ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² பஞ்சாஶஸ்ஸர்க:³ ।
தமுத்³வீக்ஷ்ய மஹாபா³ஹு: பிங்கா³க்ஷம் புரத ஸ்தி²தம் ।
கோபேன மஹதாவிஷ்டோ ராவணோ லோகராவண: ॥ 1 ॥
ஶங்காஹ்ருதாத்மா த³த்⁴யௌ ஸ கபீந்த்³ரம் தேஜஸாவ்ருதம் ।
கிமேஷ ப⁴க³வான்னந்தீ³ ப⁴வேத்ஸாக்ஷாதி³ஹாக³த: ॥ 2 ॥
யேன ஶப்தோஸ்மி கைலாஸே மயா ஸஞ்சாலிதே புரா ।
ஸோயம் வானரமூர்திஸ்ஸ்யாத்கிம்ஸ்வித்³பா³ணோ மஹாஸுர: ॥ 3 ॥
ஸ ராஜா ரோஷதாம்ராக்ஷ: ப்ரஹஸ்தம் மந்த்ரிஸத்தமம் ।
காலயுக்தமுவாசேத³ம் வசோவிபுலமர்த²வத் ॥ 4 ॥
து³ராத்மா ப்ருச்ச்²யதாமேஷ குத: கிம் வாத்ர காரணம் ।
வனப⁴ங்கே³ ச கோஸ்யார்தோ² ராக்ஷஸீனாம் ச தர்ஜனே ॥ 5 ॥
மத்புரீமப்ரத்⁴ருஷ்யாம் வாக³மனே கிம் ப்ரயோஜனம் ।
ஆயோத⁴னே வா கிம் கார்யம் ப்ருச்ச²யதாமேஷ து³ர்மதி: ॥ 6 ॥
ராவணஸ்ய வசஶ்ஶ்ருத்வா ப்ரஹஸ்தோ வாக்யமப்³ரவீத் ।
ஸமாஶ்வஸிஹி ப⁴த்³ரம் தே ந பீ⁴: கார்யா த்வயா கபே ॥ 7 ॥
யதி³ தாவத்த்வமிந்த்³ரேண ப்ரேஷிதோ ராவணாலயம் ।
தத்த்வமாக்²யாஹி மா பூ⁴த்தே ப⁴யம் வானர மோக்ஷ்யஸே ॥ 8 ॥
யதி³ வைஶ்ரவணஸ்ய த்வம் யமஸ்ய வருணஸ்ய ச ।
சாரரூபமித³ம் க்ருத்வா ப்ரவிஷ்டோ ந: புரீமிமாம் ॥ 9 ॥
விஷ்ணுனா ப்ரேஷிதோ வாபி தூ³தோ விஜயகாங்க்ஷிணா ।
ந ஹி தே வானரம் தேஜோ ரூபமாத்ரம் து வானரம் ॥ 1௦ ॥
தத்த்வத: கத²யஸ்வாத்³ய ததோ வானர மோக்ஷ்யஸே ।
அன்ருதம் வத³தஶ்சாபி து³ர்லப⁴ம் தவ ஜீவிதம் ॥ 11 ॥
அத²வா யன்னிமித்தஸ்தே ப்ரவேஶோ ராவணாலயே ।
ஏவமுக்தோ ஹரிஶ்ரேஷ்ட²ஸ்ததா³ ரக்ஷோக³ணேஶ்வரம் ॥ 12 ॥
அப்³ரவீன்னாஸ்மி ஶக்ரஸ்ய யமஸ்ய வருணஸ்ய வா ।
த⁴னதே³ன ந மே ஸக்²யம் விஷ்ணுனா நாஸ்மி சோதி³த: ॥ 13 ॥
ஜாதிரேவ மம த்வேஷா வானரோஹமிஹாக³த: ।
த³ர்ஶனே ராக்ஷஸேந்த்³ரஸ்ய து³ர்லபே⁴ ததி³த³ம் மயா ॥ 14 ॥
வனம் ராக்ஷஸராஜஸ்ய த³ர்ஶனார்தே² வினாஶிதம் ।
ததஸ்தே ராக்ஷஸா: ப்ராப்தா ப³லினோ யுத்³த⁴காங்க்ஷிண: ।
ரக்ஷணார்த²ம் து தே³ஹஸ்ய ப்ரதியுத்³தா⁴ மயா ரணே ॥ 15 ॥
அஸ்த்ரபாஶைர்ன ஶக்யோஹம் ப³த்³து⁴ம் தே³வாஸுரைரபி ॥ 16 ॥
பிதாமஹாதே³ஷ வரோ மாமாப்யேஷோப்⁴யுபாக³த: ।
ராஜானம் த்³ரஷ்டுகாமேன மயாஸ்த்ரமனுவர்திதம் ॥ 17 ॥
விமுக்தோ ஹ்யஹமஸ்த்ரேண ராக்ஷஸைஸ்த்வபி⁴பீடி³த: ।
கேனசித்³ராஜகார்யேண ஸம்ப்ராப்தோஸ்மி தவாந்திகம் ॥ 18 ॥
தூ³தோஹமிதி விஜ்ஞேயோ ராக⁴வஸ்யாமிதௌஜஸ: ।
ஶ்ரூயதாம் சாபி வசனம் மம பத்²யமித³ம் ப்ரபோ⁴ ॥ 19 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ பஞ்சாஶஸ்ஸர்க:³ ॥
