ஶ்ரீமத்³வால்மீகீய ராமாயணே பா³லகாண்ட³ம் ।
அத² சதுர்த³ஶஸ்ஸர்க:³ ।
அத² ஸம்வத்ஸரே பூர்ணே தஸ்மின்ப்ராப்தே துரங்க³மே ।
ஸரய்வாஶ்சோத்தரே தீரே ராஜ்ஞோ யஜ்ஞோப்⁴யவர்தத ॥ 1 ॥
ருஶ்யஶ்ருங்க³ம் புரஸ்க்ருத்ய கர்ம சக்ருர்த்³விஜர்ஷபா⁴: ।
அஶ்வமேதே⁴ மஹாயஜ்ஞே ராஜ்ஞோஸ்ய ஸுமஹாத்மன: ॥ 2 ॥
கர்ம குர்வந்தி விதி⁴வத்³யாஜகா வேத³பாரகா³: ।
யதா²விதி⁴ யதா²ன்யாயம் பரிக்ராமந்தி ஶாஸ்த்ரத: ॥ 3 ॥
ப்ரவர்க்³யம் ஶாஸ்த்ரத: க்ருத்வா ததை²வோபஸத³ம் த்³விஜா: சக்ருஶ்ச விதி⁴வத்ஸர்வமதி⁴கம் கர்ம ஶாஸ்த்ரத: ॥ 4 ॥
அபி⁴பூஜ்ய ததோ ஹ்ருஷ்டாஸ்ஸர்வே சக்ருர்யதா²விதி⁴ ।
ப்ராதஸ்ஸவனபூர்வாணி கர்மாணி முனிபுங்க³வா: ॥ 5 ॥
ஐந்த்³ரஶ்ச விதி⁴வத்³த³த்தோ ராஜா சாபி⁴ஷுதோனக:⁴ ।
மாத்⁴யந்தி³னம் ச ஸவனம் ப்ராவர்தத யதா²க்ரமம் ॥ 6 ॥
த்ருதீயஸவனம் சைவ ராஜ்ஞோஸ்ய ஸுமஹாத்மன: ।
சக்ருஸ்தேஶாஸ்த்ரதோ த்³ருஷ்ட்வா ததா² ப்³ராஹ்மணபுங்க³வா: ॥ 7 ॥
ந சாஹுதமபூ⁴த்தத்ர ஸ்க²லிதம் வாபி கிஞ்சன ।
த்³ருஶ்யதே ப்³ரஹ்மவத்ஸர்வம் க்ஷேமயுக்தம் ஹி சக்ரிரே ॥ 8 ॥
ந தேஷ்வஹஸ்ஸு ஶ்ராந்தோ வா க்ஷுதி⁴தோ வாபி த்³ருஶ்யதே ।
நாவித்³வான்ப்³ராஹ்மணஸ்தத்ர நாஶதானுசரஸ்ததா² ॥ 9 ॥
ப்³ராஹ்மணா பு⁴ஞ்ஜதே நித்யம் நாத²வந்தஶ்ச பு⁴ஞ்ஜதே ।
தாபஸா பு⁴ஞ்ஜதே சாபி ஶ்ரமணா பு⁴ஞ்ஜதேததா² ॥ 1௦ ॥
வ்ருத்³தா⁴ஶ்ச வ்யாதி⁴தாஶ்சைவ ஸ்த்ரியோ பா³லாஸ்ததை²வ ச ।
அனிஶம் பு⁴ஞ்ஜமானானாம் ந த்ருப்திருபலப்⁴யதே ॥ 11 ॥
தீ³யதாம் தீ³யதாமன்னம் வாஸாம்ஸி விவிதா⁴னி ச ।
இதி ஸஞ்சோதி³தாஸ்தத்ர ததா² சக்ருரனேகஶ: ॥ 12 ॥
அன்னகூடாஶ்ச ப³ஹவோ த்³ருஶ்யந்தே பர்வதோபமா: ।
தி³வஸே தி³வஸே தத்ர ஸித்³த⁴ஸ்ய விதி⁴வத்ததா³ ॥ 13 ॥
நானாதே³ஶாத³னுப்ராப்தா: புருஷாஸ்ஸ்த்ரீக³ணாஸ்ததா² ।
அன்னபானைஸ்ஸுவிஹிதாஸ்தஸ்மின்யஜ்ஞே மஹாத்மன: ॥ 14 ॥
