ശ്രീമദ്വാല്മീകീയ രാമായണേ അരണ്യകാംഡമ് ।
അഥ ദ്വാദശസ്സര്ഗഃ ।
സപ്രവിശ്യാഽശ്രമപദം ലക്ഷ്മണോ രാഘവാനുജഃ ।
അഗസ്ത്യശിഷ്യമാസാദ്യ വാക്യമേതദുവാച ഹ ॥ 1 ॥
രാജാ ദശരഥോ നാമ ജ്യേഷ്ഠസ്തസ്യ സുതോ ബലീ ।
രാമഃ പ്രാപ്തോ മുനിം ദ്രഷ്ടും ഭാര്യയാ സഹ സീതയാ ॥ 2 ॥
ലക്ഷ്മണോ നാമ തസ്യാഹം ഭ്രാതാ ത്വവരജോ ഹിതഃ ।
അനുകൂലശ്ച ഭക്തശ്ച യദി തേ ശ്രോത്രമാഗതഃ ॥ 3 ॥
തേ വയം വനമത്യുഗ്രം പ്രവിഷ്ടാഃ പിതൃശാസനാത് ।
ദ്രഷ്ടുമിച്ഛാമഹേ സർവേ ഭഗവംതം നിവേദ്യതാമ് ॥ 4 ॥
തസ്യ തദ് വചനം ശ്രുത്വാ ലക്ഷ്മണസ്യ തപോധനഃ ।
തഥേത്യുക്ത്വാഽഗ്നിശരണം പ്രവിവേശ നിവേദിതുമ് ॥ 5 ॥
സ പ്രവിശ്യ മുനിശ്രേഷ്ഠം തപസാ ദുഷ്പ്രധര്ഷണമ് ।
കൃതാംജലിരുവാചേദം രാമാഗമനമംജസാ ॥ 6 ॥
യഥോക്തം ലക്ഷ്മണേനൈവ ശിഷ്യോഽഗസ്ത്യസ്യ സമ്മതഃ ।
പുത്രൌ ദശരഥസ്യേമൌ രാമോ ലക്ഷ്മണ ഏവ ച ॥ 7 ॥
പ്രവിഷ്ടാവാശ്രമപദം സീതയാ സഹ ഭാര്യയാ ।
ദ്രഷ്ടും ഭവംതമായാതൌ ശുശ്രൂഷാര്ഥമരിംദമൌ ॥ 8 ॥
യദത്രാനംതരം തത്ത്വമാജ്ഞാപയിതുമര്ഹസി ।
തതശ്ശിഷ്യാദുപശ്രുത്യ പ്രാപ്തം രാമം സലക്ഷ്മണമ് ॥ 9 ॥
വൈദേഹീം ച മഹാഭാഗാമിദം വചനമബ്രവീത് ।
ദിഷ്ട്യാ രാമശ്ചിരസ്യാദ്യ ദ്രഷ്ടും മാം സമുപാഗതഃ ॥ 10 ॥
മനസാ കാംക്ഷിതം ഹ്യസ്യ മയാപ്യാഗമനം പ്രതി ।
ഗമ്യതാം സത്കൃതോ രാമസ്സഭാര്യസ്സഹലക്ഷ്മണഃ ॥ 11 ॥
പ്രവേശ്യതാം സമീപം മേ കിം ചാസൌ ന പ്രവേശിതഃ ।
ഏവമുക്തസ്തു മുനിനാ ധര്മജ്ഞേന മഹാത്മനാ ॥ 12 ॥
അഭിവാദ്യാബ്രവീച്ഛിഷ്യസ്തഥേതി നിയതാംജലിഃ ।
തതോ നിഷ്ക്രമ്യ സംഭ്രാംതശ്ശിഷ്യോ ലക്ഷ്മണമബ്രവീത് ॥ 13 ॥
ക്വാസൌ രാമോ മുനിം ദ്രഷ്ടുമേതു പ്രവിശതു സ്വയമ് ।
തതോ ഗത്വാഽഽശ്രമപദം ശിഷ്യേണ സഹ ലക്ഷ്മണഃ ॥ 14 ॥
ദര്ശയാമാസ കാകുത്സ്ഥം സീതാം ച ജനകാത്മജാമ് ।
തം ശിഷ്യഃ പ്രശ്രിതോ വാക്യമഗസ്ത്യവചനം ബ്രുവന് ॥ 15 ॥
