শ্রীমদ্বাল্মীকীয় রামাযণে অরণ্যকাংডম্ ।
অথ পংচবিংশস্সর্গঃ ।
অবষ্টব্ধধনুং রামং ক্রুদ্ধং চ রিপুঘাতিনম্ ।
দদর্শাঽশ্রমমাগম্য় খরস্সহ পুরস্সরৈঃ ॥ 1 ॥
তং দৃষ্ট্বা সশরং চাপমুদ্যম্য় খরনিস্স্বনম্ ।
রামস্য়াভিমুখং সূতং চোদ্যতামিত্যচোদযত্ ॥ 2 ॥
স খরস্য়াজ্ঞয়া সূতস্তুরগান্ সমচোদযত্ ।
যত্র রামো মহাবাহুরেকো চুন্বন্স্থিতো ধনুঃ ॥ 3 ॥
তং তু নিষ্পতিতং দৃষ্ট্বা সর্বে তে রজনীচরাঃ ।
নর্দমানা মহানাদং সচিবাঃ পর্যবারযন্ ॥ 4 ॥
স তেষাং যাতুধানানাং মধ্য়ে রথগতঃ খরঃ ।
বভূব মধ্য়ে তারাণাং লোহিতাংগ ইবোদিতঃ ॥ 5 ॥
ততশ্শরসহস্রেণ রামমপ্রতিমৌজসম্ ।
অর্দয়িত্বা মহানাদং ননাদ সমরে খরঃ ॥ 6 ॥
ততস্তং ভীমধন্বানং ক্রুদ্ধাঃ সর্বে নিশাচরাঃ ।
রামং নানাবিধৈঃ শস্স্রৈরভ্যবর্ষংত দুর্জযম্ ॥ 7 ॥
মুদ্গরৈঃ পট্টসৈশ্শূলৈঃ প্রাসৈঃ খংগৈ পরশ্বথৈঃ ।
রাক্ষসাস্সমরে রামং নিজঘ্নূ রোষতত্পরাঃ ॥ 8 ॥
তে বলাহসংকাশা মহানাদা মহৌজসঃ ।
অভ্যধাবংত কাকুত্স্থং রথৈর্বাজিভিরেব চ ॥ 9 ॥
গজৈঃ পর্বতকূটাভৈ রামং যুদ্ধে জিঘাংসবঃ ।
তে রামে শরবর্ষাণি ব্যসৃজন্ রক্ষসাং গণাঃ ॥ 10 ॥
শৈলেংদ্রমিব ধারাভির্বর্ষমাণা বলাহকাঃ ।
স তৈঃ পরিবৃতো ঘোরৈঃ রাঘবো রক্ষসাং গণৈঃ ॥ 11 ॥
তিথিষ্বি মহাদেবো বৃত পরিষদাংগণৈ তানি মুক্তানি শস্ত্রাণি যাতুধানৈস্সরাঘবঃ ।
প্রতিজগ্রাহ বিশিখৈর্নদ্য়োঘানিব সাগরঃ ॥ 12 ॥
স তৈঃ প্রহরণৈর্ঘোরৈর্ভিন্নগাত্রো ন বিব্যথে ।
রামঃ প্রদীপ্তৈর্বহুভির্বজ্রৈরিব মহাচলঃ ॥ 13 ॥
স বিদ্ধঃ ক্ষতজাদিগ্ধঃ সর্বগাত্রেষু রাঘবঃ ।
বভূব রামঃ সংধ্য়াভ্রৈর্দিবাকর ইবাবৃতঃ ॥ 14 ॥
বিষেদুর্দেবগংধর্বাস্সিদ্ধাশ্চ পরমর্ষয়ঃ ।
একং সহস্রৈর্ভহুভিস্তদা দৃষ্ট্বা সমাবৃতম্ ॥ 15 ॥
ততো রামস্সুসংকৃদ্ধো মংডলীকৃতকার্মুকঃ ।
সসর্জ বিশিখান্বাণাংছতশোঽথ সহস্রশ ॥ 16 ॥
দুরাবারাংদুর্বিষহান্কালদংডোপমান্ রণে ।
মুমোচ লীলয়া রামঃ কংকপত্রানজিহ্মগান্ ॥ 17 ॥
তে শরাশ্শত্রুসৈন্য়েষু মুক্তা রামেণ লীলয়া ।
অদদূ রক্ষসাং প্রাণান্পাশাঃ কালকৃতা ইব ॥ 18 ॥
ভিত্ত্বা রাক্ষসদেহাং স্তাংস্তে শরা রুধিরাপ্লুতাঃ ।
অংতরিক্ষগতা রেজুর্দীপ্তাগ্নিসমতেজসঃ ॥ 19 ॥
অসংখ্য়েয়াস্তু রামস্য় সাযকাশ্চাপমংডলাত্ ।
বিনিষ্পেতুরতীবোগ্রা রক্ষঃপ্রাণাপহারিণঃ ॥ 20 ॥
তৈর্ধনূংষি ধ্বজাগ্রাণি বর্মাণি চ শিরাংসি চ ।
বাহূন্সহস্তাভরণানূরূন্করিকরোপমান্ ॥ 21 ॥
চিচ্ছেদ রামস্সমরে শতশোঽথ সহস্রশঃ ।
হয়ান্কাংচনসন্নাহান্রথয়ুক্তান্সসারথীন্ ॥ 22 ॥
গজাংশ্চ সগজারোহান্সহয়ান্সাদিনস্তথা ।
