ஶ்ரீமத்³வால்மீகீய ராமாயணே பா³லகாண்ட³ம் ।
அத² ஸப்தத³ஶஸ்ஸர்க:³ ।
புத்ரத்வம் து க³தே விஷ்ணௌ ராஜ்ஞஸ்தஸ்ய ஸுமஹாத்மன: ।
உவாச தே³வதாஸ்ஸர்வாஸ்ஸ்வயம்பூ⁴ர்ப⁴க³வானித³ம் ॥ 1 ॥
ஸத்யஸந்த⁴ஸ்ய வீரஸ்ய ஸர்வேஷான்னோ ஹிதைஷிண: ।
விஷ்ணோஸ்ஸஹாயான்ப³லினஸ்ஸ்ருஜத்⁴வம் காமரூபிண: ॥ 2 ॥
மாயாவித³ஶ்ச ஶூராம்ஶ்ச வாயுவேக³ஸமாஞ்ஜவே ।
நயஜ்ஞான்பு³த்³தி⁴ஸம்பன்னான்விஷ்ணுதுல்யபராக்ரமான் ॥ 3 ॥
அஸம்ஹார்யானுபாயஜ்ஞான் தி³வ்யஸம்ஹனநான்விதான் ।
ஸர்வாஸ்த்ரகு³ணஸம்பன்னானம்ருதப்ராஶனானிவ ॥ 4 ॥
அப்ஸரஸ்ஸு ச முக்²யாஸு க³ந்த⁴ர்வாணாம் தனூஷு ச ।
ஸ்ருஜத்⁴வம் ஹரிரூபேண புத்ராம்ஸ்துல்யபராக்ரமான் ॥ 5 ॥
பூர்வமேவ மயா ஸ்ருஷ்டோ ஜாம்ப³வான்ருக்ஷபுங்க³வ: ।
ஜ்ரும்ப⁴மாணஸ்ய ஸஹஸா மம வக்த்ராதஜ³ாயத ॥ 6 ॥
தே ததோ²க்தா ப⁴க³வதா தத்ப்ரதிஶ்ருத்ய ஶாஸனம் ।
ஜனயாமாஸுரேவம் தே புத்ரான்வானரரூபிண: ॥ 7 ॥
ருஷயஶ்ச மஹாத்மானஸ்ஸித்³த⁴வித்³யாத⁴ரோரகா³: ।
சாரணாஶ்ச ஸுதான்வீரான்ஸஸ்ருஜுர்வனசாரிண: ॥ 8 ॥
வானரேந்த்³ரம் மஹேந்த்³ராப⁴மிந்த்³ரோ வாலினமூர்ஜிதம் ।
ஸுக்³ரீவம் ஜனயாமாஸ தபனஸ்தபதாம் வர: ॥ 9 ॥
ப்³ருஹஸ்பதிஸ்த்வஜனயத்தாரம் நாம மஹாஹரிம் ।
ஸர்வவானரமுக்²யானாம் பு³த்³தி⁴மந்தமனுத்தமம் ॥ 1௦ ॥
த⁴னத³ஸ்ய ஸுதஶ்ஶ்ரீமான் வானரோ க³ந்த⁴மாத³ன: ।
விஶ்வகர்மாத்வஜனயன்னலம் நாம மஹாஹரிம் ॥ 11 ॥
பாவகஸ்ய ஸுதஶ்ஶ்ரீமான் நீலோக்³னிஸத்³ருஶப்ரப:⁴ ।
தேஜஸா யஶஸா வீர்யாத³த்யரிச்யத வானரான் ॥ 12 ॥
ரூபத்³ரவிணஸம்பன்னாவஶ்வினௌ ரூபஸம்மதௌ ।
மைந்த³ம் ச த்³விவித³ம் சைவ ஜனயாமாஸதுஸ்ஸ்வயம் ॥ 13 ॥
வருணோ ஜனயாமாஸ ஸுஷேணம் வானரர்ஷப⁴ம் ।
ஶரப⁴ம் ஜனயாமாஸ பர்ஜன்யஸ்து மஹாப³லம் ॥ 14 ॥
மாருதஸ்யாத்மஜஶ்ஶ்ரீமான்ஹனுமான்னாம வீர்யவான் ।
வஜ்ரஸம்ஹனநோபேதோ வைனதேயஸமோ ஜவே ॥ 15 ॥
தே ஸ்ருஷ்டா ப³ஹுஸாஹஸ்ரா த³ஶக்³ரீவவதே⁴ ரதா: ।
அப்ரமேயப³லா வீரா விக்ராந்தா: காமரூபிண: ॥ 16 ॥
மேருமந்த³ரஸங்காஶா வபுஷ்மந்தோ மஹாப³லா: ।
ருக்ஷவானரகோ³புச்சா²: க்ஷிப்ரமேவாபி⁴ஜஜ்ஞிரே ॥ 17 ॥
யஸ்ய தே³வஸ்ய யத்³ரூபம் வேஷோ யஶ்ச பராக்ரம: ।
அஜாயத ஸமஸ்தேன தஸ்ய தஸ்ய ஸுத: ப்ருத²க் ॥ 18 ॥
கோ³லாங்கூ³லீஷு சோத்பன்னா: கேசித்ஸம்மதவிக்ரமா: ।
