শ্রীমদ্বাল্মীকীয় রামাযণে অরণ্যকাংডম্ ।
অথ একপংচাশস্সর্গঃ ।
ইত্য়ুক্তস্য় যথান্য়ায়ং রাবণস্য় জটায়ুষা ।
ক্রুদ্ধস্য়াগ্নিনিভাস্সর্বা রেজুর্বিংশতিদৃষ্টয়ঃ ॥ 1 ॥
সংরক্তনযনঃ কোপাত্তপ্তকাংচনকুংডলঃ ।
রাক্ষসেংদ্রোঽভিদুদ্রাব পতগেংদ্রমমর্ষণঃ ॥ 2 ॥
স সংপ্রহারস্তুমুল স্তয়োস্তস্মিন্মহাবনে ।
বভূব বাতোদ্ধতয়োর্মেঘয়োর্গগনে যথা ॥ 3 ॥
তদ্বভূবাদ্ভুতং যুদ্ধং গৃধ্ররাক্ষসয়োস্তদা ।
সপক্ষয়োর্মাল্যবতোর্মহাপর্বতয়োরিব ॥ 4 ॥
ততো নালীকনারাচৈস্তীক্ষ্ণাগ্রৈশ্চ বিকর্ণিভিঃ ।
অভ্যবর্ষন্মহাঘোরৈর্গৃধ্ররাজং মহাবলঃ ॥ 5 ॥
স তানি শরজালানি গৃধ্রঃ পত্ত্ররথেশ্বরঃ ।
জটায়ুঃ প্রতিজগ্রাহ রাবণাস্ত্রাণি সংয়ুগে ॥ 6 ॥
তস্য় তীক্ষ্ণনখাভ্য়াং তু চরণাভ্য়াং মহাবলঃ ।
চকার বহুধা গাত্রে ব্রণান্পতগসত্তমঃ ॥ 7 ॥
অথ ক্রোধাদ্ধশগ্রীবো জগ্রাহ দশ মার্গণান্ ।
মৃত্য়ুদংডনিভান্ঘোরান্ছত্রুমর্দনকাংক্ষয়া ॥ 8 ॥
স তৈর্বাণৈর্মহাবীর্য়ঃ পূর্ণমুক্তৈরজিহ্মগৈঃ ।
বিভেদ নিশিতৈস্তীক্ষ্ণৈর্গৃধ্রং ঘোরৈশ্শিলীমুখৈঃ ॥ 9 ॥
স রাক্ষসরথে পশ্যন্জানকীং বাষ্পলোচনাম্ ।
অচিংতয়িত্বা তান্বাণান্রাক্ষসং সমভিদ্রবত্ ॥ 10 ॥
ততোঽস্য় সশরং চাপং মুক্তামণিবিভূষিতম্ ।
চরণাভ্য়াং মহাতেজা বভংজ পতগেশ্বরঃ ॥ 11 ॥
ততোঽন্যদ্ধনুরাদায় রাবণঃ ক্রোধমূর্ছিতঃ ।
ববর্ষ শরবর্ষাণি শতশোঽথ সহস্রশঃ ॥ 12 ॥
শরৈরাবারিতস্তস্য় সংয়ুগে পতগেশ্বরঃ ।
কুলাযমুপসংপ্রাপ্তঃ পক্ষীব প্রবভৌ তদা ॥ 13 ॥
স তানি শরবর্ষাণি পক্ষাভ্য়াং চ বিধূযচ ।
চরণাভ্য়াং মহাতেজা বভংজাস্য় মহদ্ধনুঃ ॥ 14 ॥
তচ্চাগ্নিসদৃশং দীপ্তং রাবণস্য় শরাবরম্ ।
পক্ষাভ্য়াং স মহাবীর্য়ো ব্য়াধুনোত্পতগেশ্বরঃ ॥ 15 ॥
কাংচনোরশ্ছদাংদিব্য়ান্পিশাচবদনান্খরান্ ।
তাংশ্চাস্য় জবসংপন্নাংজঘান সমরে বলী ॥ 16 ॥
বরং ত্রিবেণুসংপন্নং কামগং পাবকার্চিষম্ ।
মণিহেমবিচিত্রাংগং বভংজ চ মহারথম্ ॥ 17 ॥
পূর্ণচংদ্রপ্রতীকাশং ছত্রং চ ব্যজনৈস্সহ ।
পাতয়ামাস বেগেন গ্রাহিভী রাক্ষসৈস্সহ ॥ 18 ॥
সারথেশ্চাস্য় বেগেন তুংডেনৈব মহচ্ছিরঃ ।
পুনর্ব্যপাহরচ্ছ্রীমান্পক্ষিরাজো মহাবলঃ ॥ 19 ॥
স ভগ্নধন্বা বিরথো হতাশ্বো হতসারথিঃ ।
অংকেনাদায় বৈদেহীং পপাত ভুবি রাবণঃ ॥ 20 ॥
দৃষ্ট্বা নিপতিতং ভূমৌ রাবণং ভগ্নবাহনম্ ।
সাধুসাধ্বিতি ভূতানি গৃধ্ররাজমপূজযন্ ॥ 21 ॥
পরিশ্রাংতং তু তং দৃষ্টবা জরয়া পক্ষিয়ূথপম্ ।
উত্পপাত পুনর্হৃষ্টো মৈথিলীং গৃহ্য় রাবণঃ ॥ 22 ॥
তং প্রহৃষ্টং নিধায়াংকে গচ্ছংতং জনকাত্মজাম্ ।
গৃধ্ররাজস্সমুত্পত্য় সমভিদ্রুত্য় রাবণম্ ॥ 23 ॥
সমাবার্য় মহাতেজা জটায়ুরিদমব্রবীত্ ।
বজ্রসংস্পর্শবাণস্য় ভার্য়াং রামস্য় রাবণ ॥ 24 ॥
