරේව තතෝऽබ්රවීත් ।
ඉදං දිව්යං මහච්චාපං හේමරත්නවිභූෂිතම් ॥ 40 ॥
වෛෂ්ණවං පුරුෂව්යාඝ්ර නිර්මිතං විශ්වකර්මණා ।
අමෝඝස්සූර්යසංකාශෝ බ්රහ්මදත්තශ්ශරෝත්තමඃ ॥ 41 ॥
දත්තෞ මම මහේංද්රේණ තූණී චාක්ෂයසායකෞ ।
සංපූර්ණෞ නිශිතෛර්බාණෛර්ජ්වලද්භිරිව පාවකෛඃ ॥ 42 ॥
මහාරජතකෝශෝऽයමසිර්හේමවිභූෂිතඃ ।
අනේන ධනුෂා රාම හත්වා සංඛ්යේ මහාසුරාන් ॥ 43 ॥
ආජහාර ශ්රියං දීප්තාං පුරා විෂ්ණුර්දිවෞකසාම් ।
තද්ධනුස්තෞ ච තූණීරෞ ශරං ඛංගං ච මානද ॥ 44 ॥
ජයාය ප්රතිගෘහ්ණීෂ්ව වජ්රං වජ්රධරෝ යථා ।
ඒවමුක්ත්වා මහාතේජාඃ සමස්තං තද්වරායුධම් ।
දත්වා රාමාය භගවානගස්ත්යඃ පුනරබ්රවීත් ॥ 45 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අරණ්යකාංඩේ ද්වාදශස්සර්ගඃ ॥
