ශ්රීමද්වාල්මීකීය රාමායණේ බාලකාංඩම් ।
අථ සප්තදශස්සර්ගඃ ।
පුත්රත්වං තු ගතේ විෂ්ණෞ රාජ්ඤස්තස්ය සුමහාත්මනඃ ।
උවාච දේවතාස්සර්වාස්ස්වයංභූර්භගවානිදම් ॥ 1 ॥
සත්යසංධස්ය වීරස්ය සර්වේෂාන්නෝ හිතෛෂිණඃ ।
විෂ්ණෝස්සහායාන්බලිනස්සෘජධ්වං කාමරූපිණඃ ॥ 2 ॥
මායාවිදශ්ච ශූරාංශ්ච වායුවේගසමාංජවේ ।
නයජ්ඤාන්බුද්ධිසංපන්නාන්විෂ්ණුතුල්යපරාක්රමාන් ॥ 3 ॥
අසංහාර්යානුපායජ්ඤාන් දිව්යසංහනනාන්විතාන් ।
සර්වාස්ත්රගුණසංපන්නානමෘතප්රාශනානිව ॥ 4 ॥
අප්සරස්සු ච මුඛ්යාසු ගංධර්වාණාං තනූෂු ච ।
සෘජධ්වං හරිරූපේණ පුත්රාංස්තුල්යපරාක්රමාන් ॥ 5 ॥
පූර්වමේව මයා සෘෂ්ටෝ ජාංබවානෘක්ෂපුංගවඃ ।
ජෘංභමාණස්ය සහසා මම වක්ත්රාදජායත ॥ 6 ॥
තේ තථෝක්තා භගවතා තත්ප්රතිශ්රුත්ය ශාසනම් ।
ජනයාමාසුරේවං තේ පුත්රාන්වානරරූපිණඃ ॥ 7 ॥
ඍෂයශ්ච මහාත්මානස්සිද්ධවිද්යාධරෝරගාඃ ।
චාරණාශ්ච සුතාන්වීරාන්සසෘජුර්වනචාරිණඃ ॥ 8 ॥
වානරේංද්රං මහේංද්රාභමිංද්රෝ වාලිනමූර්ජිතම් ।
සුග්රීවං ජනයාමාස තපනස්තපතාං වරඃ ॥ 9 ॥
බෘහස්පතිස්ත්වජනයත්තාරං නාම මහාහරිම් ।
සර්වවානරමුඛ්යානාං බුද්ධිමංතමනුත්තමම් ॥ 10 ॥
ධනදස්ය සුතශ්ශ්රීමාන් වානරෝ ගංධමාදනඃ ।
විශ්වකර්මාත්වජනයන්නලං නාම මහාහරිම් ॥ 11 ॥
පාවකස්ය සුතශ්ශ්රීමාන් නීලෝऽග්නිසදෘශප්රභඃ ।
තේජසා යශසා වීර්යාදත්යරිච්යත වානරාන් ॥ 12 ॥
රූපද්රවිණසංපන්නාවශ්විනෞ රූපසම්මතෞ ।
මෛංදං ච ද්විවිදං චෛව ජනයාමාසතුස්ස්වයම් ॥ 13 ॥
වරුණෝ ජනයාමාස සුෂේණං වානරර්ෂභම් ।
ශරභං ජනයාමාස පර්ජන්යස්තු මහාබලම් ॥ 14 ॥
මාරුතස්යාත්මජශ්ශ්රීමාන්හනුමාන්නාම වීර්යවාන් ।
වජ්රසංහනනෝපේතෝ වෛනතේයසමෝ ජවේ ॥ 15 ॥
තේ සෘෂ්ටා බහුසාහස්රා දශග්රීවවධේ රතාඃ ।
අප්රමේයබලා වීරා වික්රාංතාඃ කාමරූපිණඃ ॥ 16 ॥
මේරුමංදරසංකාශා වපුෂ්මංතෝ මහාබලාඃ ।
ඍක්ෂවානරගෝපුච්ඡාඃ ක්ෂිප්රමේවාභිජජ්ඤිරේ ॥ 17 ॥
යස්ය දේවස්ය යද්රූපං වේෂෝ යශ්ච පරාක්රමඃ ।
අජායත සමස්තේන තස්ය තස්ය සුතඃ පෘථක් ॥ 18 ॥
ගෝලාංගූලීෂු චෝත්පන්නාඃ කේචිත්සම්මතවික්රමාඃ ।
