ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஏகஷஷ்டிதமஸ்ஸர்க:³ ।
ததோ ஜாம்ப³வதோ வாக்யமக்³ருஹ்ணந்த வனௌகஸ: ।
அங்க³த³ப்ரமுகா² வீரா ஹனுமாம்ஶ்ச மஹாகபி: ॥ 1 ॥
ப்ரீதிமந்தஸ்தத: ஸர்வே வாயுபுத்ரபரஸ்பரா: ।
மஹேந்த்³ராத்³ரிம் பரித்யஜ்ய புப்லுவு: ப்லவக³ர்ஷபா⁴: ॥ 2 ॥
மேருமந்த³ரஸங்காஶா மத்தா இவ மஹாகஜ³ா: ।
சா²த³யந்த இவாகாஶம் மஹாகாயா மஹாப³லா: ॥ 3 ॥
ஸபா⁴ஜ்யமானம் பூ⁴தைஸ்தமாத்மவந்தம் மஹாப³லம் ।
ஹனூமந்தம் மஹாவேக³ம் வஹந்த இவ த்³ருஷ்டிபி⁴: ॥ 4 ॥
ராக⁴வே சார்த²னிர்வவ்ருத்திம் கர்தும் ச பரமம் யஶ: ।
ஸமாதா⁴ய ஸம்ருத்³தா⁴ர்தா²: ஸர்வேஸித்³தி⁴பி⁴ருன்னதா ॥ 5 ॥
ப்ரியாக்²யானோன்முகா²: ஸர்வே ஸர்வே யுத்³தா⁴பி⁴னந்தி³ன: ।
ஸர்வே ராமப்ரதீகாரே நிஶ்சிதார்தா² மனஸ்ஸ்வின: ॥ 6 ॥
ப்லவமானா: க²மாப்லுத்ய ததஸ்தே கானநௌகஸ: ।
நந்த³னோபமயாஸேது³ர்வனம் த்³ருமலதாயுதம் ॥ 7 ॥
யத்தன்மது⁴வனம் நாம ஸுக்³ரீவஸ்யாபி⁴ரக்ஷிதம் ।
அத்⁴ருஷ்யம் ஸர்வபூ⁴தானாம் ஸர்வபூ⁴தமனோஹரம் ॥ 8 ॥
யத்³ரக்ஷதி மஹாவீர்ய ஸ்ஸதா³ த³தி⁴முக:² கபி: ।
மாதுல: கபிமுக்²யஸ்ய ஸுக்³ரீவஸ்ய மஹாத்மன: ॥ 9 ॥
தே தத்³வனமுபாக³ம்ய ப³பூ⁴வு: பரமோத்கடா: ।
வானரா வானரேந்த்³ரஸ்ய மன: காந்ததமம் மஹத் ॥ 1௦ ॥
ததஸ்தே வானரா ஹ்ருஷ்டா த்³ருஷ்டவா மது⁴வனம் மஹத் ।
குமாரமப்⁴யயாசந்த மதூ⁴னி மது⁴பிங்க³லா: ॥ 11 ॥
தத: குமாரஸ்தான் வ்ருத்³தா⁴ன் ஜாம்ப³வத்ப்ரமுகா²ன் கபீன் ।
அனுமான்ய த³தௌ³ தேஷாம் விஸர்க³ம் மது⁴பி⁴க்ஷணே ॥ 12 ॥
ததஶ்சானுமதா ஸ்ஸர்வே ஸம்ப்ரஹ்ருஷ்டா வனௌகஸ: ।
முதி³தா: ப்ரேரிதாஶ்சாபி ப்ரன்ருத்யந்தோப⁴வம்ஸ்ததா³ ॥ 13 ॥
கா³யந்தி கேசித்ப்ரணமந்தி கேசின்ன்ருத்யந்தி கேசித்ப்ரஹஸந்தி கேசித் ।
பதந்தி கேசித்³விசரந்தி கேசித்ல்பவந்தி கேசித்ப்ரலபந்தி கேசித் ॥ 14 ॥
பரஸ்பரம் கேசிது³பாஶ்ரயந்தே பரஸ்பரம் கேசிது³பாக்ரமந்தே ।
பரஸ்பரம் கேசிது³பப்³ருவந்தே பரஸ்பரம் கேசிது³பாரமந்தே ॥ 15 ॥
த்³ருமாத்³த்³ருமம் கேசித³பி⁴த்³ரவந்தே க்ஷிதௌ நகா³க்³ரான்னிபதந்தி கேசித் ।
மஹீதலாத்கேசிது³தீ³ர்ணவேகா³ மஹாத்³ருமாக்³ராண்யபி⁴ஸம்பதந்தி ॥ 16 ॥
கா³யந்தமன்ய: ப்ரஹஸன்னுபைதி ஹஸந்தமன்ய: ப்ரருத³ன்னுபைதி ।
ருத³ந்தமன்ய: ப்ரணுத³ன்னுபைதி நுத³ந்தமன்ய: ப்ரணத³ன்னுபைதி ॥ 17 ॥
ஸமாகுலம் தத்கபிஸைன்யமாஸீன்மது⁴ப்ரஸானோத்கடஸத்த்வசேஷ்டம் ।
ந சாத்ர கஶ்சின்ன ப³பூ⁴வ மத்தோ ந சாத்ர கஶ்சின்ன ப³பூ⁴வ த்ருப்த: ॥ 18 ॥
ததோ வனம் தத்பரிப⁴க்ஷ்யமாணம் த்³ருமாம்ஶ்ச வித்⁴வம்ஸிதபத்ரபுஷ்பான் ।
ஸமீக்ஷ்ய கோபாத்³த⁴தி⁴வக்ரனாமா நிவாரயாமாஸ கபி: கபீம்ஸ்தான் ॥ 19 ॥
ஸ தை: ப்ரவ்ருத்³தை⁴: பரிப⁴ர்த்ஸ்யமானோ வனஸ்ய கோ³ப்தா ஹரிவீரவ்ருத்³த:⁴ ।
சகார பூ⁴யோ மதிமுக்³ரதேஜா வனஸ்ய ரக்ஷாம் ப்ரதி வானரேப்⁴ய: ॥ 2௦ ॥
உவாச காம்ஶ்சித்பருஷாணி த்⁴ருஷ்டமஸக்தமன்யாம்ஶ்ச தலைர்ஜகா⁴ன ।
ஸமேத்ய கைஶ்சித்கலஹம் சகார ததை²வ ஸாம்னோபஜகா³ம காம்ஶ்சித் ॥ 21 ॥
ஸ தைர்மதா³த்ஸம்பரிவார்ய வாக்யைர்ப⁴லாச்ச² தேன ப்ரதிவார்யமாணை: ।
ப்ரத⁴ர்ஷிதஸ்த்யக்தப⁴யை ஸ்ஸமேத்ய ப்ரக்ருஷ்யதே சாப்யனவேக்ஷ்ய தோ³ஷம் ॥ 22 ॥
நகை²ஸ்துத³ந்தோ த³ஶனைர்த³ஶந்த ஸ்தலைஶ்ச பாதை³ஶ்ச ஸமாபயந்த: ।
மதா³த்கபிம் தம் கபய ஸ்ஸமக்³ரா மஹாவனம் நிர்விஷயம் ச சக்ரு: ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஏகஷஷ்டிதமஸ்ஸர்க:³ ॥
