ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² த்³வாத்ரிம்ஶஸ்ஸர்க:³ ।
அங்க³த³ஸ்ய வசஶ்ஶ்ருத்வா ஸுக்³ரீவஸ்ஸசிவைஸ்ஸஹ ।
லக்ஷ்மணம் குபிதம் ஶ்ருத்வா முமோசாஸனமாத்மவான் ॥ 1 ॥
ஸசிவானப்³ரவீத்³வாக்யம் நிஶ்சித்ய கு³ருலாக⁴வம் ।
மந்த்ரஜ்ஞான்மந்த்ரகுஶலோ மந்த்ரேஷு பரினிஷ்டி²தான் ॥ 2 ॥
ந மே து³ர்வ்யாஹ்ருதம் கிஞ்சின்னாபி மே து³ரனுஷ்டி²தம் ।
லக்ஷ்மணோ ராக⁴வப்⁴ராதா க்ருத்³த:⁴ கிமிதி சிந்தயே ॥ 3 ॥
அஸுஹ்ருத்³பி⁴ர்மமாமித்ரைர்னித்யமந்தரத³ர்ஶிபி⁴: ।
மம தோ³ஷானஸம்பூ⁴தான் ஶ்ராவிதோ ராக⁴வானுஜ: ॥ 4 ॥
அத்ர தாவத்³யதா²பு³த்³தி⁴ ஸர்வைரேவ யதா²விதி⁴ ।
பா⁴வஸ்ய நிஶ்சயஸ்தாவத்³விஜ்ஞேயோ நிபுணம் ஶனை: ॥ 5 ॥
ந க²ல்வஸ்தி மம த்ராஸோ லக்ஷ்மணான்னாபி ராக⁴வாத் ।
மித்ரம் த்வஸ்தா²னகுபிதம் ஜனயத்யேவ ஸம்ப்⁴ரமம் ॥ 6 ॥
ஸர்வதா² ஸுகரம் மித்ரம் து³ஷ்கரம் பரிபாலனம் ।
அனித்யத்வாச்ச² சித்தானாம் ப்ரீதிரல்பேபி பி⁴த்³யதே ॥ 7 ॥
அதோ நிமித்தம் த்ரஸ்தோஹம் ராமேண து மஹாத்மனா ।
யன்மயோபக்ருதம் ஶக்யம் ப்ரதிகர்தும் ந தன்மயா ॥ 8 ॥
ஸுக்³ரீவேணைவமுக்தஸ்து ஹனுமான்ஹரிபுங்க³வ: ।
உவாச ஸ்வேன தர்கேண மத்⁴யே வானரமந்த்ரிணாம் ॥ 9 ॥
ஸர்வதா² நைததா³ஶ்சர்யம் யஸ்த்வம் ஹரிக³ணேஶ்வர ।
ந விஸ்மரஸி ஸுஸ்னிக்³த⁴முபகார க்ருதம் ஶுப⁴ம் ॥ 1௦ ॥
ராக⁴வேண து வீரேண ப⁴யமுத்ஸ்ருஜ்ய தூ³ரத: ।
த்வத்ப்ரியார்த²ம் ஹதோ வாலீ ஶக்ரதுல்யபராக்ரம: ॥ 11 ॥
ஸர்வதா² ப்ரணயாத்க்ருத்³தோ⁴ ராக⁴வோ நாத்ர ஸம்ஶய: ।
ப்⁴ராதரம் ஸம்ப்ரஹிதவான்லக்ஷ்மணம் லக்ஷ்மிவர்த⁴னம் ॥ 12 ॥
த்வம் ப்ரமத்தோ ந ஜானீஷே காலம் காலவிதா³ம் வர ।
பு²ல்லஸப்தச்ச²த³ஶ்யாமா ப்ரவ்ருத்தா து ஶரச்சி²வா ॥ 13 ॥
நிர்மலக்³ரஹனக்ஷத்ரா த்³யௌ: ப்ரனஷ்டவலாஹகா ।
ப்ரஸன்னாஶ்ச தி³ஶஸ்ஸர்வாஸ்ஸரிதஶ்ச ஸராம்ஸி ச ॥ 14 ॥
ப்ராப்தமுத்³யோக³காலம் து நாவைஷி ஹரிபுங்க³வ ।
த்வம் ப்ரமத்த இதி வ்யக்தம் லக்ஷ்மணோயமிஹாக³த: ॥ 15 ॥
ஆர்தஸ்ய ஹ்ருததா³ரஸ்ய புருஷம் புருஷாந்தராத் ।
வசனம் மர்ஷணீயம் தே ராக⁴வஸ்ய மஹாத்மன: ॥ 16 ॥
க்ருதாபராத⁴ஸ்ய ஹி தே நான்யத்பஶ்யாம்யஹம் க்ஷமம் ।
அந்தரேணாஞ்ஜலிம் ப³த்³த்⁴வா லக்ஷ்மணஸ்ய ப்ரஸாத³னாத் ॥ 17 ॥
நியுக்தைர்மந்த்ரிபி⁴ர்வாச்யோ ஹ்யவஶ்யம் பார்தி²வோ ஹிதம் ।
அத ஏவ ப⁴யம் த்யக்த்வா ப்³ரவீம்யவத்⁴ருதம் வச: ॥ 18 ॥
அபி⁴க்ருத்³த⁴ஸ்ஸமர்தோ² ஹி சாபமுத்³யம்ய ராக⁴வ: ।
ஸதே³வாஸுரக³ந்த⁴ர்வம் வஶே ஸ்தா²பயிதும் ஜக³த் ॥ 19 ॥
ந ஸ க்ஷம: கோபயிதும் ய: ப்ரஸாத்³ய: புனர்ப⁴வேத் ।
பூர்வோபகாரம் ஸ்மரதா க்ருதஜ்ஞேன விஶேஷத: ॥ 2௦ ॥
தஸ்ய மூர்த்⁴னா ப்ரணம்ய த்வம் ஸபுத்ரஸ்ஸஸுஹ்ருஜ்ஜன: ।
ராஜம்ஸ்திஷ்ட²ஸ்வ ஸமயே ப⁴ர்துர்பா⁴ர்யேவ தத்³வஶ: ॥ 21 ॥
ந ராமராமானுஜஶாஸனம் த்வயா கபீந்த்³ர யுக்தம் மனஸாப்யபோஹிதும் ।
மனோ ஹி தே ஜ்ஞாஸ்யதி மானுஷம் ப³லம் ஸ ராக⁴வஸ்யாஸ்ய ஸுரேந்த்³ரவர்சஸ: ॥ 22 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ த்³வாத்ரிம்ஶஸ்ஸர்க:³ ॥
