ශ්රීමද්වාල්මීකීය රාමායණේ සුංදරකාංඩම් ।
අථ පංචාශස්සර්ගඃ ।
තමුද්වීක්ෂ්ය මහාබාහුඃ පිංගාක්ෂං පුරත ස්ථිතම් ।
කෝපේන මහතාऽවිෂ්ටෝ රාවණෝ ලෝකරාවණඃ ॥ 1 ॥
ශංකාහෘතාත්මා දධ්යෞ ස කපීංද්රං තේජසාවෘතම් ।
කිමේෂ භගවාන්නංදී භවේත්සාක්ෂාදිහාගතඃ ॥ 2 ॥
යේන ශප්තෝऽස්මි කෛලාසේ මයා සංචාලිතේ පුරා ।
සෝऽයං වානරමූර්තිස්ස්යාත්කිංස්විද්බාණෝ මහාऽසුරඃ ॥ 3 ॥
ස රාජා රෝෂතාම්රාක්ෂඃ ප්රහස්තං මංත්රිසත්තමම් ।
කාලයුක්තමුවාචේදං වචෝऽවිපුලමර්ථවත් ॥ 4 ॥
දුරාත්මා පෘච්ඡ්යතාමේෂ කුතඃ කිං වාත්ර කාරණම් ।
වනභංගේ ච කෝऽස්යාර්ථෝ රාක්ෂසීනාං ච තර්ජනේ ॥ 5 ॥
මත්පුරීමප්රධෘෂ්යාං වාऽගමනේ කිං ප්රයෝජනම් ।
ආයෝධනේ වා කිං කාර්යං පෘච්ඡයතාමේෂ දුර්මතිඃ ॥ 6 ॥
රාවණස්ය වචශ්ශ්රුත්වා ප්රහස්තෝ වාක්යමබ්රවීත් ।
සමාශ්වසිහි භද්රං තේ න භීඃ කාර්යා ත්වයා කපේ ॥ 7 ॥
යදි තාවත්ත්වමිංද්රේණ ප්රේෂිතෝ රාවණාලයම් ।
තත්ත්වමාඛ්යාහි මා භූත්තේ භයං වානර මෝක්ෂ්යසේ ॥ 8 ॥
යදි වෛශ්රවණස්ය ත්වං යමස්ය වරුණස්ය ච ।
චාරරූපමිදං කෘත්වා ප්රවිෂ්ටෝ නඃ පුරීමිමාම් ॥ 9 ॥
විෂ්ණුනා ප්රේෂිතෝ වාऽපි දූතෝ විජයකාංක්ෂිණා ।
න හි තේ වානරං තේජෝ රූපමාත්රං තු වානරම් ॥ 10 ॥
තත්ත්වතඃ කථයස්වාද්ය තතෝ වානර මෝක්ෂ්යසේ ।
අනෘතං වදතශ්චාපි දුර්ලභං තව ජීවිතම් ॥ 11 ॥
අථවා යන්නිමිත්තස්තේ ප්රවේශෝ රාවණාලයේ ।
ඒවමුක්තෝ හරිශ්රේෂ්ඨස්තදා රක්ෂෝගණේශ්වරම් ॥ 12 ॥
අබ්රවීන්නාස්මි ශක්රස්ය යමස්ය වරුණස්ය වා ।
ධනදේන න මේ සඛ්යං විෂ්ණුනා නාස්මි චෝදිතඃ ॥ 13 ॥
ජාතිරේව මම ත්වේෂා වානරෝऽහමිහාගතඃ ।
දර්ශනේ රාක්ෂසේංද්රස්ය දුර්ලභේ තදිදං මයා ॥ 14 ॥
වනං රාක්ෂසරාජස්ය දර්ශනාර්ථේ විනාශිතම් ।
තතස්තේ රාක්ෂසාඃ ප්රාප්තා බලිනෝ යුද්ධකාංක්ෂිණඃ ।
රක්ෂණාර්ථං තු දේහස්ය ප්රතියුද්ධා මයා රණේ ॥ 15 ॥
අස්ත්රපාශෛර්න ශක්යෝऽහං බද්ධුං දේවාසුරෛරපි ॥ 16 ॥
පිතාමහාදේෂ වරෝ මාමාප්යේෂෝऽභ්යුපාගතඃ ।
රාජානං ද්රෂ්ටුකාමේන මයාස්ත්රමනුවර්තිතම් ॥ 17 ॥
විමුක්තෝ හ්යහමස්ත්රේණ රාක්ෂසෛස්ත්වභිපීඩිතඃ ।
කේනචිද්රාජකාර්යේණ සංප්රාප්තෝऽස්මි තවාංතිකම් ॥ 18 ॥
දූතෝऽහමිති විජ්ඤේයෝ රාඝවස්යාමිතෞජසඃ ।
ශ්රූයතාං චාපි වචනං මම පථ්යමිදං ප්රභෝ ॥ 19 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ සුංදරකාංඩේ පංචාශස්සර්ගඃ ॥
