ஶ்ரீமத்³வால்மீகீய ராமாயணே பா³லகாண்ட³ம் ।
அத² த்ரிசத்வாரிம்ஶஸ்ஸர்க:³ ।
தே³வதே³வே க³தே தஸ்மின் ஸோங்கு³ஷ்டா²க்³ரனிபீடி³தாம் ।
க்ருத்வா வஸுமதீம் ராம ஸம்வத்ஸரமுபாஸத ॥ 1 ॥
அத² ஸம்வத்ஸரே பூர்ணே ஸர்வலோகனமஸ்க்ருத: ।
உமாபதி: பஶுபதீ ராஜானமித³மப்³ரவீத் ॥ 2 ॥
ப்ரீதஸ்தேஹம் நரஶ்ரேஷ்ட² கரிஷ்யாமி தவ ப்ரியம் ।
ஶிரஸா தா⁴ரயிஷ்யாமி ஶைலராஜஸுதாமஹம் ॥ 3 ॥
ததோ ஹைமவதீ ஜ்யேஷ்டா² ஸர்வலோகனமஸ்க்ருதா ।
ததா³ ஸாதிமஹத்³ரூபம் க்ருத்வா வேக³ம் ச து³ஸ்ஸஹம் ॥ 4 ॥
ஆகாஶாத³பதத்³ராம ஶிவே ஶிவஶிரஸ்யுத ।
அசிந்தயச்ச ஸா தே³வீ க³ங்கா³ பரமது³ர்த⁴ரா ॥ 5 ॥
விஶாம்யஹம் ஹி பாதாலம் ஸ்ரோதஸா க்³ருஹ்ய ஶங்கரம் ।
தஸ்யாவலேபனம் ஜ்ஞாத்வா க்ருத்³த⁴ஸ்து ப⁴க³வான் ஹர: ॥ 6 ॥
திரோபா⁴வயிதும் பு³த்³தி⁴ம் சக்ரே த்ரினயனஸ்ததா³ ।
ஸா தஸ்மின் பதிதா புண்யா புண்யே ருத்³ரஸ்ய மூர்த⁴னி ॥ 7 ॥
ஹிமவத்ப்ரதிமே ராம ஜடாமண்ட³லக³ஹ்வரே ।
ஸா கத²ஞ்சின்மஹீம் க³ந்தும் நாஶக்னோத்³யத்னமாஸ்தி²தா ॥ 8 ॥
நைவ நிர்க³மனம் லேபே⁴ ஜடாமண்ட³லமோஹிதா ।
தத்ரைவாப³ம்ப்⁴ரமத்³தே³வீ ஸம்வத்ஸரக³ணான் ப³ஹூன் ॥ 9 ॥
தாமபஶ்யன்புனஸ்தத்ர தப: பரமமாஸ்தி²த: ।
அனேன தோஷிதஶ்சாபூ⁴த³த்யர்த²ம் ரகு⁴னந்த³ன ॥ 1௦ ॥
விஸஸர்ஜ ததோ க³ங்கா³ம் ஹரோ பி³ந்து³ஸர: ப்ரதி ।
தஸ்யாம் விஸ்ருஜ்யமானாயாம் ஸப்தஸ்ரோதாம்ஸி ஜஜ்ஞிரே ॥ 11 ॥
ஹ்லாதி³னீ பாவனீ சைவ நலினீ ச ததா²பரா ।
திஸ்ர: ப்ராசீம் தி³ஶம் ஜக்³மு: க³ங்கா³ஶ்ஶிவஜலாஶ்ஶுபா⁴: ॥ 12 ॥
ஸுசக்ஷுஶ்சைவ ஸீதா ச ஸிந்து⁴ஶ்சைவ மஹானதீ³ ।
திஸ்ரஸ்த்வேதா தி³ஶம் ஜக்³மு: ப்ரதீசீம் து ஶுபோ⁴த³கா: ॥ 13 ॥
ஸப்தமீ சான்வகா³த்தாஸாம் ப⁴கீ³ரத²மதோ² ந்ருபம் ।
