ஶ்ரீமத்³வால்மீகீய ராமாயணே பா³லகாண்ட³ம் ।
அத² சது:பஞ்சாஶஸ்ஸர்க:³ ।
காமதே⁴னும் வஸிஷ்டோ²பி யதா³ ந த்யஜ்யதே முனி: ।
ததா³ஸ்ய ஶப³லாம் ராம விஶ்வாமித்ரோன்வகர்ஷத ॥ 1 ॥
நீயமானா து ஶப³லா ராம ராஜ்ஞா மஹாத்மனா ।
து³:கி²தா சிந்தயாமாஸ ருத³ந்தீ ஶோககர்ஶிதா ॥ 2 ॥
பரித்யக்தா வஸிஷ்டே²ன கிமஹம் ஸுமஹாத்மனா ।
யாஹம் ராஜப⁴டைர்தீ³னா ஹ்ரியேய ப்⁴ருஶது³:கி²தா ॥ 3 ॥
கிம் மயாபக்ருதம் தஸ்ய மஹர்ஷேர்பா⁴விதாத்மன: ।
யன்மாமனாக³ஸம் ப⁴க்தாமிஷ்டாம் த்யஜதி தா⁴ர்மிக: ॥ 4 ॥
இதி ஸா சிந்தயித்வா து வினிஶ்ஶ்வஸ்ய புன:புன: ।
நிர்தூ⁴ய தாம்ஸ்ததா³ ப்⁴ருத்யான் ஶதஶஶ்ஶத்ருஸூத³ன ।
ஜகா³மானிலவேகே³ன பாத³மூலம் மஹாத்மன: ॥ 5 ॥
ஶப³லா ஸா ருத³ந்தீ ச க்ரோஶந்தீ சேத³மப்³ரவீத் ।
வஸிஷ்ட²ஸ்யாக்³ரதஸ்ஸ்தி²த்வா மேக⁴து³ந்து³பி⁴ராவிணீ ॥ 6 ॥
ப⁴க³வன் கிம் பரித்யக்தா த்வயாஹம் ப்³ரஹ்மணஸ்ஸுத ।
யஸ்மாத்³ராஜப்⁴ருதா மாம் ஹி நயந்தே த்வத்ஸகாஶத: ॥ 7 ॥
ஏவமுக்தஸ்து ப்³ரஹ்மர்ஷிரித³ம் வசனமப்³ரவீத் ।
ஶோகஸந்தப்தஹ்ருத³யாம் ஸ்வஸாரமிவ து³:கி²தாம் ॥ 8 ॥
ந த்வாம் த்யஜாமி ஶப³லே நாபி மேபக்ருதம் த்வயா ।
ஏஷ த்வாம் நயதே ராஜா ப³லோன்மத்தோ மஹாப³ல: ॥ 9 ॥
ந ஹி துல்யம் ப³லம் மஹ்யம் ராஜா த்வத்³ய விஶேஷத: ।
ப³லீ ராஜா க்ஷத்ரியஶ்ச ப்ருதி²வ்யா: பதிரேவ ச ॥ 1௦ ॥
இயமக்ஷௌஹிணீ பூர்ணா ஸவாஜிரத²ஸங்குலா ।
ஹஸ்தித்⁴வஜஸமாகீர்ணா தேனாஸௌ ப³லவத்தர: ॥ 11 ॥
ஏவமுக்தா வஸிஷ்டே²ன ப்ரத்யுவாச வினீதவத் ।
வசனம் வசனஜ்ஞா ஸா ப்³ரஹ்மர்ஷிமமிதப்ரப⁴ம் ॥ 12 ॥
ந ப³லம் க்ஷத்ரியஸ்யாஹுர்ப்³ராஹ்மணோ ப³லவத்தர: ।
ப்³ரஹ்மன் ப்³ரஹ்மப³லம் தி³வ்யம் க்ஷத்ராத்து ப³லவத்தரம் ॥ 13 ॥
அப்ரமேயப³லம் துப்⁴யம் ந த்வயா ப³லவத்தர: ।
விஶ்வாமித்ரோ மஹாவீர்யஸ்தேஜ ஸ்தவ து³ராஸத³ம் ॥ 14 ॥
நியுங்க்ஷ்வ மாம் மஹாபா⁴க³ த்வத்³ப்³ரஹ்மப³லஸம்ப்⁴ருதாம் ।
தஸ்ய த³ர்பப³லம் யத்தன்னாஶயாமி து³ராத்மன: ॥ 15 ॥
இத்யுக்தஸ்து தயா ராம வஸிஷ்ட² ஸ்ஸுமஹாயஶா: ।
ஸ்ருஜஸ்வேதி ததோ³வாச ப³லம் பரப³லார்த³னம் ॥ 16 ॥
தஸ்ய தத்³வசனம் ஶ்ருத்வா ஸுரபி⁴ஸ்ஸாஸ்ருஜத்ததா³ ॥ 17 ॥
தஸ்யா ஹும்பா⁴ரவோத்ஸ்ருஷ்டா: பப்லவாஶ்ஶதஶோ ந்ருப ।
நாஶயந்தி ப³லம் ஸர்வம் விஶ்வாமித்ரஸ்ய பஶ்யத: ॥ 18 ॥
ப³லம் ப⁴க்³னம் ததோ த்³ருஷ்ட்வா ரதே²னாக்ரம்ய கௌஶிக: ।
ஸ ராஜா பரமக்ருத்³தோ⁴ ரோஷவிஸ்பா²ரிதேக்ஷண: ।
பப்லவான்னாஶயாமாஸ ஶஸ்த்ரைருச்சாவசைரபி ॥ 19 ॥
விஶ்வாமித்ரார்தி³தான் த்³ருஷ்ட்வா பப்லவாஞ்ச²தஶஸ்ததா³ ।
பூ⁴ய ஏவாஸ்ருஜத்கோபாச்ச²கான் யவனமிஶ்ரிதான் ॥ 2௦ ॥
தைராஸீத் ஸம்வ்ருதா பூ⁴மி ஶ்ஶகைர்யவனமிஶ்ரிதை: ।
ப்ரபா⁴வத்³பி⁴ர்மஹாவீர்யைர்ஹேமகிஞ்ஜல்கஸன்னிபை⁴: ॥ 21 ॥
தீ³ர்கா⁴ஸிபட்டிஶத⁴ரை:மவர்ணாம்ப³ராவ்ருதை: ।
நிர்த³க்³த⁴ம் தத்³ப³லம் ஸர்வம் ப்ரதீ³ப்தைரிவ பாவகை: ॥ 22 ॥
ததோஸ்த்ராணி மஹாதேஜா விஶ்வாமித்ரோ முமோச ஹ ।
தைஸ்தைர்யவனகாம்போ⁴ஜா: பப்லவாஶ்சாகுலீக்ருதா: ॥ 23 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ சது:பஞ்சாஶஸ்ஸர்க:³ ॥
