ஶ்ரீமத்³வால்மீகீய ராமாயணே பா³லகாண்ட³ம் ।
அத² ஷட்த்ரிம்ஶஸ்ஸர்க:³ ।
உக்தவாக்யே முனௌ தஸ்மின்னுபௌ⁴ ராக⁴வலக்ஷ்மணௌ ।
ப்ரதினந்த்³ய கதா²ம் வீராவூசதுர்முனிபுங்க³வம் ॥ 1 ॥
த⁴ர்மயுக்தமித³ம் ப்³ரஹ்மன் கதி²தம் பரமம் த்வயா ।
து³ஹிதுஶ்ஶைலராஜஸ்ய ஜ்யேஷ்டா²யா வக்துமர்ஹஸி ॥ 2 ॥
விஸ்தரம் விஸ்தரஜ்ஞோஸி தி³வ்யமானுஷஸம்ப⁴வம் ।
த்ரீன் பதோ² ஹேதுனா கேன ப்லாவயேல்லோகபாவனீ ॥ 3 ॥
கத²ம் க³ங்கா³ த்ரிபத²கா³ விஶ்ருதா ஸரிது³த்தமா ।
த்ரிஷு லோகேஷு த⁴ர்மஜ்ஞ கர்மபி⁴: கைஸ்ஸமன்விதா ॥ 4 ॥
ததா² ப்³ருவதி காகுத்ஸ்தே² விஶ்வாமித்ரஸ்தபோத⁴ன: ।
நிகி²லேன கதா²ம் ஸர்வாம்ருஷிமத்⁴யே ந்யவேத³யத் ॥ 5 ॥
புரா ராம க்ருதோத்³வாஹோ நீலகண்டோ² மஹாதபா: ।
த்³ருஷ்ட்வா ச ஸ்ப்ருஹயா தே³வீம் மைது²னாயோபசக்ரமே ॥ 6 ॥
ஶிதிகண்ட²ஸ்ய தே³வஸ்ய தி³வ்யம் வர்ஷஶதம் க³தம் ।
ந சாபி தனயோ ராம தஸ்யாமாஸீத் பரந்தப ॥ 7 ॥
ததோ தே³வாஸ்ஸமுத்³விக்³னா: பிதாமஹபுரோக³மா: ।
யதி³ஹோத்பத்³யதே பூ⁴தம் கஸ்தத்ப்ரதிஸஹிஷ்யதே ॥ 8 ॥
அபி⁴க³ம்ய ஸுராஸ்ஸர்வே ப்ரணிபத்யேத³மப்³ருவன் ।
தே³வ தே³வ மஹாதே³வ லோகஸ்யாஸ்ய ஹிதே ரத ॥ 9 ॥
ஸுராணாம் ப்ரணிபாதேன ப்ரஸாத³ம் கர்துமர்ஹஸி ।
ந லோகா தா⁴ரயிஷ்யந்தி தவ தேஜஸ்ஸுரோத்தம ॥ 1௦ ॥
ப்³ராஹ்மேண தபஸா யுக்தோ தே³வ்யா ஸஹ தபஶ்சர ।
த்ரைலோக்யஹிதகாமார்த²ம் தேஜஸ்தேஜஸி தா⁴ரய ॥ 11 ॥
தே³வதானாம் வசஶ்ஶ்ருத்வா ஸர்வலோகமஹேஶ்வர: ।
பா³ட⁴மித்யப்³ரவீத்ஸர்வான்புனஶ்சைவமுவாச ஹ ॥ 12 ॥
தா⁴ரயிஷ்யாம்யஹம் தேஜஸ்தேஜஸ்யேவ ஸஹோமயா ।
த்ரித³ஶா: ப்ருதி²வீ சைவ நிர்வாணமதி⁴க³ச்ச²து ॥ 13 ॥
யதி³த³ம் க்ஷுபி⁴தம் ஸ்தா²னான்மம தேஜோ ஹ்யனுத்தமம் ।
