শ্রীমদ্বাল্মীকীয় রামাযণে অরণ্যকাংডম্ ।
অথ দ্বাদশস্সর্গঃ ।
সপ্রবিশ্য়াঽশ্রমপদং লক্ষ্মণো রাঘবানুজঃ ।
অগস্ত্যশিষ্যমাসাদ্য় বাক্যমেতদুবাচ হ ॥ 1 ॥
রাজা দশরথো নাম জ্য়েষ্ঠস্তস্য় সুতো বলী ।
রামঃ প্রাপ্তো মুনিং দ্রষ্টুং ভার্যয়া সহ সীতয়া ॥ 2 ॥
লক্ষ্মণো নাম তস্য়াহং ভ্রাতা ত্ববরজো হিতঃ ।
অনুকূলশ্চ ভক্তশ্চ যদি তে শ্রোত্রমাগতঃ ॥ 3 ॥
তে বয়ং বনমত্য়ুগ্রং প্রবিষ্টাঃ পিতৃশাসনাত্ ।
দ্রষ্টুমিচ্ছামহে সর্বে ভগবংতং নিবেদ্যতাম্ ॥ 4 ॥
তস্য় তদ্ বচনং শ্রুত্বা লক্ষ্মণস্য় তপোধনঃ ।
তথেত্য়ুক্ত্বাঽগ্নিশরণং প্রবিবেশ নিবেদিতুম্ ॥ 5 ॥
স প্রবিশ্য় মুনিশ্রেষ্ঠং তপসা দুষ্প্রধর্ষণম্ ।
কৃতাংজলিরুবাচেদং রামাগমনমংজসা ॥ 6 ॥
যথোক্তং লক্ষ্মণেনৈব শিষ্য়োঽগস্ত্যস্য় সম্মতঃ ।
পুত্রৌ দশরথস্য়েমৌ রামো লক্ষ্মণ এব চ ॥ 7 ॥
প্রবিষ্টাবাশ্রমপদং সীতয়া সহ ভার্যয়া ।
দ্রষ্টুং ভবংতমায়াতৌ শুশ্রূষার্থমরিংদমৌ ॥ 8 ॥
যদত্রানংতরং তত্ত্বমাজ্ঞাপয়িতুমর্হসি ।
ততশ্শিষ্য়াদুপশ্রুত্য় প্রাপ্তং রামং সলক্ষ্মণম্ ॥ 9 ॥
বৈদেহীং চ মহাভাগামিদং বচনমব্রবীত্ ।
দিষ্ট্য়া রামশ্চিরস্য়াদ্য় দ্রষ্টুং মাং সমুপাগতঃ ॥ 10 ॥
মনসা কাংক্ষিতং হ্যস্য় ময়াপ্য়াগমনং প্রতি ।
গম্যতাং সত্কৃতো রামস্সভার্যস্সহলক্ষ্মণঃ ॥ 11 ॥
প্রবেশ্যতাং সমীপং মে কিং চাসৌ ন প্রবেশিতঃ ।
এবমুক্তস্তু মুনিনা ধর্মজ্ঞেন মহাত্মনা ॥ 12 ॥
অভিবাদ্য়াব্রবীচ্ছিষ্যস্তথেতি নিযতাংজলিঃ ।
ততো নিষ্ক্রম্য় সংভ্রাংতশ্শিষ্য়ো লক্ষ্মণমব্রবীত্ ॥ 13 ॥
ক্বাসৌ রামো মুনিং দ্রষ্টুমেতু প্রবিশতু স্বযম্ ।
ততো গত্বাঽঽশ্রমপদং শিষ্য়েণ সহ লক্ষ্মণঃ ॥ 14 ॥
দর্শয়ামাস কাকুত্স্থং সীতাং চ জনকাত্মজাম্ ।
তং শিষ্য়ঃ প্রশ্রিতো বাক্যমগস্ত্যবচনং ব্রুবন্ ॥ 15 ॥
প্রাবেশযদ্যথান্য়ায়ং সত্কারার্হং সুসত্কৃতম্ ।
প্রবিবেশ ততো রামস্সীতয়া সহলক্ষ্মণঃ ॥ 16 ॥
প্রশাংতহরিণাকীর্ণমাশ্রমং হ্যবলোকযন্ ।
স তত্র ব্রহ্মণঃ স্থানমগ্নেঃ স্থানং তথৈব চ ॥ 17 ॥
বিষ্ণোঃ স্থানং মহেংদ্রস্য় স্থানং চৈব বিবস্বতঃ ।
সোমস্থানং ভগস্থানং স্থানং কৌবেরমেব চ ॥ 18 ॥
দাতুর্বিধাতুঃ স্থানেচ বায়োঃ স্থানং তথৈব চ ।
নাগরাজস্য় চ স্থানমনংতস্য় মহাত্মনঃ ॥ 19 ॥
স্থানং তথৈব গাযত্র্য়া বসূনাং স্থানমেব চ ।
স্থানং চ পাশহস্তস্য় বরুণস্য় মহাত্মনঃ ॥ 20 ॥
কার্তিকেযস্য় চ স্থানং ধর্মস্থানং চ পশ্যতি ।
স তত্র ব্রহ্মণঃ স্থানমগ্নেঃ স্থানং তথৈব চ ॥ 21 ॥
বিষ্ণোঃ স্থানং মহেংদ্রস্য় স্থানং চৈব বিবস্বতঃ ।
সোমস্থানং ভগস্থানং স্থানং কৌবেরমেব চ ॥ 22 ॥
ধাতুর্বিধাতুঃ স্থানং চ বায়োঃ স্থানং তথৈব চ ।
