শ্রীমদ্বাল্মীকীয় রামাযণে বালকাংডম্ ।
অথ চতুর্দশস্সর্গঃ ।
অথ সংবত্সরে পূর্ণে তস্মিন্প্রাপ্তে তুরংগমে ।
সরয়্বাশ্চোত্তরে তীরে রাজ্ঞো যজ্ঞোঽভ্যবর্তত ॥ 1 ॥
ঋশ্যশৃংগং পুরস্কৃত্য় কর্ম চক্রুর্দ্বিজর্ষভাঃ ।
অশ্বমেধে মহাযজ্ঞে রাজ্ঞোঽস্য় সুমহাত্মনঃ ॥ 2 ॥
কর্ম কুর্বংতি বিধিবদ্য়াজকা বেদপারগাঃ ।
যথাবিধি যথান্য়ায়ং পরিক্রামংতি শাস্ত্রতঃ ॥ 3 ॥
প্রবর্গ্য়ং শাস্ত্রতঃ কৃত্বা তথৈবোপসদং দ্বিজাঃ চক্রুশ্চ বিধিবত্সর্বমধিকং কর্ম শাস্ত্রতঃ ॥ 4 ॥
অভিপূজ্য় ততো হৃষ্টাস্সর্বে চক্রুর্যথাবিধি ।
প্রাতস্সবনপূর্বাণি কর্মাণি মুনিপুংগবাঃ ॥ 5 ॥
ঐংদ্রশ্চ বিধিবদ্দত্তো রাজা চাভিষুতোঽনঘঃ ।
মাধ্য়ংদিনং চ সবনং প্রাবর্তত যথাক্রমম্ ॥ 6 ॥
তৃতীযসবনং চৈব রাজ্ঞোঽস্য় সুমহাত্মনঃ ।
চক্রুস্তেশাস্ত্রতো দৃষ্ট্বা তথা ব্রাহ্মণপুংগবাঃ ॥ 7 ॥
ন চাহুতমভূত্তত্র স্খলিতং বাপি কিংচন ।
দৃশ্যতে ব্রহ্মবত্সর্বং ক্ষেময়ুক্তং হি চক্রিরে ॥ 8 ॥
ন তেষ্বহস্সু শ্রাংতো বা ক্ষুধিতো বাপি দৃশ্যতে ।
নাবিদ্বান্ব্রাহ্মণস্তত্র নাশতানুচরস্তথা ॥ 9 ॥
ব্রাহ্মণা ভুংজতে নিত্য়ং নাথবংতশ্চ ভুংজতে ।
তাপসা ভুংজতে চাপি শ্রমণা ভুংজতেতথা ॥ 10 ॥
বৃদ্ধাশ্চ ব্য়াধিতাশ্চৈব স্ত্রিয়ো বালাস্তথৈব চ ।
অনিশং ভুংজমানানাং ন তৃপ্তিরুপলভ্যতে ॥ 11 ॥
দীযতাং দীযতামন্নং বাসাংসি বিবিধানি চ ।
ইতি সংচোদিতাস্তত্র তথা চক্রুরনেকশঃ ॥ 12 ॥
অন্নকূটাশ্চ বহবো দৃশ্য়ংতে পর্বতোপমাঃ ।
দিবসে দিবসে তত্র সিদ্ধস্য় বিধিবত্তদা ॥ 13 ॥
নানাদেশাদনুপ্রাপ্তাঃ পুরুষাস্স্ত্রীগণাস্তথা ।
অন্নপানৈস্সুবিহিতাস্তস্মিন্যজ্ঞে মহাত্মনঃ ॥ 14 ॥
অন্নং হি বিধিবত্সাধু প্রশংসংতি দ্বিজর্ষভাঃ ।
অহো তৃপ্তাঃ স্ম ভদ্রং তে ইতি শুশ্রাব রাঘবঃ ॥ 15 ॥
স্বলংকৃতাশ্চ পুরুষা ব্রাহ্মণান্পর্যবেষযন্ ।
উপাসতে চ তানন্য়ে সুমৃষ্টমণিকুংডলাঃ ॥ 16 ॥
কর্মাংতরে তদা বিপ্রা হেতুবাদান্বহূনপি ।
প্রাহুশ্চ বাগ্মিনো ধীরাঃ পরস্পরজিগীষয়া ॥ 17 ॥
দিবসে দিবসে তত্র সংস্তরে কুশলা দ্বিজাঃ ।
সর্বকর্মাণি চক্রুস্তে যথাশাস্ত্রং প্রচোদিতাঃ ॥ 18 ॥
নাষডংগবিদত্রাসীন্নাব্রতো নাবহুশ্রুতঃ ।
সদস্য়াস্তস্য় বৈ রাজ্ঞো নাবাদকুশলা দ্বিজাঃ ॥ 19 ॥
প্রাপ্তে যূপোচ্ছ্রয়ে তস্মিন্ষড্বৈল্বাঃ খাদিরাস্তথা ।
