ஶ்ரீமத்³வால்மீகீய ராமாயணே அரண்யகாண்ட³ம் ।
அத² அஷ்டாத³ஶஸ்ஸர்க:³ ।
ததஶ்ஶூர்பணகா²ம் ராம: காமபாஶாவபாஶிதாம் ।
ஸ்வச்ச²யா ஶ்லக்ஷ்ணயா வாசா ஸ்மிதபூர்வமதா²ப்³ரவீத் ॥ 1 ॥
க்ருததா³ரோஸ்மி ப⁴வதி பா⁴ர்யேயம் த³யிதா மம ।
த்வத்³விதா⁴னாம் து நாரீணாம் ஸுது³:கா² ஸஸபத்னதா ॥ 2 ॥
அனுஜஸ்த்வேஷ மே ப்⁴ராதா ஶீலவான்ப்ரியத³ர்ஶன: ।
ஶ்ரீமானக்ருததா³ரஶ்ச லக்ஷ்மணோ நாம வீர்யவான் ॥ 3 ॥
அபூர்வீ பா⁴ர்யயா சார்தீ² தருண: ப்ரியத³ர்ஶன: ।
அனுரூபஶ்ச தே ப⁴ர்தா ரூபஸ்யாஸ்ய ப⁴விஷ்யதி ॥ 4 ॥
ஏனம் பஜ⁴ விஶாலாக்ஷி ப⁴ர்தாரம் ப்⁴ராதரம் மம ।
அஸபத்னா வராரோஹே மேருமர்கப்ரபா⁴ யதா² ॥ 5 ॥
இதி ராமேண ஸா ப்ரோக்தா ராக்ஷஸீ காமமோஹிதா ।
விஸ்ருஜ்ய ராமம் ஸஹஸா ததோ லக்ஷ்மணமப்³ரவீத் ॥ 6 ॥
அஸ்ய ரூபஸ்ய தே யுக்தா பா⁴ர்யாஹம் வரவர்ணினீ ।
மயா ஸஹ ஸுக²ம் ஸர்வாந்த³ண்ட³கான்விசரிஷ்யஸி ॥ 7 ॥
ஏவமுக்தஸ்து ஸௌமித்ரீ ராக்ஷஸ்யா வாக்யகோவித:³ ।
ததஶ்ஶூர்பணகீ²ம் ஸ்மித்வா லக்ஷ்மணோ யுக்தமப்³ரவீத் ॥ 8 ॥
கத²ம் தா³ஸஸ்ய மே தா³ஸீ பா⁴ர்யா ப⁴விதுமிச்ச²ஸி ।
ஸோஹமார்யேண பரவான்ப்⁴ராத்ரா கமலவர்ணினி ॥ 9 ॥
ஸம்ருத்³தா⁴ர்த²ஸ்ய ஸித்³தா⁴ர்தா² முதி³தாமலவர்ணினீ ।
ஆர்யஸ்ய த்வம் விஶாலாக்ஷி பா⁴ர்யா ப⁴வ யவீயஸீ ॥ 1௦ ॥
ஏனாம் விரூபாமஸதீம் கராலாம் நிர்ணதோத³ரீம் ।
பா⁴ர்யாம் வ்ருத்³தா⁴ம் பரித்யஜ்ய த்வாமேவைஷ பஜ⁴ிஷ்யதி ॥ 11 ॥
கோ ஹி ரூபமித³ம் ஶ்ரேஷ்ட²ம் ஸந்த்யஜ்ய வரவர்ணினி ।
மானுஷீஷு வராரோஹே குர்யாத்³பா⁴வம் விசக்ஷண: ॥ 12 ॥
இதி ஸா லக்ஷ்மணேனோக்தா கராலா நிர்ணதோத³ரீ ।
மன்யதே தத்³வசஸ்தத்²யம் பரிஹாஸாவிசக்ஷணா ॥ 13 ॥
ஸா ராமம் பர்ணஶாலாயாமுபவிஷ்டம் பரந்தபம் ।
