ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஏகபஞ்சாஶஸ்ஸர்க:³ ।
இத்யுக்தஸ்ய யதா²ன்யாயம் ராவணஸ்ய ஜடாயுஷா ।
க்ருத்³த⁴ஸ்யாக்³னினிபா⁴ஸ்ஸர்வா ரேஜுர்விம்ஶதித்³ருஷ்டய: ॥ 1 ॥
ஸம்ரக்தனயன: கோபாத்தப்தகாஞ்சனகுண்ட³ல: ।
ராக்ஷஸேந்த்³ரோபி⁴து³த்³ராவ பதகே³ந்த்³ரமமர்ஷண: ॥ 2 ॥
ஸ ஸம்ப்ரஹாரஸ்துமுல ஸ்தயோஸ்தஸ்மின்மஹாவனே ।
ப³பூ⁴வ வாதோத்³த⁴தயோர்மேக⁴யோர்க³க³னே யதா² ॥ 3 ॥
தத்³ப³பூ⁴வாத்³பு⁴தம் யுத்³த⁴ம் க்³ருத்⁴ரராக்ஷஸயோஸ்ததா³ ।
ஸபக்ஷயோர்மால்யவதோர்மஹாபர்வதயோரிவ ॥ 4 ॥
ததோ நாலீகனாராசைஸ்தீக்ஷ்ணாக்³ரைஶ்ச விகர்ணிபி⁴: ।
அப்⁴யவர்ஷன்மஹாகோ⁴ரைர்க்³ருத்⁴ரராஜம் மஹாப³ல: ॥ 5 ॥
ஸ தானி ஶரஜாலானி க்³ருத்⁴ர: பத்த்ரரதே²ஶ்வர: ।
ஜடாயு: ப்ரதிஜக்³ராஹ ராவணாஸ்த்ராணி ஸம்யுகே³ ॥ 6 ॥
தஸ்ய தீக்ஷ்ணனகா²ப்⁴யாம் து சரணாப்⁴யாம் மஹாப³ல: ।
சகார ப³ஹுதா⁴ கா³த்ரே வ்ரணான்பதக³ஸத்தம: ॥ 7 ॥
அத² க்ரோதா⁴த்³த⁴ஶக்³ரீவோ ஜக்³ராஹ த³ஶ மார்க³ணான் ।
ம்ருத்யுத³ண்ட³னிபா⁴ன்கோ⁴ரான்ச²த்ருமர்த³னகாங்க்ஷயா ॥ 8 ॥
ஸ தைர்பா³ணைர்மஹாவீர்ய: பூர்ணமுக்தைரஜிஹ்மகை³: ।
பி³பே⁴த³ நிஶிதைஸ்தீக்ஷ்ணைர்க்³ருத்⁴ரம் கோ⁴ரைஶ்ஶிலீமுகை²: ॥ 9 ॥
ஸ ராக்ஷஸரதே² பஶ்யன்ஜானகீம் பா³ஷ்பலோசனாம் ।
அசிந்தயித்வா தான்பா³ணான்ராக்ஷஸம் ஸமபி⁴த்³ரவத் ॥ 1௦ ॥
ததோஸ்ய ஸஶரம் சாபம் முக்தாமணிவிபூ⁴ஷிதம் ।
சரணாப்⁴யாம் மஹாதேஜா ப³ப⁴ஞ்ஜ பதகே³ஶ்வர: ॥ 11 ॥
ததோன்யத்³த⁴னுராதா³ய ராவண: க்ரோத⁴மூர்சி²த: ।
வவர்ஷ ஶரவர்ஷாணி ஶதஶோத² ஸஹஸ்ரஶ: ॥ 12 ॥
ஶரைராவாரிதஸ்தஸ்ய ஸம்யுகே³ பதகே³ஶ்வர: ।
குலாயமுபஸம்ப்ராப்த: பக்ஷீவ ப்ரப³பௌ⁴ ததா³ ॥ 13 ॥
ஸ தானி ஶரவர்ஷாணி பக்ஷாப்⁴யாம் ச விதூ⁴யச ।
சரணாப்⁴யாம் மஹாதேஜா ப³ப⁴ஞ்ஜாஸ்ய மஹத்³த⁴னு: ॥ 14 ॥
தச்சாக்³னிஸத்³ருஶம் தீ³ப்தம் ராவணஸ்ய ஶராவரம் ।
பக்ஷாப்⁴யாம் ஸ மஹாவீர்யோ வ்யாது⁴னோத்பதகே³ஶ்வர: ॥ 15 ॥
காஞ்சனோரஶ்ச²தா³ந்தி³வ்யான்பிஶாசவத³னான்க²ரான் ।
