শ্রীমদ্বাল্মীকীয় রামাযণে কিষ্কিংধাকাংডম্ ।
অথ দ্বাত্রিংশস্সর্গঃ ।
অংগদস্য় বচশ্শ্রুত্বা সুগ্রীবস্সচিবৈস্সহ ।
লক্ষ্মণং কুপিতং শ্রুত্বা মুমোচাসনমাত্মবান্ ॥ 1 ॥
সচিবানব্রবীদ্বাক্য়ং নিশ্চিত্য় গুরুলাঘবম্ ।
মংত্রজ্ঞান্মংত্রকুশলো মংত্রেষু পরিনিষ্ঠিতান্ ॥ 2 ॥
ন মে দুর্ব্য়াহৃতং কিংচিন্নাপি মে দুরনুষ্ঠিতম্ ।
লক্ষ্মণো রাঘবভ্রাতা ক্রুদ্ধঃ কিমিতি চিংতয়ে ॥ 3 ॥
অসুহৃদ্ভির্মমামিত্রৈর্নিত্যমংতরদর্শিভিঃ ।
মম দোষানসংভূতান্ শ্রাবিতো রাঘবানুজঃ ॥ 4 ॥
অত্র তাবদ্যথাবুদ্ধি সর্বৈরেব যথাবিধি ।
ভাবস্য় নিশ্চযস্তাবদ্বিজ্ঞেয়ো নিপুণং শনৈঃ ॥ 5 ॥
ন খল্বস্তি মম ত্রাসো লক্ষ্মণান্নাপি রাঘবাত্ ।
মিত্রং ত্বস্থানকুপিতং জনযত্য়েব সংভ্রমম্ ॥ 6 ॥
সর্বথা সুকরং মিত্রং দুষ্করং পরিপালনম্ ।
অনিত্যত্বাচ্ছ চিত্তানাং প্রীতিরল্পেপি ভিদ্যতে ॥ 7 ॥
অতো নিমিত্তং ত্রস্তোহং রামেণ তু মহাত্মনা ।
যন্ময়োপকৃতং শক্য়ং প্রতিকর্তুং ন তন্ময়া ॥ 8 ॥
সুগ্রীবেণৈবমুক্তস্তু হনুমান্হরিপুংগবঃ ।
উবাচ স্বেন তর্কেণ মধ্য়ে বানরমংত্রিণাম্ ॥ 9 ॥
সর্বথা নৈতদাশ্চর্য়ং যস্ত্বং হরিগণেশ্বর ।
ন বিস্মরসি সুস্নিগ্ধমুপকার কৃতং শুভম্ ॥ 10 ॥
রাঘবেণ তু বীরেণ ভযমুত্সৃজ্য় দূরতঃ ।
ত্বত্প্রিয়ার্থং হতো বালী শক্রতুল্যপরাক্রমঃ ॥ 11 ॥
সর্বথা প্রণয়াত্কৃদ্ধো রাঘবো নাত্র সংশয়ঃ ।
ভ্রাতরং সংপ্রহিতবান্লক্ষ্মণং লক্ষ্মিবর্ধনম্ ॥ 12 ॥
ত্বং প্রমত্তো ন জানীষে কালং কালবিদাং বর ।
ফুল্লসপ্তচ্ছদশ্য়ামা প্রবৃত্তা তু শরচ্ছিবা ॥ 13 ॥
নির্মলগ্রহনক্ষত্রা দ্য়ৌঃ প্রনষ্টবলাহকা ।
প্রসন্নাশ্চ দিশস্সর্বাস্সরিতশ্চ সরাংসি চ ॥ 14 ॥
প্রাপ্তমুদ্য়োগকালং তু নাবৈষি হরিপুংগব ।
ত্বং প্রমত্ত ইতি ব্যক্তং লক্ষ্মণোঽযমিহাগতঃ ॥ 15 ॥
আর্তস্য় হৃতদারস্য় পুরুষং পুরুষাংতরাত্ ।
বচনং মর্ষণীয়ং তে রাঘবস্য় মহাত্মনঃ ॥ 16 ॥
কৃতাপরাধস্য় হি তে নান্যত্পশ্য়াম্যহং ক্ষমম্ ।
অংতরেণাংজলিং বদ্ধ্বা লক্ষ্মণস্য় প্রসাদনাত্ ॥ 17 ॥
নিয়ুক্তৈর্মংত্রিভির্বাচ্য়ো হ্যবশ্য়ং পার্থিবো হিতম্ ।
অত এব ভয়ং ত্যক্ত্বা ব্রবীম্যবধৃতং বচঃ ॥ 18 ॥
অভিক্রুদ্ধস্সমর্থো হি চাপমুদ্যম্য় রাঘবঃ ।
সদেবাসুরগংধর্বং বশে স্থাপয়িতুং জগত্ ॥ 19 ॥
ন স ক্ষমঃ কোপয়িতুং যঃ প্রসাদ্য়ঃ পুনর্ভবেত্ ।
পূর্বোপকারং স্মরতা কৃতজ্ঞেন বিশেষতঃ ॥ 20 ॥
তস্য় মূর্ধ্না প্রণম্য় ত্বং সপুত্রস্সসুহৃজ্জনঃ ।
রাজংস্তিষ্ঠস্ব সময়ে ভর্তুর্ভার্য়েব তদ্বশঃ ॥ 21 ॥
ন রামরামানুজশাসনং ত্বয়া কপীংদ্র যুক্তং মনসাঽপ্যপোহিতুম্ ।
মনো হি তে জ্ঞাস্যতি মানুষং বলং স রাঘবস্য়াস্য় সুরেংদ্রবর্চসঃ ॥ 22 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে দ্বাত্রিংশস্সর্গঃ ॥
