ශ්රීමද්වාල්මීකීය රාමායණේ අරණ්යකාංඩම් ।
අථ ඒකපංචාශස්සර්ගඃ ।
ඉත්යුක්තස්ය යථාන්යායං රාවණස්ය ජටායුෂා ।
ක්රුද්ධස්යාග්නිනිභාස්සර්වා රේජුර්විංශතිදෘෂ්ටයඃ ॥ 1 ॥
සංරක්තනයනඃ කෝපාත්තප්තකාංචනකුංඩලඃ ।
රාක්ෂසේංද්රෝऽභිදුද්රාව පතගේංද්රමමර්ෂණඃ ॥ 2 ॥
ස සංප්රහාරස්තුමුල ස්තයෝස්තස්මින්මහාවනේ ।
බභූව වාතෝද්ධතයෝර්මේඝයෝර්ගගනේ යථා ॥ 3 ॥
තද්බභූවාද්භුතං යුද්ධං ගෘධ්රරාක්ෂසයෝස්තදා ।
සපක්ෂයෝර්මාල්යවතෝර්මහාපර්වතයෝරිව ॥ 4 ॥
තතෝ නාලීකනාරාචෛස්තීක්ෂ්ණාග්රෛශ්ච විකර්ණිභිඃ ।
අභ්යවර්ෂන්මහාඝෝරෛර්ගෘධ්රරාජං මහාබලඃ ॥ 5 ॥
ස තානි ශරජාලානි ගෘධ්රඃ පත්ත්රරථේශ්වරඃ ।
ජටායුඃ ප්රතිජග්රාහ රාවණාස්ත්රාණි සංයුගේ ॥ 6 ॥
තස්ය තීක්ෂ්ණනඛාභ්යාං තු චරණාභ්යාං මහාබලඃ ।
චකාර බහුධා ගාත්රේ ව්රණාන්පතගසත්තමඃ ॥ 7 ॥
අථ ක්රෝධාද්ධශග්රීවෝ ජග්රාහ දශ මාර්ගණාන් ।
මෘත්යුදංඩනිභාන්ඝෝරාන්ඡත්රුමර්දනකාංක්ෂයා ॥ 8 ॥
ස තෛර්බාණෛර්මහාවීර්යඃ පූර්ණමුක්තෛරජිහ්මගෛඃ ।
බිභේද නිශිතෛස්තීක්ෂ්ණෛර්ගෘධ්රං ඝෝරෛශ්ශිලීමුඛෛඃ ॥ 9 ॥
ස රාක්ෂසරථේ පශ්යන්ජානකීං බාෂ්පලෝචනාම් ।
අචිංතයිත්වා තාන්බාණාන්රාක්ෂසං සමභිද්රවත් ॥ 10 ॥
තතෝऽස්ය සශරං චාපං මුක්තාමණිවිභූෂිතම් ।
චරණාභ්යාං මහාතේජා බභංජ පතගේශ්වරඃ ॥ 11 ॥
තතෝऽන්යද්ධනුරාදාය රාවණඃ ක්රෝධමූර්ඡිතඃ ।
වවර්ෂ ශරවර්ෂාණි ශතශෝऽථ සහස්රශඃ ॥ 12 ॥
ශරෛරාවාරිතස්තස්ය සංයුගේ පතගේශ්වරඃ ।
කුලායමුපසංප්රාප්තඃ පක්ෂීව ප්රබභෞ තදා ॥ 13 ॥
ස තානි ශරවර්ෂාණි පක්ෂාභ්යාං ච විධූයච ।
චරණාභ්යාං මහාතේජා බභංජාස්ය මහද්ධනුඃ ॥ 14 ॥
තච්චාග්නිසදෘශං දීප්තං රාවණස්ය ශරාවරම් ।
පක්ෂාභ්යාං ස මහාවීර්යෝ ව්යාධුනෝත්පතගේශ්වරඃ ॥ 15 ॥
කාංචනෝරශ්ඡදාංදිව්යාන්පිශාචවදනාන්ඛරාන් ।