தாம்ஶ்சாஸ்ய ஜவஸம்பன்னாஞ்ஜகா⁴ன ஸமரே ப³லீ ॥ 16 ॥
வரம் த்ரிவேணுஸம்பன்னம் காமக³ம் பாவகார்சிஷம் ।
மணிஹேமவிசித்ராங்க³ம் ப³ப⁴ஞ்ஜ ச மஹாரத²ம் ॥ 17 ॥
பூர்ணசந்த்³ரப்ரதீகாஶம் ச²த்ரம் ச வ்யஜனைஸ்ஸஹ ।
பாதயாமாஸ வேகே³ன க்³ராஹிபீ⁴ ராக்ஷஸைஸ்ஸஹ ॥ 18 ॥
ஸாரதே²ஶ்சாஸ்ய வேகே³ன துண்டே³னைவ மஹச்சி²ர: ।
புனர்வ்யபாஹரச்ச்²ரீமான்பக்ஷிராஜோ மஹாப³ல: ॥ 19 ॥
ஸ ப⁴க்³னத⁴ன்வா விரதோ² ஹதாஶ்வோ ஹதஸாரதி²: ।
அங்கேனாதா³ய வைதே³ஹீம் பபாத பு⁴வி ராவண: ॥ 2௦ ॥
த்³ருஷ்ட்வா நிபதிதம் பூ⁴மௌ ராவணம் ப⁴க்³னவாஹனம் ।
ஸாது⁴ஸாத்⁴விதி பூ⁴தானி க்³ருத்⁴ரராஜமபூஜயன் ॥ 21 ॥
பரிஶ்ராந்தம் து தம் த்³ருஷ்டவா ஜரயா பக்ஷியூத²பம் ।
உத்பபாத புனர்ஹ்ருஷ்டோ மைதி²லீம் க்³ருஹ்ய ராவண: ॥ 22 ॥
தம் ப்ரஹ்ருஷ்டம் நிதா⁴யாங்கே க³ச்ச²ந்தம் ஜனகாத்மஜாம் ।
க்³ருத்⁴ரராஜஸ்ஸமுத்பத்ய ஸமபி⁴த்³ருத்ய ராவணம் ॥ 23 ॥
ஸமாவார்ய மஹாதேஜா ஜடாயுரித³மப்³ரவீத் ।
வஜ்ரஸம்ஸ்பர்ஶபா³ணஸ்ய பா⁴ர்யாம் ராமஸ்ய ராவண ॥ 24 ॥
அல்பபு³த்³தே⁴ ஹரஸ்யேனாம் வதா⁴ய க²லு ரக்ஷஸாம் ।
ஸமித்ரப³ந்து⁴ஸ்ஸாமாத்யஸ்ஸப³லஸ்ஸபரிச்ச²த:³ ॥ 25 ॥
விஷபானம் பிப³ஸ்யேதத்பிபாஸித இவோத³கம் ।
அனுப³ந்த⁴மஜானந்த: கர்மணாமவிசக்ஷணா: ॥ 26 ॥
ஶீக்⁴ரமேவ வினஶ்யந்தி யதா² த்வம் வினஶிஷ்யஸி ।
ப³த்³த⁴ஸ்த்வம் காலபாஶேன க்வ க³தஸ்தஸ்ய மோக்ஷ்யஸே ॥ 27 ॥
வதா⁴ய ப³டி³ஶம் க்³ருஹ்ய ஸாமிஷம் ஜலஜோ யதா² ।
ந ஹி ஜாது து³ராத⁴ர்ஷௌ காகுத்ஸ்தௌ² தவ ராவண ॥ 28 ॥
த⁴ர்ஷணம் சாஶ்ரமஸ்யாஸ்ய க்ஷமிஷ்யேதே து ராக⁴வௌ ।
யதா² த்வயா க்ருதம் கர்ம பீ⁴ருணா லோகக³ர்ஹிதம் ॥ 29 ॥
தஸ்கராசரிதோ மார்கோ³ நைவ வீரனிஷேவித: ।
யுத்⁴யஸ்வ யதி³ ஶூரோஸி முஹூர்தம் திஷ்ட²ராவண ॥ 3௦ ॥
ஶயிஷ்யஸே ஹதோ பூ⁴மௌ யதா² ப்⁴ராதா க²ரஸ்ததா² ।
பரேதகாலே புருஷோ யத்கர்ம ப்ரதிபத்³யதே ॥ 31 ॥
வினாஶாயாத்மனோத⁴ர்ம்யம் ப்ரதிபன்னோஸி கர்ம தத் ।
பாபானுப³ந்தோ⁴ வை யஸ்ய கர்மண: கர்மகோ நு தத் ॥ 32 ॥