ப⁴கீ³ரதோ²பி ராஜர்ஷிர்தி³வ்யம் ஸ்யந்த³னமாஸ்தி²த: ॥ 14 ॥
ப்ராயாத³க்³ரே மஹாதேஜா க³ங்கா³ தம் சாப்யனுவ்ரஜத் ।
க³க³னாச்ச²ங்கரஶிரஸ்ததோ த⁴ரணிமாஶ்ரிதா ॥ 15 ॥
வ்யஸர்பத ஜலம் தத்ர தீவ்ரஶப்³த³புரஸ்க்ருதம் ।
மத்ஸ்யகச்ச²பஸங்கை⁴ஶ்ச ஶிம்ஶுமாரக³ணைஸ்ததா³ ॥ 16 ॥
பதத்³பி⁴: பதிதைஶ்சான்யைர்வ்யரோசத வஸுந்த⁴ரா ।
ததோ தே³வர்ஷிக³ந்த⁴ர்வா யக்ஷஸித்³த⁴க³ணாஸ்ததா³ ॥ 17 ॥
வ்யலோகயந்த தே தத்ர க³க³னாத்³கா³ம் க³தாம் ததா² ।
விமானைர்னக³ராகாரைர்ஹயைர்கஜ³வரைஸ்ததா³ ॥ 18 ॥
பாரிப்லவக³தைஶ்சாபி தே³வதாஸ்தத்ர விஷ்டி²தா: ।
தத³த்³பு⁴ததமம் லோகே க³ங்கா³பதனமுத்தமம் ॥ 19 ॥
தி³த்³ருக்ஷவோ தே³வக³ணா: ஸமீயுரமிதௌஜஸ: ।
ஸம்பதத்³பி⁴ஸ்ஸுரக³ணைஸ்தேஷாம் சாப⁴ரணௌஜஸா ॥ 2௦ ॥
ஶதாதி³த்யமிவாபா⁴தி க³க³னம் க³ததோயத³ம் ।
ஶிம்ஶுமாரோரக³க³ணைர்மீனைரபி ச சஞ்சலை: ॥ 21 ॥
வித்³யுத்³பி⁴ரிவ விக்ஷிப்தமாகாஶமப⁴வத்ததா³ ।
பாண்ட³ரைஸ்ஸலிலோத்பீடை³: கீர்யமாணைஸ்ஸஹஸ்ரதா⁴ ॥ 22 ॥
ஶாரதா³ப்⁴ரைரிவாகீர்ணம் க³க³னம் ஹம்ஸஸம்ப்லவை: ।
க்வசித்³த்³ருததரம் யாதி குடிலம் க்வசிதா³யதம் ॥ 23 ॥
வினதம் க்வசிது³த்³தூ⁴தம் க்வசித்³யாதி ஶனைஶ்ஶனை: ।
ஸலிலேனைவ ஸலிலம் க்வசித³ப்⁴யாஹதம் புன: ॥ 24 ॥
முஹுரூர்த்⁴வமுக²ம் க³த்வா பபாத வஸுதா⁴தலம் ।
தச்ச²ங்கரஶிரோப்⁴ரஷ்டம் ப்⁴ரஷ்டம் பூ⁴மிதலே புன: ॥ 25 ॥
வ்யரோசத ததா³ தோயம் நிர்மலம் க³தகல்மஷம் ।
தத்ர தே³வர்ஷிக³ந்த⁴ர்வா வஸுதா⁴தலவாஸின: ॥ 26 ॥
ப⁴வாங்க³பதிதம் தோயம் பவித்ரமிதி பஸ்ப்ருஶு: ।
ஶாபாத்ப்ரபதிதா யே ச க³க³னாத்³வஸுதா⁴தலம் ॥ 27 ॥
க்ருத்வா தத்ராபி⁴ஷேகம் தே ப³பூ⁴வுர்க³தகல்மஷா: ।
தூ⁴தபாபா: புனஸ்தேன தோயேனாத² ஸுபா⁴ஸ்வதா ॥ 28 ॥