ஸீதயா ஸஹ து³ர்த³ர்ஷமப்³ரவீத்காமமோஹிதா ॥ 14 ॥
ஏனாம் விரூபாமஸதீம் கராலாம் நிர்ணதோத³ரீம் ।
வ்ருத்³தா⁴ம் பா⁴ர்யாமவஷ்டப்⁴ய மாம் ந த்வம் ப³ஹுமன்யஸே ॥ 15 ॥
அத்³யேமாம் ப⁴க்ஷயிஷ்யாமி பஶ்யதஸ்தவ மானுஷீம் ।
த்வயா ஸஹ சரிஷ்யாமி நிஸ்ஸபத்னா யதா²ஸுக²ம் ॥ 16 ॥
இத்யுக்த்வா ம்ருக³ஶாபா³க்ஷீமலாதஸத்³ருஶேக்ஷணா ।
அப்⁴யதா⁴வத்ஸுஸங்க்ருத்³தா⁴ மஹோல்காம் ரோஹிணீமிவ ॥ 17 ॥
தாம் ம்ருத்யுபாஶப்ரதிமாமாபதந்தீம் மஹாப³ல: ।
நிக்³ருஹ்ய ராம: குபித ஸ்ததோ லக்ஷ்மணமப்³ரவீத் ॥ 18 ॥
க்ரூரைரனார்யை ஸ்ஸௌமித்ரே பரிஹாஸ: கத²ஞ்சன ।
ந கார்ய: பஶ்யவைதே³ஹீம் கத²ஞ்சித்ஸௌம்ய ஜீவதீம் ॥ 19 ॥
இமாம் விரூபாமஸதீமதிமத்தாம் மஹோத³ரீம் ।
ராக்ஷஸீம் புருஷவ்யாக்⁴ர விரூபயிதுமர்ஹஸி ॥ 2௦ ॥
இத்யுக்தோ லக்ஷ்மணஸ்தஸ்யா: க்ருத்³தோ⁴ ராமஸ்ய பார்ஶ்வத: ।
உத்³த்⁴ருத்ய க²ங்க³ம் சிச்சே²த³ கர்ணனாஸம் மஹாப³ல: ॥ 21 ॥
நிக்ருத்தகர்ணனாஸா து விஸ்வரம் ஸா வினத்³ய ச ।
யதா²க³தம் ப்ரது³த்³ராவ கோ⁴ரா ஶூர்பணகா² வனம் ॥ 22 ॥
ஸா விரூபா மஹாகோ⁴ரா ராக்ஷஸீ ஶோணிதோக்ஷிதா ।
நனாத³ விவிதா⁴ன்னாதா³ன்யதா² ப்ராவ்ருஷி தோயத:³ ॥ 23 ॥
ஸா விக்ஷரந்தீ ருதி⁴ரம் ப³ஹுதா⁴ கோ⁴ரத³ர்ஶனா ।
ப்ரக்³ருஹ்ய பா³ஹூ க³ர்ஜந்தீ ப்ரவிவேஶ மஹாவனம் ॥ 24 ॥
ததஸ்து ஸா ராக்ஷஸஸங்க⁴ஸம்வ்ருதம் க²ரம் ஜனஸ்தா²னக³தம் விரூபிதா ।
உபேத்ய தம் ப்⁴ராதரமுக்³ரத³ர்ஶனம் பபாத பூ⁴மௌ க³க³னாத்³யதா²ஶனி: ॥ 25 ॥
ததஸ்ஸபா⁴ர்யம் ப⁴யமோஹமூர்சி²தா ஸலக்ஷ்மணம் ராக⁴வமாக³தம் வனம் ।
விரூபணம் சாத்மனி ஶோணிதோக்ஷிதா ஶஶம்ஸ ஸர்வம் ப⁴கி³னீ க²ரஸ்ய ஸா ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ அஷ்டாத³ஶஸ்ஸர்க:³ ॥