പ്രാവേശയദ്യഥാന്യായം സത്കാരാര്ഹം സുസത്കൃതമ് ।
പ്രവിവേശ തതോ രാമസ്സീതയാ സഹലക്ഷ്മണഃ ॥ 16 ॥
പ്രശാംതഹരിണാകീര്ണമാശ്രമം ഹ്യവലോകയന് ।
സ തത്ര ബ്രഹ്മണഃ സ്ഥാനമഗ്നേഃ സ്ഥാനം തഥൈവ ച ॥ 17 ॥
വിഷ്ണോഃ സ്ഥാനം മഹേംദ്രസ്യ സ്ഥാനം ചൈവ വിവസ്വതഃ ।
സോമസ്ഥാനം ഭഗസ്ഥാനം സ്ഥാനം കൌബേരമേവ ച ॥ 18 ॥
ദാതുർവിധാതുഃ സ്ഥാനേച വായോഃ സ്ഥാനം തഥൈവ ച ।
നാഗരാജസ്യ ച സ്ഥാനമനംതസ്യ മഹാത്മനഃ ॥ 19 ॥
സ്ഥാനം തഥൈവ ഗായത്ര്യാ വസൂനാം സ്ഥാനമേവ ച ।
സ്ഥാനം ച പാശഹസ്തസ്യ വരുണസ്യ മഹാത്മനഃ ॥ 20 ॥
കാര്തികേയസ്യ ച സ്ഥാനം ധര്മസ്ഥാനം ച പശ്യതി ।
സ തത്ര ബ്രഹ്മണഃ സ്ഥാനമഗ്നേഃ സ്ഥാനം തഥൈവ ച ॥ 21 ॥
വിഷ്ണോഃ സ്ഥാനം മഹേംദ്രസ്യ സ്ഥാനം ചൈവ വിവസ്വതഃ ।
സോമസ്ഥാനം ഭഗസ്ഥാനം സ്ഥാനം കൌബേരമേവ ച ॥ 22 ॥
ധാതുർവിധാതുഃ സ്ഥാനം ച വായോഃ സ്ഥാനം തഥൈവ ച ।
നാഗരാജസ്യ ച സ്ഥാനമനംതസ്യ മഹാത്മനഃ ॥ 23 ॥
സ്ഥാനം തഥൈവ ഗായത്ര്യാ വസൂനാം സ്ഥാനമേവ ച ।
സ്ഥാനം ച പാശഹസ്തസ്യ വരുണസ്യ മഹാത്മനഃ ॥ 24 ॥
കാര്തികേയസ്യ ച സ്ഥാനം ധര്മസ്ഥാനം ച പശ്യതി ।
സ തത്ര ബ്രഹ്മണഃ സ്ഥാനമഗ്നേഃ സ്ഥാനം തഥൈവ ച ॥ 25 ॥
വിഷ്ണോഃ സ്ഥാനം മഹേംദ്രസ്യ സ്ഥാനം ചൈവ വിവസ്വതഃ ।
സോമസ്ഥാനം ഭഗസ്ഥാനം സ്ഥാനം കൌബേരമേവ ച ॥ 26 ॥
ദാതുർവിധാതുഃ സ്ഥാനേച വായോഃ സ്ഥാനം തഥൈവ ച ।
നാഗരാജസ്യ ച സ്ഥാനമനംതസ്യ മഹാത്മനഃ ॥ 27 ॥
സ്ഥാനം തഥൈവ ഗായത്ര്യാ വസൂനാം സ്ഥാനമേവ ച ।
സ്ഥാനം ച പാശഹസ്തസ്യ വരുണസ്യ മഹാത്മനഃ ॥ 28 ॥
കാര്തികേയസ്യ ച സ്ഥാനം ധര്മസ്ഥാനം ച പശ്യതി ।
തതശ്ശിഷ്യൈഃ പരിവൃതോ മുനിരപ്യഭിനിഷ്പതത് ॥ 29 ॥
തം ദദര്ശാഗ്രതോ രാമോ മുനീനാം ദീപ്തതേജസാമ് ।
അബ്രവീദ്വചനം വീരോ ലക്ഷ്മണം ലക്ഷ്മിവര്ധനമ് ॥ 30 ॥
ഏഷ ലക്ഷ്മണ നിഷ്ക്രാമത്യഗസ്ത്യോ ഭഗവാനൃഷിഃ ।
