শ্রীমদ্বাল্মীকীয় রামাযণে বালকাংডম্ ।
অথ চতুঃপংচাশস্সর্গঃ ।
কামধেনুং বসিষ্ঠোঽপি যদা ন ত্যজ্যতে মুনিঃ ।
তদাস্য় শবলাং রাম বিশ্বামিত্রোঽন্বকর্ষত ॥ 1 ॥
নীযমানা তু শবলা রাম রাজ্ঞা মহাত্মনা ।
দুঃখিতা চিংতয়ামাস রুদংতী শোককর্শিতা ॥ 2 ॥
পরিত্যক্তা বসিষ্ঠেন কিমহং সুমহাত্মনা ।
যাহং রাজভটৈর্দীনা হ্রিয়েয় ভৃশদুঃখিতা ॥ 3 ॥
কিং ময়াঽপকৃতং তস্য় মহর্ষের্ভাবিতাত্মনঃ ।
যন্মামনাগসং ভক্তামিষ্টাং ত্যজতি ধার্মিকঃ ॥ 4 ॥
ইতি সা চিংতয়িত্বা তু বিনিশ্শ্বস্য় পুনঃপুনঃ ।
নির্ধূয় তাংস্তদা ভৃত্য়ান্ শতশশ্শত্রুসূদন ।
জগামানিলবেগেন পাদমূলং মহাত্মনঃ ॥ 5 ॥
শবলা সা রুদংতী চ ক্রোশংতী চেদমব্রবীত্ ।
বসিষ্ঠস্য়াগ্রতস্স্থিত্বা মেঘদুংদুভিরাবিণী ॥ 6 ॥
ভগবন্ কিং পরিত্যক্তা ত্বয়াঽহং ব্রহ্মণস্সুত ।
যস্মাদ্রাজভৃতা মাং হি নয়ংতে ত্বত্সকাশতঃ ॥ 7 ॥
এবমুক্তস্তু ব্রহ্মর্ষিরিদং বচনমব্রবীত্ ।
শোকসংতপ্তহৃদয়াং স্বসারমিব দুঃখিতাম্ ॥ 8 ॥
ন ত্বাং ত্যজামি শবলে নাপি মেঽপকৃতং ত্বয়া ।
এষ ত্বাং নযতে রাজা বলোন্মত্তো মহাবলঃ ॥ 9 ॥
ন হি তুল্য়ং বলং মহ্য়ং রাজা ত্বদ্য় বিশেষতঃ ।
বলী রাজা ক্ষত্রিযশ্চ পৃথিব্য়াঃ পতিরেব চ ॥ 10 ॥
ইযমক্ষৌহিণী পূর্ণা সবাজিরথসংকুলা ।
হস্তিধ্বজসমাকীর্ণা তেনাসৌ বলবত্তরঃ ॥ 11 ॥
এবমুক্তা বসিষ্ঠেন প্রত্য়ুবাচ বিনীতবত্ ।
বচনং বচনজ্ঞা সা ব্রহ্মর্ষিমমিতপ্রভম্ ॥ 12 ॥
ন বলং ক্ষত্রিযস্য়াহুর্ব্রাহ্মণো বলবত্তরঃ ।
ব্রহ্মন্ ব্রহ্মবলং দিব্য়ং ক্ষত্রাত্তু বলবত্তরম্ ॥ 13 ॥
অপ্রমেযবলং তুভ্য়ং ন ত্বয়া বলবত্তরঃ ।
বিশ্বামিত্রো মহাবীর্যস্তেজ স্তব দুরাসদম্ ॥ 14 ॥
নিয়ুংক্ষ্ব মাং মহাভাগ ত্বদ্ব্রহ্মবলসংভৃতাম্ ।
তস্য় দর্পবলং যত্তন্নাশয়ামি দুরাত্মনঃ ॥ 15 ॥
ইত্য়ুক্তস্তু তয়া রাম বসিষ্ঠ স্সুমহাযশাঃ ।
সৃজস্বেতি তদোবাচ বলং পরবলার্দনম্ ॥ 16 ॥
তস্য় তদ্বচনং শ্রুত্বা সুরভিস্সাঽসৃজত্তদা ॥ 17 ॥
তস্য়া হুংভারবোত্সৃষ্টাঃ পপ্লবাশ্শতশো নৃপ ।
নাশয়ংতি বলং সর্বং বিশ্বামিত্রস্য় পশ্যতঃ ॥ 18 ॥
বলং ভগ্নং ততো দৃষ্ট্বা রথেনাক্রম্য় কৌশিকঃ ।
স রাজা পরমক্রুদ্ধো রোষবিস্ফারিতেক্ষণঃ ।
পপ্লবান্নাশয়ামাস শস্ত্রৈরুচ্চাবচৈরপি ॥ 19 ॥
বিশ্বামিত্রার্দিতান্ দৃষ্ট্বা পপ্লবাংছতশস্তদা ।
ভূয় এবাসৃজত্কোপাচ্ছকান্ যবনমিশ্রিতান্ ॥ 20 ॥
তৈরাসীত্ সংবৃতা ভূমি শ্শকৈর্যবনমিশ্রিতৈঃ ।
প্রভাবদ্ভির্মহাবীর্য়ৈর্হেমকিংজল্কসন্নিভৈঃ ॥ 21 ॥
দীর্ঘাসিপট্টিশধরৈঃমবর্ণাংবরাবৃতৈঃ ।
নির্দগ্ধং তদ্বলং সর্বং প্রদীপ্তৈরিব পাবকৈঃ ॥ 22 ॥
ততোঽস্ত্রাণি মহাতেজা বিশ্বামিত্রো মুমোচ হ ।
তৈস্তৈর্যবনকাংভোজাঃ পপ্লবাশ্চাকুলীকৃতাঃ ॥ 23 ॥
ইত্য়ার্ষে শ্রীমদ্রামাযণে বাল্মীকীয় আদিকাব্য়ে বালকাংডে চতুঃপংচাশস্সর্গঃ ॥