තාංශ්චාස්ය ජවසංපන්නාංජඝාන සමරේ බලී ॥ 16 ॥
වරං ත්රිවේණුසංපන්නං කාමගං පාවකාර්චිෂම් ।
මණිහේමවිචිත්රාංගං බභංජ ච මහාරථම් ॥ 17 ॥
පූර්ණචංද්රප්රතීකාශං ඡත්රං ච ව්යජනෛස්සහ ।
පාතයාමාස වේගේන ග්රාහිභී රාක්ෂසෛස්සහ ॥ 18 ॥
සාරථේශ්චාස්ය වේගේන තුංඩේනෛව මහච්ඡිරඃ ।
පුනර්ව්යපාහරච්ඡ්රීමාන්පක්ෂිරාජෝ මහාබලඃ ॥ 19 ॥
ස භග්නධන්වා විරථෝ හතාශ්වෝ හතසාරථිඃ ।
අංකේනාදාය වෛදේහීං පපාත භුවි රාවණඃ ॥ 20 ॥
දෘෂ්ට්වා නිපතිතං භූමෞ රාවණං භග්නවාහනම් ।
සාධුසාධ්විති භූතානි ගෘධ්රරාජමපූජයන් ॥ 21 ॥
පරිශ්රාංතං තු තං දෘෂ්ටවා ජරයා පක්ෂියූථපම් ।
උත්පපාත පුනර්හෘෂ්ටෝ මෛථිලීං ගෘහ්ය රාවණඃ ॥ 22 ॥
තං ප්රහෘෂ්ටං නිධායාංකේ ගච්ඡංතං ජනකාත්මජාම් ।
ගෘධ්රරාජස්සමුත්පත්ය සමභිද්රුත්ය රාවණම් ॥ 23 ॥
සමාවාර්ය මහාතේජා ජටායුරිදමබ්රවීත් ।
වජ්රසංස්පර්ශබාණස්ය භාර්යාං රාමස්ය රාවණ ॥ 24 ॥
අල්පබුද්ධේ හරස්යේනාං වධාය ඛලු රක්ෂසාම් ।
සමිත්රබංධුස්සාමාත්යස්සබලස්සපරිච්ඡදඃ ॥ 25 ॥
විෂපානං පිබස්යේතත්පිපාසිත ඉවෝදකම් ।
අනුබංධමජානංතඃ කර්මණාමවිචක්ෂණාඃ ॥ 26 ॥
ශීඝ්රමේව විනශ්යංති යථා ත්වං විනශිෂ්යසි ।
බද්ධස්ත්වං කාලපාශේන ක්ව ගතස්තස්ය මෝක්ෂ්යසේ ॥ 27 ॥
වධාය බඩිශං ගෘහ්ය සාමිෂං ජලජෝ යථා ।
න හි ජාතු දුරාධර්ෂෞ කාකුත්ස්ථෞ තව රාවණ ॥ 28 ॥
ධර්ෂණං චාශ්රමස්යාස්ය ක්ෂමිෂ්යේතේ තු රාඝවෞ ।
යථා ත්වයා කෘතං කර්ම භීරුණා ලෝකගර්හිතම් ॥ 29 ॥
තස්කරාචරිතෝ මාර්ගෝ නෛව වීරනිෂේවිතඃ ।
යුධ්යස්ව යදි ශූරෝऽසි මුහූර්තං තිෂ්ඨරාවණ ॥ 30 ॥
ශයිෂ්යසේ හතෝ භූමෞ යථා භ්රාතා ඛරස්තථා ।
පරේතකාලේ පුරුෂෝ යත්කර්ම ප්රතිපද්යතේ ॥ 31 ॥
විනාශායාත්මනෝऽධර්ම්යං ප්රතිපන්නෝऽසි කර්ම තත් ।
පාපානුබංධෝ වෛ යස්ය කර්මණඃ කර්මකෝ නු තත් ॥ 32 ॥