পদাতীন্সমরে হত্বা হ্যনযদ্যমসাদনম্ ॥ 23 ॥
ততো নালীকনারাচৈস্তীক্ষ্ণাগ্রৈশ্চ বিকর্ণিভিঃ ।
ভীমমার্তস্বরং চক্রুর্ভিদ্যমানা নিশাচরাঃ ॥ 24 ॥
তত্সৈন্য়ং নিশিতৈর্বাণৈরর্দিতং মর্মভেদিভিঃ ।
রামেণ ন সুখং লেভে শুষ্কং বনমিবাগ্নিনা ॥ 25 ॥
কেচিদ্ভীমবলাশ্শূরাশ্শূলান্খংগান্পরশ্বধান্ ।
রামস্য়াভিমুখং গত্বা চিক্ষিপুঃ পরমায়ুধান্ ॥ 26 ॥
তানি বাণৈর্মহাবাহুশ্শস্ত্রাণ্য়াবার্য় রাঘবঃ ।
জহার সমরে প্রাণাংশ্চিচ্ছেদ চ শিরোধরান্ ॥ 27 ॥
তে ছিন্নশিরসঃ পেতুশ্চিন্নবর্মশরাসনাঃ ।
সুপর্ণবাতবিক্ষিপ্তা জগত্য়াং পাদপা যথা ॥ 28 ॥
অবশিষ্টাশ্চ যে তত্র বিষণ্ণাশ্চ নিশাচরাঃ ।
খরমেবাভ্যধাবংত শরণার্থং শরার্দিতাঃ ॥ 29 ॥
তান্সর্বান্পুনরাদায় সমাশ্বাস্য় চ দূষণঃ ।
অভ্যধাবত কাকুত্স্থং ক্রুদ্ধো রুদ্রমিবাংতকঃ ॥ 30 ॥
নিবৃত্তাস্তু পুনস্সর্বে দূষণাশ্রযনির্ভয়াঃ ।
রামমেবাভ্যধাবংত সালতালশিলায়ুধাঃ ॥ 31 ॥
শূলমুদ্গরহস্তাশ্চ চাপহস্তা মহাবলাঃ ।
সৃজংতশ্শরবর্ষাণি শস্ত্রবর্ষাণি সংয়ুগে ॥ 32 ॥
দ্রুমবর্ষাণি মুংচংতশ্শিলাবর্ষাণি রাক্ষসাঃ ।
তদ্বভূবাদ্ভুতং যুদ্ধং তুমুলং রোমহর্ষণম্ ।
রামস্য় চ মহাঘোরং পুনস্তেষাং চ রক্ষসাম্ ॥ 33 ॥
তে সমংতাদতিক্রুদ্ধা রাঘবং পুনরভ্যয়ুঃ ॥ 34 ॥
তৈশ্চ সর্বা দিশো দৃষ্ট্বা প্রদিশশ্চ সমাবৃতাঃ ।
রাক্ষসৈরুদ্যতপ্রাসৈশ্শরবর্ষাভিবর্ষিভিঃ ॥ 35 ॥
স কৃত্বা ভৈরবং নাদমস্ত্রং পরমভাস্বরম্ ।
সংয়োজযত গাংধর্বং রাক্ষসেষু মহাবলঃ ॥ 36 ॥
ততশ্শরসহস্রাণি নির্যয়ুশ্চাপমংডলাত্ ।
সর্বা দশ দিশো বাণৈরাবার্য়ংত সমাগতৈঃ ॥ 37 ॥
নাদদানং শরান্ঘোরান্নমুংচংতং শিলীমুখান্ ।
বিকর্ষমাণং পশ্য়ংতি রাক্ষসাস্তে শরার্দিতাঃ ॥ 38 ॥
শরাংধকারমাকাশমাবৃণোত্সদিবাকরম্ ।
বভূবাবস্থিতো রামঃ প্রবমন্নিব তাংছরান্ ॥ 39 ॥
যুগপত্পতমানৈশ্চ যুগপচ্চ হতৈর্ভৃশম্ ।
যুগপত্পতিতৈশ্চৈব বিকীর্ণা বসুধা ভবত্ ॥ 40 ॥
নিহতাঃ পতিতাঃ ক্ষীণাশ্ছিন্না ভিন্না বিদারিতাঃ ।
তত্র তত্র স্ম দৃশ্য়ংতে রাক্ষসাস্তে সহস্রশঃ ॥ 41 ॥
সোষ্ণীষৈরুত্তমাংগৈশ্চ সাংগদৈর্বাহুভিস্তথা ।
ঊরুভির্জানুভিশ্ছিন্নৈর্নানারূপৈবিভূষণৈঃ ॥ 42 ॥
হয়ৈশ্চ দ্বিপমুখ্য়ৈশ্চ রথৈর্ভিন্নৈরনেকশঃ ।
চামরৈর্ব্যজনৈশ্ছত্রৈর্ধ্বজৈর্নানাবিধৈরপি ॥ 43 ॥
রামস্য় বাণাভিহতৈর্বিচিত্রৈশ্শূলপট্টিসৈঃ ।
খংগৈ খংডীকৃতৈঃ প্রাসৈর্বিকীর্ণৈশ্চ পরশ্বধৈঃ ॥ 44 ॥
চূর্ণিতাভিশ্শিলাভিশ্চ শরৈশ্চিত্রৈরনেকশঃ ।
বিচ্ছিন্নৈস্সমরে ভূমির্বিকীর্ণাঽভূদ্ভয়ংকরা ॥ 45 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে পংচবিংশস্সর্গঃ ॥