অল্পবুদ্ধে হরস্য়েনাং বধায় খলু রক্ষসাম্ ।
সমিত্রবংধুস্সামাত্যস্সবলস্সপরিচ্ছদঃ ॥ 25 ॥
বিষপানং পিবস্য়েতত্পিপাসিত ইবোদকম্ ।
অনুবংধমজানংতঃ কর্মণামবিচক্ষণাঃ ॥ 26 ॥
শীঘ্রমেব বিনশ্য়ংতি যথা ত্বং বিনশিষ্যসি ।
বদ্ধস্ত্বং কালপাশেন ক্ব গতস্তস্য় মোক্ষ্যসে ॥ 27 ॥
বধায় বডিশং গৃহ্য় সামিষং জলজো যথা ।
ন হি জাতু দুরাধর্ষৌ কাকুত্স্থৌ তব রাবণ ॥ 28 ॥
ধর্ষণং চাশ্রমস্য়াস্য় ক্ষমিষ্য়েতে তু রাঘবৌ ।
যথা ত্বয়া কৃতং কর্ম ভীরুণা লোকগর্হিতম্ ॥ 29 ॥
তস্করাচরিতো মার্গো নৈব বীরনিষেবিতঃ ।
যুধ্যস্ব যদি শূরোঽসি মুহূর্তং তিষ্ঠরাবণ ॥ 30 ॥
শয়িষ্যসে হতো ভূমৌ যথা ভ্রাতা খরস্তথা ।
পরেতকালে পুরুষো যত্কর্ম প্রতিপদ্যতে ॥ 31 ॥
বিনাশায়াত্মনোঽধর্ম্য়ং প্রতিপন্নোঽসি কর্ম তত্ ।
পাপানুবংধো বৈ যস্য় কর্মণঃ কর্মকো নু তত্ ॥ 32 ॥
কুর্বীত লোকাধিপতিস্স্বয়ংভূর্ভগবানপি ।
এবমুক্ত্বা শুভং বাক্য়ং জটায়ুস্তস্য় রক্ষসঃ ॥ 33 ॥
নিপপাত ভৃশং পৃষ্ঠে দশগ্রীবস্য় বীর্যবান্ ।
তং গৃহীত্বা নখৈস্তীক্ষ্ণৈর্বিদদার সমংততঃ ॥ 34 ॥
অধিরূঢো গজারোহো যথা স্য়াদ্দুষ্টবারণম্ ।
বিদদার নখৈরস্য় তুংডং পৃষ্ঠে সমর্পযন্ ॥ 35 ॥
কেশাংশ্চোত্পাটয়ামাস নখপক্ষমুখায়ুধঃ ।
স তথা গৃধ্ররাজেন ক্লিশ্যমানো মুহুর্মুহুঃ ॥ 36 ॥
অমর্ষস্ফুরিতোষ্ঠস্সন্প্রাকংপত চ রাবণঃ ।
স পরিষ্বজ্য় চ বৈদেহীং বামেনাংকেন রাবণঃ ॥ 37 ॥
তলেনাভিজঘানাশু জটায়ুং ক্রোধমুর্ছীতঃ ।
জটায়ুস্তমভিক্রম্য় তুংডেনাস্য় খগাধিপঃ ॥ 38 ॥
বামবাহূংদশ তদা ব্যপাহরদরিংদমঃ ।
সংছিন্নবাহোস্সদ্য়ৈব বাহবস্সহসাভবন্ ॥ 39 ॥
বিষজ্বালাবলীয়ুক্তা বল্মীকাদিব পন্নগাঃ ।
ততঃ ক্রোধাদ্দশগ্রীবস্সীতামুত্সৃজ্য় রাবণঃ ॥ 40 ॥
মুষ্টিভ্য়াং চরণাভ্য়াং চ গৃধ্ররাজমপোথযত্ ।
ততো মুহূর্তং সংগ্রামো বভূবাতুল্যবীর্যয়োঃ ॥ 41 ॥
রাক্ষসানাং চ মুখ্যস্য় পক্ষিণাং প্রবরস্য় চ ।
তস্য় ব্য়াযচ্ছমানস্য় রামস্য়ার্থে স রাবণঃ ॥ 42 ॥
পক্ষৌ পার্শ্বৌ চ পাদৌ চ খড্গমুদ্ধৃত্য় সোঽচ্ছিনত্ ।
স চ্ছিন্নপক্ষস্সহসা রক্ষসা রৌদ্রকর্মণা ॥ 43 ॥
নিপপাত হতো গৃদ্রো ধরণ্য়ামল্পজীবিতঃ ।
তং দৃষ্ট্বা পতিতং ভূমৌ ক্ষতজার্দ্রং জটায়ুষম্ ॥ 44 ॥
অভ্যধাবত বৈদেহী স্ববংধুমিব দুঃখিতা ।
তং নীলজীমূতনিকাশকল্পং সুপাংডুরোরস্কমুদারবীর্যম্ ।
দদর্শ লংকাধিপতিঃ পৃথিব্য়াং জটায়ুষং শাংতমিবাগ্নিদাবম্ ॥ 45 ॥
ততস্তু তং পত্ররথং মহীতলে নিপাতিতং রাবণবেগমর্দিতম্ ।
পুনঃ পরিশ্বজ্য় শশিপ্রভাননা রুরোদ সীতা জনকাত্মজাতদা ॥ 46 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে অরণ্যকাংডে একপংচাশস্সর্গঃ ॥