ருக்ஷீஷு ச ததா² ஜாதா வானரா: கின்னரீஷு ச ॥ 19 ॥
தே³வா மஹர்ஷிக³ந்த⁴ர்வாஸ்தார்க்ஷ்யா யக்ஷா யஶஸ்வின: ।
நாகா³: கிம்புருஷாஶ்சைவ ஸித்³த⁴வித்³யாத⁴ரோரகா³: ॥ 2௦ ॥
ப³ஹவோ ஜனயாமாஸுர்ஹ்ருஷ்டாஸ்தத்ர ஸஹஸ்ரஶ: ।
வானரான்ஸுமஹாகாயான்ஸர்வான்வை வனசாரிண: ॥ 21 ॥
அப்ஸரஸ்ஸு ச முக்²யாஸு ததா² வித்³யாத⁴ரீஷு ச ।
நாக³கன்யாஸு ச ததா² க³ந்த⁴ர்வீணாம் தனூஷு ச ॥ 22 ॥
காமரூபப³லோபேதா யதா²காமம் விசாரிண: ।
ஸிம்ஹஶார்தூ³லஸத்³ருஶா த³ர்பேண ச ப³லேன ச ॥ 23 ॥
ஶிலாப்ரஹரணாஸ்ஸர்வே ஸர்வே பாத³பயோதி⁴ன: ॥ 24 ॥
நக²த³ம்ஷ்ட்ராயுதா⁴ஸ்ஸர்வே ஸர்வே ஸர்வாஸ்த்ரகோவிதா³: ।
விசாலயேயுஶ்ஶைலேந்த்³ரான்பே⁴த³யேயுஸ்ஸ்தி²ராந்த்³ருமான் ।
க்ஷோப⁴யேயுஶ்ச வேகே³ன ஸமுத்³ரம் ஸரிதாம் பதிம் ॥ 25 ॥
தா³ரயேயு: க்ஷிதிம் பத்³ப்⁴யாமாப்லவேயுர்மஹார்ணவம் ।
நப:⁴ஸ்த²லம் விஶேயுஶ்ச க்³ருஹ்ணீயுரபி தோயதா³ன் ॥ 26 ॥
க்³ருஹ்ணீயுரபி மாதங்கா³ன்மத்தான்ப்ரவ்ரஜதோ வனே ।
நர்த³மானாஶ்ச நாதே³ன பாதயேயுர்விஹங்க³மான் ॥ 27 ॥
ஈத்³ருஶானாம் ப்ரஸூதானி ஹரீணாம் காமரூபிணாம் ।
ஶதம் ஶதஸஹஸ்ராணி யூத²பானாம் மஹாத்மனாம் ॥ 28 ॥
தே ப்ரதா⁴னேஷு யூதே²ஷு ஹரீணாம் ஹரியூத²பா: ।
ப³பூ⁴வுர்யூத²பஶ்ரேஷ்டா² வீராம்ஶ்சாஜனயன் ஹரீன் ॥ 29 ॥
அன்யே ருக்ஷவத: ப்ரஸ்தா²னவதஸ்து² ஸ்ஸஹஸ்ரஶ: ।
அன்யே நானாவிதா⁴ன்ஶைலான்பே⁴ஜிரே கானநானி ச ॥ 3௦ ॥
ஸூர்யபுத்ரம் ச ஸுக்³ரீவம் ஶக்ரபுத்ரம் ச வாலினம் ।
ப்⁴ராதராவுபதஸ்து²ஸ்தே ஸர்வ ஏவ ஹரீஶ்வரா: ॥ 31 ॥
நலம் நீலம் ஹனூமந்தமன்யாம்ஶ்ச ஹரியூத²பான் ।
3 தே தார்க்ஷ்யப³லஸம்பன்னாஸ்ஸர்வே யுத்³த⁴விஶாரதா³: ।
விசரந்தோர்த³யந்த³ர்பாத்ஸிம்ஹவ்யாக்⁴ரமஹோரகா³ன் ॥ 32 ॥
தாம்ஶ்ச ஸர்வான்மஹாபா³ஹுர்வாலீ விபுலவிக்ரம: ।
ஜுகோ³ப பு⁴ஜவீர்யேண ருக்ஷகோ³புச்ச²வானரான் ॥ 33 ॥
தைரியம் ப்ருதி²வீ ஶூரைஸ்ஸபர்வதவனார்ணவா ।
கீர்ணா விவித⁴ஸம்ஸ்தா²னைர்னானாவ்யஞ்ஜனலக்ஷணை: ॥ 34 ॥
தைர்மேக⁴ப்³ருந்தா³சலகூடகல்பை: மஹாப³லைர்வானரயூத²பாலை: ।
ப³பூ⁴வ பூ⁴ர்பீ⁴மஶரீரரூபை ஸ்ஸமாவ்ருதா ராமஸஹாயஹேதோ: ॥ 35 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஸப்தத³ஶஸ்ஸர்க:³ ॥
