শ্রীমদ্বাল্মীকীয় রামাযণে কিষ্কিংধাকাংডম্ ।
অথ চতুর্বিংশস্সর্গঃ ।
তাং চাশ্রুবেগেন দুরাসদেন ত্বভিপ্লুতাং শোকমহার্ণবেন ।
পশ্য়ংস্তদা বাল্যনুজস্তরস্বী ভ্রাতুর্বধেনাপ্রতিমেন তেপে ॥ 1 ॥
স বাষ্পপূর্ণেন মুখেন বীক্ষ্য় ক্ষণেন নির্বিণ্ণমনা মনস্বী ।
জগাম রামস্য় শনৈস্সমীপং ভৃত্য়ৈর্বৃতসংপরিদূযমানঃ ॥ 2 ॥
স তং সমাসাদ্য় গৃহীতচাপ মুদাত্তমাশীবিষতুল্যবাণম্ ।
যশস্বিনং লক্ষণলক্ষিতাংগ মবস্থিতং রাঘব মিত্য়ুবাচ ॥ 3 ॥
যথা প্রতিজ্ঞাতমিদং নরেংদ্র কৃতং ত্বয়া দৃষ্টফলং চ কর্ম ।
মমাদ্য় ভোগেষু নরেংদ্রপুত্র মনো নিবৃত্তং সহজীবিতেন ॥ 4 ॥
অস্য়াং মহিষ্য়াং তু ভৃশং রুদংত্য়া পুরে চ বিক্রোশতি দুঃখতপ্তে ।
হতেঽগ্রজে সংশয়িতেঽংগদে চ ন রাম রাজ্য়ে রমতে মনো মে ॥ 5 ॥
ক্রোধাদমর্ষাদতিবিপ্রধর্ষা দ্ভ্রাতুর্বধো মেঽনুমতঃ পুরস্তাত্ ।
হতে ত্বিদানীং হরিয়ূথপেঽস্মিন্ সুতীব্রমিক্ষ্বাকুকুমার তপ্স্য়ে ॥ 6 ॥
শ্রেয়োঽদ্য় মন্য়ে মম শৈলমুখ্য়ে তস্মিন্নিবাসশ্চিরমৃশ্যমূকে ।
যথা তথা বর্তযতস্স্ববৃত্ত্য়া নেমং নিহত্য় ত্রিদিবস্য় লাভঃ ॥ 7 ॥
ন ত্বাং জিঘাংসামি চরেতি যন্মা ময়ং মহাত্মা মতিমানুবাচ ।
তস্য়ৈব তদ্রাম বচোঽনুরূপ মিদং পুনঃ কর্ম চ মেঽনুরূপম্ ॥ 8 ॥
ভ্রাতা কথং নাম মহাগুণস্য় ভ্রাতুর্বধং রাঘব রোচয়েত ।
রাজ্যস্য় দুঃখস্য় চ বীর সারং বিচিংতযন্কামপুরস্কৃতঽস্সন্ ॥ 9 ॥
বধো হি মে মতো নাসীত্স্বমাহাত্ম্য়াব্যতিক্রমাত্ ।
মমাঽসীদ্বুদ্ধিদৌরাত্ম্য়াত্প্রাণহারী ব্যতিক্রমঃ ॥ 10 ॥
দ্রুমশাখাবভগ্নোঽহং মুহুর্তং পরিনিষ্টনন্ ।
সাংত্বয়িত্বা ত্বনেনোক্তো ন পুনঃ কর্তুমর্হসি ॥ 11 ॥
ভ্রাতৃত্বমার্যভাবশ্চ ধর্মশ্চানেন রক্ষিতঃ ।
ময়া ক্রোধশ্চ কামশ্চ কপিত্বং চ প্রদর্শিতম্ ॥ 12 ॥
অচিংতনীয়ং পরিবর্জনীয় মনীপ্সনীয়ং স্বনবেক্ষণীযম্ ।
প্রাপ্তোঽস্মি পাপ্মানমিমং নরেংদ্র ভ্রাতুর্বধাত্ত্বাষ্ট্রবধাদিবেংদ্রঃ ॥ 13 ॥
পাপ্মানমিংদ্রস্য় মহী জলং চ বৃক্ষাশ্চ কামং জগৃহুঃ স্ত্রিযশ্চ ।
কো নাম পাপ্মানমিমং ক্ষমেত শাখামৃগস্য় প্রতিপত্তুমিচ্ছেত্ ॥ 14 ॥
নার্হামি সম্মানমিমং প্রজানাং ন যৌবরাজ্য়ং কুত এব রাজ্যম্ ।
অধর্ময়ুক্তং কুলনাশয়ুক্ত মেবংবিধং রাঘব কর্ম কৃত্বা ॥ 15 ॥