নাগরাজস্য় চ স্থানমনংতস্য় মহাত্মনঃ ॥ 23 ॥
স্থানং তথৈব গাযত্র্য়া বসূনাং স্থানমেব চ ।
স্থানং চ পাশহস্তস্য় বরুণস্য় মহাত্মনঃ ॥ 24 ॥
কার্তিকেযস্য় চ স্থানং ধর্মস্থানং চ পশ্যতি ।
স তত্র ব্রহ্মণঃ স্থানমগ্নেঃ স্থানং তথৈব চ ॥ 25 ॥
বিষ্ণোঃ স্থানং মহেংদ্রস্য় স্থানং চৈব বিবস্বতঃ ।
সোমস্থানং ভগস্থানং স্থানং কৌবেরমেব চ ॥ 26 ॥
দাতুর্বিধাতুঃ স্থানেচ বায়োঃ স্থানং তথৈব চ ।
নাগরাজস্য় চ স্থানমনংতস্য় মহাত্মনঃ ॥ 27 ॥
স্থানং তথৈব গাযত্র্য়া বসূনাং স্থানমেব চ ।
স্থানং চ পাশহস্তস্য় বরুণস্য় মহাত্মনঃ ॥ 28 ॥
কার্তিকেযস্য় চ স্থানং ধর্মস্থানং চ পশ্যতি ।
ততশ্শিষ্য়ৈঃ পরিবৃতো মুনিরপ্যভিনিষ্পতত্ ॥ 29 ॥
তং দদর্শাগ্রতো রামো মুনীনাং দীপ্ততেজসাম্ ।
অব্রবীদ্বচনং বীরো লক্ষ্মণং লক্ষ্মিবর্ধনম্ ॥ 30 ॥
এষ লক্ষ্মণ নিষ্ক্রামত্যগস্ত্য়ো ভগবানৃষিঃ ।
ঔদার্য়েণাবগচ্ছামি নিধানং তপসামিমম্ ॥ 31 ॥
এবমুক্ত্বা মহাবাহুরগস্ত্য়ং সূর্যবর্চসম্ ।
জগ্রাহ পরমপ্রীতস্তস্য় পাদৌ পরংতপঃ ॥ 32 ॥
অভিবাদ্য় তু ধর্মাত্মা তস্থৌ রামঃ কৃতাংজলিঃ ।
সীতয়া সহ বৈদেহ্য়া তদা রামঃ সলক্ষ্মণঃ ॥ 33 ॥
প্রতিজগ্রাহ কাকুত্স্থমর্চয়িত্বাসনোদকৈঃ ।
কুশলপ্রশ্নমুক্ত্বা চ আস্যতামিতি চাব্রবীত্ ॥ 34 ॥
অগ্নিং হুত্বা প্রদায়ার্ঘ্যমতিথীন্ প্রতিপূজ্য় চ ।
বানপ্রস্থ্য়েন ধর্মেণ স তেষাং ভোজনং দদৌ ॥ 35 ॥
প্রথমং চোপবিশ্য়াথ ধর্মজ্ঞো মুনিপুংগবঃ ।
উবাচ রামমাসীনং প্রাংজলিং ধর্মকোবিদম্ ॥ 36 ॥
অগ্নিং হুত্বা প্রদায়ার্ঘ্যমতিথিং প্রতিপূজয়েত্ ।
অন্যথা খলু কাকুত্স্থ তপস্বী সমুদাচরন্ ॥ 37 ॥
দুঃসাক্ষীব পরে লোকে স্বানি মাংসানি ভক্ষয়েত্ ।
রাজা সর্বস্য় লোকস্য় ধর্মচারী মহারথঃ ॥ 38 ॥
পূজনীযশ্চ মান্যশ্চ ভবান্ প্রাপ্তঃ প্রিয়াতিথিঃ ।
এবমুক্ত্বা ফলৈর্মূলৈঃ পুষ্পৈরন্য়ৈশ্চ রাঘবম্ ॥ 39 ॥
পূজয়িত্বা যথাকামং পুনরেব ততোঽব্রবীত্ ।
ইদং দিব্য়ং মহচ্চাপং হেমরত্নবিভূষিতম্ ॥ 40 ॥
বৈষ্ণবং পুরুষব্য়াঘ্র নির্মিতং বিশ্বকর্মণা ।
অমোঘস্সূর্যসংকাশো ব্রহ্মদত্তশ্শরোত্তমঃ ॥ 41 ॥
দত্তৌ মম মহেংদ্রেণ তূণী চাক্ষযসাযকৌ ।
সংপূর্ণৌ নিশিতৈর্বাণৈর্জ্বলদ্ভিরিব পাবকৈঃ ॥ 42 ॥
মহারজতকোশোঽযমসির্হেমবিভূষিতঃ ।
অনেন ধনুষা রাম হত্বা সংখ্য়ে মহাসুরান্ ॥ 43 ॥
আজহার শ্রিয়ং দীপ্তাং পুরা বিষ্ণুর্দিবৌকসাম্ ।
তদ্ধনুস্তৌ চ তূণীরৌ শরং খংগং চ মানদ ॥ 44 ॥
জয়ায় প্রতিগৃহ্ণীষ্ব বজ্রং বজ্রধরো যথা ।
এবমুক্ত্বা মহাতেজাঃ সমস্তং তদ্বরায়ুধম্ ।
দত্বা রামায় ভগবানগস্ত্য়ঃ পুনরব্রবীত্ ॥ 45 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে দ্বাদশস্সর্গঃ ॥