அன்னம் ஹி விதி⁴வத்ஸாது⁴ ப்ரஶம்ஸந்தி த்³விஜர்ஷபா⁴: ।
அஹோ த்ருப்தா: ஸ்ம ப⁴த்³ரம் தே இதி ஶுஶ்ராவ ராக⁴வ: ॥ 15 ॥
ஸ்வலங்க்ருதாஶ்ச புருஷா ப்³ராஹ்மணான்பர்யவேஷயன் ।
உபாஸதே ச தானந்யே ஸும்ருஷ்டமணிகுண்ட³லா: ॥ 16 ॥
கர்மாந்தரே ததா³ விப்ரா ஹேதுவாதா³ன்ப³ஹூனபி ।
ப்ராஹுஶ்ச வாக்³மினோ தீ⁴ரா: பரஸ்பரஜிகீ³ஷயா ॥ 17 ॥
தி³வஸே தி³வஸே தத்ர ஸம்ஸ்தரே குஶலா த்³விஜா: ।
ஸர்வகர்மாணி சக்ருஸ்தே யதா²ஶாஸ்த்ரம் ப்ரசோதி³தா: ॥ 18 ॥
நாஷட³ங்க³வித³த்ராஸீன்னாவ்ரதோ நாப³ஹுஶ்ருத: ।
ஸத³ஸ்யாஸ்தஸ்ய வை ராஜ்ஞோ நாவாத³குஶலா த்³விஜா: ॥ 19 ॥
ப்ராப்தே யூபோச்ச்²ரயே தஸ்மின்ஷட்³பை³ல்வா: கா²தி³ராஸ்ததா² ।
தாவந்தோ பி³ல்வஸஹிதா: பர்ணினஶ்ச ததா²பரே ॥ 2௦ ॥
ஶ்லேஷ்மாதகமயஸ்த்வேகோ தே³வதா³ருமயஸ்ததா² ।
த்³வாவேவ விஹிதௌ தத்ர பா³ஹுவ்யஸ்தபரிக்³ரஹௌ ॥ 21 ॥
ப்ராப்தே யூபோச்ச்²ரயே தஸ்மின்ஷட்³பை³ல்வா: கா²தி³ராஸ்ததா² ।
தாவந்தோ பி³ல்வஸஹிதா: பர்ணினஶ்ச ததா²பரே ॥ 22 ॥
ஶ்லேஷ்மாதகமயஸ்த்வேகோ தே³வதா³ருமயஸ்ததா² ।
த்³வாவேவ விஹிதௌ தத்ர பா³ஹுவ்யஸ்தபரிக்³ரஹௌ ॥ 23 ॥
காரிதாஸ்ஸர்வ ஏவைதே ஶாஸ்த்ரஜ்ஞைர்யஜ்ஞகோவிதை³: ।
ஶோபா⁴ர்த²ம் தஸ்ய யஜ்ஞஸ்ய காஞ்சனாலங்க்ருதாப⁴வன் ॥ 24 ॥
ஏகவிம்ஶதியூபாஸ்தே ஏகவிம்ஶத்யரத்னய: ।
வாஸோபி⁴ரேகவிம்ஶத்³பி⁴ரேகைகம் ஸமலங்க்ருதா: ॥ 25 ॥
வின்யஸ்தா விதி⁴வத்ஸர்வே ஶில்பிபி⁴ஸ்ஸுக்ருதா த்³ருடா⁴: ।
அஷ்டாஶ்ரயஸ்ஸர்வ ஏவ ஶ்லக்ஷ்ணரூபஸமன்விதா: ॥ 26 ॥
ஆச்சா²தி³தாஸ்தே வாஸோபி⁴: புஷ்பைர்க³ந்தை⁴ஶ்ச பூ⁴ஷிதா: ।
ஸப்தர்ஷயோ தீ³ப்திமந்தோ விராஜந்தே யதா² தி³வி ॥ 27 ॥
இஷ்டகாஶ்ச யதா²ன்யாயம் காரிதாஶ்ச ப்ரமாணத: ।
சிதோக்³னிர்ப்³ராஹ்மணைஸ்தத்ர குஶலைஶ்ஶுல்ப³கர்மணி ॥ 28 ॥
ஸசித்யோ ராஜஸிம்ஹஸ்ய ஸஞ்சித: குஶலைர்த்³விஜை: ।
க³ருடோ³ ருக்மபக்ஷோ வை த்ரிகு³ணோஷ்டாத³ஶாத்மக: ॥ 29 ॥
நியுக்தாஸ்தத்ர பஶவஸ்தத்தது³த்³தி³ஶ்ய தை³வதம் ।
