શ્રીમદ્વાલ્મીકીય રામાયણે સુંદરકાંડમ્ ।
અથ એકષષ્ટિતમસ્સર્ગઃ ।
તતો જાંબવતો વાક્યમગૃહ્ણંત વનૌકસઃ ।
અંગદપ્રમુખા વીરા હનુમાંશ્ચ મહાકપિઃ ॥ 1 ॥
પ્રીતિમંતસ્તતઃ સર્વે વાયુપુત્રપરસ્પરાઃ ।
મહેંદ્રાદ્રિં પરિત્યજ્ય પુપ્લુવુઃ પ્લવગર્ષભાઃ ॥ 2 ॥
મેરુમંદરસંકાશા મત્તા ઇવ મહાગજાઃ ।
છાદયંત ઇવાકાશં મહાકાયા મહાબલાઃ ॥ 3 ॥
સભાજ્યમાનં ભૂતૈસ્તમાત્મવંતં મહાબલમ્ ।
હનૂમંતં મહાવેગં વહંત ઇવ દૃષ્ટિભિઃ ॥ 4 ॥
રાઘવે ચાર્થનિર્વવૃત્તિં કર્તું ચ પરમં યશઃ ।
સમાધાય સમૃદ્ધાર્થાઃ સર્વેસિદ્ધિભિરુન્નતા ॥ 5 ॥
પ્રિયાખ્યાનોન્મુખાઃ સર્વે સર્વે યુદ્ધાભિનંદિનઃ ।
સર્વે રામપ્રતીકારે નિશ્ચિતાર્થા મનસ્સ્વિનઃ ॥ 6 ॥
પ્લવમાનાઃ ખમાપ્લુત્ય તતસ્તે કાનનૌકસઃ ।
નંદનોપમયાસેદુર્વનં દ્રુમલતાયુતમ્ ॥ 7 ॥
યત્તન્મધુવનં નામ સુગ્રીવસ્યાભિરક્ષિતમ્ ।
અધૃષ્યં સર્વભૂતાનાં સર્વભૂતમનોહરમ્ ॥ 8 ॥
યદ્રક્ષતિ મહાવીર્ય સ્સદા દધિમુખઃ કપિઃ ।
માતુલઃ કપિમુખ્યસ્ય સુગ્રીવસ્ય મહાત્મનઃ ॥ 9 ॥
તે તદ્વનમુપાગમ્ય બભૂવુઃ પરમોત્કટાઃ ।
વાનરા વાનરેંદ્રસ્ય મનઃ કાંતતમં મહત્ ॥ 10 ॥
તતસ્તે વાનરા હૃષ્ટા દૃષ્ટવા મધુવનં મહત્ ।
કુમારમભ્યયાચંત મધૂનિ મધુપિંગલાઃ ॥ 11 ॥
તતઃ કુમારસ્તાન્ વૃદ્ધાન્ જાંબવત્પ્રમુખાન્ કપીન્ ।
અનુમાન્ય દદૌ તેષાં વિસર્ગં મધુભિક્ષણે ॥ 12 ॥
તતશ્ચાનુમતા સ્સર્વે સંપ્રહૃષ્ટા વનૌકસઃ ।
મુદિતાઃ પ્રેરિતાશ્ચાપિ પ્રનૃત્યંતોઽભવંસ્તદા ॥ 13 ॥
ગાયંતિ કેચિત્પ્રણમંતિ કેચિન્નૃત્યંતિ કેચિત્પ્રહસંતિ કેચિત્ ।
પતંતિ કેચિદ્વિચરંતિ કેચિત્લ્પવંતિ કેચિત્પ્રલપંતિ કેચિત્ ॥ 14 ॥
પરસ્પરં કેચિદુપાશ્રયંતે પરસ્પરં કેચિદુપાક્રમંતે ।
પરસ્પરં કેચિદુપબ્રુવંતે પરસ્પરં કેચિદુપારમંતે ॥ 15 ॥
દ્રુમાદ્દ્રુમં કેચિદભિદ્રવંતે ક્ષિતૌ નગાગ્રાન્નિપતંતિ કેચિત્ ।
મહીતલાત્કેચિદુદીર્ણવેગા મહાદ્રુમાગ્રાણ્યભિસંપતંતિ ॥ 16 ॥
ગાયંતમન્યઃ પ્રહસન્નુપૈતિ હસંતમન્યઃ પ્રરુદન્નુપૈતિ ।
રુદંતમન્યઃ પ્રણુદન્નુપૈતિ નુદંતમન્યઃ પ્રણદન્નુપૈતિ ॥ 17 ॥
સમાકુલં તત્કપિસૈન્યમાસીન્મધુપ્રસાનોત્કટસત્ત્વચેષ્ટમ્ ।
ન ચાત્ર કશ્ચિન્ન બભૂવ મત્તો ન ચાત્ર કશ્ચિન્ન બભૂવ તૃપ્તઃ ॥ 18 ॥
તતો વનં તત્પરિભક્ષ્યમાણં દ્રુમાંશ્ચ વિધ્વંસિતપત્રપુષ્પાન્ ।
સમીક્ષ્ય કોપાદ્ધધિવક્રનામા નિવારયામાસ કપિઃ કપીંસ્તાન્ ॥ 19 ॥
સ તૈઃ પ્રવૃદ્ધૈઃ પરિભર્ત્સ્યમાનો વનસ્ય ગોપ્તા હરિવીરવૃદ્ધઃ ।
ચકાર ભૂયો મતિમુગ્રતેજા વનસ્ય રક્ષાં પ્રતિ વાનરેભ્યઃ ॥ 20 ॥
ઉવાચ કાંશ્ચિત્પરુષાણિ ધૃષ્ટમસક્તમન્યાંશ્ચ તલૈર્જઘાન ।
સમેત્ય કૈશ્ચિત્કલહં ચકાર તથૈવ સામ્નોપજગામ કાંશ્ચિત્ ॥ 21 ॥
સ તૈર્મદાત્સંપરિવાર્ય વાક્યૈર્ભલાચ્છ તેન પ્રતિવાર્યમાણૈઃ ।
પ્રધર્ષિતસ્ત્યક્તભયૈ સ્સમેત્ય પ્રકૃષ્યતે ચાપ્યનવેક્ષ્ય દોષમ્ ॥ 22 ॥
નખૈસ્તુદંતો દશનૈર્દશંત સ્તલૈશ્ચ પાદૈશ્ચ સમાપયંતઃ ।
મદાત્કપિં તં કપય સ્સમગ્રા મહાવનં નિર્વિષયં ચ ચક્રુઃ ॥ 23 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે સુંદરકાંડે એકષષ્ટિતમસ્સર્ગઃ ॥
