শ্রীমদ্বাল্মীকীয় রামাযণে সুংদরকাংডম্ ।
অথ একষষ্টিতমস্সর্গঃ ।
ততো জাংববতো বাক্যমগৃহ্ণংত বনৌকসঃ ।
অংগদপ্রমুখা বীরা হনুমাংশ্চ মহাকপিঃ ॥ 1 ॥
প্রীতিমংতস্ততঃ সর্বে বায়ুপুত্রপরস্পরাঃ ।
মহেংদ্রাদ্রিং পরিত্যজ্য় পুপ্লুবুঃ প্লবগর্ষভাঃ ॥ 2 ॥
মেরুমংদরসংকাশা মত্তা ইব মহাগজাঃ ।
ছাদয়ংত ইবাকাশং মহাকায়া মহাবলাঃ ॥ 3 ॥
সভাজ্যমানং ভূতৈস্তমাত্মবংতং মহাবলম্ ।
হনূমংতং মহাবেগং বহংত ইব দৃষ্টিভিঃ ॥ 4 ॥
রাঘবে চার্থনির্ববৃত্তিং কর্তুং চ পরমং যশঃ ।
সমাধায় সমৃদ্ধার্থাঃ সর্বেসিদ্ধিভিরুন্নতা ॥ 5 ॥
প্রিয়াখ্য়ানোন্মুখাঃ সর্বে সর্বে যুদ্ধাভিনংদিনঃ ।
সর্বে রামপ্রতীকারে নিশ্চিতার্থা মনস্স্বিনঃ ॥ 6 ॥
প্লবমানাঃ খমাপ্লুত্য় ততস্তে কাননৌকসঃ ।
নংদনোপময়াসেদুর্বনং দ্রুমলতায়ুতম্ ॥ 7 ॥
যত্তন্মধুবনং নাম সুগ্রীবস্য়াভিরক্ষিতম্ ।
অধৃষ্য়ং সর্বভূতানাং সর্বভূতমনোহরম্ ॥ 8 ॥
যদ্রক্ষতি মহাবীর্য় স্সদা দধিমুখঃ কপিঃ ।
মাতুলঃ কপিমুখ্যস্য় সুগ্রীবস্য় মহাত্মনঃ ॥ 9 ॥
তে তদ্বনমুপাগম্য় বভূবুঃ পরমোত্কটাঃ ।
বানরা বানরেংদ্রস্য় মনঃ কাংততমং মহত্ ॥ 10 ॥
ততস্তে বানরা হৃষ্টা দৃষ্টবা মধুবনং মহত্ ।
কুমারমভ্যয়াচংত মধূনি মধুপিংগলাঃ ॥ 11 ॥
ততঃ কুমারস্তান্ বৃদ্ধান্ জাংববত্প্রমুখান্ কপীন্ ।
অনুমান্য় দদৌ তেষাং বিসর্গং মধুভিক্ষণে ॥ 12 ॥
ততশ্চানুমতা স্সর্বে সংপ্রহৃষ্টা বনৌকসঃ ।
মুদিতাঃ প্রেরিতাশ্চাপি প্রনৃত্য়ংতোঽভবংস্তদা ॥ 13 ॥
গায়ংতি কেচিত্প্রণমংতি কেচিন্নৃত্য়ংতি কেচিত্প্রহসংতি কেচিত্ ।
পতংতি কেচিদ্বিচরংতি কেচিত্ল্পবংতি কেচিত্প্রলপংতি কেচিত্ ॥ 14 ॥
পরস্পরং কেচিদুপাশ্রয়ংতে পরস্পরং কেচিদুপাক্রমংতে ।
পরস্পরং কেচিদুপব্রুবংতে পরস্পরং কেচিদুপারমংতে ॥ 15 ॥
দ্রুমাদ্দ্রুমং কেচিদভিদ্রবংতে ক্ষিতৌ নগাগ্রান্নিপতংতি কেচিত্ ।
মহীতলাত্কেচিদুদীর্ণবেগা মহাদ্রুমাগ্রাণ্যভিসংপতংতি ॥ 16 ॥
গায়ংতমন্য়ঃ প্রহসন্নুপৈতি হসংতমন্য়ঃ প্ররুদন্নুপৈতি ।
রুদংতমন্য়ঃ প্রণুদন্নুপৈতি নুদংতমন্য়ঃ প্রণদন্নুপৈতি ॥ 17 ॥
সমাকুলং তত্কপিসৈন্যমাসীন্মধুপ্রসানোত্কটসত্ত্বচেষ্টম্ ।
ন চাত্র কশ্চিন্ন বভূব মত্তো ন চাত্র কশ্চিন্ন বভূব তৃপ্তঃ ॥ 18 ॥
ততো বনং তত্পরিভক্ষ্যমাণং দ্রুমাংশ্চ বিধ্বংসিতপত্রপুষ্পান্ ।
সমীক্ষ্য় কোপাদ্ধধিবক্রনামা নিবারয়ামাস কপিঃ কপীংস্তান্ ॥ 19 ॥
স তৈঃ প্রবৃদ্ধৈঃ পরিভর্ত্স্যমানো বনস্য় গোপ্তা হরিবীরবৃদ্ধঃ ।
চকার ভূয়ো মতিমুগ্রতেজা বনস্য় রক্ষাং প্রতি বানরেভ্য়ঃ ॥ 20 ॥
উবাচ কাংশ্চিত্পরুষাণি ধৃষ্টমসক্তমন্য়াংশ্চ তলৈর্জঘান ।
সমেত্য় কৈশ্চিত্কলহং চকার তথৈব সাম্নোপজগাম কাংশ্চিত্ ॥ 21 ॥
স তৈর্মদাত্সংপরিবার্য় বাক্য়ৈর্ভলাচ্ছ তেন প্রতিবার্যমাণৈঃ ।
প্রধর্ষিতস্ত্যক্তভয়ৈ স্সমেত্য় প্রকৃষ্যতে চাপ্যনবেক্ষ্য় দোষম্ ॥ 22 ॥
নখৈস্তুদংতো দশনৈর্দশংত স্তলৈশ্চ পাদৈশ্চ সমাপয়ংতঃ ।
মদাত্কপিং তং কপয় স্সমগ্রা মহাবনং নির্বিষয়ং চ চক্রুঃ ॥ 23 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে একষষ্টিতমস্সর্গঃ ॥