உரகா³: பக்ஷிணஶ்சைவ யதா²ஶாஸ்த்ரம் ப்ரசோதி³தா: ॥ 3௦ ॥
ஶாமித்ரே து ஹயஸ்தத்ர ததா² ஜலசராஶ்ச யே ।
ருத்விக்³பி⁴ஸ்ஸர்வமேவைதன்னியுக்தம் ஶாஸ்த்ரதஸ்ததா³ ॥ 31 ॥
பஶூனாம் த்ரிஶதம் தத்ர யூபேஷு நியதம் ததா³ ।
அஶ்வரத்னோத்தமம் தஸ்ய ராஜ்ஞோ த³ஶரத²ஸ்ய ச ॥ 32 ॥
கௌஸல்யா தம் ஹயம் தத்ர பரிசர்ய ஸமந்தத: ।
க்ருபாணைர்விஶஶாஸைனம் த்ரிபி⁴: பரமயா முதா³ ॥ 33 ॥
பதத்ரிணா ததா³ ஸார்த⁴ம் ஸுஸ்தி²தேன ச சேதஸா ।
அவஸத்³ரஜனீமேகாம் கௌஶல்யா த⁴ர்மகாம்யயா ॥ 34 ॥
ஹோதாத்⁴வர்யுஸ்ததோ²த்³கா³தா ஹஸ்தேன ஸமயோஜயன் ।
மஹிஷ்யா பரிவ்ருத்த்யா ச வாவாதாம் ச ததா²பராம் ॥ 35 ॥
பதத்ரிணஸ்தஸ்ய வபா முத்³த்⁴ருத்ய நியதேந்த்³ரிய: ।
ருத்விக்பரமஸம்பன்ன: ஶ்ரபயாமாஸ ஶாஸ்த்ரத: ॥ 36 ॥
தூ⁴மக³ந்த⁴ம் வபாயாஸ்து ஜிக்⁴ரதி ஸ்ம நராதி⁴ப: ।
யதா²காலம் யதா²ன்யாயம் நிர்ணுத³ன்பாபமாத்மன: ॥ 37 ॥
ஹயஸ்ய யானி சாங்கா³னி தானி ஸர்வாணி ப்³ராஹ்மணா: ।
அக்³னௌ ப்ராஸ்யந்தி விதி⁴வத்ஸமந்த்ராஷ்ஷோட³ஶர்த்விஜ: ॥ 38 ॥
ப்லக்ஷஶாகா²ஸு யஜ்ஞானாமன்யேஷாம் க்ரியதே ஹவி: ।
அஶ்வமேத⁴ஸ்ய யஜ்ஞஸ்ய வைதஸோ பா⁴க³ இஷ்யதே ॥ 39 ॥
த்ர்யஹோஶ்வமேத⁴ஸ்ஸங்க்²யாத: கல்பஸூத்ரேண ப்³ராஹ்மணை: ।
37 சதுஷ்டோமமஹஸ்தஸ்ய ப்ரத²மம் பரிகல்பிதம் ॥ 4௦ ॥
உக்த்²யம் த்³விதீயம் ஸங்க்³யாதமதிராத்ரம் ததோ²த்தரம் ।
காரிதாஸ்தத்ர ப³ஹவோ விஹிதாஶ்ஶாஸ்த்ரத³ர்ஶனாத் ॥ 41 ॥
ஜ்யோதிஷ்டோமாயுஷீ சைவமதிராத்ரௌ வினிர்மிதௌ ।
அபி⁴ஜித்³விஶ்வஜிச்சைவமப்தோர்யாமோ மஹாக்ரது: ॥ 42 ॥
ப்ராசீம் ஹோத்ரே த³தௌ³ ராஜா தி³ஶம் ஸ்வகுலவர்த⁴ன: ।
அத்⁴வர்யவே ப்ரதீசீம் து ப்³ரஹ்மணே த³க்ஷிணாம் தி³ஶம் ॥ 43 ॥
உத்³கா³த்ரே ச ததோ²தீ³சீம் த³க்ஷிணைஷா வினிர்மிதா ।
ஹயமேதே⁴ மஹாயஜ்ஞே ஸ்வயம்பூ⁴விஹிதே புரா ॥ 44 ॥
க்ரதும் ஸமாப்ய து ததா³ ந்யாயத: புருஷர்ஷப:⁴ ।
