ஶ்ரீமத்³வால்மீகீய ராமாயணே அரண்யகாண்ட³ம் ।
அத² அஷ்டஷஷ்டிதமஸ்ஸர்க:³ ।
ராமஸ்ஸம்ப்ரேக்ஷ்ய தம் க்³ருத்⁴ரம் பு⁴வி ரௌத்³ரேண பாதிதம் ।
ஸௌமித்ரிம் மித்ரஸம்பன்னமித³ம் வசனமப்³ரவீத் ॥ 1 ॥
மமாயம் நூனமர்தே²ஷு யதமானோ விஹங்க³ம: ।
ராக்ஷஸேன ஹதஸ்ஸங்க்³யே ப்ராணாம்ஸ்த்யக்ஷ்யதி து³ஸ்த்யஜான் ॥ 2 ॥
அயமஸ்ய ஶரீரேஸ்மின்ப்ராணோ லக்ஷ்மண வித்³யதே ।
ததா² ஹி ஸ்வரஹீனோயம் விக்லப³ஸ்ஸமுதீ³க்ஷ்யதே ॥ 3 ॥
ஜடாயோ யதி³ ஶக்னோஷி வாக்யம் வ்யாஹரிதும் புன: ।
ஸீதாமாக்²யாஹி ப⁴த்³ரம் தே வத⁴மாக்²யாஹி சாத்மன: ॥ 4 ॥
கிம் நிமித்தோஹரத்ஸீதாம் ராவணஸ்தஸ்ய கிம் மயா ।
அபராத்³த⁴ம் து யம் த்³ருஷ்ட்வா ராவணேன ஹ்ருதா ப்ரியா ॥ 5 ॥
கத²ம் தச்சந்த்³ரஸங்காஶம் முக²மாஸீன்மனோஹரம் ।
ஸீதயா கானி சோக்தானி தஸ்மின்காலே த்³விஜோத்தம ॥ 6 ॥
கத²ம் வீர்ய: கத²ம் ரூப: கிம் கர்மா ஸ ச ராக்ஷஸ: ।
க்வ சாஸ்ய ப⁴வனம் தாத ப்³ரூஹி மே பரிப்ருச்ச²த: ॥ 7 ॥
தமுத்³வீக்ஷ்யாத² தீ³னாத்மா விலபந்தமனந்தரம் ।
வாசாதிஸன்னயா ராமம் ஜடாயுரித³மப்³ரவீத் ॥ 8 ॥
ஹ்ருதா ஸா ராக்ஷஸேந்த்³ரேண ராவணேன விஹாயஸா ।
மாயாமாஸ்தா²ய விபுலாம் வாதது³ர்தி³னஸங்குலாம் ॥ 9 ॥
பரிஶ்ராந்தஸ்ய மே தாத பக்ஷௌ சி²த்வா ஸ ராக்ஷஸ: ।
ஸீதாமாதா³ய வைதே³ஹீம் ப்ரயாதோ த³க்ஷிணாம் தி³ஶம் ॥ 1௦ ॥
உபருத்⁴யந்தி மே ப்ராணா த்³ருஷ்டிர்ப்⁴ரமதி ராக⁴வ ।
பஶ்யாமி வ்ருக்ஷான்ஸௌவர்ணானுஶீரக்ருதமூர்தஜ⁴ான் ॥ 11 ॥
யேன யாதி முஹூர்தேன ஸீதாமாதா³ய ராவண: ।
விப்ரணஷ்டம் த⁴னம் க்ஷிப்ரம் தத்ஸ்வாமீ ப்ரதிபத்³யதே ॥ 12 ॥
விந்தோ³ நாம முஹூர்தோயம் ஸ ச காகுத்ஸ்த² நாபு³த⁴த் ।
த்வத்ப்ரியாம் ஜானகீம் ஹ்ருத்வா ராவணோ ராக்ஷஸேஶ்வர: ॥ 13 ॥
ஜ²ஷவத்³ப³டி³ஶம் க்³ருஹ்ய க்ஷிப்ரமேவ வினஶ்யதி ।
ந ச த்வயா வ்யதா² கார்யா ஜனகஸ்ய ஸுதாம் ப்ரதி ॥ 14 ॥
வைதே³ஹ்யா ரம்ஸ்யஸே க்ஷிப்ரம் ஹத்வா தம் ராக்ஷஸம் ரணே ।
அஸம்மூட⁴ஸ்ய க்³ருத்⁴ரஸ்ய ராமம் ப்ரத்யனுபா⁴ஷத: ॥ 15 ॥
ஆஸ்யாத்ஸுஸ்ராவ ருதி⁴ரம் ம்ரியமாணஸ்ய ஸாமிஷம் ।
புத்ரோ விஶ்ரவஸஸ்ஸாக்ஷாத்³ப்⁴ராதா வைஶ்ரவணஸ்ய ச ॥ 16 ॥
இத்யுக்த்வா து³ர்லபா⁴ன்ப்ராணான்முமோச பதகே³ஶ்வர: ।
ப்³ரூஹி ப்³ரூஹீதி ராமஸ்ய ப்³ருவாணஸ்ய க்ருதாஞ்ஜலே: ॥ 17 ॥
த்வக்த்வா ஶரீரம் க்³ருத்⁴ரஸ்ய ஜக்³மு: ப்ராணா விஹாயஸம் ।
ஸ நிக்ஷிப்ய ஶிரோ பூ⁴மௌ ப்ரஸார்ய சரணௌ ததா³ ॥ 18 ॥
விக்ஷிப்ய ச ஶரீரம் ஸ்வம் பபாத த⁴ரணீதலே ।
தம் க்³ருத்⁴ரம் ப்ரேக்ஷ்ய தாம்ராக்ஷம் க³தாஸுமசலோபமம் ॥ 19 ॥