পাপস্য় কর্তাঽস্মি বিগর্হিতস্য় ক্ষুদ্রস্য় লোকাপকৃতস্য় চৈব ।
শোকো মহান্মামভিবর্ততেঽয়ং বৃষ্টের্যথা নিম্নমিবাংবুবেগঃ ॥ 16 ॥
সোদর্যঘাতাপরগাত্রবালঃ সংতাপহস্তাক্ষিশিরোবিষাণঃ ।
এনোময়ো মামভিহংতি হস্তী দৃপ্তো নদীকূলমিব প্রবৃদ্ধঃ ॥ 17 ॥
অংহো বতেদং নৃবরাবিষহ্য়ং নিবর্ততে মে হৃদি সাধুবৃত্তম্ ।
বিবর্ণমগ্নৌ পরিতপ্যমানং কিট্টং যথা রাঘব জাতরূপম্ ॥ 18 ॥
মহাবলানাং হরিয়ূথপানা মিদং কুলং রাঘব মন্নিমিত্তম্ ।
অস্য়াংগদপ্য়াপি চ শোকতাপা দর্ধস্থিতপ্রাণমিতীব মন্য়ে ॥ 19 ॥
সুতস্সুলভ্যস্সুজনস্সুবশ্য়ঃ কুতস্তু পুত্রস্সদৃশোঽংগদেন ।
ন চাপি বিদ্য়েত স বীর দেশো যস্মিন্ভবেত্সোদরসন্নিকর্ষঃ ॥ 20 ॥
যদ্য়ংগদো বীরবরার্হ জীবেত্ জীবেচ্ছ মাতা পরিপালনার্থম্ ।
বিনা তু পুত্রং পরিতাপদীনা তারা ন জীবেদিতি নিশ্চিতং মে ॥ 21 ॥
সোঽহং প্রবেক্ষ্য়াম্যতিদীপ্তমগ্নিং ভ্রাত্রা চ পুত্রেণ চ সখ্যমিচ্ছন্ ।
ইমে বিচেষ্য়ংতি হরিপ্রবীরা স্সীতাং নিদেশে তব বর্তমানাঃ ॥ 22 ॥
কৃত্স্নং তু তে সেত্স্যতি কার্যমেত ন্ময়্যপ্রতীতে মনুজেংদ্রপুত্র কুলস্য় হংতারমজীবনার্হং রামানুজানীহি কৃতাগসং মাম্ ॥ 23 ॥
ইত্য়েবমার্তস্য় রঘুপ্রবীরঃ শ্রুত্বা বচো বাল্যনুজস্য় তস্য় ।
সংজাতবাষ্পঃ পরবীরহংতা রামো মুহূর্তং বিমনা বভূব ॥ 24 ॥
তস্মিন্ ক্ষণেঽভীক্ষ্ণমবেক্ষ্যমাণঃ ক্ষিতিক্ষমাবান্ভুবনস্য় গোপ্তা ।
রামো রুদংতীং ব্যসনে নিমগ্নাং সমুত্সুকঃ সোঽথ দদর্শ তারাম্ ॥ 25 ॥
তাং চারুনেত্রাং কপিসিংহনাথাং পতিং সমাশ্লিষ্য় তদা শয়ানাম্ ।
উত্থাপয়ামাসুরদীনসত্ত্বাং মংত্রিপ্রধানাঃ কপিবীরপত্নীম্ ॥ 26 ॥
সা বিস্ফুরংতী পরিরভ্যমাণা ভর্তুস্সকাশাদপনীযমানা ।
দদর্শ রামং শরচাপপাণিং স্বতেজসা সূর্যমিব জ্বলংতম্ ॥ 27 ॥
সুসংবৃতং পার্থিপলক্ষণৈশ্চ তং চারুনেত্রং মৃগশাবনেত্রা ।
অদৃষ্টপূর্বং পুরুষপ্রধান ময়ং স কাকুত্স্থ ইতি প্রজজ্ঞে ॥ 28 ॥
তস্য়েংদ্রকল্পস্য় দুরাসদস্য় মহানুভাবস্য় সমীপমার্য়া ।
আর্তাঽতিতূর্ণং ব্যসনাভিপন্না জগাম তারা পরিবিহ্বলংতী ॥ 29 ॥
সা তং সমাসাদ্য় বিশুদ্ধসত্ত্বা শোকেন সংভ্রাংতশরীরভাবা ।
মনস্বিনী বাক্যমুবাচ তারা রামং রণোত্কর্ষণলব্ধলক্ষম্ ॥ 30 ॥
