ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² த்ரிஷஷ்டிதமஸ்ஸர்க:³ ।
ஏதைரன்யைஶ்ச ப³ஹுபி⁴ர்வாக்யைர்வாக்யவிஶாரத:³ ।
மாம் ப்ரஶஸ்யாப்⁴யனுஜ்ஞாப்ய ப்ரவிஷ்டஸ்ஸ ஸ்வமாலயம் ॥ 1 ॥
கந்த³ராத்து விஸர்பித்வா பர்வதஸ்ய ஶனைஶ்ஶனை: ।
அஹம் விந்த்⁴யம் ஸமாருஹ்ய ப⁴வத: ப்ரதிபாலயே ॥ 2 ॥
அத்³ய த்வேதஸ்ய காலஸ்ய ஸாக்³ரம் வர்ஷஶதம் க³தம் ।
தே³ஶகாலப்ரதீக்ஷோஸ்மி ஹ்ருதி³ க்ருத்வா முனேர்வச: ॥ 3 ॥
மஹாப்ரஸ்தா²னமாஸாத்³ய ஸ்வர்க³தே து நிஶாகரே ।
மாம் நிர்த³ஹதி ஸந்தாபோ விதர்கைர்ப³ஹுபி⁴ர்வ்ருதம் ॥ 4 ॥
உத்தி²தாம் மரணே பு³த்³தி⁴ம் முனிவாக்யைர்னிவர்தயே ।
பு³த்³தி⁴ர்யா தேன மே த³த்தா ப்ராணானாம் ரக்ஷணாய து ॥ 5 ॥
ஸா மேபனயதே து³:க²ம் தீ³ப்தேவாக்³னிஶிகா² தம: ।
பு³த்³த்⁴யதா ச மயா வீர்யம் ராவணஸ்ய து³ராத்மன: ॥ 6 ॥
புத்ரஸ்ஸந்தர்ஜிதோ வாக்³பி⁴ர்ன த்ராதா மைதி²லீ கத²ம் ।
தஸ்யா விலபிதம் ஶ்ருத்வா தௌ ச ஸீதாவினாக்ருதௌ ॥ 7 ॥
ந மே த³ஶரத²ஸ்னேஹாத்புத்ரேணோத்பாதி³தம் ப்ரியம் ।
தஸ்ய த்வேவம் ப்³ருவாணஸ்ய ஸம்பாதேர்வானரைஸ்ஸஹ ॥ 8 ॥
உத்பேததுஸ்ததா³ பக்ஷௌ ஸமக்ஷம் வனசாரிணாம் ।
ஸ த்³ருஷ்ட்வா ஸ்வாம் தனும் பக்ஷைருத்³க³தைரருணச்ச²தை³: ॥ 9 ॥
ப்ரஹர்ஷமதுலம் லேபே⁴ வானராம்ஶ்சேத³மப்³ரவீத் ।
ருஷேர்னிஶாகரஸ்யைவ ப்ரபா⁴வாத³மிதாத்மன: ॥ 1௦ ॥
ஆதி³த்யரஶ்மினிர்த³க்³தௌ⁴ பக்ஷௌ மே புனருபஸ்தி²தௌ ।
யௌவனே வர்தமானஸ்ய மமாஸீத்³ய: பராக்ரம: ॥ 11 ॥
தமேவாத்³யாவக³ச்சா²மி ப³லம் பௌருஷமேவ ச ।
ஸர்வதா² க்ரியதாம் யத்ன ஸ்ஸீதாமதி⁴க³மிஷ்யத² ॥ 12 ॥
பக்ஷலாபோ⁴ மமாயம் வஸ்ஸித்³தி⁴ப்ரத்யயகாரக: ।
இத்யுக்த்வா ஸ தான்ஹரீன் ஸர்வான்ஸம்பாதி: பதகோ³த்தம: ॥ 13 ॥
உத்பபாத கி³ரேஶ்ஶ்ருங்கா³ஜ்ஜிஜ்ஞாஸு: க²க³மோ க³திம் ।
தஸ்ய தத்³வசனம் ஶ்ருத்வா ப்ரதிஸம்ஹ்ருஷ்டமானஸா: ॥ 14 ॥
ப³பூ⁴வுர்ஹரிஶார்தூ³லா விக்ரமாப்⁴யுத³யோன்முகா²: ।
அத² பவனஸமானவிக்ரமா: ப்லவக³வரா: ப்ரதிலப்³த⁴பௌருஷா: ।
அபி⁴ஜித³பி⁴முகா² தி³ஶம் யயு ர்ஜனகஸுதாபரிமார்க³ணோன்முகா²: ॥ 15 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ த்ரிஷஷ்டிதமஸ்ஸர்க:³ ॥
