শ্রীমদ্বাল্মীকীয় রামাযণে সুংদরকাংডম্ ।
অথ পংচাশস্সর্গঃ ।
তমুদ্বীক্ষ্য় মহাবাহুঃ পিংগাক্ষং পুরত স্থিতম্ ।
কোপেন মহতাঽবিষ্টো রাবণো লোকরাবণঃ ॥ 1 ॥
শংকাহৃতাত্মা দধ্য়ৌ স কপীংদ্রং তেজসাবৃতম্ ।
কিমেষ ভগবান্নংদী ভবেত্সাক্ষাদিহাগতঃ ॥ 2 ॥
যেন শপ্তোঽস্মি কৈলাসে ময়া সংচালিতে পুরা ।
সোঽয়ং বানরমূর্তিস্স্য়াত্কিংস্বিদ্বাণো মহাঽসুরঃ ॥ 3 ॥
স রাজা রোষতাম্রাক্ষঃ প্রহস্তং মংত্রিসত্তমম্ ।
কালয়ুক্তমুবাচেদং বচোঽবিপুলমর্থবত্ ॥ 4 ॥
দুরাত্মা পৃচ্ছ্যতামেষ কুতঃ কিং বাত্র কারণম্ ।
বনভংগে চ কোঽস্য়ার্থো রাক্ষসীনাং চ তর্জনে ॥ 5 ॥
মত্পুরীমপ্রধৃষ্য়াং বাঽগমনে কিং প্রয়োজনম্ ।
আয়োধনে বা কিং কার্য়ং পৃচ্ছযতামেষ দুর্মতিঃ ॥ 6 ॥
রাবণস্য় বচশ্শ্রুত্বা প্রহস্তো বাক্যমব্রবীত্ ।
সমাশ্বসিহি ভদ্রং তে ন ভীঃ কার্য়া ত্বয়া কপে ॥ 7 ॥
যদি তাবত্ত্বমিংদ্রেণ প্রেষিতো রাবণালযম্ ।
তত্ত্বমাখ্য়াহি মা ভূত্তে ভয়ং বানর মোক্ষ্যসে ॥ 8 ॥
যদি বৈশ্রবণস্য় ত্বং যমস্য় বরুণস্য় চ ।
চাররূপমিদং কৃত্বা প্রবিষ্টো নঃ পুরীমিমাম্ ॥ 9 ॥
বিষ্ণুনা প্রেষিতো বাঽপি দূতো বিজযকাংক্ষিণা ।
ন হি তে বানরং তেজো রূপমাত্রং তু বানরম্ ॥ 10 ॥
তত্ত্বতঃ কথযস্বাদ্য় ততো বানর মোক্ষ্যসে ।
অনৃতং বদতশ্চাপি দুর্লভং তব জীবিতম্ ॥ 11 ॥
অথবা যন্নিমিত্তস্তে প্রবেশো রাবণালয়ে ।
এবমুক্তো হরিশ্রেষ্ঠস্তদা রক্ষোগণেশ্বরম্ ॥ 12 ॥
অব্রবীন্নাস্মি শক্রস্য় যমস্য় বরুণস্য় বা ।
ধনদেন ন মে সখ্য়ং বিষ্ণুনা নাস্মি চোদিতঃ ॥ 13 ॥
জাতিরেব মম ত্বেষা বানরোঽহমিহাগতঃ ।
দর্শনে রাক্ষসেংদ্রস্য় দুর্লভে তদিদং ময়া ॥ 14 ॥
বনং রাক্ষসরাজস্য় দর্শনার্থে বিনাশিতম্ ।
ততস্তে রাক্ষসাঃ প্রাপ্তা বলিনো যুদ্ধকাংক্ষিণঃ ।
রক্ষণার্থং তু দেহস্য় প্রতিয়ুদ্ধা ময়া রণে ॥ 15 ॥
অস্ত্রপাশৈর্ন শক্য়োঽহং বদ্ধুং দেবাসুরৈরপি ॥ 16 ॥
পিতামহাদেষ বরো মামাপ্য়েষোঽভ্য়ুপাগতঃ ।
রাজানং দ্রষ্টুকামেন ময়াস্ত্রমনুবর্তিতম্ ॥ 17 ॥
বিমুক্তো হ্যহমস্ত্রেণ রাক্ষসৈস্ত্বভিপীডিতঃ ।
কেনচিদ্রাজকার্য়েণ সংপ্রাপ্তোঽস্মি তবাংতিকম্ ॥ 18 ॥
দূতোঽহমিতি বিজ্ঞেয়ো রাঘবস্য়ামিতৌজসঃ ।
শ্রূযতাং চাপি বচনং মম পথ্যমিদং প্রভো ॥ 19 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে পংচাশস্সর্গঃ ॥