ருத்விக்³ப்⁴யோ ஹி த³தௌ³ ராஜா தாம் த⁴ராம் குலவர்த⁴ன: ॥ 45 ॥
ருத்விஜஸ்த்வப்³ருவன்ஸர்வே ராஜானம் க³தகல்மஷம் ।
ப⁴வானேவ மஹீம் க்ருத்ஸ்னாமேகோ ரக்ஷிதுமர்ஹதி ॥ 46 ॥
ந பூ⁴ம்யா கார்யமஸ்மாகம் ந ஹி ஶக்தாஸ்ஸ்ம பாலனே ।
ரதாஸ்ஸ்வாத்⁴யாயகரணே வயம் நித்யம் ஹி பூ⁴மிப ॥ 47 ॥
நிஷ்க்ரயம் கிஞ்சிதே³வேஹ ப்ரயச்ச²து ப⁴வானிதி ।
4 மணிரத்னம் ஸுவர்ணம் வா கா³வோ யத்³வா ஸமுத்³யதம் ।
தத்ப்ரயச்ச² நரஶ்ரேஷ்ட² த⁴ரண்யா ந ப்ரயோஜனம் ॥ 48 ॥
ஏவமுக்தோ நரபதிர்ப்³ராஹ்மணைர்வேத³பாரகை³: ॥ 49 ॥
க³வாம் ஶதஸஹஸ்ராணி த³ஶ தேப்⁴யோ த³தௌ³ ந்ருப: ।
4 ஶதகோடீஸ்ஸுவர்ணஸ்ய ரஜதஸ்ய சதுர்கு³ணம் ॥ 5௦ ॥
ருத்விஜஶ்ச ததஸ்ஸர்வே ப்ரத³து³ஸ்ஸஹிதா வஸு ।
ருஶ்யஶ்ருங்கா³ய முனயே வஸிஷ்டா²ய ச தீ⁴மதே ॥ 51 ॥
ததஸ்தே ந்யாயத: க்ருத்வா ப்ரவிபா⁴க³ம் த்³விஜோத்தமா: ।
ஸுப்ரீதமனஸஸ்ஸர்வே ப்ரத்யூசுர்முதி³தா ப்⁴ருஶம் ॥ 52 ॥
தத: ப்ரஸர்பகைப்⁴யஸ்து ஹிரண்யம் ஸுஸமாஹித: ।
ஜாம்பூ³னத³ம் கோடிஸங்க்³யம் ப்³ராஹ்மணேப்⁴யோ த³தௌ³ ததா³ ॥ 53 ॥
த³ரித்³ராய த்³விஜாயாத² ஹஸ்தாப⁴ரணமுத்தமம் ।
கஸ்மைசித்³யாசமானாய த³தௌ³ ராக⁴வனந்த³ன: ॥ 54 ॥
தத: ப்ரீதேஷு ந்ருபதிர்த்³விஜேஷு த்³விஜவத்ஸல: ।
ப்ரணாமமகரோத்தேஷாம் ஹர்ஷபர்யாகுலேக்ஷண: ॥ 55 ॥
தஸ்யாஶிஷோத² விதி⁴வத்³ப்³ராஹ்மணைஸ்ஸமுதீ³ரிதா: ।
உதா³ரஸ்ய ந்ருவீரஸ்ய த⁴ரண்யாம் ப்ரணதஸ்ய ச ॥ 56 ॥
தத: ப்ரீதமனா ராஜா ப்ராப்ய யஜ்ஞமனுத்தமம் ।
பாபாபஹம் ஸ்வர்னயனம் து³ஷ்கரம் பார்தி²வர்ஷபை⁴: ॥ 57 ॥
ததோப்³ரவீத்³ருஶ்யஶ்ருங்க³ம் ராஜா த³ஶரத²ஸ்ததா³ ।
குலஸ்ய வர்த⁴னம் த்வம் து கர்துமர்ஹஸி ஸுவ்ரத ॥ 58 ॥
ததே²தி ச ஸ ராஜானமுவாச த்³விஜஸத்தம: ।
ப⁴விஷ்யந்தி ஸுதா ராஜம்ஶ்சத்வாரஸ்தே குலோத்³வஹா: ॥ 59 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ சதுர்த³ஶஸ்ஸர்க:³ ॥