කුර්වීත ලෝකාධිපතිස්ස්වයංභූර්භගවානපි ।
ඒවමුක්ත්වා ශුභං වාක්යං ජටායුස්තස්ය රක්ෂසඃ ॥ 33 ॥
නිපපාත භෘශං පෘෂ්ඨේ දශග්රීවස්ය වීර්යවාන් ।
තං ගෘහීත්වා නඛෛස්තීක්ෂ්ණෛර්විදදාර සමංතතඃ ॥ 34 ॥
අධිරූඪෝ ගජාරෝහෝ යථා ස්යාද්දුෂ්ටවාරණම් ।
විදදාර නඛෛරස්ය තුංඩං පෘෂ්ඨේ සමර්පයන් ॥ 35 ॥
කේශාංශ්චෝත්පාටයාමාස නඛපක්ෂමුඛායුධඃ ।
ස තථා ගෘධ්රරාජේන ක්ලිශ්යමානෝ මුහුර්මුහුඃ ॥ 36 ॥
අමර්ෂස්ඵුරිතෝෂ්ඨස්සන්ප්රාකංපත ච රාවණඃ ।
ස පරිෂ්වජ්ය ච වෛදේහීං වාමේනාංකේන රාවණඃ ॥ 37 ॥
තලේනාභිජඝානාශු ජටායුං ක්රෝධමුර්ඡීතඃ ।
ජටායුස්තමභික්රම්ය තුංඩේනාස්ය ඛගාධිපඃ ॥ 38 ॥
වාමබාහූංදශ තදා ව්යපාහරදරිංදමඃ ।
සංඡින්නබාහෝස්සද්යෛව බාහවස්සහසාභවන් ॥ 39 ॥
විෂජ්වාලාවලීයුක්තා වල්මීකාදිව පන්නගාඃ ।
තතඃ ක්රෝධාද්දශග්රීවස්සීතාමුත්සෘජ්ය රාවණඃ ॥ 40 ॥
මුෂ්ටිභ්යාං චරණාභ්යාං ච ගෘධ්රරාජමපෝථයත් ।
තතෝ මුහූර්තං සංග්රාමෝ බභූවාතුල්යවීර්යයෝඃ ॥ 41 ॥
රාක්ෂසානාං ච මුඛ්යස්ය පක්ෂිණාං ප්රවරස්ය ච ।
තස්ය ව්යායච්ඡමානස්ය රාමස්යාර්ථේ ස රාවණඃ ॥ 42 ॥
පක්ෂෞ පාර්ශ්වෞ ච පාදෞ ච ඛඩ්ගමුද්ධෘත්ය සෝऽච්ඡිනත් ।
ස ච්ඡින්නපක්ෂස්සහසා රක්ෂසා රෞද්රකර්මණා ॥ 43 ॥
නිපපාත හතෝ ගෘද්රෝ ධරණ්යාමල්පජීවිතඃ ।
තං දෘෂ්ට්වා පතිතං භූමෞ ක්ෂතජාර්ද්රං ජටායුෂම් ॥ 44 ॥
අභ්යධාවත වෛදේහී ස්වබංධුමිව දුඃඛිතා ।
තං නීලජීමූතනිකාශකල්පං සුපාංඩුරෝරස්කමුදාරවීර්යම් ।
දදර්ශ ලංකාධිපතිඃ පෘථිව්යාං ජටායුෂං ශාංතමිවාග්නිදාවම් ॥ 45 ॥
තතස්තු තං පත්රරථං මහීතලේ නිපාතිතං රාවණවේගමර්දිතම් ।
පුනඃ පරිශ්වජ්ය ශශිප්රභානනා රුරෝද සීතා ජනකාත්මජාතදා ॥ 46 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අරණ්යකාංඩේ ඒකපංචාශස්සර්ගඃ ॥
