ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² அஷ்டஷஷ்டிதமஸ்ஸர்க:³ ।
அதா²ஹமுத்தரம் தே³வ்யா புனருக்த ஸ்ஸஸம்ப்⁴ரமம் ।
தவ ஸ்னேஹான்னரவ்யாக்⁴ர ஸௌஹார்தா³த³னுமான்ய வை ॥ 1 ॥
ஏவம் ப³ஹுவித⁴ம் வாச்யோ ராமோ தா³ஶரதி²ஸ்த்வயா ।
யதா² மாமாப்னுயாச்சீ²க்⁴ரம் ஹத்வா ராவணமாஹவே ॥ 2 ॥
யதி³ வா மன்யஸே வீர வஸைகாஹமரிந்த³ம ।
கஸ்மிம்ஶ்சித்ஸம்வ்ருதே தே³ஶே விக்ராந்தஶ்ஶ்வோ க³மிஷ்யஸி ॥ 3 ॥
மம சாப்யல்பபா⁴க்³யாயாஸ்ஸான்னித்⁴யாத்தவ வீர்யவன் ।
அஸ்ய ஶோகவிபாகஸ்ய முஹூர்தம் ஸ்யாத்³விமோக்ஷணம் ॥ 4 ॥
க³தே ஹி த்வயி விக்ராந்தே புனராக³மனாய வை ।
ப்ராணானாமபி ஸந்தே³ஹோ மம ஸ்யான்னாத்ர ஸம்ஶய: ॥ 5 ॥
தவாத³ர்ஶனஜஶ்ஶோகோ பூ⁴யோ மாம் பரிதாபயேத் ।
து³:கா²த்³து³:க²பராபூ⁴தாம் து³ர்க³தாம் து³:க²பா⁴கி³னீம் ॥ 6 ॥
அயம் ச வீர ஸந்தே³ஹஸ்திஷ்ட²தீவ மமாக்³ரத: ।
ஸுமஹாம்ஸ்த்வத்ஸஹாயேஷு ஹர்ய்ருக்ஷேஷு ஹரீஶ்வர ॥ 7 ॥
கத²ம் நு க²லு து³ஷ்பாரம் தரிஷ்யந்தி மஹோத³தி⁴ம் ।
தானி ஹர்ய்ருக்ஷஸைன்யானி தௌ வா நரவராத்மஜௌ ॥ 8 ॥
த்ரயாணாமேவ பூ⁴தானாம் ஸாக³ரஸ்யாஸ்ய லங்க⁴னே ।
ஶக்திஸ்ஸ்யாத்³வைனதேயஸ்ய தவ வா மாருதஸ்ய வா ॥ 9 ॥
தத³ஸ்மின் கார்யனிர்யோகே³ வீரைவம் து³ரதிக்ரமே ।
கிம் பஶ்யஸி ஸமாதா⁴னம் ப்³ரூஹி கார்யவிதா³ம் வர: ॥ 1௦ ॥
காமமஸ்ய த்வமேவைக: கார்யஸ்ய பரிஸாத⁴னே ।
பர்யாப்த: பரவீரக்⁴ன யஶஸ்யஸ்தே ப³லோத³ய: ॥ 11 ॥
ப³லை ஸ்ஸமக்³ரைர்யதி³ மாம் ஹத்வா ராவணமாஹவே ।
விஜயீ ஸ்வாம் புரீம் ராமோ நயேத்தத்ஸ்யாத்³யஶஸ்கரம் ॥ 12 ॥
யதா²ஹம் தஸ்ய வீரஸ்ய வனாது³பதி⁴னா ஹ்ருதா ।
ரக்ஷஸா தத்³ப⁴யாதே³வ ததா² நார்ஹதி ராக⁴வ: ॥ 13 ॥
ப³லைஸ்து ஸங்குலாம் க்ருத்வா லங்காம் பரப³லார்த³ன: ।
மாம் நயேத்³யதி³ காகுத்ஸ்த²ஸ்தத்தஸ்ய ஸத்³ருஶம் ப⁴வேத் ॥ 14 ॥
தத்³யதா² தஸ்ய விக்ராந்தமனுரூபம் மஹாத்மன: ।
ப⁴வேதா³ஹவஶூரஸ்ய ததா² த்வமுபபாத³ய ॥ 15 ॥