குர்வீத லோகாதி⁴பதிஸ்ஸ்வயம்பூ⁴ர்ப⁴க³வானபி ।
ஏவமுக்த்வா ஶுப⁴ம் வாக்யம் ஜடாயுஸ்தஸ்ய ரக்ஷஸ: ॥ 33 ॥
நிபபாத ப்⁴ருஶம் ப்ருஷ்டே² த³ஶக்³ரீவஸ்ய வீர்யவான் ।
தம் க்³ருஹீத்வா நகை²ஸ்தீக்ஷ்ணைர்வித³தா³ர ஸமந்தத: ॥ 34 ॥
அதி⁴ரூடோ⁴ கஜ³ாரோஹோ யதா² ஸ்யாத்³து³ஷ்டவாரணம் ।
வித³தா³ர நகை²ரஸ்ய துண்ட³ம் ப்ருஷ்டே² ஸமர்பயன் ॥ 35 ॥
கேஶாம்ஶ்சோத்பாடயாமாஸ நக²பக்ஷமுகா²யுத:⁴ ।
ஸ ததா² க்³ருத்⁴ரராஜேன க்லிஶ்யமானோ முஹுர்முஹு: ॥ 36 ॥
அமர்ஷஸ்பு²ரிதோஷ்ட²ஸ்ஸன்ப்ராகம்பத ச ராவண: ।
ஸ பரிஷ்வஜ்ய ச வைதே³ஹீம் வாமேனாங்கேன ராவண: ॥ 37 ॥
தலேனாபி⁴ஜகா⁴னாஶு ஜடாயும் க்ரோத⁴முர்சீ²த: ।
ஜடாயுஸ்தமபி⁴க்ரம்ய துண்டே³னாஸ்ய க²கா³தி⁴ப: ॥ 38 ॥
வாமபா³ஹூந்த³ஶ ததா³ வ்யபாஹரத³ரிந்த³ம: ।
ஸஞ்சி²ன்னபா³ஹோஸ்ஸத்³யைவ பா³ஹவஸ்ஸஹஸாப⁴வன் ॥ 39 ॥
விஷஜ்வாலாவலீயுக்தா வல்மீகாதி³வ பன்னகா³: ।
தத: க்ரோதா⁴த்³த³ஶக்³ரீவஸ்ஸீதாமுத்ஸ்ருஜ்ய ராவண: ॥ 4௦ ॥
முஷ்டிப்⁴யாம் சரணாப்⁴யாம் ச க்³ருத்⁴ரராஜமபோத²யத் ।
ததோ முஹூர்தம் ஸங்க்³ராமோ ப³பூ⁴வாதுல்யவீர்யயோ: ॥ 41 ॥
ராக்ஷஸானாம் ச முக்²யஸ்ய பக்ஷிணாம் ப்ரவரஸ்ய ச ।
தஸ்ய வ்யாயச்ச²மானஸ்ய ராமஸ்யார்தே² ஸ ராவண: ॥ 42 ॥
பக்ஷௌ பார்ஶ்வௌ ச பாதௌ³ ச க²ட்³க³முத்³த்⁴ருத்ய ஸோச்சி²னத் ।
ஸ ச்சி²ன்னபக்ஷஸ்ஸஹஸா ரக்ஷஸா ரௌத்³ரகர்மணா ॥ 43 ॥
நிபபாத ஹதோ க்³ருத்³ரோ த⁴ரண்யாமல்பஜீவித: ।
தம் த்³ருஷ்ட்வா பதிதம் பூ⁴மௌ க்ஷதஜார்த்³ரம் ஜடாயுஷம் ॥ 44 ॥
அப்⁴யதா⁴வத வைதே³ஹீ ஸ்வப³ந்து⁴மிவ து³:கி²தா ।
தம் நீலஜீமூதனிகாஶகல்பம் ஸுபாண்டு³ரோரஸ்கமுதா³ரவீர்யம் ।
த³த³ர்ஶ லங்காதி⁴பதி: ப்ருதி²வ்யாம் ஜடாயுஷம் ஶாந்தமிவாக்³னிதா³வம் ॥ 45 ॥
ததஸ்து தம் பத்ரரத²ம் மஹீதலே நிபாதிதம் ராவணவேக³மர்தி³தம் ।
புன: பரிஶ்வஜ்ய ஶஶிப்ரபா⁴னநா ருரோத³ ஸீதா ஜனகாத்மஜாததா³ ॥ 46 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஏகபஞ்சாஶஸ்ஸர்க:³ ॥