ඍක්ෂීෂු ච තථා ජාතා වානරාඃ කින්නරීෂු ච ॥ 19 ॥
දේවා මහර්ෂිගංධර්වාස්තාර්ක්ෂ්යා යක්ෂා යශස්විනඃ ।
නාගාඃ කිංපුරුෂාශ්චෛව සිද්ධවිද්යාධරෝරගාඃ ॥ 20 ॥
බහවෝ ජනයාමාසුර්හෘෂ්ටාස්තත්ර සහස්රශඃ ।
වානරාන්සුමහාකායාන්සර්වාන්වෛ වනචාරිණඃ ॥ 21 ॥
අප්සරස්සු ච මුඛ්යාසු තථා විද්යාධරීෂු ච ।
නාගකන්යාසු ච තථා ගංධර්වීණාං තනූෂු ච ॥ 22 ॥
කාමරූපබලෝපේතා යථාකාමං විචාරිණඃ ।
සිංහශාර්දූලසදෘශා දර්පේණ ච බලේන ච ॥ 23 ॥
ශිලාප්රහරණාස්සර්වේ සර්වේ පාදපයෝධිනඃ ॥ 24 ॥
නඛදංෂ්ට්රායුධාස්සර්වේ සර්වේ සර්වාස්ත්රකෝවිදාඃ ।
විචාලයේයුශ්ශෛලේංද්රාන්භේදයේයුස්ස්ථිරාංද්රුමාන් ।
ක්ෂෝභයේයුශ්ච වේගේන සමුද්රං සරිතාං පතිම් ॥ 25 ॥
දාරයේයුඃ ක්ෂිතිං පද්භ්යාමාප්ලවේයුර්මහාර්ණවම් ।
නභඃස්ථලං විශේයුශ්ච ගෘහ්ණීයුරපි තෝයදාන් ॥ 26 ॥
ගෘහ්ණීයුරපි මාතංගාන්මත්තාන්ප්රව්රජතෝ වනේ ।
නර්දමානාශ්ච නාදේන පාතයේයුර්විහංගමාන් ॥ 27 ॥
ඊදෘශානාං ප්රසූතානි හරීණාං කාමරූපිණාම් ।
ශතං ශතසහස්රාණි යූථපානාං මහාත්මනාම් ॥ 28 ॥
තේ ප්රධානේෂු යූථේෂු හරීණාං හරියූථපාඃ ।
බභූවුර්යූථපශ්රේෂ්ඨා වීරාංශ්චාජනයන් හරීන් ॥ 29 ॥
අන්යේ ඍක්ෂවතඃ ප්රස්ථානවතස්ථු ස්සහස්රශඃ ।
අන්යේ නානාවිධාන්ශෛලාන්භේජිරේ කානනානි ච ॥ 30 ॥
සූර්යපුත්රං ච සුග්රීවං ශක්රපුත්රං ච වාලිනම් ।
භ්රාතරාවුපතස්ථුස්තේ සර්ව ඒව හරීශ්වරාඃ ॥ 31 ॥
නලං නීලං හනූමංතමන්යාංශ්ච හරියූථපාන් ।
3 තේ තාර්ක්ෂ්යබලසංපන්නාස්සර්වේ යුද්ධවිශාරදාඃ ।
විචරංතෝऽර්දයංදර්පාත්සිංහව්යාඝ්රමහෝරගාන් ॥ 32 ॥
තාංශ්ච සර්වාන්මහාබාහුර්වාලී විපුලවික්රමඃ ।
ජුගෝප භුජවීර්යේණ ඍක්ෂගෝපුච්ඡවානරාන් ॥ 33 ॥
තෛරියං පෘථිවී ශූරෛස්සපර්වතවනාර්ණවා ।
කීර්ණා විවිධසංස්ථානෛර්නානාව්යංජනලක්ෂණෛඃ ॥ 34 ॥
තෛර්මේඝබෘංදාචලකූටකල්පෛඃ මහාබලෛර්වානරයූථපාලෛඃ ।
බභූව භූර්භීමශරීරරූපෛ ස්සමාවෘතා රාමසහායහේතෝඃ ॥ 35 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ සප්තදශස්සර්ගඃ ॥