தத³ர்தோ²பஹிதம் வாக்யம் ப்ரஶ்ரிதம் ஹேதுஸம்ஹிதம் ।
நிஶம்யாஹம் தத ஶ்ஶேஷம் வாக்யமுத்தரமப்³ருவம் ॥ 16 ॥
தே³வி ஹர்ய்ருக்ஷஸைன்யானாமீஶ்வர: ப்லவதாம் வர: ।
ஸுக்³ரீவஸ்ஸத்த்வஸம்பன்னஸ்தவார்தே² க்ருதனிஶ்சய: ॥ 17 ॥
தஸ்ய விக்ரமஸம்பன்னாஸ்ஸத்த்வவந்தோ மஹாப³லா: ।
மன ஸ்ஸங்கல்பஸம்பாதா நிதே³ஶே ஹரய: ஸ்தி²தா: ॥ 18 ॥
யேஷாம் நோபரி நாத⁴ஸ்தான்ன திர்யக்ஸஜ்ஜதே க³தி: ।
ந ச கர்மஸு ஸீத³ந்தி மஹத்ஸ்வமிததேஜஸ: ॥ 19 ॥
அஸக்ருத்தைர்மஹாபா⁴கை³ர்வானரைர்ப³லத³ர்பிதை: ।
ப்ரத³க்ஷிணீக்ருதா பூ⁴மிர்வாயுமார்கா³னுஸாரிபி⁴: ॥ 2௦ ॥
மத்³விஶிஷ்டாஶ்ச துல்யாஶ்ச ஸந்தி தத்ர வனௌகஸ: ।
மத்த: ப்ரத்யவர: கஶ்சின்னாஸ்தி ஸுக்³ரீவஸன்னிதௌ⁴ ॥ 21 ॥
அஹம் தாவதி³ஹ ப்ராப்த: கிம் புனஸ்தே மஹாப³லா: ।
ந ஹி ப்ரக்ருஷ்டா: ப்ரேத்யந்தே ப்ரேஷ்யந்தே ஹீதரே ஜனா: ॥ 22 ॥
தத³லம் பரிதாபேன தே³வி மன்யுர்வ்யபைது தே ।
ஏகோத்பாதேன தே லங்காமேஷ்யந்தி ஹரியூத²பா: ॥ 23 ॥
மம ப்ருஷ்ட²க³தௌ தௌ ச சந்த்³ரஸூர்யாவிவோதி³தௌ ।
த்வத்ஸகாஶம் மஹாபா⁴கே³ ந்ருஸிம்ஹாவாக³மிஷ்யத: ॥ 24 ॥
அரிக்⁴னம் ஸிம்ஹஸங்காஶம் க்ஷிப்ரம் த்³ரக்ஷ்யஸி ராக⁴வம் ।
லக்ஷ்மணம் ச த⁴னுஷ்பாணிம் லங்காத்³வாரமுபஸ்தி²தம் ॥ 25 ॥
நக²த³ம்ஷ்ட்ராயுதா⁴ன் வீரான் ஸிம்ஹஶார்தூ³லவிக்ரமான் ।
வானரான்வாரணோந்த்³ராபா⁴ன் க்ஷிப்ரம் த்³ரக்ஷஸி ஸங்க³தான் ॥ 26 ॥
ஶைலாம்பு³த³னிகாஶானாம் லங்காமலயஸானுஷு ।
நர்த³தாம் கபிமுக்²யானாமசிராச்ச்²ரோஷ்யஸி ஸ்வனம் ॥ 27 ॥
நிவ்ருத்தவனவாஸம் ச த்வயா ஸார்த⁴மரிந்த³மம் ।
அபி⁴ஷிக்தமயோத்⁴யாயாம் க்ஷிப்ரம் த்³ரக்ஷ்யஸி ராக⁴வம் ॥ 28 ॥
ததோ மயா வாக்³பி⁴ரதீ³னபா⁴ஷிணா ஶிவாபி⁴ரிஷ்டாபி⁴ரபி⁴ப்ரஸாதி³தா ।
ஜகா³ம ஶாந்திம் மம மைதி²லாத்மஜா தவாபி ஶோகேன ததா³பி⁴பீடி³தா ॥ 29 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ அஷ்டஷஷ்டிதமஸ்ஸர்க:³ ॥