தா⁴ரயிஷ்யதி கஸ்தன்மே ப்³ருவந்து ஸுரஸத்தமா: ॥ 14 ॥
ஏவமுக்தாஸ்ஸுராஸ்ஸர்வே ப்ரத்யூசுர்வ்ருஷப⁴த்⁴வஜம் ।
யத்தேஜ: க்ஷுபி⁴தம் ஹ்யேதத்தத்³த⁴ரா தா⁴ரயிஷ்யதி ॥ 15 ॥
ஏவமுக்தஸ்ஸுரபதி: ப்ரமுமோச மஹீதலே ।
தேஜஸா ப்ருதி²வீ யேன வ்யாப்தா ஸகி³ரிகானநா ॥ 16 ॥
ததோ தே³வா: புனரித³மூசுஶ்சாத² ஹுதாஶனம் ।
ப்ரவிஶ த்வம் மஹாதேஜோ ரௌத்³ரம் வாயுஸமன்வித: ॥ 17 ॥
தத³க்³னினா புனர்வ்யாப்தம் ஸஞ்ஜாதஶ்ஶ்வேதபர்வத: ।
தி³வ்யம் ஶரவணம் சைவ பாவகாதி³த்யஸன்னிப⁴ம் ॥ 18 ॥
யத்ர ஜாதோ மஹாதேஜா: கார்திகேயோக்³னிஸம்ப⁴வ: ।
அதோ²மாம் ச ஶிவம் சைவ தே³வாஸ்ஸர்ஷிக³ணாஸ்ததா³ ।
பூஜயாமாஸுரத்யர்த²ம் ஸுப்ரீதமனஸஸ்தத: ॥ 19 ॥
அத² ஶைலஸுதா ராம த்ரித³ஶானித³மப்³ரவீத் ।
ஸமன்யுரஶபத்ஸர்வான் க்ரோத⁴ஸம்ரக்தலோசனா ॥ 2௦ ॥
யஸ்மான்னிவாரிதா சைவ ஸங்க³தி: புத்ரகாம்யயா ।
அபத்யம் ஸ்வேஷு தா³ரேஷு தஸ்மான்னோத்பாத³யிஷ்யத² ॥ 21 ॥
அத்³யப்ரப்⁴ருதி யுஷ்மாகமப்ரஜாஸ்ஸந்து பத்னய: ॥ 22 ॥
ஏவமுக்த்வாஸுரான் ஸர்வான் ஶஶாப ப்ருதி²வீமபி ।
அவனே நைகரூபா த்வம் ப³ஹுபா⁴ர்யா ப⁴விஷ்யஸி ॥ 23 ॥
ந ச புத்ரக்ருதாம் ப்ரீதிம் மத்க்ரோத⁴கலுஷீக்ருதா ।
ப்ராப்ஸ்யஸி த்வம் ஸுது³ர்மேதே⁴ மம புத்ரமனிச்ச²தீ ॥ 24 ॥
தான் ஸர்வான் வ்ரீடி³தான் த்³ருஷ்ட்வா ஸுரான்ஸுரபதிஸ்ததா³ ।
க³மனாயோபசக்ராம தி³ஶம் வருணபாலிதாம் ॥ 25 ॥
ஸ க³த்வா தப ஆதிஷ்ட²த்பார்ஶ்வே தஸ்யோத்தரே கி³ரௌ ।
ஹிமவத்ப்ரப⁴வே ஶ்ருங்கே³ ஸஹ தே³வ்யா மஹேஶ்வர: ॥ 26 ॥
ஏஷ தே விஸ்தரோ ராம ஶைலபுத்ர்யா நிவேதி³த: ।
க³ங்கா³யா: ப்ரப⁴வம் சைவ ஶ்ருணு மே ஸஹலக்ஷ்மண: ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஷட்த்ரிம்ஶஸ்ஸர்க:³ ॥