তাবংতো বিল্বসহিতাঃ পর্ণিনশ্চ তথাপরে ॥ 20 ॥
শ্লেষ্মাতকমযস্ত্বেকো দেবদারুমযস্তথা ।
দ্বাবেব বিহিতৌ তত্র বাহুব্যস্তপরিগ্রহৌ ॥ 21 ॥
প্রাপ্তে যূপোচ্ছ্রয়ে তস্মিন্ষড্বৈল্বাঃ খাদিরাস্তথা ।
তাবংতো বিল্বসহিতাঃ পর্ণিনশ্চ তথাপরে ॥ 22 ॥
শ্লেষ্মাতকমযস্ত্বেকো দেবদারুমযস্তথা ।
দ্বাবেব বিহিতৌ তত্র বাহুব্যস্তপরিগ্রহৌ ॥ 23 ॥
কারিতাস্সর্ব এবৈতে শাস্ত্রজ্ঞৈর্যজ্ঞকোবিদৈঃ ।
শোভার্থং তস্য় যজ্ঞস্য় কাংচনালংকৃতাঽভবন্ ॥ 24 ॥
একবিংশতিয়ূপাস্তে একবিংশত্যরত্নয়ঃ ।
বাসোভিরেকবিংশদ্ভিরেকৈকং সমলংকৃতাঃ ॥ 25 ॥
বিন্যস্তা বিধিবত্সর্বে শিল্পিভিস্সুকৃতা দৃঢাঃ ।
অষ্টাশ্রযস্সর্ব এব শ্লক্ষ্ণরূপসমন্বিতাঃ ॥ 26 ॥
আচ্ছাদিতাস্তে বাসোভিঃ পুষ্পৈর্গংধৈশ্চ ভূষিতাঃ ।
সপ্তর্ষয়ো দীপ্তিমংতো বিরাজংতে যথা দিবি ॥ 27 ॥
ইষ্টকাশ্চ যথান্য়ায়ং কারিতাশ্চ প্রমাণতঃ ।
চিতোঽগ্নির্ব্রাহ্মণৈস্তত্র কুশলৈশ্শুল্বকর্মণি ॥ 28 ॥
সচিত্য়ো রাজসিংহস্য় সংচিতঃ কুশলৈর্দ্বিজৈঃ ।
গরুডো রুক্মপক্ষো বৈ ত্রিগুণোঽষ্টাদশাত্মকঃ ॥ 29 ॥
নিয়ুক্তাস্তত্র পশবস্তত্তদুদ্দিশ্য় দৈবতম্ ।
উরগাঃ পক্ষিণশ্চৈব যথাশাস্ত্রং প্রচোদিতাঃ ॥ 30 ॥
শামিত্রে তু হযস্তত্র তথা জলচরাশ্চ যে ।
ঋত্বিগ্ভিস্সর্বমেবৈতন্নিয়ুক্তং শাস্ত্রতস্তদা ॥ 31 ॥
পশূনাং ত্রিশতং তত্র যূপেষু নিযতং তদা ।
অশ্বরত্নোত্তমং তস্য় রাজ্ঞো দশরথস্য় চ ॥ 32 ॥
কৌসল্য়া তং হয়ং তত্র পরিচর্য় সমংততঃ ।
কৃপাণৈর্বিশশাসৈনং ত্রিভিঃ পরময়া মুদা ॥ 33 ॥
পতত্রিণা তদা সার্ধং সুস্থিতেন চ চেতসা ।
অবসদ্রজনীমেকাং কৌশল্য়া ধর্মকাম্যয়া ॥ 34 ॥
হোতাঽধ্বর্য়ুস্তথোদ্গাতা হস্তেন সময়োজযন্ ।
মহিষ্য়া পরিবৃত্ত্য়া চ বাবাতাং চ তথাপরাম্ ॥ 35 ॥
পতত্রিণস্তস্য় বপা মুদ্ধৃত্য় নিযতেংদ্রিয়ঃ ।
ঋত্বিক্পরমসংপন্নঃ শ্রপয়ামাস শাস্ত্রতঃ ॥ 36 ॥
ধূমগংধং বপায়াস্তু জিঘ্রতি স্ম নরাধিপঃ ।
যথাকালং যথান্য়ায়ং নির্ণুদন্পাপমাত্মনঃ ॥ 37 ॥
হযস্য় যানি চাংগানি তানি সর্বাণি ব্রাহ্মণাঃ ।
অগ্নৌ প্রাস্য়ংতি বিধিবত্সমংত্রাষ্ষোডশর্ত্বিজঃ ॥ 38 ॥
প্লক্ষশাখাসু যজ্ঞানামন্য়েষাং ক্রিযতে হবিঃ ।
অশ্বমেধস্য় যজ্ঞস্য় বৈতসো ভাগ ইষ্যতে ॥ 39 ॥
ত্র্যহোঽশ্বমেধস্সংখ্য়াতঃ কল্পসূত্রেণ ব্রাহ্মণৈঃ ।