ত্বমপ্রমেযশ্চ দুরাসদশ্চ জিতেংদ্রিযশ্চোত্তমধার্মিকশ্চ ।
অক্ষয়্যকীর্তিশ্চ বিচক্ষণশ্চ ক্ষিতিক্ষমাবান্ক্ষতজোপমাক্ষঃ ॥ 31 ॥
ত্বমাত্তবাণাসনবাণপাণি র্মহাবলস্সংহননোপপন্নঃ ।
মনুষ্যদেহাভ্য়ুদয়ং বিহায় দিব্য়েন দেহাভ্য়ুদয়েন যুক্তঃ ॥ 32 ॥
যেনৈক বাণেন হতঃ প্রিয়ো মে তেনৈব মাং ত্বং জহি সাযকেন ।
হতা গমিষ্য়ামি সমীপমস্য় ন মামৃতে রাম রমেত বালী ॥ 33 ॥
স্বর্গেঽপি পদ্মামলপত্রনেত্র স্সমেত্য় সংপ্রেক্ষ্য় চ মামপশ্যন্ ।
ন হ্য়েষ উচ্চাবচতাম্রচূডা বিচিত্রবেষাপ্সরসোঽভজিষ্যত্ ॥ 34 ॥
স্বর্গেঽপি শোকং চ বিবর্ণতাং চ ময়া বিনা প্রাপ্প্যতি বীর বালী ।
রম্য়ে নগেংদ্রস্য় তটাবকাশে বিদেহকন্য়ারহিতো যথা ত্বম্ ॥ 35 ॥
ত্বং বেত্থ যাবদ্বনিতাবিহীনঃ প্রাপ্নোতি দুঃখং পুরুষঃ কুমারঃ ।
তত্ত্বং প্রজানন্ জহি মাং ন বালী দুঃখং মমাদর্শনজং ভজেত ॥ 36 ॥
যচ্চাপি মন্য়েত ভবান্মহাত্মা স্ত্রীঘাতদোষো ন ভবেত্তু মহ্যম্ ।
আত্মেযমস্য়েতি চ মাং জহি ত্বং ন স্ত্রীবধস্স্য়ান্মনুজেংদ্রপুত্র ॥ 37 ॥
শাস্ত্রপ্রয়োগাদ্বিবিধাচ্চ বেদা দাত্মাহ্যনন্য়ঃ পুরুষস্য় দারাঃ ।
দারাপ্রদানান্নহি দানমন্য় ত্প্রদৃশ্যতে জ্ঞানবতাং হি লোকে ॥ 38 ॥
ত্বং চাপি মাং তস্য় মম প্রিযস্য় প্রদাস্য় সে ধর্মমবেক্ষ্য় বীর অনেন দানেন ন লপ্স্যসে ত্ব মধর্ময়োগং মম বীর ঘাতাত্ ॥ 39 ॥
আর্তামনাথামপনীযমানা মেবং বিধামর্হসি মাং নিহংতুম্ ।
অহং হি মাতংগবিলাসগামিনা প্লবংগমানামৃষভেণ ধীমতা ॥ 40 ॥
বিনা বরার্হোত্তমহেমমালিনা চিরং ন শক্ষ্য়ামি নরেংদ্র জীবিতুম্ ।
ইত্য়েবমুক্তস্তু বিভুর্মহাত্মা তারাং সমাশ্বাস্য় হিতং বভাষে ॥ 41 ॥
মা বীরভার্য়ে বিমতিং কুরুষ্ব লোকো হি সর্বো বিহিতো বিধাত্রা ।
তং চৈব সর্বং সুখদুঃখয়োগং লোকোঽব্রবীত্তেন কৃতং বিধাত্রা ॥ 42 ॥
ত্রয়োঽহি লোকা বিহিতং বিধানং নাতিক্রমংতে বশগা হি তস্য় ।
প্রীতিং পরাং প্রাপ্স্যসি তাং তথৈব পুত্রস্তু তে প্রাপ্স্যতি যৌবরাজ্যম্ ।
ধাত্রা বিধানং বিহিতং তথৈব ন শূরপত্নয়ঃ পরিদেবয়ংতি ॥ 43 ॥
আশ্বাসিতা তেন তু রাঘবেণ প্রভাবয়ুক্তেন পরংতপেন ।
সা বীরপত্নী ধ্বনতা মুখেন সুবেষরূপা বিররাম তারা ॥ 44 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে চতুর্বিংশস্সর্গঃ ॥
