শ্রীমদ্বাল্মীকীয় রামাযণে কিষ্কিংধাকাংডম্ ।
অথ ত্রিষষ্টিতমস্সর্গঃ ।
এতৈরন্য়ৈশ্চ বহুভির্বাক্য়ৈর্বাক্যবিশারদঃ ।
মাং প্রশস্য়াভ্যনুজ্ঞাপ্য় প্রবিষ্টস্স স্বমালযম্ ॥ 1 ॥
কংদরাত্তু বিসর্পিত্বা পর্বতস্য় শনৈশ্শনৈঃ ।
অহং বিংধ্য়ং সমারুহ্য় ভবতঃ প্রতিপালয়ে ॥ 2 ॥
অদ্য় ত্বেতস্য় কালস্য় সাগ্রং বর্ষশতং গতম্ ।
দেশকালপ্রতীক্ষোঽস্মি হৃদি কৃত্বা মুনের্বচঃ ॥ 3 ॥
মহাপ্রস্থানমাসাদ্য় স্বর্গতে তু নিশাকরে ।
মাং নির্দহতি সংতাপো বিতর্কৈর্বহুভির্বৃতম্ ॥ 4 ॥
উত্থিতাং মরণে বুদ্ধিং মুনিবাক্য়ৈর্নিবর্তয়ে ।
বুদ্ধির্য়া তেন মে দত্তা প্রাণানাং রক্ষণায় তু ॥ 5 ॥
সা মেঽপনযতে দুঃখং দীপ্তেবাগ্নিশিখা তমঃ ।
বুদ্ধ্যতা চ ময়া বীর্য়ং রাবণস্য় দুরাত্মনঃ ॥ 6 ॥
পুত্রস্সংতর্জিতো বাগ্ভির্ন ত্রাতা মৈথিলী কথম্ ।
তস্য়া বিলপিতং শ্রুত্বা তৌ চ সীতাবিনাকৃতৌ ॥ 7 ॥
ন মে দশরথস্নেহাত্পুত্রেণোত্পাদিতং প্রিযম্ ।
তস্য় ত্বেবং ব্রুবাণস্য় সংপাতের্বানরৈস্সহ ॥ 8 ॥
উত্পেততুস্তদা পক্ষৌ সমক্ষং বনচারিণাম্ ।
স দৃষ্ট্বা স্বাং তনুং পক্ষৈরুদ্গতৈররুণচ্ছদৈঃ ॥ 9 ॥
প্রহর্ষমতুলং লেভে বানরাংশ্চেদমব্রবীত্ ।
ঋষের্নিশাকরস্য়ৈব প্রভাবাদমিতাত্মনঃ ॥ 10 ॥
আদিত্যরশ্মিনির্দগ্ধৌ পক্ষৌ মে পুনরুপস্থিতৌ ।
যৌবনে বর্তমানস্য় মমাসীদ্য়ঃ পরাক্রমঃ ॥ 11 ॥
তমেবাদ্য়াবগচ্ছামি বলং পৌরুষমেব চ ।
সর্বথা ক্রিযতাং যত্ন স্সীতামধিগমিষ্যথ ॥ 12 ॥
পক্ষলাভো মমায়ং বস্সিদ্ধিপ্রত্যযকারকঃ ।
ইত্য়ুক্ত্বা স তান্হরীন্ সর্বান্সংপাতিঃ পতগোত্তমঃ ॥ 13 ॥
উত্পপাত গিরেশ্শৃংগাজ্জিজ্ঞাসুঃ খগমো গতিম্ ।
তস্য় তদ্বচনং শ্রুত্বা প্রতিসংহৃষ্টমানসাঃ ॥ 14 ॥
বভূবুর্হরিশার্দূলা বিক্রমাভ্য়ুদয়োন্মুখাঃ ।
অথ পবনসমানবিক্রমাঃ প্লবগবরাঃ প্রতিলব্ধপৌরুষাঃ ।
অভিজিদভিমুখা দিশং যয়ু র্জনকসুতাপরিমার্গণোন্মুখাঃ ॥ 15 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে কিষ্কিংধাকাংডে ত্রিষষ্টিতমস্সর্গঃ ॥