புனராகாஶமாவிஶ்ய ஸ்வான் லோகான் ப்ரதிபேதி³ரே ।
முமுதே³ முதி³தோ லோகஸ்தேன தோயேன பா⁴ஸ்வதா ॥ 29 ॥
க்ருதாபி⁴ஷேகோ க³ங்கா³யாம் ப³பூ⁴வ விக³தக்லம: ।
ப⁴கீ³ரதோ²பி ராஜார்ஷிர்தி³வ்யம் ஸ்யந்த³னமாஸ்தி²த: ।
ப்ராயாத³க்³ரே மஹாதேஜாஸ்தம் க³ங்கா³ ப்ருஷ்ட²தோன்வகா³த் ॥ 3௦ ॥
தே³வாஸ்ஸர்ஷிக³ணா: ஸர்வே தை³த்யதா³னவராக்ஷஸா: ॥ 31 ॥
க³ந்த⁴ர்வயக்ஷப்ரவராஸ்ஸகின்னரமஹோரகா³: ।
ஸர்வாஶ்சாப்ஸரஸோ ராம ப⁴கீ³ரத²ரதா²னுகா³ம் ॥ 32 ॥
க³ங்கா³மன்வக³மன் ப்ரீதாஸ்ஸர்வே ஜலசராஶ்ச யே ।
யதோ ப⁴கீ³ரதோ² ராஜா ததோ க³ங்கா³யஶஸ்வினீ ॥ 33 ॥
ஜகா³ம ஸரிதாம் ஶ்ரேஷ்டா² ஸர்வபாபப்ரணாஶினீ ।
ததோ ஹி யஜமானஸ்ய ஜஹ்னோரத்³பு⁴தகர்மண: ॥ 34 ॥
க³ங்கா³ ஸம்ப்லாவயாமாஸ யஜ்ஞவாடம் மஹாத்மன: ।
தஸ்யாவலேபனம் ஜ்ஞாத்வா க்ருத்³தோ⁴ யஜ்வா து ராக⁴வ ॥ 35 ॥
அபிப³ச்ச ஜலம் ஸர்வம் க³ங்கா³யா: பரமாத்³பு⁴தம் ।
ததோ தே³வாஸ்ஸக³ந்த⁴ர்வா ருஷயஶ்ச ஸுவிஸ்மிதா: ॥ 36 ॥
பூஜயந்தி மஹாத்மானம் ஜஹ்னும் புருஷஸத்தமம் ।
க³ங்கா³ம் சாபி நயந்தி ஸ்ம து³ஹித்ருத்வே மஹாத்மன: ॥ 37 ॥
ததஸ்துஷ்டோ மஹாதேஜாஶ்ஶ்ரோத்ராப்⁴யாமஸ்ருஜத் புன: ॥ 38 ॥
தஸ்மாஜ்ஜஹ்னுஸுதா க³ங்கா³ ப்ரோச்யதே ஜாஹ்னவீதிச ।
ஜகா³ம ச புனர்க³ங்கா³ ப⁴கீ³ரத²ரதா²னுகா³ ।
ஸாக³ரம் சாபி ஸம்ப்ராப்தா ஸா ஸரித்ப்ரவரா ததா³ ॥ 39 ॥
ரஸாதலமுபாக³ச்ச²த்ஸித்³த்⁴யர்த²ம் தஸ்ய கர்மண: ।
ப⁴கீ³ரதோ²பி ராஜர்ஷி: க³ங்கா³மாதா³ய யத்னத: ।
பிதாமஹான் ப⁴ஸ்மக்ருதானபஶ்யத்³தீ³னசேதன: ॥ 4௦ ॥
அத² தத்³ப⁴ஸ்மனாம் ராஶிம் க³ங்கா³ஸலிலமுத்தமம் ।
ப்லாவயத்³தூ⁴தபாப்மானஸ்ஸ்வர்க³ம் ப்ராப்தா ரகூ⁴த்தம ॥ 41 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்ரிசத்வாரிம்ஶஸ்ஸர்க:³ ॥