ராமஸ்ஸுப³ஹுபி⁴ர்து³:கை²ர்தீ³னஸ்ஸௌமித்ரிமப்³ரவீத் ।
ப³ஹூனி ரக்ஷஸாம் வாஸே வர்ஷாணி வஸதா ஸுக²ம் ॥ 2௦ ॥
அனேன த³ண்ட³காரண்யே விஶீர்ணமிஹ பக்ஷிணா ।
அனேகவார்ஷிகோ யஸ்து சிரகாலஸமுத்தி²த: ॥ 21 ॥
ஸோயமத்³ய ஹதஶ்ஶேதே காலோ ஹி து³ரதிக்ரம: ।
பஶ்ய லக்ஷ்மண க்³ருத்⁴ரோயமுபகாரீ ஹதஶ்ச மே ॥ 22 ॥
ஸீதாமப்⁴யவபன்னோ வை ராவணேன ப³லீயஸா ।
க்³ருத்⁴ரராஜ்யம் பரித்யஜ்ய பித்ருபைதாமஹம் மஹத் ॥ 23 ॥
மம ஹேதோரயம் ப்ராணான்முமோச பதகே³ஶ்வர: ।
ஸர்வத்ர க²லு த்³ருஶ்யந்தே ஸாத⁴வோ த⁴ர்மசாரிண: ॥ 24 ॥
ஶூராஶ்ஶரண்யாஸ்ஸௌமித்ரே திர்யக்³யோனிக³தேஷ்வபி ।
ஸீதாஹரணஜம் து³:க²ம் ந மே ஸௌம்ய ததா²வித⁴ம் ॥ 25 ॥
யதா² வினாஶே க்³ருத்⁴ரஸ்ய மத்க்ருதே ச பரந்தப ।
ராஜா த³ஶரத²ஶ்ஶ்ரீமான்யதா² மம மஹாயஶா: ॥ 26 ॥
பூஜனீயஶ்ச மான்யஶ்ச ததா²யம் பதகே³ஶ்வர: ।
ஸௌமித்ரே ஹர காஷ்டா²னி நிர்மதி²ஷ்யாமி பாவகம் ॥ 27 ॥
க்³ருத்⁴ரராஜம் தி³த⁴க்ஷாமி மத்க்ருதே நித⁴னம் க³தம் ।
நாத²ம் பதக³லோகஸ்ய சிதாமாரோப்ய ராக⁴வ ॥ 28 ॥
இமம் த⁴க்ஷ்யாமி ஸௌமித்ரே ஹதம் ரௌத்³ரேண ரக்ஷஸா ।
யா க³திர்யஜ்ஞஶீலானாமாஹிதாக்³னேஶ்ச யா க³தி: ॥ 29 ॥
அபராவர்தினாம் யா ச யா ச பூ⁴மிப்ரதா³யினாம் ।
மயா த்வம் ஸமனுஜ்ஞாதோ க³ச்ச² லோகானநுத்தமான் ॥ 3௦ ॥
க்³ருத்⁴ரராஜ மஹாஸத்த்வ ஸம்ஸ்க்ருதஶ்ச மயா வ்ரஜ ।
ஏவமுக்த்வா சிதாம் தீ³ப்தாமாரோப்ய பதகே³ஶ்வரம் ॥ 31 ॥
த³தா³ஹ ராமோ த⁴ர்மாத்மா ஸ்வப³ந்து⁴மிவ து³:கி²த: ।
ராமோத² ஸஹஸௌமித்ரிர்வனம் க³த்வா ஸ வீர்யவான் ॥ 32 ॥
ஸ்தூ²லான்ஹத்வா மஹாரோஹீனநுதஸ்தார தம் த்³விஜம் ।
ரோஹிமாம்ஸானி சோத்க்ருத்ய பேஶீக்ருத்ய மஹாயஶா: ॥ 33 ॥
ஶகுனாய த³தௌ³ ராமோ ரம்யே ஹரிதஶாத்³வலே ।
யத்தத்ப்ரேதஸ்ய மர்த்யஸ்ய கத²யந்தி த்³விஜாதய: ॥ 34 ॥
தத்ஸ்வர்க³க³மனம் தஸ்ய பித்ர்யம் ராமோ ஜஜாப ஹ ।
ததோ கோ³தா³வரீம் க³த்வா நதீ³ம் நரவராத்மஜௌ ॥ 35 ॥
உத³கம் சக்ரதுஸ்தஸ்மை க்³ருத்⁴ரராஜாய தாவுபௌ⁴ ।
ஶாஸ்த்ரத்³ருஷ்டேன விதி⁴னா ஜலே க்³ருத்⁴ராய ராக⁴வௌ ॥ 36 ॥
ஸ்னாத்வா தௌ க்³ருத்⁴ரராஜாய உத³கம் சக்ரதுஸ்ததா³ ।
ஸ க்³ருத்⁴ரராஜ: க்ருதவான்யஶஸ்கரம் ஸுது³ஷ்கரம் கர்ம ரணே நிபாதித: ।
மஹர்ஷிகல்பேன ச ஸம்ஸ்க்ருதஸ்ததா³ ஜகா³ம புண்யாம் க³திமாத்மனஶ்ஶுபா⁴ம் ॥ 37 ॥
க்ருதோத³கௌ தாவபி பக்ஷிஸத்தமே ஸ்தி²ராம் ச பு³த்³தி⁴ம் ப்ரணிதா⁴ய ஜக்³மது: ।
ப்ரவேஶ்ய ஸீதாதி⁴க³மே ததோ மனோ வனம் ஸுரேந்த்³ரவிவ விஷ்ணுவாஸவௌ ॥ 38 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ அஷ்டஷஷ்டிதமஸ்ஸர்க:³ ॥