37 চতুষ্টোমমহস্তস্য় প্রথমং পরিকল্পিতম্ ॥ 40 ॥
উক্থ্য়ং দ্বিতীয়ং সংখ্য়াতমতিরাত্রং তথোত্তরম্ ।
কারিতাস্তত্র বহবো বিহিতাশ্শাস্ত্রদর্শনাত্ ॥ 41 ॥
জ্য়োতিষ্টোমায়ুষী চৈবমতিরাত্রৌ বিনির্মিতৌ ।
অভিজিদ্বিশ্বজিচ্চৈবমপ্তোর্য়ামো মহাক্রতুঃ ॥ 42 ॥
প্রাচীং হোত্রে দদৌ রাজা দিশং স্বকুলবর্ধনঃ ।
অধ্বর্যবে প্রতীচীং তু ব্রহ্মণে দক্ষিণাং দিশম্ ॥ 43 ॥
উদ্গাত্রে চ তথোদীচীং দক্ষিণৈষা বিনির্মিতা ।
হযমেধে মহাযজ্ঞে স্বয়ংভূবিহিতে পুরা ॥ 44 ॥
ক্রতুং সমাপ্য় তু তদা ন্য়াযতঃ পুরুষর্ষভঃ ।
ঋত্বিগ্ভ্য়ো হি দদৌ রাজা তাং ধরাং কুলবর্ধনঃ ॥ 45 ॥
ঋত্বিজস্ত্বব্রুবন্সর্বে রাজানং গতকল্মষম্ ।
ভবানেব মহীং কৃত্স্নামেকো রক্ষিতুমর্হতি ॥ 46 ॥
ন ভূম্য়া কার্যমস্মাকং ন হি শক্তাস্স্ম পালনে ।
রতাস্স্বাধ্য়াযকরণে বয়ং নিত্য়ং হি ভূমিপ ॥ 47 ॥
নিষ্ক্রয়ং কিংচিদেবেহ প্রযচ্ছতু ভবানিতি ।
4 মণিরত্নং সুবর্ণং বা গাবো যদ্বা সমুদ্যতম্ ।
তত্প্রযচ্ছ নরশ্রেষ্ঠ ধরণ্য়া ন প্রয়োজনম্ ॥ 48 ॥
এবমুক্তো নরপতির্ব্রাহ্মণৈর্বেদপারগৈঃ ॥ 49 ॥
গবাং শতসহস্রাণি দশ তেভ্য়ো দদৌ নৃপঃ ।
4 শতকোটীস্সুবর্ণস্য় রজতস্য় চতুর্গুণম্ ॥ 50 ॥
ঋত্বিজশ্চ ততস্সর্বে প্রদদুস্সহিতা বসু ।
ঋশ্যশৃংগায় মুনয়ে বসিষ্ঠায় চ ধীমতে ॥ 51 ॥
ততস্তে ন্য়াযতঃ কৃত্বা প্রবিভাগং দ্বিজোত্তমাঃ ।
সুপ্রীতমনসস্সর্বে প্রত্য়ূচুর্মুদিতা ভৃশম্ ॥ 52 ॥
ততঃ প্রসর্পকৈভ্যস্তু হিরণ্য়ং সুসমাহিতঃ ।
জাংবূনদং কোটিসংখ্য়ং ব্রাহ্মণেভ্য়ো দদৌ তদা ॥ 53 ॥
দরিদ্রায় দ্বিজায়াথ হস্তাভরণমুত্তমম্ ।
কস্মৈচিদ্য়াচমানায় দদৌ রাঘবনংদনঃ ॥ 54 ॥
ততঃ প্রীতেষু নৃপতির্দ্বিজেষু দ্বিজবত্সলঃ ।
প্রণামমকরোত্তেষাং হর্ষপর্য়াকুলেক্ষণঃ ॥ 55 ॥
তস্য়াশিষোঽথ বিধিবদ্ব্রাহ্মণৈস্সমুদীরিতাঃ ।
উদারস্য় নৃবীরস্য় ধরণ্য়াং প্রণতস্য় চ ॥ 56 ॥
ততঃ প্রীতমনা রাজা প্রাপ্য় যজ্ঞমনুত্তমম্ ।
পাপাপহং স্বর্নযনং দুষ্করং পার্থিবর্ষভৈঃ ॥ 57 ॥
ততোঽব্রবীদৃশ্যশৃংগং রাজা দশরথস্তদা ।
কুলস্য় বর্ধনং ত্বং তু কর্তুমর্হসি সুব্রত ॥ 58 ॥
তথেতি চ স রাজানমুবাচ দ্বিজসত্তমঃ ।
ভবিষ্য়ংতি সুতা রাজংশ্চত্বারস্তে কুলোদ্বহাঃ ॥ 59 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে চতুর্দশস্সর্গঃ ॥
