শ্রীমদ্বাল্মীকীয় রামাযণে সুংদরকাংডম্ ।
অথ অষ্টষষ্টিতমস্সর্গঃ ।
অথাহমুত্তরং দেব্য়া পুনরুক্ত স্সসংভ্রমম্ ।
তব স্নেহান্নরব্য়াঘ্র সৌহার্দাদনুমান্য় বৈ ॥ 1 ॥
এবং বহুবিধং বাচ্য়ো রামো দাশরথিস্ত্বয়া ।
যথা মামাপ্নুয়াচ্ছীঘ্রং হত্বা রাবণমাহবে ॥ 2 ॥
যদি বা মন্যসে বীর বসৈকাহমরিংদম ।
কস্মিংশ্চিত্সংবৃতে দেশে বিক্রাংতশ্শ্বো গমিষ্যসি ॥ 3 ॥
মম চাপ্যল্পভাগ্য়ায়াস্সান্নিধ্য়াত্তব বীর্যবন্ ।
অস্য় শোকবিপাকস্য় মুহূর্তং স্য়াদ্বিমোক্ষণম্ ॥ 4 ॥
গতে হি ত্বয়ি বিক্রাংতে পুনরাগমনায় বৈ ।
প্রাণানামপি সংদেহো মম স্য়ান্নাত্র সংশয়ঃ ॥ 5 ॥
তবাদর্শনজশ্শোকো ভূয়ো মাং পরিতাপয়েত্ ।
দুঃখাদ্দুঃখপরাভূতাং দুর্গতাং দুঃখভাগিনীম্ ॥ 6 ॥
অয়ং চ বীর সংদেহস্তিষ্ঠতীব মমাগ্রতঃ ।
সুমহাংস্ত্বত্সহায়েষু হর্য়ৃক্ষেষু হরীশ্বর ॥ 7 ॥
কথং নু খলু দুষ্পারং তরিষ্য়ংতি মহোদধিম্ ।
তানি হর্য়ৃক্ষসৈন্য়ানি তৌ বা নরবরাত্মজৌ ॥ 8 ॥
ত্রয়াণামেব ভূতানাং সাগরস্য়াস্য় লংঘনে ।
শক্তিস্স্য়াদ্বৈনতেযস্য় তব বা মারুতস্য় বা ॥ 9 ॥
তদস্মিন্ কার্যনির্য়োগে বীরৈবং দুরতিক্রমে ।
কিং পশ্যসি সমাধানং ব্রূহি কার্যবিদাং বরঃ ॥ 10 ॥
কামমস্য় ত্বমেবৈকঃ কার্যস্য় পরিসাধনে ।
পর্য়াপ্তঃ পরবীরঘ্ন যশস্যস্তে বলোদয়ঃ ॥ 11 ॥
বলৈ স্সমগ্রৈর্যদি মাং হত্বা রাবণমাহবে ।
বিজয়ী স্বাং পুরীং রামো নয়েত্তত্স্য়াদ্যশস্করম্ ॥ 12 ॥
যথাঽহং তস্য় বীরস্য় বনাদুপধিনা হৃতা ।
রক্ষসা তদ্ভয়াদেব তথা নার্হতি রাঘবঃ ॥ 13 ॥
বলৈস্তু সংকুলাং কৃত্বা লংকাং পরবলার্দনঃ ।
মাং নয়েদ্যদি কাকুত্স্থস্তত্তস্য় সদৃশং ভবেত্ ॥ 14 ॥
তদ্যথা তস্য় বিক্রাংতমনুরূপং মহাত্মনঃ ।
ভবেদাহবশূরস্য় তথা ত্বমুপপাদয় ॥ 15 ॥
তদর্থোপহিতং বাক্য়ং প্রশ্রিতং হেতুসংহিতম্ ।
নিশম্য়াহং তত শ্শেষং বাক্যমুত্তরমব্রুবম্ ॥ 16 ॥
দেবি হর্য়ৃক্ষসৈন্য়ানামীশ্বরঃ প্লবতাং বরঃ ।
সুগ্রীবস্সত্ত্বসংপন্নস্তবার্থে কৃতনিশ্চয়ঃ ॥ 17 ॥
তস্য় বিক্রমসংপন্নাস্সত্ত্ববংতো মহাবলাঃ ।
মন স্সংকল্পসংপাতা নিদেশে হরয়ঃ স্থিতাঃ ॥ 18 ॥
যেষাং নোপরি নাধস্তান্ন তির্যক্সজ্জতে গতিঃ ।
ন চ কর্মসু সীদংতি মহত্স্বমিততেজসঃ ॥ 19 ॥
অসকৃত্তৈর্মহাভাগৈর্বানরৈর্বলদর্পিতৈঃ ।
প্রদক্ষিণীকৃতা ভূমির্বায়ুমার্গানুসারিভিঃ ॥ 20 ॥
মদ্বিশিষ্টাশ্চ তুল্য়াশ্চ সংতি তত্র বনৌকসঃ ।
মত্তঃ প্রত্যবরঃ কশ্চিন্নাস্তি সুগ্রীবসন্নিধৌ ॥ 21 ॥
অহং তাবদিহ প্রাপ্তঃ কিং পুনস্তে মহাবলাঃ ।
ন হি প্রকৃষ্টাঃ প্রেত্য়ংতে প্রেষ্য়ংতে হীতরে জনাঃ ॥ 22 ॥
তদলং পরিতাপেন দেবি মন্য়ুর্ব্যপৈতু তে ।
একোত্পাতেন তে লংকামেষ্য়ংতি হরিয়ূথপাঃ ॥ 23 ॥
মম পৃষ্ঠগতৌ তৌ চ চংদ্রসূর্য়াবিবোদিতৌ ।
ত্বত্সকাশং মহাভাগে নৃসিংহাবাগমিষ্যতঃ ॥ 24 ॥
অরিঘ্নং সিংহসংকাশং ক্ষিপ্রং দ্রক্ষ্যসি রাঘবম্ ।
লক্ষ্মণং চ ধনুষ্পাণিং লংকাদ্বারমুপস্থিতম্ ॥ 25 ॥
নখদংষ্ট্রায়ুধান্ বীরান্ সিংহশার্দূলবিক্রমান্ ।
বানরান্বারণোংদ্রাভান্ ক্ষিপ্রং দ্রক্ষসি সংগতান্ ॥ 26 ॥
শৈলাংবুদনিকাশানাং লংকামলযসানুষু ।
নর্দতাং কপিমুখ্য়ানামচিরাচ্ছ্রোষ্যসি স্বনম্ ॥ 27 ॥
নিবৃত্তবনবাসং চ ত্বয়া সার্ধমরিংদমম্ ।
অভিষিক্তময়োধ্য়ায়াং ক্ষিপ্রং দ্রক্ষ্যসি রাঘবম্ ॥ 28 ॥
ততো ময়া বাগ্ভিরদীনভাষিণা শিবাভিরিষ্টাভিরভিপ্রসাদিতা ।
জগাম শাংতিং মম মৈথিলাত্মজা তবাপি শোকেন তদাভিপীডিতা ॥ 29 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে সুংদরকাংডে অষ্টষষ্টিতমস্সর্গঃ ॥