ഔദാര്യേണാവഗച്ഛാമി നിധാനം തപസാമിമമ് ॥ 31 ॥
ഏവമുക്ത്വാ മഹാബാഹുരഗസ്ത്യം സൂര്യവര്ചസമ് ।
ജഗ്രാഹ പരമപ്രീതസ്തസ്യ പാദൌ പരംതപഃ ॥ 32 ॥
അഭിവാദ്യ തു ധര്മാത്മാ തസ്ഥൌ രാമഃ കൃതാംജലിഃ ।
സീതയാ സഹ വൈദേഹ്യാ തദാ രാമഃ സലക്ഷ്മണഃ ॥ 33 ॥
പ്രതിജഗ്രാഹ കാകുത്സ്ഥമര്ചയിത്വാസനോദകൈഃ ।
കുശലപ്രശ്നമുക്ത്വാ ച ആസ്യതാമിതി ചാബ്രവീത് ॥ 34 ॥
അഗ്നിം ഹുത്വാ പ്രദായാര്ഘ്യമതിഥീന് പ്രതിപൂജ്യ ച ।
വാനപ്രസ്ഥ്യേന ധര്മേണ സ തേഷാം ഭോജനം ദദൌ ॥ 35 ॥
പ്രഥമം ചോപവിശ്യാഥ ധര്മജ്ഞോ മുനിപുംഗവഃ ।
ഉവാച രാമമാസീനം പ്രാംജലിം ധര്മകോവിദമ് ॥ 36 ॥
അഗ്നിം ഹുത്വാ പ്രദായാര്ഘ്യമതിഥിം പ്രതിപൂജയേത് ।
അന്യഥാ ഖലു കാകുത്സ്ഥ തപസ്വീ സമുദാചരന് ॥ 37 ॥
ദുഃസാക്ഷീവ പരേ ലോകേ സ്വാനി മാംസാനി ഭക്ഷയേത് ।
രാജാ സർവസ്യ ലോകസ്യ ധര്മചാരീ മഹാരഥഃ ॥ 38 ॥
പൂജനീയശ്ച മാന്യശ്ച ഭവാന് പ്രാപ്തഃ പ്രിയാതിഥിഃ ।
ഏവമുക്ത്വാ ഫലൈര്മൂലൈഃ പുഷ്പൈരന്യൈശ്ച രാഘവമ് ॥ 39 ॥
പൂജയിത്വാ യഥാകാമം പുനരേവ തതോഽബ്രവീത് ।
ഇദം ദിവ്യം മഹച്ചാപം ഹേമരത്നവിഭൂഷിതമ് ॥ 40 ॥
വൈഷ്ണവം പുരുഷവ്യാഘ്ര നിര്മിതം വിശ്വകര്മണാ ।
അമോഘസ്സൂര്യസംകാശോ ബ്രഹ്മദത്തശ്ശരോത്തമഃ ॥ 41 ॥
ദത്തൌ മമ മഹേംദ്രേണ തൂണീ ചാക്ഷയസായകൌ ।
സംപൂര്ണൌ നിശിതൈര്ബാണൈര്ജ്വലദ്ഭിരിവ പാവകൈഃ ॥ 42 ॥
മഹാരജതകോശോഽയമസിര്ഹേമവിഭൂഷിതഃ ।
അനേന ധനുഷാ രാമ ഹത്വാ സംഖ്യേ മഹാസുരാന് ॥ 43 ॥
ആജഹാര ശ്രിയം ദീപ്താം പുരാ വിഷ്ണുര്ദിവൌകസാമ് ।
തദ്ധനുസ്തൌ ച തൂണീരൌ ശരം ഖംഗം ച മാനദ ॥ 44 ॥
ജയായ പ്രതിഗൃഹ്ണീഷ്വ വജ്രം വജ്രധരോ യഥാ ।
ഏവമുക്ത്വാ മഹാതേജാഃ സമസ്തം തദ്വരായുധമ് ।
ദത്വാ രാമായ ഭഗവാനഗസ്ത്യഃ പുനരബ്രവീത് ॥ 45 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ അരണ്യകാംഡേ ദ്വാദശസ്സര്ഗഃ ॥
